—Балки келиб шу ерда яшаб, ўқир. Ёки дадаси кўнмасмикан.
—Менимча рози бўлмайди. Ўзи кеткизгиси келмай рози бўлди келишига.
—Сен Шодиёрани ҳам кўнглини бил. Балки ўзи ўқишни хоҳлар...
—Майли эрта бўлсинчи. Кетишидан олдин бир суҳбатини оламан.
Зум ўтмай хонада фақат сокин нафаслар эшитилди.

—Қизим сени узатишмоқчими росдан?....Даданг билан асли шу ҳақда гаплашиб олмоқчи эдим. Лекин бироз тортишиб қолганимиз учун. Бу гап очилмай қолиб кетди.
Нозима ўша кунни эслаб чуқур уҳ тортди.
—Дўстини ўғлига бермоқчи эдилар.
—Қайси дўсти.
Дўсти деганда Нозимани ҳаёлига ҳаётидаги жиддий қарорнж қабул қилишига сабаб бўлган Ғулом келди.
Ишқилиб бошқа дўсти бўлсин. Агар Нозимани шунча қийналганларига сабаб бўлган ўша дўсти билан қуда бўлмоқчи бўлса, асло жим турмайди.
Шуларни ҳаёлидан ўтказаркан. Билмасдики, Собир суюклисидан ажралишига сабаб бўлган дўсти билан бутунлай алоқаларини узганини.
—Жавлон амакини ўғли Жавоҳир акага.
Нозима юзларига зумда қизиллик югурган қизига қараб, бир нималарни пайқади.
—Қизим ўқишни хоҳламайсанми? Хоҳласанг шу ерга кўчиб келиб ўқирдинг.
—Қишлоғимизда қизлар ўқишга кириши шартмаслиги сингдирилиб катта қилингани учун кўп ҳам қизиқмаганман. Аммо сизни қидириб топиш учун, ўқишга киришга аҳд қилгандим. Ўзингиз мени топдингиз.
Яна бу ерга кўчиб келсам... Дадам билан яшаганим яхши. Улардан кечолмайман.
Яна кўп бора, "ширин ўтмишимдан эсдаликсан" деб сочимни силаб ўйланиб қолардилар.
Уларни ташлаб кетолмайман мен.
Нозима лабини тишлади. Қизиқ ҳудди шу қизи тенги пайти Собир билан турмуш қуришганда, улардан бахтли инсон йўқ эди гўё. Ўша пайтларда бир кун иккиси ҳам икки таърафга айрилиб кетишлари нафақат ўзларини балки, ҳеч кимни ҳаёлига келмаган эди.
Орадан ўн тўққиз йил ўтибди. Эҳ бу йиллар нималарни кўрмади?
—Турмуш масаласида қандай фикрдасан? -ҳаёлларини четга суриб, сўради.
—Дадам нима десалар шу...
Боя ўйлаган фикрига амин бўлди қизи ўша куёвлика номзод бўлган йигитга бефарқ эмас.
Зеро қизларни "дадам нима десалар шу"
"Сиз нима десангиз шу" каби иборалар мазмунида асли розилик аломати бўлади.
Буни оналар тушунмай ким тушунсин?
—Майли бахтли бўлгин қизим.
Нозима, ўзини ёшлик чоғларини эслатувчи қизини тим қора сочларини меҳр билан силади.
—Сизни яхши кўраман ойижон.
Шодиёра бироз уялиб, онасини қучиб олди.
Нозима уни анча улғайганини ҳис қилди. Катта бўлиб анча босилиб қолибди..

Давоми бор

https://t.me/sinovlarihayot

Бугунги кун тарбиячиларигачи...

Эрта соат 7 дан кеч соат 17 :30 гача ишлайди. Болаларни уз фарзандидан ортикрок севиб ардоклайди. Машгулот утади. Овкатлантиради. Ухлатади. Уйготади Яна овкатлантиради. Кечки машгулотларни утади. Кийинтиради кузатади. Лекин бирор бир инсон нега тарбиячининг ойлиги 967 000 бу ойлик билан хозирги кунда яшаб буладими деб сурамайди. Холбуки тарбиячилар бошка касб эгаларидан купрок ишлаб кам ойлик олади. Бу ойлик билан рузгор тебратсинми комунал туласинми фарзандини укитсинми еки кийим кечакка етказсинми? Еки иш хужжатларини сотиб олсинми? Нима учун мактабгача таълимни хам ойлигини оширмайди? Нима учун 3.000.000 килиб куймайди? Сиз бир кун фарзандингиз билан шугулланингчи шунда тарбиячиларни кадрига етармидингиз. Бу сузлар бутун Республика тарбиячилари томонидан езилди бу таклифларимизни уйлаб куриб ёрдам берсангиз бошимиз осмонга етиб жон дилимиз билан ишлашда давом этамиз эьтиборингиз учун рахмат.

https://t.me/sinovlarihayot

Кафтингизга қараб, соғлигингизни аниқланг!

Танамизнинг ҳар бир қисми ички аъзолар фаолияти билан узвий боғлиқ. Хусусан, қўл кафти терисидаги қизариш, қичишиш ёки тошма тошиши у ёки бу касаллик аломати бўлиши мумкин. Қуйида ана шу ҳолатлар билан танишамиз.

🤲 Қўл кафтининг ички қисмига қаранг.
Агар ушбу соҳадаги тери юзаси тез-тез қизариб ёки рангпар тусга кирса, жигар фаолиятида бирор ўзгариш юз бераётганини билдириши мумкин.

👆 Бордию бармоқ учи қизариб турса, овқат ҳазм қилиш тизимида безовталик борлигига таҳмин қилинади.
Таомлангандан сўнг қоринда оғирлик бўлиши, жиғилдон қайнаши кабиларга диққат қилинг.

👇 Бош бармоқ юзасининг қизариб, тез-тез қичишиши жинсий аъзолар фаолиятига доир ўзгаришларга ишора қилади.

👋 Қўл кафти терисидаги мармар нақшни эслатувчи излар вегетатив нерв тизимидаги бузилишлардан дарак беради. Эҳтимол сўнгги кунларда қаттиқ асабийлашаётгандирсиз.

🖐 Қўл кафтининг устки қисмида тери қизариши, қичишиш ёки ёрилишини сезсангиз, организмингиз А ва D витаминларига эҳтиёж сезаётган бўлади.

😴 Агар тери қичишиши тунда ҳам безовта қилса, замбуруғларга таҳлил топшириб кўринг.

🤔 Бармоқ учининг музлаб қолиши – қон айланиши билан боғлиқ бузилишлардан дарак беради. Шу билан бирга организмда никотин кислотасининг тақчиллиги ҳам юзага келган. Ҳайрон бўлманг, бу кислота тамаки маҳсулотига алоқадор эмас. Сут-қатиқ, балиқ, гўшт ва гречиха дони никотин заҳирасини тўлдиришга ёрдам беради.

😱 Қўл кафтингизни юзингизга текказганингизда иссиқликни сезсангиз, жигарингиз тозалаш ишларига қийналаётганини билиш мумкин.

🙌 Тез-тез қўл кафтида бир нималар ўрмалаётгандек туюлса, эндокрин тизим фаолиятини текширтиринг.

🖖 Қўл терисининг оқаринган кўриниши қонда гемоглобин миқдорининг пастлаб кетганини англатади. Бу ҳолатда зудлик билан шифокорга мурожаат этинг.

🤞Кўрсаткич бармоқнинг тез-тез увишиб қолаётгани юрак-қон томир тизимидаги ўзгаришлардан дарак бериши мумкин. Юрак соҳаси ва куракдаги ўзгаришларга диққат қилинг.

✊ Қўл кафтининг ички қисмидаги тери қалинлашиб, дағаллашиб кетса, ўт халтасидаги муаммоларга ишора бўлиши мумкин.


https://telegram.me/sinovlarihayot

Бахтли яшамоқчимисиз?! 😊
Унда сизни бахтли қиладиган зотни эслаб туринг...


🌹🍃- سُبحان الله.
🌸🍃Субҳаналлоҳ

💫💫💫
🌹🍃- الحمدلله .
🌸🍃Алҳамдулиллаҳ

💫💫💫

🌹🍃- لا إله إلا الله.
🌸🍃Лаа илааҳа иллаллоҳ

💫💫💫

🌹🍃- اللهُ أكبر.
🌸🍃Аллоҳу Акбар

💫💫💫

🌹🍃- سُبحان الله و بحمدهِ.
🌸🍃Субҳаналлоҳи ва биҳамдиҳи

💫💫💫

🌹🍃- سُبحان الله العظيم.
🌸🍃Субҳаналлоҳил ъАзийм

💫💫💫

🌹🍃- استغفر الله العظيم و أتوبُ إليهِ.
🌸🍃Астағфируллаҳ ъАзийм ва атубу илайҳ

💫💫💫

🌹🍃- لا حول و لا قوة إلا بالله.
🌸🍃Лаа ҳавла ва лаа қуввата иллаа биллаҳ

💫💫💫

🌹🍃- اللهم صلِ على نبينا محمد.
🌸🍃Аллоҳумма солли ъала Набиййина Муҳаммад

💫💫💫

🌹🍃- لا إله الا انتَ سبحانك اني كنت من
- الظالمين
🌸🍃Лаа илааҳа илла анта Субҳанака инний кунту миназ - золимийн!

☺ Кимларга бахтни хохласангиз уларга улашинг

https://t.me/sinovlarihayot

​​​​Қайси витамин қандай вазифани бажаради?

Мавсумий ўзгаришлар организмда витаминларга эҳтиёжни келтириб чиқаради. Бундай ватқда дорихоналарга югуришдан аввал қайси витамин қандай вазифани бажариши билан танишиб чиқинг.

А витамини – терини майинлаштириб, соч тўкилишини олдини олади;

В1 витамини – тирноқ ва сочлар мустахкамлиги учун хизмат қилади;

В2 витамини – организмдаги хужайраларда фаолликни кучайтиради;

В5 витамини – эрта қаришнинг олдини олади;

В6 витамини – моддалар алмашинувини кучайтиради;

Н витамини – тери қуруқлашиши, пўст ташлаши ҳамда сочлардаги пигмент жараёнларини олдини олади;

С витамини – антиоксидант, иммунитетни ошириб, қон томирлари деворини мустахкамлайди;

D витамини – суяклар толасини мустахкамлайди;

Е витамини – кексайиш жараёнини секинлаштиради;

Цинк (рух) – соч ва тирноқларнинг табиий таркибини тиклашга кўмаклашиб, тошмалардан ҳимоялайди;

Калий – мушаклар заифлашувининг олдини олади;

Кремний – коллаген ишлаб чиқилиши учун мухим бўлиб, соч ва тирноқларни мустахкамлайди.

Магний – асаб толалари фаолиятини меъёрлаштиради;

Кальций ва фосфор – тишлар, тирноқ ва сочларни мустахкамлайди.

https://telegram.me/sinovlarihayot

Агар эртага афсусланиб қолишни хоҳламасангиз, учта нарсани танлашда адашманг:

1. Турмуш ўртоғни;
2. Касб-корни;
3. Дўстни.

Юнус Эмро (қ.с)

•┈┈┈┈•❈••✾••❈•┈┈┈┈•
Яқинларга ҳам улашинг!
https://t.me/sinovlarihayot

ДЎСТ

Бир киши газдан катта қарз бўлиб қолди. Текширувчилар келиб “уч кун ичида тўламасангиз ўчириб кетамиз, ҳам жарима тўлайсиз” деб таҳдид қилиб, билдиришнома ташлаб кетишди. Чуқур ўйга ботди, қўлида пул йўқ. Аксига олиб мижозлардан ҳам эшик-ромга буюртма тушмаяпти. Ҳаво совуқ. Газ ўчирилса уй совиб кетади. Ўзи билан аёли-ку майли, чидашар, лекин икки норасида фарзанди нима қилади!? Яқиндагина бирининг шамоллашини тузатиш учун дориларга анча пули кетганди. Пулдан ҳам аввал игна таъсирида чирқираб йиғлайдиган боласига ачинди. Шуларни ўйлаб, боши қотганча синфдош дўстининг олдига боришга қарор қилди. Ўртоғи анча ўзини тутиб олган, топарман йигитлардан эди. “Ҳали ҳеч сўрамаганман-у, йўқ демас” деган умидда эшигини қоқди.
- Ие, ўзингмисан ўртоқ!? Саломатмисан? Қандай шамол учирди!? Бир йўқлаб келибсан-да, раҳмат. Қани юр уйга, бир отамлашамиз-деди.
-Йўқ, раҳмат дўстим, бошқа сафар. Олдингга бир юмуш билан келдим.
- Ҳа, ҳа, майли. Нима гап?
Дўстининг сўзларидан қувониб, бор дардини айтди. У эса бунга бир оз тикилиб турди-да:-Пулим йўқ, хафа бўлмайсан-деди қисқа қилиб.
Устидан муздек сув қўйиб юборилгандек бўлди, хайр-маъзурни ҳам насия қилиб ортга қайтди. Ўртоғининг ҳай-ҳайлашига ҳам қулоқ солмади. Қаттиқ дили оғриди. Кечгача томоғидан ҳеч нарса ўтмади. Ахир кечагина шу дўсти билан мактабдан қочиб канал бўйида чўмилишган, тўп тепиб катта бўлишганди. Бегона болалар билан жанжаллашиб қолишса жуссаси кичиклигига қарамасдан, мағрурлигидан тилини бермасди. Қорни оч қолса ҳам шу ғурури туфайли мактаб ошхонасида биров унга егулик олиб беришларига йўл қўймасди. Айни пайтда эса, ўша энг яқин ўртоғи томонидан қадри топталгандек ҳис этди ўзини.
Эртасига синиқ кайфиятда “газ идораси”га йўл олди. Бор топгани бир ярим миллион сўм катта пул бўлса-да, қарзига етмасди. “Газдагилар ҳам одам-ку ахир, тўғрисини айтиб илтимос қилсам, тушуниб, бирор ой муҳлат беришар, қочиб кетмаяпман-ку” деб ўзини овутса-да, гўдакларининг қиш қаҳратонидан соғ-омон олиб чиқишни ўйлаб, эзиларди. Идорага бориб ҳисоб-китоб бўлимига кирди. Ходимларга қарзи борлигини, уни тўлагани келганини айтди. Дастурдан текшириб “Сизни қарзингиз йўқ” деган жавобни эшитиб, “яхшилаб текширсангиз, узсак жарима ҳам тўлайсиз дейишган” деди. “Ака, қарзингиз йўқ” деган қатъий гапни эшитгач, музлаб қолай деди. Бу англашилмовчиликка ақли етмайин идорадан ичига сиғмай, бениҳоя ҳурсанд ҳолда пулни қучоқлаб ташқарига чиқди. Йўл-йўлакай Аллоҳ мушкулини дафъ қилгани учун шукрлар айтиб борди. “Эҳтимол дуоларимнинг натижасидир” деб қувониб борарди. Маҳалласига етиб, хасис синфдошининг уйи олдидан ўтаётганда уни кўриб қолди. Сўрашиш учун чўзган қўлини ҳам ғазабдан жавобсиз қолдирди. Кўчага қарата мағрур ҳайқирди: -“Бошингга мушкул иш тушганда дўст кимлигини биларкансан! Мана, газдан қарзим йўқ! Англашилмовчилик сабаб бўлиб, атрофимдагиларнинг ким эканлигини билиб олдим! Лекин, шундай пайтда ишонган дўстим синовдан ўта олмагани алам қиларкан! Яратганга шукр, мени ёлғиз қолдирмади! Баҳонада кимнинг ким эканлигини билиб олдим!” деб қичқирди. Бунинг шовқинидан бир неча қўшнилар кўчага чиқишди. Ичидаги бор аламларини нафрат билан баралла бақириб айтгач, енгил тортиб йўлида давом этди. Хасис дўсти эса... Хасис дўсти эса унинг ортидан бироз тикилиб турди-да, уйига кирди. Йўлакда кўзлари ёшланган аёли: -“Дадаси, тўғрисини айтсангиз нима бўларди? Қаранг, шунча маломат остида қолдингиз! Нега бундай қилдингиз ахир!?” деб йиғларди.
-“Қўявер, мен атайин шундай қилдим. Дўстимга пул берганимда у бечора менга қарзини қайтариш учун чираниб меҳнат қилиб, қийналган бўларди. Шу сабаб унга билдирмай, қарзини тўлаб келдим. Унга пулни бериб, шундай ҳадя ҳам қилолмасдим. Олмасди! Унинг ғурурини-мен биламан!”- деб, ярим маюс, ярим жилмайди...

Салим АЙЮБИЙ

•┈┈┈┈•❈••✾••❈•┈┈┈┈•
Яқинларга ҳам улашинг!
https://t.me/sinovlarihayot