ﻧﺬﺭﺍ ﻋﻠﻲ ﺍﻥ ﺑﻠﻐﺖ ﺩﻳﺎﺭﻩ
ﻟﺸﺮﺑﺖ ﺻﺎﻓﻲ ﺍﻟﺤﺐ ﻣﻨﻪ ﻣﺪﺍﻣﻲ ،
ﻭﻻﻏﺒﻄﻦ ﺑﻜﻞ ﺷﺨﺺ ﺯﺍﺭﻩ ﻓﻲ ﺳﺎﺋﺮ ﺍﻻﺯﻣﺎﻥ ﻭﺍﻻﻳﺎﻡ..

ﻧﺬﺭﺍ ﻋﻠﻲ ﺍﻥ ﻭﺻﻠﺖ ﻟﺴﻮﺣﻪ
ﺻﻠﻴﺖ ﺍﻻﻓﺎ ﻋﻠﻲ ﺍﻟﻤﺤﺒﻮﺏ ،
ﻭﺷﺮﺑﺖ ﻣﻦ ﺫﺍﺕ ﺍﻟﺤﺒﻴﺐ ﻭﺭﻭﺣﻪ
ﻭﺻﺒﺮﺕ ﻓﻲ ﺍﻟﺴﺎﺣﺎﺕ ﺻﺒﺮ ﺍﻳﻮﺏ ..

نذراً علي - عبده شرف ..

للضاحكين رغم العناء
لمن لم يحتسوا الشاي بعد الاستيغاظ
لمن لم يتوجهوا للمدرسة في الصباح
صباح الخير واحبكم❤️
🔚

صباح الخيييير ..


#3mr

نحن انعكاسات للنجوم .. ❤️🔛

هكذا هزمو اليأس .. 👆

يا الصامدة زي جبل الصوان ....

🎶

انا ياني من ضل الضريـح الجبة والوطن الهجيـن ....

🎶

بيناتنا السنين
ي سمحه
بيناتنا المواجع
بيناتنا الليالي
المره
والحزن الموالف
بيناتنا الضحك
واللمه
والحظ المحالف
..
راجيينا الكتير
ي سمحه
راجيينا السمح
...

للصديقه والمسافات اللي بينا ❤
#رماز_نادر

وأنتي أول الأوطان وآخر المنافي ❤️..♣️

قالت له ألا تثق فيني..قال كيف أثق في فتاة كانت لعبتها المفضلة القفز على القلوب وبقدم واحدة💔..♣️

ﻋﺰﻟﻮ ﺍﻟﺠﻤﺎﻝ ﺃﻧﻄﻮ
حبان ﻛﺘﺎﺭ حاقو
ﺃﻧﺎ ﻗﻠﺒﻲ ﻳﻮﻡ ﺷﻘﻮ
ﻓﺠﻮ ﺍﻟﻮﺗﻴﻦ ﺧﺘﻮ
ﻭﺻﻮﻫﻮ ﻳﻔﺘﻨﻲ
ﺻﺎﺑﺮ ﻭﻟﻜﻨﻲ
ﻣﺤﻨﺎﻥ ﻣﻌﻴﺸﺔ ﺍﻟﻬﻢ
ﻭﺍﻟﻬﻢ ﺳﺮﺡ ﻓﻲ ﺍﻟﺪﻡ..

ﺳﻮﺍﻧﻲ ﻟﻴﻬﻮ ﻣﺪﺍﺭ
ﺻﺤﻲ ﺍﻟﺠﻤﺎﻝ ﺳﺤﺎﺭ
ﺯﻭﻻ ﻣﻼﻥ ﺍﺳﺮﺍﺭ
ﺣﻴﺮ ﻗﻠﻴﺒﻲ ﻭﻃﺎﺭ
ﺩﺍﻳﻤﺎ ﺗﻮﺭﻭﻫﻮ
ﺷﻮﻑ ﻋﻴﻨﻲ ﺭﺩﻭﻫﻮ
ﻣﺎ ﺗﻘﻴﻔﻮ ﻣﺜﻞ ﺍﻟﻄﻴﺮ
ﺯﻭﻻ ﻣﺘﻞ ﺯﻱ ﺩﺍ
ﻣﺎ ﺷﻔﻨﺎ ﺗﺐ ﻣﺘﻠﻮ ..

ﻗﺎﻣﺘﻮ ﻣﺮﺑﻮﻋﺔ
ﻣﻌﻘﻮﺩﺓ ﻓﻮﻕ ﺧﺼﺮﻭ
ﻓﻲ ﺧﺎﻃﺮﻱ ﺿﻤﻨﺘﻮ
ﺑﻲ ﺳﺮﻱ ﺍﻣﻨﺘﻮ
ﻃﻤﻨﺘﻮ ﺭﺿﻴﺘﻮ
ﻭﻗﻠﺒﻮﺍ ﻋﺒﻴﺘﻮ
ﺯﻱ ﻛﻮﺯﻱ ﻭﻗﻴﺘﻮ
ﻓﻲ ﺍﻟﺮﺍﺩﻱ ﺣﻴﻴﺘﻮ
ﺣﺒﻴﺘﻮ ﻓﺮﺍﺩﻱ..

ﻋﺮﺿﺘﻮ ﻳﺘﻜﺮﻡ
ﻳﺮﺟﺎﻧﻲ ﻓﻲ ﺍﻟﻮﺍﺩﻱ
ﻋﻘﺐ ﺑﺼﻮﺕ ﺍﻟﻄﻴﺮ
ﻭﺻﻮﺗﻮ ﻛﺎﻥ ﻧﺎﺩﻱ
ﻓﻲ ﻳﻮﻡ ﻋﻠﻲ ﻃﻞ
ﻭﺃﺷﻮﺍﻗﻮ ﻣﻨﺒﻠﺔ
ﻋﺎﻳﻦ ﻗﺼﺎﺩ ﻗﻠﺒﻲ
ﺗﻜﻨﻮ ﺇﻧﺴﺎﻻ
ﺑﺴﺎﻡ ﻭحنو كتير
ﻭﺍﻟﺼﻮﺕ ﻛﺄﻧﻮ ﺣﺮﻳﺮ
ﻓﻜﺔ ﺧﺸﻴﻤﻮ ﺃﻃﻴﺮ
ﺭﺿﻴﺎﻥ ﺣﻜﻤﺔ ﺍﻟﻠﻪ ..

يوميات #علوب ...103 ....ماقال بجي ...!!

الحلة دي مالا صانا كده الليله ...!! ياربي ده الفلس ....!! ولا في شنو ..!! انا مما القي عمك (يس ) ده راقد ممدد كده قدام دكانو بعرف انو القوة الشرائية فيها عطل ...!!! حاله صعبة غايتو ....!!!
اها خلااااص ...الناقصة تمت !!! عمك (بله ) جا يتلولح ...!!! ( اكبر جلا في افريقيا ) وبنافس في ( اسيا )
الله يعدي اليوم ده علي خير ....(جابت ليها ( بله ) كمان .....!! الزول ده شايت وين ماعرفناهو ...معانا ينبذ في الحكومة ....!!! تجي الحكومة يبدا ( يكبر ...!! ) ....!!
كايس لي معاي موضوع ...سلم علي...!!! رديت عليهو بي اخر خط ...!! قال لي والله غايتو غلبنا النسوي ....!!!
ولا قلتا ليهو انتا بتقول في شنو ....(مسح المسح ) دي ذي ( سلاح الأسلحة ) ...ياخ اكبر مستهبل في الحلة دي ... ..!!! ) لعبتو ليك بالكتف ..!!ومشيت ..!!!
ماهو الزول عديييل كده يورينا شايت وين ....!!! نشيلو في راسنا ده ...!! يقعد يعمل حركات( بله ) دي مافي غير المسح ده ....!!! في زول مما الله خلقكم بعمل قصيده في (معتمد ...)...!! اها ياهو (بله ) ده ...!! والله جد ....قال ليهو (يامعتمدنا ...!!! انتا تاج راسنا وسندنا ...!!! ) بتصدقو ..!!! قدام ناس الحله ديل كلهم ....!!! اتخيلو ليكم منظر ....!!! تاج راسنا قال ...!!! راسك بالموس التزينا .....!!! (راسك براك أوعي تجمع ...!! ) المعتمد اديتو تاج راسنا ...!! كان جا الوالي تدي معاهو ( التاج البريطاني ...)
بالله مابستاهل (الكبري) الزول الكضاب ده ...!!! براي بقيت اغني وانا ماشي ...ويييينو بله ...بله يا بله ......كان( نفك الحاله دي شويه ...!!!
ياخ حتي كلب ناس حاج التوم الليله مادي بوذو ...!!! مرات كدا لما أجي بي جنبو بدّي ضنبو ده هزا هزتين ...!!! لا عرفتها ريدا...!!! لا فرزتها... اعمل حسابك ...!!! اها الليله ولا كلّف نفسو اصلا ...!!! راااقد القرفه دي ظااااهره في وشو ....!!! قرب يقول لي (كتمت) ...!!! انا كمان احترمنا نفسي سلمتا علي من بعيييد ..ومشيت ....!!! يشيل ويعاين لي بي طرف عينو ....
هياااا اخوانا دي قفلة شنو دي الليله يفتحا الكريم ....
جيت داخل البيت. لقيت ليك الحجه ومشاعر مجتمعات راس ...!! ده بكون اجتماع أزمة ....
دخلتا طوالي ...!!! جاتني فطوم جاريه جوه قالت لي (علوبه ) مش انتا قلتايوم الخميس بتودينا الحديقة ...!! اها الخميس جا ...!!!
لا عرفتا اضحك ولا ابكي
بختهم ناس (فطوم ) ديل ماجايبين خبرالدنيا ......!!!!
(الحياة عندهم حديقة ...!!! وكلها خميس ..) ....!!!
هو بالله الخميس جا ....
قلتا ليها ان شاءالله ..!! جدا ...فرحت كأنها مشت وجات...!! وقامت جارية ...!!! ( ليتني بصفاء عقلك ياصغيرتي ) ...!!
اها فطوم دي مقدور عليها...!!! البقدرني علي مشاعر دي شنو ...!! جات تتدبا ...(بعرفا من مشيتا) ...طبعا دي المبعوث الرسمي للحجه بتوصل فحوي الرسالة... والتفاصيل بعد داك بتجي من (البيت الأبيض ...) ...!! قلتا ليها خير في شنو ...!!؟ قالت لي ماف حاجه ...!!! بس أمي قالت ليك رمضان جا ...!
الرساله واضحة طبعا ...!!قلتا ليها ان شاءالله .....!!!
هو بالله رمضان جا .....!!؟؟
قلتا ليها كدي ختي لينا الغدا ...!! اتغديت..!!! واخدتا لي مدا كدا ..!! اها في رقدتي دي جاني ليك زول كدا اول مره الاقيهو قال لي انتا علوب...!!؟؟ قلتا ايوه نعم ....!! خير ..!!!؟
قال لي لا ...كل خير....مش والدك الله يرحمو كان عندو ورثة
فيها بعض الأطراف والمشاكل في الارض ...قلتا ليهو نعم ..!! قال لي مبروك ..!!! القضية اتحسمت لي صالحو ....!!! اخيرا اتحسمت ..!!! (يا مانتا كريم يارب) (قلتا اخش في شخصية المسلسلات ديك ...!! ) داير اطير من الفرح ...!!! لم يكتف الرجل بهذه الجرعة ...!!! لحقني بالتانيه ...!!! قال لي دي ما كل القصة ...!!! قلتا ليهو اها خير ياوش الخير ...قول ....!!!
قال لي المفاجأة انو الارض طلع فيها عرق دهب ....!! ( انا هنا عروقي اتشحطن )..!! وواصل الرجل قال لي فيهو اكتر من اتنين كيلو دهب خالص ...(غير الدقاقا ...!!!) ...!!! غايتو لا عرفتا اكورك ...لا عرفتا أقوم اعرض ...!! ولا اقطع لي مسدار ...بس اها ...!! اتبكمتا
وجاني الإحساس داك بتاع العبور من الضراء للسراء ...!!! احساس حلو حلا ان شاءالله كلكم تضوقو ....(انا ضقتو هسه طبعا دي اول مره ) ..!!! مش مرات بقول ليك فلان ده (عدي ) ....بس يبدو الليله انو علوب ..( عبر )
فرحة وسعادة لم التقي بها منذ وقت طويل ....!! والظاهر ما حنتلاقي قريب ...!!! ً
نهزتني ليك مشاعر صحتني من الذا نومه ...!!! الدهب ماخلتني استلمتو...!!! الله لاكسبك يامشاعر ...!! ده وكتو ...حلات
‎قالت لي قوم قوم ياعلوب ...المغرب جا .....!!!
(حتي الحلمه مستكترنها علينا ....!!! )
المشكله في حلمتي انو نحنا ماعندنا ارض ذاتو ...خلي فيها مشكله ( حتي الأحلام بقت

مضروبة ....!!!
هو بالله المغرب جا ...!!؟؟
حاضرين ...!! النقوم نصلي ...!!
حاجات رمضان وحديقة فطوم... يحلنا الحلا ( بله ) ....ماقال بجي ...

#اشياء_بسيطة..