يقال عند الوداع مع السلامة
أين السلامة في وداع المُحبين ؟!😔💔

#الاء

إنّ النفس الحزينة المتألّمة تجدُ راحةً بانضمامها إلى نفسٍ أخرى تماثلها بالشعور وتشاركها بالإحساس، مثلما يستأنسُ الغريب بالغريب في أرضٍ بعيدة عن وطنهما فرابطة الحزن أقوى في النفوس من روابط الغبطة والسرور، والحبّ الذي تغسلهُ العيون بدموعها يظلّ طاهِرًا وجميلًا وخالدًا.

اللهم اغفر لي لي ذنوبي وخطيئتي واخرجني من الدنيا كما دخلتها بلا ذنوب ولا عيوب ربي ان كان هذا آخر عهدي في الدنيا فاجعلني من التائبين اللهم أكتب لي لقائك وأنا بلا ذنب واجعل جنتك لي هي الملاذ 🍂🤍
.

ان الله وملائكته يصلون على النبي يا أيها الذين آمنوا صلوا عليه وسلموا تسليما..

حكاية سودانية .. للأسف !!!!

واقف في سوبر ماركت
شلت بامبرز ولبن بدرة وزيتون وشوكلاته لي ولدي ،
الحساب طلع سبعمية الف وشوية ..

في أثناء مابعد في القروش
سمعت طفل بيقول لي بتاع الدكان :
عليك الله اديني ظرفين ..
بتاع الدكان يقول ليهو :
قروشك ماتامه ،
والطفل تاني يحنس فيهو ..
قمت قلت ليهو :
الود دا عاوز شنو ؟
فقال لي :
دا داير ظرفين كاتشاب
وقروشو 2 جنيه وديل بي 3 جنيه ..
فقلت ليهو :
اديهو مافي مشكلة ،

كان منظر الطفل وملابسو وسفنجتو المترمة القديمة بتدل إنو فقير ..
و الفقر مكتوب في وشو ، وفي فنيلتو المخرمة ،
و بنطلونو !!!
(فقير في اغنى بلد متخم بالثروات في العالم ) !!!!

تابعتو
ومشيت وراهو بالراحة
وصل الفرن الجمب البقالة ،
دخل يدو جوا جيبو وقعد يبحت ،
وطلع جنيه حديد إشترى بيهو عيشة ..
وبتاع الفرن اللصق البقالة بتاعت الجوهرة
أداهو عيشة زيادة ..

حسيتو فرح شديد ،
وقعد في الواطة ،
فتح عيشة وحشاها بي كيس كاتشاب !!!!
وأكلا بي نهم شديد
وشال العيشة التانية ومعاها كاتشب ومشى ..

حصلتو في الشارع الداخلي ،
ناديتو :
إزيك ياولد .. إسمك منو ؟
قال لي : فلان ..
بتقرى وين ؟
قال لي :
لا انا بس قريت سنه اولى وطلعوني شان ماعندنا قروش !!!
طيب ابوك وين ؟
امي قالت لي مات ..
لكن اولاد الجيران قالو لي :
شرد مننا !!!
وبيتكم وين ؟
اهنداك ...

البيت طلع اوضة وبرندة من الخشب (كشيقة) ،
طيب انت ليه بتحشي الكاتشاب ؟
قال :
لانو ماعندي قروش طعمية !!
لكن لمن الطماطم يبقى رخيص ..
امي بتشتري كتير تختو تحت الزير ..
نآكل كتييير لمن نشبع ..

(لا حول ولا قوة إلا بالله) ...

قلت : عندك اخوان ؟
قال : لا .. بس اختي ..
كانت عيانة عندها وجع بطن وماتت !!
هسي انا وامي برانا ..
(فيما بعد عرفت إنو أختو ماتت من سوء التغذية) !!
قلت : هسي العيشة دي حقت منو ؟!
قال : دا ساندوتش أمي (ساندوتش كاتشاب) !!

خليتو ومشيت بعد عرفت البيت ..
وخجلت من روحي شديد ..
يعني في نفس الحته والسكن ..
اكون شايل شوية حاجات بي سبعمية الف جنيه ..
وفي طفل زي ولدي مازن ماعندو 5 جنيه حقت طعمية !!

في البيت رقدتا .. ورجع بي الشريط !!
وبكيت لساعتين متواصلات لهذه المأساة ..
وقعدت افكر في الإمبريالية ،
الرأسمالية المتوحشة ،
الديكتاتورية
والفساد
وتماسيح الأسواق !!!
و و و و
صدعتا ونمت ..

الصباح بدري خليت شغلي ..
يعلم الله بس بفكر في حل للطفل وأمو ..

إتصلت بي صديق مليان إنسانية ..
عطوف وعديل درب ..
مشينا دقينا باب ام الطفل ..
جابت لينا موية من الزير ..
لقيناها غير كلمة (الحمد لله) ..
مافي شي في خشمها ..

لقينا الاوضة دي بالإيجار ..
وبيدفع ليها الإيجار اخوها ..
شغال في ولاية تانية ..
ولمن تقطع قروش الأكل ..
بتخجل تحملو فوق طاقتو ..
شان كدا بتقوم تضطر مرات
تحشي الكاتشاب ساندوتشات ..
وهو ارخص طعام بعد الملح ..
وطلع كل كلام ولدا حقيقة بالحرف ..

لميت أصدقائي الرجال الجد ..
البثق فيهم بالجد ..
الرجولة مواقف ..
والانوثة زاااتا مواقف ..
واوريكم كيف ..

قعدتا مع اصحابي ديل حكيت ليهم القصة ..
و في ظرف 48 ساعة إتصلو بي ..
جو بي عربية صالون وبكس ..
(مروق القرش حاار ، لكن الأحر منو موت الضمير) !!!
البكس فيهو تلاجة مستعملة نضيفة ،
جميع انواع الخضروات ،
مواد تموينية لغاية الباكمبودر ، فواكه ، وصلناها ..
نزلنا التلاجه وباقي الحاجات ..
بكاها ابكانا جميعا ..

و جارتنا الكنداكة كمان جات بي ناسا ..
وراها نسوان يسدو عين الشمس .
بايعات الدنيا ..
جابو ليها ملابس ..
وقروش .. مبلغ كبير ماشاء الله ..
إنتهينا من مرحلة الألم !!!

لكن فكرتا بالليل وانا راقد ..
كم اسرة ممكن تكون زي دي ..
وأكعب من كدا ؟

ياناس ياسودانيين ..
ياهووو والله في ناس كتار الحرب دي سحقتهم ..
و عدمتهم نفاخ النار .. و قراب منكم ..
إتفقدوهم .. اقلاها وفروا ليهم لقمة العيش بس ..
لانو في ناس متعففين ..
ممكن يموتو فعليا من الجوع !!!!
وإنتو ماجايبين خبر !!!!
منقول

#الاء

‏ - قال رسول اللهﷺ :
‏"إن خير أيامكم يوم الجمعة
‏ فأكثروا عليَّ من الصلاة فيه"

اللهمُ صل وسلِم على نبيّنا مُحمد. ﷺ❤️

#الاء

صدقات الجمعة لصالح الايتام حبايبنا🌸💙
واقفين شديد😔♥️
مين ينقص..!

أمشي طوّل في بُعادك لما ترجع نحتفي
كل الأماني الحلوة ليك ونفس الحنان تلقاهو في❤️

#الاء

- استغفر الله العظيم وأتوب إليه ..🤎

#الاء

رُبَّ تسبيحةٍ رجحت ميزانك يومَ القِيامة🤍🌼

سُبحَان اللّٰـه وبحمدِه
سُبحان اللّٰـه العظيِم

اقضِ حاجتنا ولو لا نعرف كيف ندعو بها، واقبَل توبتنا، وارضَ عنّا، ولا تُعيدنا خائبين.❤️

#الاء

كل الجروح بتروح الا التي في الروح ..💔

فيا ليتَ مَن نهواهُ يهوى وصالَنا
وليتَ لوَصلِ الغائبينَ سبيلُ

‏في الصَباح
اتجاهل اشتياقي لك
في الظهيرة انشغل عنه
وفي بداية المساء
أواجههُ من بعيد
لكنني دائمًا ما التقي به
في آخر الليل
ويغلِبُني .

#الاء

" أظن مافي ألطف من إنو زول يختارك كل يوم، يكون قدامو أكتر من مليون شخص يومياً ومع ذلك يقع في حبك كل أول يوم ويختارك إنت دوناً عن الناس، يكلمك ويتطمن عليك ويشيل همك ودائماً يفتش عليك .. زول يكون كامل بيك ما لانو ناقص بس لانو وجودك بخلي روحو تحس بأمان وسلام .!
حقيقي أتمنى الحُب ينتصر على خراب العالم وسوء البشر ويفضل نقطة بيضاء ويجمع بين كل القلوب الصادقة .."♥️

#الاء

ﺧﻔﺖ ﻓﻰ ﺍﻟﻐﺮﺑﺔ ﺍﻟﺒﻌﻴﺪﺓ
ﺍﻟﻤﺴﺎﻓﺎﺕ ﻳﺒﻌﺪﻧﻚ ..
ﺍﻟﻌﻴﻮﻥ ﺍﻟﺸﺎﻳﻠﺔ ﺳﻴﺮﺗﻚ
ﺑﻜﺮﺓ ﻳﺒﻜﻦ .. ﻭﻳﻔﻘﺪﻧﻚ .

فلا انتَ بالقُربِ الذي يُرَيحُ الفؤاد
ولا انتَ بالبُعدِ الذي يُنهي الأمل !

#الاء