في هواك يا جميل - الشاب امير ..

ﻭﻓﻲ ﻳﻮﻡ ﻣﻦ ﺍﻷﻳــﺎﻡ
ﻓﺘﺤﺖ ﻣﻦ ﺍﻟﻨــﻮﻡ
ﻭﻟﻘﻴﺘﻨﻲ ﺳﻮﺩﺍﻧﻲ
ﻭﻛﺎﻥ ﻋﻤﺮﻱ ﺧﻤﺴﺔ ﺳﻨﻴﻦ
ﺍﻟﺪﻧﻴﺎ ﻛﺎﻧﺖ ﺣــﺐ
ﻭﻛﻞ ﺍﻟﺒـﻴﻮﺕ ﺑﻴﺘـﻨﺎ
ﻭﻋﻨﺪﻱ ﺧﻤﺴﻴﻦ ﺃﺏ
ﻭﺃﺧﻮﺍﻧﻲ ﻛﺎﻧﻮ ﻛــﺘﺎﺭ
ﻣﺎ ﻣﻦ ﺃﺑﻮﻱ ﻭﺃﻣﻲ
ﺇﻻ ﺍﻟﺠــﻤﻴﻊ ﺃﺧﻮﺍﻥ
ﺭﺍﺑﻄــﻨﺎ ﻛﺎﻥ ﻋﺸﺮﺓ
ﻣﺎ ﺷﺮﻃﺎ ﻳـﻜﻮﻥ ﻣﻦ ﺩﻡ
ﻧﺘﻐﺪﻯ ﻓﻲ ﺑﻴﺘــﻨﺎ
ﻭﻧﻔﻄﺮ ﻣﺤﻞ ﻧﺘــﻠﻢ
ﻭﺍﻟﻨﺎﺱ ﺩﻱ ﺑﺘﺠﻴــﻨﺎ
ﻓﻲ ﻛﻞ ﻳﻮﻡ ﺟﻤـﻌﺔ
ﺑﺲ ﺍﻟﺘﻘﻮﻝ ﺍﻟﻌــﻴﺪ
ﻭﺃﻧﺎ ﻛﻨﺖ ﻭﺃﺻـﺤﺎﺑﻲ
ﻧﻠﻌﺐ ﻣﻊ ﺍﻟﻘﻤﺮﺍ
ﻧﺘﺠﺎﺭﻯ ﻧﺘﺴــﺎﻛﻚ
ﻧﻤﺸﻴﻠﻬﺎ ﺣﺒــﻮﺑﺔ
ﺗﻬﺮﺝ ﻋﻠﻴﻨﺎ ﺷــﺪﻳﺪ
ﻃﻮﻟﺘﻮ ﻳﺎ ﺍﻟﺤــﺒﺎﻥ
ﺃﻧﺎ ﻳﺎﺧﻲ ﺭﺍﺟــﻴﺎﻛﻦ
ﺗﺤﻜﻴﻠﻨﺎ ﺣﺪﻭﺗﺔ
ﻓﺎﻃﻨﺔ ﻭﺣﻜﺎﻳﺔ ﺍﻟﻐــﻮﻝ
ﻭﺍﻣﺤﻤﺪ ﺍﻟﻔﺎﺭﺱ
ﻭﺃﻧﺎ ﻛﻨﺖ ﻣﺎ ﻣﻌﺎﻫـﻦ
ﻛﺎﻥ ﻫﻤﻲ ﺃﺗﻌﺸﻰ
ﺑﺲ ﻟﻸﺳﻒ ﻧﻤـﺖ
ﺻﺤﻮﻧﻲ ﻟﻠﻜــﺘﺎﺏ
ﺃﻧﺎ ﻗﻠﺖ ﻣﺎ ﻣﺎﺷﻲ
ﺩﻗﻮﻧﻲ ﺑﺎﻟﺸﺒﺸﺐ
ﻭﺣﺒــﻮﺑﺔ ﺣﺠﺰﺗﻨﻲ
ﻗﺎﻟﺖ ﺑﺘﻘـﻨﻊ ﺃﺑﻮﻱ
ﺷﻦ ﻓﺎﻳﺪﺓ ﺍﻟﻜــﺘﺎﺏ
ﻭﺃﻧﺎ ﺑﻲ ﻭﺭﺍﻫﺎ ﺃﻗــﻮﻝ
ﻭﻣﺎﺳﻚ ﻃﺮﻑ ﺗــﻮﺑﺎ
ﻧﻀﻤﻚ ﺳﻤﺢ ﺑﺎﻟﺤــﻴﻞ
ﺷﻦ ﻓﺎﻳﺪﺓ ﺍﻟﻜــﺘﺎﺏ
ﺧﻠﻴﻨﻲ ﻗﺎﻋﺪ ﺳــﺎﻱ
ﺃﻣﺸﻴﻠﻜﻢ ﺍﻟﺪﻛــﺎﻥ
ﻭﻟﻮ ﺿﻴﻒ ﻏﺸﺎﻛﻢ ﻳــﻮﻡ
ﺃﻧﺎ ﺑﻔﺘﺢ ﺍﻷﺑﻮﺍﺏ
ﺃﺑﻮﻱ ﺿﺤﻚ ﻓﻴﻨﻲ
ﻗﺎﻝ ﻟﻲ ﺑﺈﺳﺘـﻬﺘﺎﺭ
ﻣﺎ ﻟﻴﻚ ﻋﻤﺎﺭ ﺃﺻـﻠﻚ
ﻭﻟﻤﻦ ﺃﺑﻮﻱ ﻓﺮﺗــﻖ
ﻗﻌﺪﻧﺎ ﻧﺘﻮﻧــﺲ
ﺣﺒﻮﺑﺘﻲ ﻗﺎﻟــﺖ ﻟﻲ
ﻋﺎﻳﻨﻠﻲ ﻳﺎ ﺍﻟﻤﻄﻤﻮﺱ
ﺃﺣﺴﻦ ﺗﻔﻮﺕ ﺗﻘﺮﺃ
ﻭﻟﻤﻦ ﺗﻌﺎﻭﺩ ﻟﻲ
ﺗﻠﻘﺎﻧﻲ ﺭﺍﺟﻴﺎﻛﺎ
ﺑﺪﻳﻚ ﻗﺮﻭﺵ ﻭﺑﻠﺢ
ﻭﺃﺣﻜﻴﻠﻚ ﺍﻟﺤﻜﻮﺍﺕ
ﻭﺃﻧﺎ ﻗﻤﺖ ﺻﺪﻗﺖ
ﻭﻣﺸﻴﺖ ﻋﻠﻲ ﺍﻟﻜﺘﺎﺏ
ﻭﻟﻤﻦ ﺭﺟﻌﺖ ﺍﻟﺒﻴﺖ
ﺟﺪﻋﺘﻬﺎ ﺍﻟﺸﻨﻄﺔ
ﺑﺎﻟﺤﻴﻄﺔ ﻓﻨﻴﺘﻬﺎ
ﻭﺟﺮﻳﻨﺎ ﻧﻠﻌﺐ ﺳﺎﻱ
ﺷﺪﺕ ﻟﻌﺒﻨﺎﻫﺎ
ﻭﻟﻌﺒﻨﺎ ﺑﺎﻟﻌﺪﺓ
ﻭﺃﻧﺎ ﻓﺖ ﺟﺒﺖ ﺧــﺪﺍﺭ
ﺳﻮﻳﻨﺎ ﻣﻠﺤﺎﺗــﻨﺎ
ﻭﻟﻤﻦ ﺗﻌﺒــﻨﺎ ﺧﻼﺹ
ﻟﻤﻠﻤﻨﺎ ﻧﻌﻼﺗﻨﺎ
ﺑﺲ ﺍﻟﺸﻤﺲ ﻏﺎﺑــﺖ
ﻭﻃﻠﻌﺘﻠﻨﺎ ﺍﻟﻘﻤــﺮﺍ
ﻗﺎﻝ ﺃﺣﻤﺪ ﺍﻟﻤــﺒﺮﻭﻙ
ﻧﻠﻌﺐ ﺷﻠــﻴﻞ ﺁﻧﺎﺱ
ﻭﻓﻄﻮﻣﺔ ﺑﺘﻮﺍﻓــﻖ
ﻭﺃﻧﺎ ﻗﻠﺖ ﻟﻴﻬﻮ ﺧــﻼﺹ
ﻭﻟﻌﺒﻨﺎ ﻓﻲ ﺍﻟﻘــﻤﺮﺍ
ﻭﺭﺟﻌﻨﺎ ﻟﺒﻴﻮﺗــﻨﺎ
ﻭﺣﺒﻮﺑﺔ ﺗﻬﺮﺝ ﺳــﺎﻱ
ﻃﻮﻟﺘﻮ ﻳﺎ ﺍﻟﺤــﺒﺎﻥ
ﺃﻧﺎ ﻛﻨﺖ ﺭﺍﺟــﻴﺎﻛﻦ
ﺗﺤﻜﻴﻠﻨﺎ ﺣﺪﻭﺗﺔ
ﻓﺎﻃﻨﺔ ﻭﺣﻜﺎﻳﺔ ﺍﻟﻐﻮﻝ
ﻭﺃﻣﺤﻤﺪ ﺍﻟﻔﺎﺭﺱ
ﻭﺃﻧﺎ ﻛﻨﺖ ﻣﺎ ﻣﻌﺎﻫﻦ
ﻛﺎﻥ ﻫﻤﻲ ﺃﺗﻌﺸﻰ
ﺑﺲ ﻟﻸﺳﻒ ﻧﻤﺖ
ﻭﻟﻤﻦ ﺻﺤﻴﺖ ﺗﺎﻧﻲ
ﻣﺎ ﻟﻘﻴﺘﻬﺎ ﺣﺒﻮﺑﺔ
ﻟﻜﻦ ﻟﻘﻴﺖ ﺍﻟﺤﻮﺵ
ﻣﻠﻴﺎﻥ ﺣﺮﻳﻢ ﺑﺒﻜﻦ
ﺃﻧﺎ ﻗﻤﺖ ﺣﺘﻰ ﺑﻜﻴﺖ
ﻭﻣﺎ ﻋﺎﺭﻑ ﺍﻟﺒﺤﺼﻞ
ﻭﻣﺸﻴﺖ ﺳﺄﻟﺖ ﺃﺑﻮﻱ
ﻭﻟﻘﻴﺖ ﺩﻣﻮﻋﻮ ﺗﺼﺐ
ﺣﺒﻮﺑﺔ ﻓﺎﺗﺖ ﻭﻳﻦ ؟
ﻗﺎﻝ ﻟﻲ : ﻣﺎ ﺗـﺴــﺄﻝ
ﻃﻠﻌﺖ ﻗﺮﻳﺐ ﺑﻲ ﺟــﺎﻱ
ﻟﻜﻦ ﺑﺘﺘﺄﺧﺮ
ﻭﻛﺖ ﻣﺎﺷﻲ ﻟﻠﻜــﺘﺎﺏ
ﺑﺲ ﺷﻔﺖ ﻓﻲ ﺍﻟﺼــﻴﻮﺍﻥ
ﺃﺳﺘﺎﺫﻧﺎ ﻋﺒﺪﺍﻟﻠﻪ
ﻛﺎﻥ ﻓﻲ ﺍﻟﻮﺳـﻂ ﻗﺎﻋــﺪ
ﻭﻛﺎﻥ ﺣﺼـﺘﻮ ﺍﻷﻭﻟﻰ
ﺃﻧﺎ ﻗﻢ ﻓﺮﺣﺖ ﺟﺮﻳــﺖ
ﺷﺎﻥ ﺃﺣﻜﻲ ﻟﻲ ﻓﺎﻃــﻨﺔ
ﻻﻗﺘﻨﻲ ﻓﺮﺣــﺎﻧﺔ
ﻗﺎﻟﺘﻠﻲ ﻣﺎﻑ ﻛــﺘﺎﺏ
ﻗﺎﻟﻮﻟﻨﺎ ﻓﻲ ﺇﺟــﺎﺯﺓ
ﻭﻟﻌﺒﻨﺎ ﻓﻲ ﺑﻴﺘــﻬﻢ
ﻭﻟﻤﻦ ﺭﺟﻌﺖ ﺍﻟﺒــﻴﺖ
ﻣﺎ ﻟﻘﻴﺘﺎ ﺣﺒــﻮﺑﺔ
ﻟﻜﻦ ﻟﻘﻴﺖ ﺗﻮﺑﺎ
ﻓﻲ ﺷﺠﺮﺓ ﺍﻟﻠﻴــﻤﻮﻥ
ﺃﻧﺎ ﻗﻤﺖ ﻟﻤﻴﺘﻮ
ﻟﻘﻴﺖ ﺑﻠﺢ ﻭﻗﺮﻭﺵ
ﻓﻲ ﻃﺮﻓﻮ ﻣﺮﺑﻮﻃــﺔ
ﻟﻜﻨﻲ ﻣﺎ ﺩﺍﻳﺮ
ﻻ ﻗﺮﻭﺵ ﻭﻻ ﻏﻴﺮﻭ
ﻭﻗﻌﺪﺕ ﺃﺑﻜﻲ ﺷــﺪﻳﺪ
ﻧﺎﺩﻭﻟﻲ ﺣــﺒﻮﺑﺔ
ﻭﺑﻜﻴﺖ ﻛﻤﺎﻥ ﻭﻛــﻤﺎﻥ
ﻭﺃﻧﺎ ﻧﻤﺖ ﻓﻲ ﺗﻮﺑﺎ
ﻟﻤﺎ ﺍﻟﺸﻤﺲ ﻃﻠــﻌﺖ
ﻋﺎﻳﻨﺖ ﻓﻮﻕ ﺍﻟﻀــﻞ
ﻣﺎ ﻟﻘﻴﺘﺎ ﺣــﺒﻮﺑﺔ
ﻓﺘﺸﺖ ﺃﻭﺿﺘــﻨﺎ
ﻣﺎ ﻟﻘﻴﺘﺎ ﺣــﺒﻮﺑﺔ
ﻭﺃﻧﺎ ﻛﺖ ﺑﻨﺎﺩﻳﻬﺎ
ﺣﺒﻮﺑﺔ .. ﺣﺒﻮﻭﻭﺑﺎﺍﺍ
ﺃﻧﺎ ﺟﺒﺖ ﻟﻴﻚ ﺍﻟـﺘﻮﺏ
ﻭﻟﻘﻴﺖ ﺑﻠﺢ ﻓﻴــﻬﻮ
ﻟﻜﻨﻲ ﻣﺎ ﺃﻛﻠﺘــﻮ
ﻟﻤﻦ ﺗﻀﻮﻗﻴــﻬﻮ
ﻭﺗﺪﻳﻨﻲ ﺇﻧﺘﻲ ﺑﺮﺍﻙ
ﺣﺒــﻮﺑﺎﺍﺍﺍﺍ .. ﺣﺒـــﻮﺑﺎ
ﺭﺩﺕ ﻋﻠﻲ ﺃﻣﻲ
ﻣﻦ ﺟﻮﻩ ﻟﻠﻤﻄــﺒﺦ
ﺣﺒﻮﺑﺔ ﻓﻲ ﻣﺸــﻮﺍﺭ
ﺃﻧﺎ ﻗﻤﺖ ﻃﻨﻄﻨﺖ
ﻳﺎﺥ ﻣﻦ ﺃﻣﺲ ﻣﺸﻮﺍﺭ ؟ !!
ﻓﺘﺸﺖ ﻧﺎﺱ ﺟﺪﻱ
ﻭﻧﺎﺱ ﺣﺎﺟﺔ ﺧﺎﺩﻡ ﺍﻟﻠﻪ
ﻭﻣﺸﻴﺘﻠﻬﺎ ﺍﻟﺠﺎﻣﻊ
ﻟﻘﻴﺖ ﺣﺮﻳﻢ ﻓﻲ ﺻﻒ
ﻻﺑﺴﺎﺕ ﻟﺒﺲ ﺃﺑﻴﺾ
ﻋﺎﻳﻨﺖ ﻓﻲ ﻭﺷﻮﺷﻦ
ﻣﺎ ﻟﻘﻴﺘﺎ ﺣﺒﻮﺑﺔ
ﺑﺲ ﺷﻔﺖ ﻓﻲ ﻋﻴﻮﻧﻦ
ﺩﻣﻌﺎ ﻳﻜﺐ ﺟﺎﺭﻱ
ﺿﻤﻨﻲ ﻟﻴﻬﻦ ﺯﻳﻴﻴﻴﻦ
ﻗﺎﻟﻦ ﻟﻲ ﻳﺎ ﺍﻟﻤﺒﺮﻭﻙ
ﺣﺒﻮﺑﺔ ﻓﻲ ﻣﺸﻮﺍﺭ
ﻭﻣﺎ ﺃﻇﻦ ﺗﻌﻮﺩ ﻫﺴﻲ
ﺑﺲ ﺇﻧﺖ ﺃﺩﻋﻴﻠﻬﺎ
ﻭﺃﻗﺮﺍ ﻟﻴﻬﺎ ﻛﺘﻴﺮ
ﺍﻟﻔﺎﺗﺤﺔ ﺗﻨﺠﻴﻬﺎ
ﻭﺃﻧﺎ ﺣﺘﻰ ﻗﻤﺖ ﺑﻜﻴﺖ
ﻭﺳﺄﻟﺘﻬﻦ ﺑﺎﻟﺪﻭﺭ
ﻛﻴﻔﻦ ﺃﻻﻗﻴﻬﺎ ؟
ﻗﺎﻟﻨﻠﻲ ﻳﺎ ﺍﻟﻤﺒﺮﻭﻙ
ﺣﺒﻮﺑــﺘﻚ ﺍﻟﺴﻤــﺤﺔ
ﻋﻨﺪ ﺍﻟﻠﻪ ﻧﺎﺩﺍﻫﺎ
ﻟﻤﻴــﺖ ﻋﻠﻲ ﺍﻟــﺘﻮﺏ
ﻟﻔﻴﺘﻮ ﻓﻲ ﺟﺴــﻤﻲ
ﻗﺒﻠﺖ ﻟﻠﻘــﺒﻠﺔ
ﻭﺭﻓﻌﺖ ﻳﺪﻳـﻨﻲ
ﻳﺎ ﺍﻟﻠﻪ ﻳﺎ ﺭﺑﻲ
ﺣﺒﻮﺑﺘﻲ ﻧﺎﺩﻳـﺘﻬﺎ
ﻭﺃﻧﺎ ﻫﺴﻲ ﻣﺎﺵ ﻟﻴـﻬﺎ
ﻳﺎ ﺍﻟﻠﻪ ﻧﺎﺩﻳﻨﻲ
ﺃﻧﺎ ﺩﺍﻳﺮ ﺃﻻﻗﻴـﻬﺎ
ﻟﻮ ﻣﺮﺓ ﺗﺎﻧﻲ ﺧﻼﺹ
ﺑﺲ ﺗﺤﻜﻲ ﻟﻲ ﻗــﺼﺔ
ﻭﺃﺩﻳﻬﺎ ﺣﺎﺟـﺎﺗﺔ
ﺗﻮﺑﺎ ﻭﻗﺮﻳﺸــﺎﺗﺔ
ﻣﻦ ﺑﺪﺭﻱ ﻻﻣﺎﻫــﻦ
ﺣﺎﺟﺎﺗﺔ ﻣﺎ ﻛﻤــﻠﻦ
ﺍﻟﺰﻳﺖ ﻫﻨﺎﻙ ﻣﻘـﻔﻮﻝ
ﻭﺍﻟﺸﺒﺸﺐ ﺍﻟﺰﻳــﺰﻱ
ﻭﻛﻤﺎﻥ ﻣﻌﺎﻭ ﺳﺒـﺤﺔ
ﻭﺣﺘﻰ ﺍﻟﺨﻤﺎﺭ ﻗﺎﻋﺪ
ﻳﺎ ﺍﻟﻠﻪ ﺗﺮﺟﻊ ﻟﻲ
ﻣﻦ ﺗﺎﻧﻲ ﺣـﻜﻮﺍﺗﺔ
ﻭﻣﻌﺎﻫﺎ ﺗﺮﺟــﻊ ﻟﻲ
ﻓﺮﺣــﺔ ﺑﻨﻴــﺎﺗﺎ
ﻭﻧﻔﻄﺮ ﻣﻊ ﺍﻟﺠــﻴﺮﺍﻥ
ﻭﺍﻟﻘﻬﻮﺓ ﻓﻲ ﺑﻴــﺘﻨﺎ
ﻳﺎﺭﺏ ﺗﺮﺟــﻊ ﻟﻲ
ﻳﺎ ﺍﻟﻠﻪ ﻧﺎﺩﻳــــﻬﺎ

كن مثل بلال 😂
ﺑﻼﻝ ﻫﻮ ﺷﺨﺼﻴﺔ ﻭﻫﻤﻴﺔ ﻛﻮﻣﻴﺪﻳﺔ، ﺗﺘﻤﻴﺰ ﺑﺎﻟﻤﺜﺎﻟﻴﺔ ﻭﺍﻟﺬﻛﺎﺀ ﻭﺍﻷﺧﻼﻕ
ﺍﻟﻌﺎﻟﻴﺔ، ﻇﻬﺮﺕ ﻷﻭﻝ ﻣﺮﺓ ﻣﻨﺬ ﻳﻮﻣﻴﻦ ﻓﻲ ﻣﻨﺸﻮﺭ ﻟﺼﻔﺤﺔ 'ﺃﻧﺎ ﺃﺻﺪﻕ
ﺍﻟﻌﻠﻢ ' ‏( I believe in Science ‏) ، ﺟﺎﺀ ﻓﻴﻪ : ' ﻫﺬﺍ ﺑﻼﻝ، ﺑﻼﻝ ﻻ ﻳﻘﻮﻡ
ﺑﺘﺼﺪﻳﻖ ﻛﻞ ﻣﺎ ﻳﻘﺮﺃ ﻭﻳﺮﻯ ﻋﻠﻰ ﺍﻟﻔﻴﺴﺒﻮﻙ، ﺑﻼﻝ ﻳﺒﺤﺚ ﻋﻦ ﺍﻟﻤﺼﺪﺭ ﺛﻢ ﻳﺤﻜﻢ ﻋﻘﻠﻪ، ﺑﻼﻝ ﺫﻛﻲ، ﻛﻦ ﻣﺜﻞ ﺑﻼﻝ '، ﻟﻴﺘﻢ ﺑﻌﺪﻫﺎ ﺇﻧﺸﺎﺀ ﺻﻔﺤﺔ
ﺧﺎﺻﺔ ﻓﻲ ﻣﻮﻗﻊ ' ﻓﻴﺴﺒﻮﻙ '، ﺑﻌﻨﻮﺍﻥ ' ﻛﻦ ﻣﺜﻞ ﺑﻼﻝ '، ﺍﺳﺘﻄﺎﻋﺖ ﺟﻤﻊ
ﺣﻮﺍﻟﻲ 8500 ﻣﻌﺠﺐ ﺧﻼﻝ ﻭﻗﺖ ﻗﺼﻴﺮ ﺟﺪﺍ ﻣﻦ ﺇﻧﺸﺎﺋﻬﺎ ..

و اللحظه الأخرى الصادقة هي لحظة الخلوة مع النفس حينما يبدأ ذلك الحديث السري .. ذلك الحوار الداخلي..

تلك المكالمه الإنفرادية حيث يصغي الواحد إلى نفسه دون أن يخشى أذناً أخرى تتلصص على الخط..

ذلك الإفضاء و الإفشاء و الإعتراف و الطرح الصريح من الأعماق إلى سطح الوعي في محاولة مخلصة للفهم..

و هي لحظه من أثمن اللحظات..

إن الحياة تتوقف في هذة اللحظه لتبوح بحكمتها..

و الزمن يتوقف ليعطي ذلك الشعور المديد بالحضور .. حيث نحن في حضرة الحق .. و حيث لا يجوز الكذب و الخداع و التزييف .. كما لا يجوز لحظة الموت و لحظة الحشرجة..

إننا نكتشف ساعتها أننا عشنا عمرنا من أجل هذة اللحظة و أننا تألمنا و تعذبنا من أجل أن نصل إلى هذة المعرفة الثمينة عن نفوسنا..

و قد تأتي تلك اللحظة في العمر مرة فتكون قيمتها بالعمر كله ..

أما إذا تأخرت و لم تأت إلا ساعة الموت .. فقد ضاع العمر دون معنى و دون حكمة .. و أكلته الأكاذيب .. و جاءت الصحوة بعد فوات الأوان..
..


من كتاب / رحلتي من الشك إلى الإيمان

يوميات علوب 2....
عمليتك ماظريفة...!

اها اليوم داك قلت كده شلت شنطتي دى فى كتفي متوجها الى الميناء البرى الخرطوم قاصدا بيت خالى فى البلد ...وانا أصلا والله ماكان عندى نية وماداير امشى...!! الا أمى قالت لى ماعافية منك ياعلوب كان مامشيت شفت خالك سوليهو العملية....!! والله العملية ذاتا بتاعة شنو انا ماعارفا ...!! تكون عملية ارهابية ياربى ...!! غايتو بس اتوكلت وقلت امشى ...(جابت ليها عفو كمان) ...هو انا ناقص !! وانا ذاتى وآلله مشغول وعندى مية حاجة... بعدين خالى ده انا شفتو بالاسكايب ...!! وضربت ليهو تلفون...!! واتونست معاهو بالواتس ..!! يعنى بعد ده الا انزلو تطبيق فى تلفونى ده ...!! نسوى شنو غايتو أهو حال الدنيا ...!! المهم من رقشة لى حافلة لى بص وصلت المينا البرى ده .. لقيتو طبعا كالعاده زحمممة ألف....وناس داخلة وناس مارقة ...(انتو الناس بتسافر كده بتمشى وين ..!!!؟) كمية من البشر ...وستات شاى ...!! وشية جمر...!! وصوانى ملاح ...!! وحلاوة سمسمية ...!! وقصب سكر ..وأولاد بى هناك ببيعو (كدايس ) بتاعة لعب ..ودباديب ..وبشاكير ..!! وشحاديين .....!! وناس كده تانين تحس بيهم لافين ساااكت بس ...هم ذاتم ماعارفين ليه مدورين كده ...غايتو بس قيامة رابطة ...!!!
اها كمان الكماسرة ديل عالم تانى ...!!! كوووووووستى ربك ....يا والله لمن يجرها كده تحلف تقول ده (ابو اللمين ).. يرد عليهو واحد من هناك ...بورسودان بورسودان ..بورسودان...يا ...(واليا الاخيرة دى الفيلم كلو) .... ليعقب ثالث ...مادني.. مادني ..مادنى (ده اسم الدلع بتاع مدنى ) ...والله بس اغانى واغانى ...وانا أعاني ...
المهم فى نص الجوطة دى لقيت ليك نسوان كده مستاءاات .. ويعانين..!! اتاريهو فى واحد كده ماعرفتو حاسى بي شنو ...شابك ليك الناس نبذ كده بالبارد ...!! انعدمت الأخلاق ...!! انعدمت المروه ...!! انعدمت مابعرف شنو ...!! الغريبة اصلو ماجاب سيرة البصل والغاز...!!؟؟؟؟
اها كمان جا واحد تانى ده كمان (طبزا ) عدييل ...لانو بقول ليهو فى كلام فارغ ..ويتلفظ ..ويقل فى أدبو... كده نهارا جهارا ...المسالة دى ضايقتنى شديد ...!! وبينى وبينكم لقيت النسوان ديل مرصوصات ...وامة من الناس ومافى زول قادر يسكت (المعتوه ) ده .....!! طوااالى يازول عاينت بالجنبه كده لقيت النسوان ديل راجين ليهم راجل يثبت الزول ده ويوقفو عند حدو ...بس وقلت كده انبريت....!!! اسمع ياخينا. هىيي ....انت راجل مامحترم ولا شنو ...!! ده شنو الكلام الفارغ البتقول فيهو ده ... لامحترم نفسك ...!! ولا محترم الناس دى ..ايه الفوضى وقلة الأدب دى .... احترم نفسك ..!! والله لما انا ذاتى اتكيفت من نفسى كلام كده رصيتو ذي الرصاص ....!! وبعاين كده بى طرف عينى غايتو فى واحده كده بس فضل ليها تزغرد ...!! وسمعت لى كم تعليق كده بالجنبه ....عاد انت اريتك ود السرور يايابا تسلم أمك الجابتك ...(كويس انها ماقالت لى المرسلاك لى خالك) ..المهم كمان الكلام ده خلانى طاير ودست ليك بنزين زيادة على الراجل ده ...!!! الغريبة الحيطة دى ردت كان هو رد !!! بس وااااقف يعاين فينى ....!! واكتشفت ليك انو الزول ده مابرمش ...!!! بس عيون مفنجلة .....!! بينى وبينكم خفت شويه كده ...!!! ولاحظت اضانو الشمال دى ذي بتتحرك كده ...!! فأيقنت أنى امام مجنون ...!! المهم ماقال لى اى حاجه...!! وطوالى فات ....!! انا يادوب اتنفست ...واخدت لى قدلة كده وإحساس عظيم انى (الوالى ) ...وحاسى الناس دى كلها مركزا معاى .....بس دقيقتين كده اشوف ليك زولى ذااااتو المابغبانى جاى من هناااك و شايل ليهو حديده ...(يشهد الله تسند سد مروى) ...وجاى على بالاسم ....والله ياخوانا الدنيا دى بس بقت لى علبة كبريت ...!!!
هى ياجماعة ده كلام شنو ده ...!! اها وبين ماهو جاى على ...وانا واقف ..!! عديت أطول مسافة فى عمرى ....ومخي ده اجرى خمسة الف عملية حسابية فى الثواني دى ...!! هى ياربى هسه انا انتظر الزول ده كده بس ...!! لكن كيف كمان...!! أقوم جارى بعد المرافعة والعرض القدمتو ده ..!! وأودى وشى وين من الناس دى ....لكن كمان العمل شنو..!!؟ وجاءنى الرد سريعا ولم يتأخر....!!! ناس شنو كمان ياعلوب ...وانت ذاتك بتعرفهم من وين ...!! تنتظر ليك (مجروس) ....!!! والله البفكك ماتلقى ...!! واكتملت المعادله بعد الأسداس فى الأخماس وطلعت النتيجة فى الثانية الاخيرة ....!!غايتو الزول ده وقت فضل ليهو مترين كده منى ..انا كنت أخليت السوق الشعبى والدوائر المحيطة
فى عملية يمكن ان تسجل فى (غينيس ) لسرعة التنفيذ ..انا ذاتى مامصدق ...!! المينا البرى ده بقى هناااك ...غايتو حمدت الله على السلامة والنجاة ...مع احساس بالخزي والعار لهذا الهروب الكبير بعد ان فتحت الأندلس قبلها بدقائق ....!! ويازول بديت اقنع ليك نفسى ....!! قلت هسه هم ذاتم الناس العطالة الانا دافعت عنهم ديل والله الزول ده كان لحق لمن وصلنى بى

حديتو دى ..!! غير يصورونى بالموبايلات الشايلنها دى مايعملوا اى حاجه ...!!! والقى نفسى حايم فى الواتسبات بالليل ...وقادل فى حيط الفيس بوك ...وهاك ياتعليقات ...البقول ليك (حرامى فى المينا البرى يجد جزاءه الرادع ) .....!! والبكتب ....(نشال المينا البرى بالحديدة على راسو ...) وفى واحدين كده بيزيدوها كوز ...(الدواعش يصلوا المينا البرى والشعب لهم بالمرصاد) ..ويخشو ليك المثقفاتية ديك ( هذه هى افرازات المرحلة )....ده كلو وصورتى معلقه فى (الجلاكسي ) ذي خروف العيد ....!! ومابعيد يطلعوا لى أغنية ( علوب ياعلوب بالحديدة والمركوب )....يااخوى انا مالى ومال القصة دى ..المهم غايتو شوية الكلام ده هدانى ...!! ومن هناك طوالى ألغيت تأشيرة زيارة الخال ...والحمد لله ..!!! بس عندى مشكلة واااحده ...البجيب لى شنطتي شنو من هناك ....!!
والله ياخال (عمليتك ) ماظريفة ...وانت يا #علوب بى أماااانه ...!!! حركتك جبانة ...!!

ﺇﻥ ﺃﺟﻤﻞ ﻣﺎ ف ﻫﺬﻩ ﺍﻟﺪﻧﻴﺎﻫﻮ ﺍﻟﻬﻤﺲ ﺍﻟﻜﻠﻤﺎﺕ ﺍﻟﻬﺎﻣﺴﺔ ﺍﻟﺘﻲ
ﺗﻨﻔﺠﺮ ﺑﺎﻟﺸﻌﻮﺭ ﺍﻷﺣﻼﻡ ﺍﻟﺘﻲ ﺗﻌﺒﺮ ﺭﺅﺳﻨﺎ ﻛﺎﻷﻃﻴﺎﻑ ﺛﻢ ﺗﻠﻤﺲ
ﻭﺍﻗﻌﻨﺎ ﻓﺘﻀﻴﺌﻪ ﺑﺎﻷﻣﻞ ﺍﻟﺤﻨﺎﻥ ﻭ ﺍﻟﻤﻌني

ﺇﻥ ﺃﺟﻤﻞ ﻣﺎ ﻓﻲ ﻫﺬﻩ ﺍﻟﺪﻧﻴﺎ .. ﻫﻮ ﺍﻟﻬﻤﺲ .. ﺍﻟﻜﻠﻤﺎﺕ ﺍﻟﻬﺎﻣﺴﺔ ﺍﻟﺘﻲ
ﺗﻨﻔﺠﺮ ﺑﺎﻟﺸﻌﻮﺭ .. ﺍﻷﺣﻼﻡ ﺍﻟﺘﻲ ﺗﻌﺒﺮ ﺭﺅﺳﻨﺎ ﻛﺎﻷﻃﻴﺎﻑ ﺛﻢ ﺗﻠﻤﺲ
ﻭﺍﻗﻌﻨﺎ ﻓﺘﻀﻴﺌﻪ ﺑﺎﻷﻣﻞ ﻭ ﺍﻟﺤﻨﺎﻥ ﻭ ﺍﻟﻤﻌﻨﻰ ...
..
ﻛﺘﺎﺏ / ﺍﻷﺣـــﻼﻣـــــ
د. #ﻣﺼﻄﻔﻰ_ﻣﺤﻤﻮﺩ ..