أشياء بسيطة

مساء النور ..

3.62K views16:31

مقال اليوم 111

#بوست_الخميس اليوم العالمي للمرأة ❤️ الأُنثى عموماً كائن ضعيف ومسالم جداً ، لماتحب بالجد قلبها ببقى زي البسكويتة أقل ضربة بتفتفتو ، بتحتاج طبطبة لماتكون زعلانة وبتحتاج تطمئن ‏لماتكون قلقانة ، وبتخاف من بكرة وبتخاف جداً من الفراق والبعد والخصام ، بتتحمَّل وبتشيل على كتفها حمل جبال وبتقيف وراء ضهرك #سند_وعضد💪😎 وبتبيع الدنيا وتشتريك وبتتحملك كتير وبتدافع عنك حتى قدام نفسها ، ‏كائن طيب وروحو شفيفة وملامحو بتنور وضحكتو بتكمِّل فرحتك ، لو حبتك حاتكون عفوية وتلقائية وحاتعاملك بي جزء من أمومتها ودا #أصدق_شعور وأروع حِس 💓، بتسرح كتير ومعظم وقتها براها وبتحب الشتاء والسفر ، ‏عنيدة وحساسة بي زيادة ، ممكن تنسى حاجة حصلت قبل 5 دقايق وبتتذكر حاجات ليها 5 سنين ، حنينة جداً وبتحب البحر واللّون الأحمر والأسود ، نومها خفيف وبتصحى بي أقل حركة ، بتفرح جداً لماتلقى زول بهتم وبسأل ، ‏مابتشيل في قلبها بس مابتنسى حاجة ضايقتها حتى لو سامحتك ، بتحب الشكولاتة البيور ، بتحب أفلام الشغف والرعب وبتكره الكذب ، ‏خير المكياج عندها #ماقلّ_وشلّ ‏😎✋، الله يكفيكم شرها لماتمشي تشتري حاجة من السوق وتلقى المقاسات خلصانة ، ويكفيكم شرها لماتلبس وماتطلع 🌚😂، درّاعة أحياناً لانها مابتتلوّن ، عندها مشاكل في المعدة من كترة التفكير ‏، يلومها الجميع وهي أسيرة تفاصيل لم ولن تُحكى رفقاً بها ولو أبقت مثقال ذرةٍ من كلامٍ لم يُحكي ولن يحكى حتى لأقربهم 💔 ، لايوجد أسوأ منها وقد أضاعت معك عمراً وإكتشفت للتو أنها تستحق من هو أفضل منك #كسرة سلام لي أمي الرّبتني ولي أختي البرضو ربّتني ، ولي زوجتي الماشافتها عيني ولي بتي الفي رحم الغيب💜 ، وسلام تاني لي ماما حاجة القرتني الروضة سلام لي نساءِ الأرض قاطبة بغير لون ولاعرق ولادين دُمتنَّ جميلات 🎀💜 #تخريمة ياحوّاءات #الحمد_لله عليكم جداً يعني 🎀💜 ..

#احمد_مكي_الدرديري
#اشياء_بسيطة..

3.77K views16:32