«Ким - «Қул ҳуваллоҳу аҳад»ни ҳар куни эллик марта ўқиса, қиёмат куни: «Тур, эй Аллоҳни мақтовчи! Жаннатга кир!» дейилади».
    Тобароний Жобир ибн Абдуллоҳдан ривоят қилган.

«Бир киши Набий соллаллоҳу алайҳи васалламнинг ҳузурларига келиб, камбағаллиги ва ночорлигидан шикоят қилди.
Шунда Расулуллоҳ соллаллоҳу алайҳи васаллам унга:
«Қачон манзилингга кирсанг, одам бўлса-бўлмаса, салом бергин, сўнг менга салом йўллагин ва
«Қул ҳуваллоҳу аҳад»ни бир марта ўқигин», дедилар.
Ҳалиги киши шундай қилди. Натижада Аллоҳ таоло унга шу даражада ризқ бердики, ҳатто қўшниларию қариндошларига ҳам мўл-кўл ёғдирди» 
   Ҳофиз Абу Мусо Мадиний Саҳл ибн Саъддан ривоят қилган.
   «Ким вафот билан ниҳоя топадиган касаллигида «Қул ҳуваллоҳу аҳад»ни ўқиса, қабрида фитналанмайди, қабр сиқишидан омонда бўлади ва фаришталар унинг қўлидан тутиб, сирот кўпригидан жаннатга олиб ўтадилар»

   Тобароний ва Абу Нуъайм Абдуллоҳ ибн Шиххирдан ривоят қилганлар.

#Тафаккур


Kanal:
T.me/sinovlarihayot

Сиз ҳеч Аллоҳ билан жаннатда қўшни бўлишни истаганмисиз ёки, ўйлаб кўрганмисиз?

(Аллохим мени,ота оналаримни ва яқинларимни ва биродарларимни ўзиинга қўшни қилгинг Амиин Ё Зал Жалоли вал Икром !!!??

Ибн Касир -роҳимаҳуллоҳ- нинг "Бидоя ва Ниҳоя" китобида Табароний Ҳусайн р.а дан ривоят қилган асар келади:

«Қиёмат куни бўлганида, бир нидо қилувчи "Фазл аҳли ўрнидан турсинлар..!" дея нидо қилади. Инсонлардан бир тоифаси ўрниларидан турадилар. Уларга - "Жаннатга марҳамат қилинглар!" дейилади. Сўнг уларга (бошқа) фаришталар йўлиқади ва "Қаерга кетябсизлар?" деб сўрйдилар. (шу орада, фазл аҳли билан фаришталар орасида суҳбат бўлади)
-Улар: Жаннатга!
-Фаришталар: Ҳисоб-китобсиз-а?!
-Улар: Ҳа!
- Фаришталар: Сизлар ким эдингиз?
-Улар: Биз фазл аҳлллари эдик!
-Фаришталар: Фазилатингиз нимада эди?
-Улар: Агар, бизга жоҳиллик қилинса, биз ҳалимлик қилар эдик. Агар, зулмлансак, сабр қилар эдик. Бизга ёмонлик қилинса, кечирар эдик!
-Фаришталар: Марҳамат киринглар жаннатга! Солиҳ амал қилган кишиларнинг ажри нақадар яхши-я..!!! - дейдилар.
Сўнг, бир нидо қилувчи "Сабр аҳли турсинлар..!" деб нидо қилади. Инсонлардан бир тоифаси ўрниларидан турадилар. Уларга "Жаннатга кўтарилинглар!" дейилади. (Йўлда) фаришталар йўлиқади ва "АҳлиФазл"ларга йўлланган саволлар билан мурожаат қиладилар.
-Улар: Биз сабр аҳлимиз! (дейдилар)
-Фаришталар: Нималарда сабрли эдингиз?
-Улар: Биз Аллоҳга тоат-ибодатда сабр қилдик. Маъсиятлардан тийилишга сабрли бўлдик. Синовларга сабрли бўлдик! - дейдилар.
-Фаришталар: Яхши амал қилувчиларнинг ажри нақадар гўзал!!! Киринглар жаннатга - дейдилар.
Сўнг, бир нидо қилувчи "Аллоҳнинг қўшнилари ўрнидан турсинлар..!" дея нидо қилади. Одамлардан озгинаси туради. Уларга "Жаннатга кўтарилинглар" дейилади. (Йўлда) Фаришталарга йўлиқадилар ва "Аҳли фазл" , "Аҳли сабр" ларга берган саволларни йўллаб - Қандай қилиб Аллоҳга қўшни бўлиш шарафига муяссар бўлдингиз?! - деб сўрайдилар.
-Улар: Биз, бир-биримизни Аллоҳ учун зиёрат қилар эдик, Аллоҳ учун мажлис қилар эдик ва Аллоҳ учун (ҳадиялар) улашар эдик! (деб жавоб қиладилар)
- Фаришталар: Яхши амаллар қилувчиларнинг ажри нақадар гўзал!!! Марҳамат, киринглар жаннатга - дейдилар»

Аллоҳ учун дўстингиз бўлса, демак сиз дунё-охират ютуғига эришибсиз. Дунёда яхшиликларга чорлаб, охиратда қўлингиздан тутиб жаннатга етаклайди. Қиёматда Пайғамбарлар, Шаҳидлар, Сиддиқларни ҳавасини келдириб, нурдан бўлган минбарларда савлат тўкурсиз!

Бошқаларга ҳам юборинг!
Улашувчи ҳам амал қилганлик савобини олади,
Ин Ша Аллоҳ!
Аллох учун эринманг!!!
#кўчирилган

Kanal:
T.me/sinovlarihayot

Муҳаддис Аъмаш раҳимаҳуллоҳ олдиларида толиблари жуда кўпайиб кетгач, баъзилар у кишига “буларни кўплигини қаранг ! “ деди.

Шунда Аъмаш айтдилар:

“Буларни кўплиги сени ажаблантирмасин. Буларнинг учдан бири ўлиб кетади. Яна учдан бири тирикчиликка ўтиб кетади. Қолган учдан биридан ҳам ҳар юз кишидан бир донаси ютиб чиқади..“

(Ал-жаме-ли-ахлақур-ровий )

***

Ўша охирги бир киши бўлиб қолишга харакат қилайлик биродарлар.

#толибларга_насиҳат

T.me/sinovlarihayot

Сиз севгини кўрмаётган бўлсангиз, ҳис қилмаётган бўлсангиз бу - ҳаётингизда севги йўқ дегани эмас...

Эрталаб ўйғонганингизда ўйлаган ўйингиз севги...
Юзингизни силаб ўтган шаббода севги...
Сизга бақираётган яқинингиз аслида сени яхши кўраман деяпти...

Ишга кеч қолаётганингиз севги...
Муаммоларингизни борлиги севги...
Пулингизни камлиги аслида севги...

Сиз истаган нарсага эришолмаганингиз севги... Ҳатто чуқур тушкунликда бўлсангиз ҳам... бу катта Севги...
Энсангиз қотяптими?...
Аслида Борлиқ сизга асл севгини кўрсатиш учун биздан биз истаган, биз ҳаётимиз мазмуни деб ўйлаган инсонларни, нарсаларни олиб, бизга ўзингга қайт, ўзингни сев, сен ахтариб юрган севги атрофда эмас, ичингда деяётган бўлади!

Ишонинг, азизим сиз қанча қидирманг, севгини тополмайсиз атрофдан!
Сиз ўзингиздан, ўзлигингиздан узоқлашдингизми, сизни қалб йўлингизга қайтариш учун муаммолар,касалликларомадсизликлар берилаверади.
Хаммаси сиз ўзингизга қайтишингиз учун!!!
Айтинг энди, бу аслида Севги эмасми?
Севги!

https://t.me/sinovlarihayot

#ривоят.

Қадимда бир аёлнинг иккита кўзаси бор экан. Уларнинг бирини чети ёрилган, бирини эса ҳамма жойи бутун экан.

Аёл ҳар куни шу икки кўзасида уйига сув ташир ва уйига етиб келгунича ёриқ кўзадаги сувнинг ярми йўлга оқиб кетаркан.

Ёриқ кўза сувни тўлиқ олиб келолмаганига жуда хижолат бўларкан.

Бутун кўза эса ўз ишидан - сувни ҳеч қаерга тўкмай келтирганидан мағрурланаркан.

Бир куни ёриқ кўза ўз хижолатчилигини аёлга билдирибди.

Шунда аёл жилмайганча жавоб берибди:

- Сен хижолат бўлма! Ҳатто шу нуқсонингни ҳам ким учундир бир ҳайри борлигини унутма!

Эътибор бер, йўлакнинг сен келадиган томонида майса ва гуллар бир қатор бўлиб униб чиққан.

Бошқа томони эса қуп-қуруқ...

Ҳар сафар шу йўлакдан юрганимда сенинг сувинг томчиб унган гулларни кўриб кўзим қувонади, кўнглим кўтарилади...

Уйимга териб келтираман, хонам ва йўлим безаги улар...

Сен шундай бўлмаганингда менда бу қувонч бўлмасди...

Қиссадан ҳисса шуки бироз ўйласак, биз ёмон деб ўйлаган нарсалар ортида ҳам қандайдир ҳикмат борлигини биламиз...

Фикр қилиш инсонгагина ҳос, ўйланг-ҳикматини топасиз!

🌙•🌹АЛБАТТА ЎЗ ЯҚИНЛАРИНГИЗГА ҲАМ ТАРҚАТИНГ!!🌹•🌙

•┈┈┈┈•❈••✾••❈•┈┈┈┈•


T.me/sinovlarihayot

Онамнинг исми Эргашхон эди, лекин ҳужжатларда Хосиятхон ёзиларди. Шу тарзда 74 йил яшадилар. Дадам ўтганларидан кейин бир ҳақиқатни билиб қолдим ва юрагим ҳайратдан увушиб кетди – “Хосиятхон” онамнинг кундошини исми экан.

У киши фарзанд кўриб қазо қилган, дадамнинг иккинчи турмуши бўлган онам эса ўша аёлнинг паспорти билан юраверибдилар. Бундан хабар топгач, онамга дедим:
– Ойижон, нега ундай қилдингиз? Бир умр бировнинг исми билан ўтибсиз-а?

Шунда онам:
– Ҳай-ҳай, ундай дема, болам! Ўзи ўлиб кетибди, номи ҳам ўчиб кетсинми? – деб узоқ жим турдилар-да, секин қўшиб қўйдилар: – Дадангни кўнгли учун шундай қилдим, болам, нима бўлганда ҳам кўз очиб кўргани-да!..

©Турсуной Содиқова

«Эр ризоси ила аёл жаннатга кирур»дейилгани шу бўлса керак.

🌙•🌹АЛБАТТА ЎЗ ЯҚИНЛАРИНГИЗГА ҲАМ ТАРҚАТИНГ!!🌹•🌙

•┈┈┈┈•❈••✾••❈•┈┈┈┈•

T.me/sinovlarihayot

УНУТМА✅

Аллоҳга қасамки, аёлларни хўрлаган халқ ҳеч қачон ғолиб бўлмайди.☝️

Унутма! Сен ва бошқалар тамонидан Камситилган, хўрланган аёлинг, сенга камситилган, хўрланган фарзанд туғиб беради, ҳолос.

УНУТМА☝️
Эртадан кечгача уришган, асаб толаларини тугатган аёлинг ҳеч нарсага ярамаган бир бола тарбиялашдан бошқасига ярамайди.

УНУТМА! ☝️
Ҳурмат қилмаган онанг ҳеч қачон сени ғалабага эришишинг учун дуо қилмайди.

УНУТМА☝️
Билим олишдан ман қилган қизинг бу умматнинг фойдасиз одамларидан бири бўлади.

УНУТМА☝️

Аёлларга яхши муомала қилинглар, сабаби улар мустаҳкам бинонинг пойдеворидир. Улар жамиятнинг тикланиш манбаидир.

Кимнидир аёлига, қизига
Гапиришдан олдин опангиз синглингизни кўз олдингиздан ўтказинг.
Кейин гапиринг. Олдин пичоқни ўзингизга уринг, оғримаса кейин бировга.

Аёлингизни қизғонинг.Қизингизни ҳимоя қилинг.Опангизни онангиздек кўринг. Онангизни пойидаги гардни кўзингизга суртинг. Борида қадрланг, қадрига етинг.

🌙•🌹АЛБАТТА ЎЗ ЯҚИНЛАРИНГИЗГА ҲАМ ТАРҚАТИНГ!!🌹•🌙

•┈┈┈┈•❈••✾••❈•┈┈┈┈

T.me/sinovlarihayot

РЎМОЛЧАДАГИ ҚУРУТ.

Болалагимда онам билан автобусда қаергадир сафарга чиққанимизда кўнглим айниб қайт қилдим. Шунда йўловчи аёллардан бири менга бир дона қурут бериб: “Мана шуни шимиб юрсанг, кўнглинг кўтарилмайди”, деди. Ҳақиқатдан ҳам қурутни шимишим билан кўнглимдаги беҳузурлик босилди. Шу-шу онам ёнида қурут олиб юрадиган бўлди. Қачон сафарга чиқмоқчи бўлсам ёки сафардан келсам, албатта менга бир неча дона қурут тутқазарди. Онам қурутни рўмолчага тугиб, билагига боғлаб оларди.
Дафн маросими ўтказилган кун кечаси тушимга онам кирди. У бошимни силаб, пешонамга қўлини қўйганча мени эркалаб: “Чарчаган кўринасан, озгина иситманг ҳам бор. Мана бу қурутларни оғзингга солиб ол, бироз дармон бўлади”, дермиш…
Нимадандир кўнглим ғаш, ниманидир йўқотгандек карахт юрганлигимнинг боисини энди тушунгандек бўлдим.
– Келинойи, онамнинг билагида ҳамиша рўмолча боғланган бўларди. Мабодо шуни кўрмадингизми.
– Вой эсим қурсин-а, онамнинг рўмолчасини бекитиб қўювдим, ҳозир олиб чиқиб бераман, – янгам уйдан шошиб-пишиб рўмолчани олиб чиқди.
Воажаб, кечаси тушимда кўрган рўмолчанинг ўзи-ку бу! Унинг бир учига ёнғоқдек-ёнғоқдек қурут доначалари тугилган эди…

​​​┄┅┅•🌸•═•⊰🌼⊱•═•🌸•┅┅┄

T.me/sinovlarihayot

Хайвонларнинг тилини тушунган Хазрати Сулаймон алайхиссалом хузурларига келган киши ёлвориб:
- Эй Аллохнинг Набийси, менга хайвонлар тилини ўргатинг.
Мен уларни нималар хақида сўзлашишларини билишни истайман, - деди.
- Йўқ, сен уларнинг сўзларига сабр қила олмайсан, хикматини тушунмайсан, дедилар.
Аммо киши илтимос қилиб сўрайвергач Сулаймон алайхиссалом унга хайвонлар тилини ўргатдилар.
Мамнун холда уйига келган киши хўроз билан кўппакнинг сўзлашишига қулоқ тутди. Ит ёнидаги хўрозга дерди:
- Хўроз, дўстим, сен арпа ва буғдойга қорнинг туяди. Ер титсанг сенга емиш кўп, менинг эса қорним жуда очиб кетади. Шу овқат қолдиқларини қолдирсанг бўларди. Хўроз эса:
- Сабр қил, эртага бу ерга хўжайиннинг ўлган эшагини олиб келадилар. Тўйганингча гўшт ейсан. Киши бу гапларни эшитгач, шошганича эшакни олиб бозорга олиб бориб сотди.
Ўз ўзидан хурсанд бўлиб:
- Яхшиямки хайвонлар тилини тушунаман, бир балодан омонда қолдим, - деган хаёллар билан уйга қайтди.
Эртаси куни яна хўроз билан итни сўзлашувига қулоқ солди.
Ит хўрозга таъна қиларди:
- Қани хўжайиннинг эшаги ўлади тўйиб гўшт ейсан дегандинг?
Хўроз жавоб берди:
- Хўжайиннинг эшаги уни сотиб олган бечора кишининг қўлида ўлди. Хўжайин очкўзлик қилиб уни сотганди. Аммо хафа бўлма, бу сафар хўжайиннинг оти ўлади. Шунда кўп гўшт ейсан, қорнингни тўйдирасан. Киши яна шошганича отини етаклаб бозорга йўл олди.
Уни сотиб қайтар экан яна ўша фикрлар хаёлидан ўтарди:
“Яхшиямки хайвонлар тилини биламан . . .”. Эртаси куни яна мароқли сўзлашувнинг гувохи бўлади. Бу сафар кучук хўрозга қаттиқроқ овоз билан таъна қиларди.
- Хўроз, сен мени яна алдадинг. Қани хўжайиннинг оти ўлади дегандинг? - Хўжайиннинг оти уни сотиб олган бечоранинг қўлида ўлди.
- Хафа бўлма, бу сафар ундан хам каттароқ зиёфат мехмони бўламиз.
Бу сўзларга кучук ишонқирамай:
- Яна менга ёлғон гапираяпсан. Аммо хўроз:
- Йўқ, бу гал ёлғон йўқ. Бу галгиси қатъий. Чунки, бу сафар хўжайиннинг ўзи вафот этади.
Молига келиши керак бўлган бу бало энди ўзининг бошига келади. Унинг ортидан маъракалар қилиниб, ошлар пиширилади, ортганини бизга тўкишади. Бу сўзларни эшитган одам ўзини қўярга жой топа
олмай қолади. Ўнгга сўлга ўзини урар экан, бу балони олдини ола олмаслигини тушунади. Шу кеча у хасталаниб тонгга яқин қазо қилади. Унинг ортидан пиширилган овқатлар дастурхонга тортилади. Қолдиқлари эса хайвонларга тўкилади. Бу орада хўроз:
- Инсонлар, молларига келган балога афсус чекиб ох урадилар. Афсуски, бундан хам мен учун бир хайр бордир, деб ўйламайдилар хам. Аллохнинг берган тақдирига шукр этмай, ношудлик қиладилар. Сўнгра молларига келган бало жонларига келади, аммо кейинги пушаймондан фойда йўқ!

​​​┄┅┅•🌸•═•⊰🌼⊱•═•🌸•┅┅┄

T.me/sinovlarihayot

КЕЛИНЛАРГА

Бу дунёга нима бўлди?
Жойида турибдику!
Одамлар бош биланмас
Оёкда юрибдику!

Нега қизлар ўзгарди
Охир замон келдими?
Аёлларнинг аёллиги
Энди малол келдими.

"Сув келса симирасан"
Деган гапни ўчириб,
Энди "тенг баробармиз"
Дейишмоқда бўкириб.

Бир замонлар қайнотага
Тик боқмаган келинлар,
Энди хаққу-хуқуқ сўраб
Боши осмон керилар.

Аёл уйин "Каъбам" десин
"Пир" десин бош эгасин,
Қайнонаю-қайнотага
"Чўриманми?" демасин.

Ўғил, қизи катта бўлиб
Бошга тушса қарилик,
Чаппак чалиб дейишмасин
Кўргиликда кўргилик.

Қайтар дунё, буғдой эксанг
Буғдойингни ўрасан,
Яхшиликлар савобини
Қайтганида кўрасан.

Узр, билмай домлалар
Фатво бериб қўйишди,
Бу замоннинг келинларин
Бошга бало қилишди.

Хижобини ўраб олган
"Парда" эмас бу "мода",
Ичида намози йўқ
Бир қип-қизил шарманда

Ёзганларим ибодатли
Қизларимга тегмасин,
Гап топади эгасини
Асло ерда қолмасин.

Эрдан рухсат олган эмиш
Хатлаб қайнонасини,
Кўчага чиқиб кетди
Кўргани онасини.

Шошманг келин, жон болангиз
Катта бўлса кўрасиз,
Келинингиз бир хўмрайсин
Бошни қайга урасиз.

Оллохни чиндан севсанг
Ниятинг бўлса жаннат,
Ҳурмат қил қайнонангни
Десинлар ота онангга рахмат!

Хуршидахон онахондан

​​​┄┅┅•🌸•═•⊰🌼⊱•═•🌸•┅┅┄

T.me/sinovlarihayot

КЕКСАЛАРНИ ДАНГАСАЛИККА ЎРГАТИБ ҚЎЙМАНГ, АЗИЗ ЁШЛАР!




Кекса инсонларни уринтириб қўймаслик керак. Бу тўғри,  аммо кекса одамларни дангасаликка ўргатиб хам қўймаслик керак.

Ўзи кўмаксиз юришга қодир бўлган инсонларга машинани эшигини ўзи очиб ўтириб ўзи ёпишига, тахоратга сувни ўзи тайёрлашига, ўзи кийим алмаштиришига, дўконларга чиқиб у бу нарса олиб келишларига тек қўйиб беринглар.

Бу майда ишлар кекса инсонни дангаса томири тортиб қолишдан химоя қилади.

Баъзан ўзимизни уйда хам баъзи майда чуйда ишлар билан машғул бўлиб қолсам уйдагилар дарров "Сиз қўяверинг, ўзимиз қилиб қўямиз" деб айтиб қолишади.

Кекса одам ҳам баъзан мана шундай майда чуйда ишлар билан ўзини овутиб, кексаликдан ўзини чалғитиб туришни хохлаётганини улар тушунишмайди.


Азиз фарзандлар!

Сизлар хижолат бўлманглар!

Мадори бор экан кекса одам кўнгли тусаган ишни қилишига тек қўйиб беринглар.

Аёлингларга "ота онамни овора қилиб қўйибсан, қарамаяпсан" деб маломат қилманглар.

Мадори бор экан харакат қилаверсин.

Вақти келиб дармон оз қолганида ўзи аста секин майда чуйда юмушлардан хам ўзини тийишни бошлайди.

Бу дегани кекса инсонларни ўз холига ташлаб, эътибор ва қаровсиз қўйиб қўйиш керак дегани эмас.

Баъзи нобоп фарзандлар ва келинларга бу пост дастак бўлиб қолмасин.

Харакатда касаллик қочар экан, ўзини қаттиқ уринтирмаган холда уй ишларини қилиш ўзига фойдадир.


Яна битта маслахат.

Кексаларнинг хонасига хар хил ширинликлардан озгинадан доим олиб кириб қўйинглар.

Онда сонда  одам бир дона печенье ёки бир дона шоколад егиси келиб қолар экан.

Бу хам барча биладиган лекин хаммани доим ёдида туравермайдиган йўриқнома эди холос.

Кексаларни эъзозлаган барча бандаларидан Аллоҳ рози бўлсин

https://t.me/sinovlarihayot