ي
....!! بس شافتنى كده جدعت الموبايل ...!!هىيي علووووب ...!!! وحضنتني شديد التقول مالى منهم أسبوع .. ..فرحت بى شديد ....!!! حتى ماقالت لى مالك الحصل شنو ...اها أمى صحت بالكركبة دى والله ياخوانا لمن شافتنى لمن دايرا تقع ...!! أدتنى حضنة لو قسموها على كل العالم لشعر بالدفء ...!! وبكت جنس بكا ...بكا شديد خلاص ...!! لكن شعرت بيهو بكا فرحة المره دى ...اها والكواريك والجوطه لمن اخواتى الصغار صحو نطو فينى ...!! اها وفاطمة اختى دى سامنها على حبوبتى حنينه خلاص ..بس تبكى ...!! مادايرا تنزل مني تشيل وتعاين لي ...حاسى بيها دايرا تطير من
من الفرحة مبسوطة شديد ..شديد ..!! وجات صفاء صغيرة البيت دى ..واحلى زول ...بس تهبش فينى وتضحك ...!!!حاسه انها بتحلم ..!! والله حسّيت الدنيا دى كلها بتضحك ...!! وامى جابت لى بالليل داك عشا وشاي بى لبن مقنن ..ريحتو براها تدوخ .....!!! قالت لى هسه كنت حلمانه بيك ياعلوب طالع ليك فى جبل ...!! أتذكرت المركب ..!! حضنتها شديييد ...!!وبكيت كما لم ابكى من قبل ...أحمدك ياربى الجبتنى راجع ....!!! وزول فيهم ماقال لى ليه جيت ..!! بس المهم انى جيت راجع ... وشغالين فينى سلام واحضان ...تانى لاكين انا بفوتكم ...!!!!! ماظنيت !!! وتنقدا الرهيفة ....!! صفاء عاينت لى كدااا ...!!وقالت لى .....جبتا لى معاك ....التلفون...!! حضنتها حتى نامت ...!!! حاجيبو ياصفويه ....والله حاجيبو !!..

#اشياءبسيطة ..

فروه جدي وسبحـــة جدي لمن جيت امد يدي .... جدي اديني تعريفه ....
بتقرا الحمدو يا المبروك ..؟؟؟؟؟؟

بريدك وانت سيد عمري وبشيلك في القليب 💚❤💚 آماآآآآآل.

ﻳﺎﺣﺰﻥ ﻳﺎ ﻣﺮﺗﺎﺡ ﺑﻴﻦ ﺍﻟﺪﻣﻮﻉ ﻭﺍﻟﻌﻴﻦ ..
ﺗﻌﺒﺖ ﻣﻌﺎﻙ ﺍﻟﺮﻭﺡ ..
ﻭﺍﻟﻠﻴﻞ ﺣﺸﺪ ﺳﻬﺮﻭ ..
ﺷﺒﺎﻙ ... ﺣﻠﻢ ... ﻣﻘﻔﻮﻝ
ﺣﺮﺱ ﺍﻟﻤﺴﺎﻓﺔ ﻳﻄﻮﻝ
ﻟﻠﻔﺎﺗﻮ ﻣﺎ ﺭﺟﻌﻮ ..

ﻳﺎ ﺳﻜﺔ ﻟﻲ ﺑﻴﺘﻨﺎ
ﻳﺎ ﻋﺘﻤﺔ ﻳﺎ ﻣﺸﻮﺍﺭ ..
ﻳﺎ ﺷﺎﺭﻉ ﺍﻟﺤﻠﻪ ..
ﻣﺎ ﺿﺎﻋﺖ ﺍﻟﺬﻛﺮﻱ ﻟﻠﻐﺎﺑﻮ ﻭﺍﻟﺤﻀﺮﻭ ..
ﻳﺎ ﻗﻤﺮﻱ ... ﻳﺎ ﻗﻤﺮﻩ
ﻳﺎ ﺍﻟﺴﻨﺴﻨﻪ ... ﻭﺣﻤﺮﻩ
..

ﺑﺴﺄﻝ ﻋﻦ ﺍﻷﻓﺮﺍﺡ !! ﻭﺍﻟﺨﺎﻃﺮ ﺍﻟﻤﺮﺗﺎﺡ ..
ﻋﻦ ﺩﻧﻴﺎ ﻓﻴﻬﺎ ﺳﻤﺎﺡ ..
ﻋﻦ ﺍﻟﺼﺒﺎﺡ ﺍﻟﺮﺍﺡ ..
ﻻ ﺿﻮ ... ﻭﻻ ﺃﺛﺮﻭ ..

ﻋﻠﻤﻨﺎ ﻳﺎ ﻣﺴﻜﻴﻦ ..
ﻭﺭﻳﻨﺎ ﻋﺎﻳﺶ ﻛﻴﻒ !
ﺩﻱ ﺍﻟﺮﻳﺢ ﻭﻏﻮﻝ ﺍﻟﺰﻳﻒ
ﺑﻴﺸﺘﺘﻮ ﺍﻟﻤﻄﺮﻩ
ﻭﺍﻟﻔﻜﺮﺓ ﻗﻮﻟﺖ ﺍﻟﺤﻖ
ﻣﻜﺘﻮﻓﻪ .. ﻣﻨﻜﺴﺮﺓ
ﻭﺍﻟﺨﻄﻮﺓ ﻧﺤﻮﻙ ﻛﻴﻒ ؟
ﻭﺍﻟﺴﻜﺔ ﺩﻱ ﺧﻄﺮة..

ﺃﻃﻔﺎﻟﻨﺎ ﻭﺍﻷﻣﺎﺕ
ﺁﻣﺎﻟﻨﺎ ﻭﺃﺣﻼﻣﻨﺎ
ﺍﻟﻬﺴﻪ ﻭﺍﻟﺠﺎﻳﺎﺕ ﻃﻮﺍﻟﻲ ﻓﻲ ﻭﻛﺮﻩ
ﻟﻜﻦ ﺩﻩ ﻛﻠﻮ ﻳﻬﻮﻥ
ﻣﻬﻤﺎ ﺍﻟﺼﺒﺎﺡ ﻣﺮﻫﻮﻥ
ﻭﺍﻟﻔﺮﺣﺔ ﻣﺤﺘﻜﺮﺓ
ﺍﻟﺒﺬﺭﺓ ﻣﻬا تكون حتبقي يوم شجرة

ﺃﻓﺮﺩ ﺟﻨﺎﺡ ﻋﻴﻨﻴﻚ ﻣﺎﺩﺍﻡ ﻋﺪﻣﺖ ﺍﻟﺮﻳﺶ ﻭ ﺟﻴﺐ ﺍﻟﺴﻌﺎﺩﺓ ﻋﻠﻴﻚ ﻭ ﺍﻟﺒﺴﻤﺔ ﻣﻦ ﻣﺎﻓﻴﺶ ﻭ ﺧﻠﻲ ﺍﻷﻣﻞ ﺟﻮﺍﻙ ﺑﻲ ﺑﻜﺮﺓ ﻳﺒﺪﺃ ﻳﻌﻴﺶ ﺍﻟﺪﻧﻴﺎ ﻣﺎ ﺑﺎﻟﻤﺎﻝ ﻭ ﺍﻟﻔﻜﺔ ﻭ ﺍﻟﺒﻘﺸﻴﺶ

ﺍﺿﺤﻜﻰ
ﺗﻀﺤﻚ ﺍﻟﺪﻧﻴﺎ ﻭﺗﻔﻴﺾ
ﺗﺼﺤﻰ ﺍﻟﻜﻬﺎﺭﺏ ﻓﻰ ﺍﻟﺸﻮﺍﺭﻉ
ﻭﻳﻨﻜﺴﺮ ﺳﻮﺭ ﺍﻟﻤﻮﺍﻧﻊ
ﻭﺗﺒﺪﺃ ﺍﻋﻴﺎﺩ ﺍﻟﻤﺰﺍﺭﻉ ﻭﺍﻟﻤﺼﺎﻧﻊ
ﻭﺗﻮﺻﻞ ﺍﻟﻨﺎﺱ ﺍﻟﺮﻭﺍﻳﻊ ﻳﺎ ﺭﻭﺍﻳﻊ ..

بتتدبر
ولا يهمك.. إله الكون بفرّج همنا و أكتر ... بتتدبر😊

ﺃﻳﻬﺎ ﺍﻟﺮﺍﺣﻞ ﻓﻲ ﺍﻟﻠﻴﻞ ﻭﺣﻴﺪﺍ
ﺿﺎﺋﻌﺎ ﻣﻨﻔﺮﺩﺍ
ﺍﻣﺲ ﺯﺍﺭﺗﻨﻲ ﺑﻮﺍﻛﻴﺮ ﺍﻟﺨﺮﻳﻒ
ﻏﺴﻠﺘﻨﻲ ﺑﺎﻟﺜﻠﻮﺝ
ﻭﺑﺎﺷﺮﺍﻕ ﺍﻟﻤﺮﻭﺝ
ﺍﻳﻬﺎ ﺍﻟﺮﺍﺣﻞ ﻓﻲ ﺍﻟﻠﻴﻞ ﻭﺣﻴﺪﺍ
ﺿﺎﺋﻌﺎ ﻣﻨﻔﺮﺩﺍ
ﺣﻴﻦ ﺯﺍﺭﺗﻨﻲ ﺑﻮﺍﻛﻴﺮ ﺍﻟﺨﺮﻳﻒ
ﻛﺎﻥ ﺻﻴﻔﻲ ﺟﺎﻣﺪﺍ
ﻭﺟﺒﻴﻨﻲ ﺑﺎﺭﺩﺍ
ﻭﺳﻜﻮﺗﻲ ﺭﺍﺑﻀﺎ
ﺧﻠﻒ ﺍﻟﺒﻴﻮﺕ ﺍﻟﺨﺸﺒﻴﻪ
ﻣﺨﻔﻴﺎ ﺣﻴﺮﺗﻪ ﻓﻲ ﺍﻟﺸﺠﺮ
ﻭﻏﺮﻭﺏ ﺍﻻﻧﻬﺮ
ﻭﺍﻧﺤﺴﺎﺭ ﺍﻟﺒﺼﺮ
ﻟﻮﺣﺖ ﻟﻲ ﺳﺎﻋﺔ
ﺣﻴﻦ ﺍﻧﺼﺮﻓﻨﺎ
ﺛﻢ ﻋﺎﺩﺕ ﻟﻲ ﺑﻮﺍﻛﻴﺮ ﺍﻟﺨﺮﻳﻒ
ﺣﻴﻦ ﻋﺎﺩﺕ ﻭﺛﺐ ﺍﻟﺮﻳﺢ ﻋﻠﻲ
ﺍﺷﺮﻋﺘﻲ ﺍﻟﻤﻨﻔﻌﻠﻪ
ﺳﻄﻌﺖ ﺷﻤﺲ ﺍﻟﻔﺮﺍﺩﻳﺲ
ﻋﻠﻲ ﺍﺭﻭﻗﺘﻲ ﺍﻟﻤﻨﻌﺰﻟﻪ
ﻭﻣﻀﺖ ﺗﺤﻀﻨﻨﻲ ﺍﻟﺸﻤﺲ ﺍﻟﻨﺪﻳﻪ
ﺍﻟﺘﻲ ﻣﺎﺣﻀﻨﺘﻨﻲ ﻓﻲ ﺍﻟﺰﻣﺎﻥ ﺍﻻﻭﻝ
ﻓﻲ ﺍﻟﺰﻣﺎﻥ ﺍﻟﻐﺎﺋﺐ ﺍﻟﻤﺮﺗﺤﻞ
ﺍﻳﻬﺎ ﺍﻟﺮﺍﺣﻞ ﻓﻲ ﺍﻟﻠﻴﻞ ﻭﺣﻴﺪﺍ
ﺿﺎﺋﻌﺎ ﻣﻨﻔﺮﺩﺍ
ﺍﻧﺘﻈﺮﻧﻲ ﻓﺎﻧﺎ ﺍﺭﺣﻞ
ﻓﻲ ﺍﻟﻠﻴﻞ ﻭﺣﻴﺪ
ﻣﻮﻏﻼ ﻣﻨﻔﺮﺩﺍ
ﻓﻲ ﺍﻟﺪﻫﺎﻟﻴﺰ ﺍﻟﻘﺼﻴﺎﺕ ﺍﻧﺘﻈﺮﻧﻲ
ﻓﻲ ﺍﻟﻌﺘﺎﻣﻴﺮ
ﻭﻓﻲ ﺍﻟﺒﺤﺮ ﺍﻧﺘﻈﺮﻧﻲ
ﺍﻧﺘﻈﺮﻧﻲ ﻓﻲ ﺣﻔﻴﻒ ﺍﻻﺟﻨﺤﻪ
ﻭﺳﻤﺎﻭﺍﺕ ﺍﻟﻄﻴﻮﺭ ﺍﻟﻨﺎﺯﺣﻪ
ﺣﻴﻦ ﺗﻨﻬﺪ ﺍﻟﻤﺪﺍﺭﺍﺕ
ﻭﺗﺴﻮﺩ ﺳﻤﺎﺀ ﺍﻟﺒﺎﺭﺣﻪ
ﺍﻧﺘﻈﺮﻧﻲ ﺍﻧﺘﻈﺮﻧﻲ
-----------------------
ﺍﻟﺸﺎﻋﺮ : ﻋﺒﺪ ﺍﻟﺮﺣﻴﻢ ﺃﺑﻮ ﺫﻛﺮﻯ ..

متل النسيم ومؤدبااانااا وبي الدلع هي مغلبااانااا
فلااانه
ً
😊

توكلت في رزقي على الله خالقي وأيقنت أن الله لا شك رازقي وما يكُ من رزقي فليس يفوتني ولو كان في قاع البحار الغوامق

#الشافعي
صباح الخير...

أبوى انشاء الله لي تسلم
ابوي يالطيب الانسان ويا دراق
سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان...

يا ممكون جواك وصابر. وصبرك جواك ممكون. يا تايه في الزمن العابر. وعابر زمن الهم محزون يا موجود في ناسك ونادر. ورايح في زاتك مرهون

صيد الاسماك على شاطى النيل الابيض الخرطوم 1962

ﻳﺎﻣﻌﺎﻳﻦ ﻣﻦ ﺍﻟﺸﺒﺎﻙ ﻳﺎﺍﺣﻠﻰ ﺯﻭﻝ ﺷﻔﻨﺎﻙ
ﺍﺭﺣﻢ ﻗﻠﻮﺑﻨﺎ ﻣﻌﺎﻙ ....

يوميات #علوب 12 ...موهبة الاكل ..!!

اتعرفتا لى على بت كده النصيحه عجبتنى قلت ياعلوب انت ماتجرب ذي ناس الدنيا ديل وتعمل ليك علاقة جاده كده مع بت وتخلقو نوع من التفاهم والانسجام وعادى بعد كده تعرسا وانت مرتاح بعد الفترة التجريبيه دى ...!! فيها شنو يعنى عيب ولا حرام ...!! انت ذاتك راجل محترم ومتربى ...المهم يازول البت ذاتا حاسى بيها ذي مهتمه بى كده ....!! هى شغالة فى شركة وزميلة بت كانت زميلتنا فى الكلية اسمها افراح ..!!! انا كنت بمشى ليها كان عندى موضوع شغل معاهم وطرشق كالعاده ....!!! المهم افراح دى بت ظريفه كده من ايام الجامعة وصاحبتى شديد والله وبت جدعة خلاص وحربيه مما عرفناها ...!! وعلاقتى بيها قويه شديد والله ذي الاخوان ...وهى اللفتت نظرى ...!! قالت لى انت ياعلوب (مواهب ) دى رأيك فيها شنو والله بت ذي البت ..!! ماتخش فيها ياخ ...!! أمكن الله يقسما ليك ..وأفراح فردتى دى ذاتا عندها علاقة كده مع واحد زميلنا فى الجامعة وهم دايرين بعض شديد ...!! لكن صاحبى ده لِسَّه ماكون نفسو ..اشتغل يادوووب ليه سنة كده ...بياخد ليهو ماهيه نص الشهر مابتوصلو ..!! المهم غايتو لِسَّه هم منتظرين ...!!! نرجع لى مواهب صاحبتا دى ...اها مواهب والله مافيها كلام بت ظريفة ولطيفة وكلها مواهب ...!! عندها مشكله وااااحده البت دى ...اكاله اكل ...!! بس كل ما امشى ليهم ...اها يا إخوانا العضه كيف ..!! ياخوانى الجوع ده ماكتلنا ...!!( وهى تكون فطرت قبل ساعة ...) اها حافظه ليك المطاعم دى ومحلات الاكل دى محل محل ...البيتزا السمحة وين ...!! الجداد البروست أحسن ولا المشوى ..!! وين احلى ايسكريم فى الخرطوم ...!! الليله فتحو مطعم فى الرياض ...!!! بس دى شغلتا وقروشا دى كلها ماكلاها فى بطنا دى ...!! والغريبة اكل السوسه ...اصلو ماظاهر عليها ..!! غير كده والله مافيها كلام ...قلت لى افراح هسه انا كان عرستا مواهب دى ما الا اسكنا فى مطعم .....!! افراح قالت لى والله كلو حيروح ليها ...!! دى هسه بس عشان مافى موضوع ..!! بتفرق على روحا.... قلت ليها لكن الفريقه عندها ...!!! فى زول بفرق بي سدر جداده وسندوتش بيرقر دى بت ولا ثعلب ...!!!
المهم بينى وبينكم الزول البحب الاكل ده دايما بكون ظريف ...!! اها مواهب دى قمة الظرافة ..!! بعدين مافى حركات ذي بعض البنات ..يعوجن فى خشومن ...والكلام ذاتو كيف ...!! ونحن استايل ..!! زوله وااااضحه ..جعانه بتقول جعانه ..عطشانه بتقول عطشانه..اللبس ذاتو حربى ...دارعا ليها بنطلون كده وقميص طوييييل اكبرمقاس ..!!! وجزمة كده بتاعة رياضه من شفتها شاكاها ....!! مكياج ذاتو مافى تغسل وشها وتبقى مارقه ..!! وهى والله سمحة وكمان جذابة اكتر ..!! بعدين عندها ميزة تانى اصلو مافى حاجه عندها صعبه ولا بعيده ...!! تَكش معاك بى جزمتا دى اى حته ...وعندها عربيه قديمه كده ..( لادا ..) قالت ورثتا من ابوها ...معلقا صورتو فيها ...!! غايتو كتر خيرا اي مشوار هى جاهزه اصلو مابتقول لا ...!! والزوله دى والله حنينه خلاص ...!! اها عندها غرام مع الشماشه ديل ..!! قالت ديل ضحية المجتمع ...تشاغلم ليك ...!! وطوالى كان عندها حاجه تديهم ...!! أكل ...!!! قروش ...!! اى حاجه...!! هم ذاتم مما يشوفوها يتبسمو ...!! فى واحدين منهم كده قاعدين قدام العماره الفيها الشركة دى ....!! مره قلت لى واحد منهم بتعرف البت الجاية دى ...!!؟؟. كانت جايه نازله من الشركه مع أفراح.... وانا واقف منتظر تحت ...!! قال لي ياتا فيهم ...!!؟ قلت ليهو ام بنطلون دى ...والله لمن اخد ليهو ضحكة الشافع ده ..قال لي كيف ياخ دى هوووبه ياخ ست الشي كلو ...!!! والله حنينه كيف ...!! مواهب يا ...!!والله انا كان قالو لى ...!! طوالى نبقيها الوالى ...!! (والله انا ذاتى لما اتكيفت ..!!) اها فعلا وصلت كده سلمت عليهم بالاسم ...كمان قالت ليهم ...الليله وين (النص ) ...(ده واحد من الشماشه ديل ...) والله الأولاد ديل مؤدبين أدب قداما ..داك قال ليها الليله (النص) مضروب ياخ ...!!!هى طوالى فهمت ...!!؟ قالت ليه سجمى مالو الجاهو شنو ...!! قال ليها والله حمى كده ...!! (اتارى مضروب دى يعنى عيان ..) .اها مواهب دى لما وشها اتغير وحسيت بيها دايرا تبكى ...!! وهسه وين هو ..!!؟؟ سالت الود بى حزن شديد ....!! انا قلتا ليها بى ضحكة كده يعنى حيكون فى رويال كير يامواهب ..ده سؤال ..!! ! قالت لى يغسى عليك ماتقول كده ...!!! والله بالجد احترمتها شديد وهى بهذا القلب الكبير ...!! عاينتا ليها كدااا ...!! قلت فعلا دى زوله محترمه البتحس بى الم الناس دى ....!!! لا ..وكمان بى منو ..!!؟؟ الشماشه ديل الزول شغال بيهم مافى ...وهى طبعا كان ماخجلت مننا اظنها كان مشت شافت العيان ده !! غايتو فتحت مطبقتا أدت الود قروش وقالت ليهو دى تمشو تدوها سعد وكان تعب هاكم دى ودوهو الدكتور ...!! والله الامتنان والحب الذى رايته فى عين هذا الصبى لم اره من قبل ...!! والاحترام الذي احتر