"‏كُنا أطفال نرتعب إن رأينا حذاء مقلوبة جهة السماء نركض نعدلها ونرسل قبلة إعتذار إلى الله ، أي أرواح طاهرة خسرنا ؟" 💔
🔚

مدني..❤️

يوميات #علوب ...109 ....!! وزنك دهب


لا لا ...ده كلام غرييب عرس ولا في الأحلام ....الغريبة العرس ذاتو في صالة (الأحلام) ....!!! الدخول بالكروت التقول داخلين دار الأوبرا.....!!!
المشكله عندنا كرت واحد بس انا وجعفر صاحبي ....!! أبو الجعافر بستحمي من العصر للعرس ده ..!! وانا معاهو متقاودين كل علاقتنا بالمناسبة دي انو بت خالة ام العروس ...!! بت عّم ابوها كانت بتقرا معانا ....!!! اها ده السبب الجابنا...!! (ماعلاقة قوية عليكم الله ...!! ) ...اها (اشراقة ) دي اللي هي عازمانا للعرس ده كانت معانا في الجامعة وزولة فردتنا كدا ومن الشلة..... كاستنا ...!!! كاستنا ..!!! لمت فينا أدتنا الكرت ده .....!! وقالت هي ذاتا سارقا .....!! 😳 لأنو حسب كلاما انو أهل العروس ديل رغم انو هم اهلم في الحسبه لكن مما (رطبو ) فتحو للنصف الاخر من الأهل اللسا ضارباهو الفلسة ....!!! وبقو ماشغالين بيهم كتير ....!!! لكن اشراقة قالت لي نحنا لأننا كلنا في الجامعة وقاريات ..فشنو ..!! ماعندهم طريقة يتفلهمو علينا ....!!! قامو رسلو لينا الكروت ...!!! منها يعزمونا ومنها ...!!! يمغسونا ...!!! الغريبة العروس دي اشطر واحده في اخواتها نسبتا ٤٨ ٪‏ ....!! وقادا رياضيات ...(عوووقو ياحكم )
...!! قالت لينا انا بس دايراكم تجو تتفرجو وتشوفو (الخمج ) ده كيف ....!! قلنا ليها أبشري ....!! نحنا الخمج جندو والحارا بنخوضا
فعلا يازول ...اتحزمنا وتوجهنا الي حيث الخمج ...!!! وقفنا قدام الصالة لقينا ليك ناس الهدف ديل واقفين في الباب التقول داخلين السلاح الطبي .....!! خير...!!؟ قالو الكروت ...!! مدينا ليهم الكرت..!!! قالو ده لي زول واحد بس ...!!! الكرت مابدخل اتنين ....!! قلنا ليهم لا ماشحن ...!! دخول...!! دخول ...!! داخلين (الاماراتيه ) نحنا...!!! ؟ مابيت عرس ...!!!
المهم شيلك ختك ...!!! واحد فيهم وقف الف أحمر .....!!! قال لا .....!! ( ان شاءالله ياربي يعرسو ليك منهم بعد وقفتك القوية دي ...!!! ) ....يلوي بطنك ....!!!
قلتا لي (جعفر ) في اضانو خش انتا ..!! شايفك بتتجهز من وكت الفطور...!! التقول عرس بت خالتك ..!! ادخل.....!!
قال لي لا ياعلوب ياخ ...!! اخش اضهب براي كدا ....!! مابخش
...!!! قلتا ليهو خلاص نرجع بس ..!! هم ذاتم ديل ناس ثقلا ساكت ...!!
بالله جعفر التقول اديتو كف ...!! هاج ليك وماج ....!! نرجع كيف ياعلوب ياخ ...بعد ماوصلنا هنا ...يازول بقي يطنطن ....!! يطنطن ..!!! ذي البعوضة ...شابكني ليك معقولة بس ..!!!
قلتا لي اها والعمل ...!!؟ قال لي نضرب لي (إشراقة)...!!! ضربنا لي (إشراقه ...!! ) ...رفعت بعد سنة ....( هي فاضيه لكين من (طه سليمان) ...مدور بي جوه ....!!! )
المهم لقت لينا (كرت ) اظنو واقع ..رسلتو لينا مع واحد كده ...!! نادانا بالجمبه ويتلفت...!!! وادانا ليهو بي حركة كدا ...!! ماعرفتو كرت ولا (مسدس ..!! ) اها استلمنا الكرت ...!!! وجينا داخلين ....!! بتاع الهدف طبعا عرفنا مجازفينو......!!! بس الكويسه انو التاني القطيم داك مافي ....!! ده ظريف حبه كده غايتو ..!!ما قال حاجه ...!!! الحمد لله اخيرا دخلنا نصف النهائي ..!!
المهم اول ما انقشطنا .... ريحة ( الريحة ) دي ضاربا المكان كلو ..!!! ً اي زول متريح ....!!! الا انا .....!!! 😅جعفر ذاتو قاشط كلونيا حقت (الوالد) ...!!! والنسوان ديل ماقادرات يمشن من الدهب مرحلات عدييل ...!!! اها ويوم التياب العالمي ...!!! مافضلت صفقة شجرة ولا وردة ماملصقا في التياب دي ....!! (والجكس ) الكبار شويه ديل قادلات وداخلات في الشخصية .....!!! يتحاومن ....!! والبنات الصغار حبه ....!! ديل كمان قايلات قول ...!!! عجيبات مره واحده ...!!! داخلات في شخصيه الأكبر منهن ديل ...!! (وخلن محل عمرن ده فاضي .....!!! ) ديل زمان في الحفلات الجد جد ...زمن الحفلة بي صيوانا وبتتفرتق بكونن نايمات الوكت ده .....!!!
يازوول هسه شاعرات بي جنس عظمه ...!!! والشعور مكوية
والموبايلات تتطاقش ...!! (سلفيي ) (وسلفيك ...) والبوز ممدود لقطة البطه...!! ( مافي ديك حبصة ...) ...!!؟؟؟ ...🐓
غايتو نحنا نشيل ونتفرج ...!!! اها جاتنا اشراقة قالت العشا فوق....( بوفيه ...) ...!!! قلنا ليها ماكمل....!!!؟؟ قالت بكمل ويجيبو .....!! بكمل ويجيبو.... !! شغالين طوااالي كده ...( من المصنع للمستهلك ) ...!!! اتاري عشان كدا عاملين كروت (التموين ) دي ...!!!! جعفر قال لي نحنا ياعلوب نطلع محل العشا ده ...نحنا معزومين كمان ماجايبين ( بعام ...) ...!!! عاينتا لي كدااا قتا ليهو (اعلي هامان يافرعون ...) ...!! والله اكبر (دبيبين ) في الحفلة دي نحنا ....!!! ضحك ...!!! يعمل شنو....!!
المهم طلعنا فوق لقينا (الدبايب ) الأصليين ...!! ( غايتو الكروت دي بتكون اتزورت ...) ..!!! يازول لقينا واحد شايل ليهو (هرم) في الصحن ...الصحن داير يبكي ...

.!! يكون ياربي ده (الهرم ) بتاع (الجبنة ) القصدو الجماعة .....!!!
اها وفي بنات كدا (ثعالب ) بس ...!! بمعطو (ورك) الجداده ده ذي (التمرا) ....!! تشوف التصوير ...!! ماتشوف المدغ ده ...!!! ) بوز البطة تحت ....!!! والفك المفترس فوق ...!!
لكن النصيحة في واحدين اصلو ولا جو علي محل العشا ده ذاتو ...!!! ديل بكونو اما اتغدو كويس ولا عاملات ( دايت ) ظاهراااات (سحالي ) بس ...!!!! 👣وفي واحدين كدا لسان حالم يقول نحنا جايين ( تو انجووووي ) ماجايبين ناكل ....( سمحة الخدرة لما تروق ) ....!!!
بعدين الناس الجاتم قروش وهم كبار شويه ديل ...مرات بكونو مخلوعين حبه كدا ....!! يعني جات واحدا كده بي جنبنا قاطرا ليها (فليبينتين ) سوا ....!!!واحدة شايله الشنطة👜 والتانيه وصيفه ...!!! ( الاتنين أقيف منها ....!!)
لا كمان واحده ورا والتانيه قدام ....!!! ياربي المرا دي تكون مستهدفه من المافيا ...!!
يازووول انا وأبو الجعافر لافين بس نصور ...!!! وأشراقة داعمانا ....!!! قالت اجرو تعالو شوف اسمح بت في الحفلة ...!!! جينا جارين
....!!! لكن بامانة... البت نااااار ...!! مش في سماحه كدا لما ستها بتكون ( هطلا ) ...!! بس ياها البت دي ...!!! هي صراحة قااااطعة .... لكن العواره ظااااهرة ...!! (ولم تتركنا ننتظر طويلا ....!!! ) الساعة القعدت تصفق مع (طه ) ده ....!!! هو كان بغني (دقيت ليهو ماردا ) وهي بتصفق علي ( خداري) ....!!! شتااااره ..مبالغ فيها ....دي اسما شتارة السماحة الزايده ...(اكعب نوع ) ....!!! صحي والله السماحة دي في الروح ....!!! الله يطمنك ذي (ماطممتينا ) اقصد طمنتينا .....!!
المهم واصلنا وأبو الجعافر وسط هذا الحضور .....!! بعد شويه جات واحده كدا قاطعة قدامنا ذي الإسعاف 🚑جاريه ...تكورك ....!!! زحو ...!!! زحو ...زحو يا اخوانا...!!! العروس جايه داخله بطريقة حلوه شدييييد .....!!! ....هياااا اهلنا ....دي مالا دي ...!!؟؟ دي معلق رياضي ياربي .... ولا دي شنو دي ....!!؟ ضحكتني ..( بي طريقة حلوه شدييييد دي ...!!!) الله يورينا ...!!!
المهم طفو النور ...والموسيقي اشتغلت .....!! والعرسان جو داخلين ...!!
هل بتصدقو انو العروس دي جات داخلا بي ( حنطور ) ...!!! اي والله الحنطور الوااااحد ده ....وحصين جد جد ....!!! ) ( ملكي ولا تكلمني ...) ..!!
اها ( اشراقة ) أدتنا الزيت قالت العريس ده تعريفه واحده ماعندو ماتشوفو الحنطور ده ....!!!
ونحنا عرفنا السبب لما شفنا العروس .....!!! بس اقول ليكم شنو ....بالظبط (وزن ) الحصان السايقم ده .....تاني ماعندي حاجه أقولا .....!!
قلتا ليها اها والعريس ده اديتو كم في بت اهلكم دي ...!! قالت لي (وزتك دهب ) .....الضحك شرطنا ...!!
المشكله مافي العريس ....!! المشكله في الحصان الحرن وحلف مايمرق من الصالة...!!! (اها دي ماعملو حسابا) ....!! الحصان طلع سوداني اصيل لسان حاله يقول نحن اسياد بلد نقعد نقوم علي كيفنا ....!!! عفيت منك يا ابو الحا ...!!!
جيبو لي العشا ..!! ماكفايه جاري (الترلا ) بتاعتكم دي ....!!
اها جعفر صاحبي طلع بتاع الاورغن حق طه ده فردتو مشي ليهو قال لي خلي طه يغني لينا ....قنبلة ....!! العروس دي حتنفجر لو ماغنيتوها ....!!!قال لي هي لِسَّه ما انفجرت .....!!! والاتنين ميتين بالضحك ...!! جعفر كمان بعد مايتعشي ....ببدع....!! نظامو كدا ....!!! مبروك ياعريس... بيت مال (وحصان ...!!! )
وأركب (الحنطور ) واتحنطر ....!!!

#اشياءبسيطة ..

Listen to ساهر طرفي محمد خضر بشير by amin jinno 1 #np on #SoundCloud
https://soundcloud.com/amin-jinno-2/naoth5huf7ln

السلام عليكم ...
منقول:
عندي خالتي محتاجه لي دم فصيلة O-
عندها عمليه بتاعت قلب ومحتاجين لي 9
متبرعين ربنا يقويكم على الخير لو بتعرف زول برضو شوف لينا
ويديكم الف عافيه ..

+249992575342
+249915492096
دي الارقام ..
البيلقا فصيلة الدم يتواصل معانا ف الارقام دي

مررها يمكن تقدر تساعد ..
وشكرا 😊

#مسألة_مبدأ

يا صديقة ♥
‏تبقينَ سرًا وعُشًا صغيرًا إذا ما تعبتُ أعودّ إليه
فألقاكِ أمنًا إذا عاد خوفي، يعانقُ خوفي ويحنو عليه.. ©🍃🍂

💚 زفافي الخير 💚

زفافي الخير هي جزء من شغل مجموعة
* 👰 زفافي لتنظيم و تنسيق تفاصيل الزفاف👰* ..

طيب زفافي الخير بتعمل شنو !!؟؟

زفافي الخير بتلم الأكل الباقي من صالات الاعراس و المناسبات و بتظبطو بطريقة نضيفة و ظريفة عشان يتوزع علي الفئات المحتاجة في الشوارع و غيرو :)

طيب ممكن نساعد كيف !؟
كل العليك تعملو تتصل علينا في الرقم التحت دا و تدينا العنوان و نحن بنرسل ناس يجو يشلو باقي الاكل و ينظموه و يوزعوه 💚

للاستفسار : 0904641353

و دامت دياركم عامرة بالافراح و المسرات :)💚

السنا احق بقلب سعيد..أما آن للروح أن تستعيد..عهداً جديد..♣️

امرق برااك من غربتك ،، واستنى في الشارع مجيك
جايز ملامحك تعرفك ،، لما الحنين يملاها بيك ..♣️

‏لا تنام قبل أن تقول:
اللهم أجرني من موت الغفله ولا تأخذني من الدنيا إلا وأنت راضٍ عني ..


#3mr ..

صباح الخير للذين ما زالوا علي اسرتهم يصارعون بقايا المرض_ والذين يصارعون الخيبات
صباح النور للذين قاموا الي الحياة وفي داخلهم صوت ينادي
الموت في خضم الحياة او الحياة في خضم الحياة
صباح القيام _العافية_السكينة_الفرح❤️©🍃

صباح الخيييير ..

❤️في الفجرية زارع بيزرع في المزارع..

جميل المحيا .. ❤️🔛

ليتها تقرأ ..👆

ﺩﻭما معا ..
ﺃﻭ ﻫﻜﺬﺍ ﻗﺪ ﻋﻠﻤﺘﻨﻲ ﻛﻞ ﻟﺤﻈﺎﺕ ﺍﻟﻬﺮﻭﺏ ...
ﺃﻥ ﺍﻧﻌﺪﺍﻡ ﻭﺟﻮﺩ ﻣﻦ ﻧﻬﻮﻯ .. ﻳﻨﺎﻗﺾ ﺳﻨﺔ ﺍﻟﺤﺐ ﺍﻟﺬﻱ ﺳﻜﻦ ﺍﻟﻘﻠﻮﺏ ..
ﺃﻥ ﺍﺭﺗﺤﺎﻻﺕ ﺍﻷﺣﺒﺔ ﺗﺼﻨﻊ ﺍﻟﺜﻠﺞ ﺍﻟﺬﻱ ﻭﺳﻤﺘﻪ ﻟﺤﻈﺎﺕ ﺍﻟﻔﺮﺍﻕ ..
ﻟﻜﻦ ﺻﺪﻓﺔ ﻣﻮﻋﺪ ﺑﻴﻨﻲ ﻭﺑﻴﻨﻚ ﺳﻮﻑ ﺗﺠﻌﻠﻪ ﻳﺬﻭﺏ ..
وئام ..

#3mr

مكتوب علي .. سفر الشقا..💔🔛

يمكن وقت القاك غريب بي لهفه افتح قلبي ليك. .❤️
🔚

واقيف لليلة راجيجي...واعاين في الصباح الراح
ولا مرقـت خيالاتك ولا حتى الصباح ارتحاح
🎶