ﻧﺘﻼﻗﻲ ﺍﻣﺒﺎﺭﺡ
ﺍﻟﺴﺎﻋﻪ ﻏﻴﻤﻪ ﻭﻧﺺ
ﺟﻨﺐ ﺍﻟﺨﻴﺎﻝ ﻧﺎﺻﻴﻪ
ﻟﻤﻦ ﻳﻜﻮﻥ ﺳﺎﺭﺡ.. ™

ﻧﺘﻼﻗﻰ ﻗﺒﻞ ﺳﻨﻴﻦ
ﻣﻦ ﻏﻴﺮ ﺯﻣﻦ ﺟﺎﺭﺡ
ﻧﺘﻌﺒﻰ ﺷﻮﻕ ﻭﺣﻨﻴﻦ
ﻣﺎﻣﻬﻢ ﻟﺤﺪ ﻣﺘﻴﻦ
ﺍﺻﻠﻮ ﺍﻟﻌﻤﺮ ﺭﺍﻳﺢ.. ™

ﻓﻲ ﻟﻌﺒﻪ ﺍﻻﺷﻮﺍﻕ
ﺩﻳﻤﻪ ﺍﻟﺤﻨﻴﻦ ﺭﺍﺑﺢ
ﻟﻮ ﻫﺴﻲ ﺍﻭ ﺑﻌﺪﻳﻦ
ﻟﻲ ﻟﺤﻈﻪ ﺍﻭ ﺳﻨﺘﻴﻦ
ﺑﺒﻘﻲ ﺍﻟﻮﺻﺎﻝ ﺭﺍﺟﺢ.. ™

ﻫﻮ ﺍﻟﺸﻮﻕ ﻣﺤﻞ ﻣﺎ ﻳﺒﻴﻦ
ﺣﺘﻤﺎ ﺑﻴﻜﻮﻥ ﺟﺎﻣﺢ
ﻟﻮ ﻋﻤﺮ ﺃﻭ ﻋﻤﺮﻳﻦ
ﻓﻲ ﻛﻞ ﻟﺤﻈﺔ ﻭﺣﻴﻦ
ﺣﺴﻮ ﺍﻟﺸﻔﻴﻒ ﻭﺍﺿﺢ.. ™

ﻭﺍﻟﺮﻳﺪ ﺩﻭﺍﻡ ﺟﺎﺭﺡ
ﻟﻮ ﺣﺘﻲ ﻟﻴﻬﻮ ﺳﻨﻴﻦ
ﺟﺮﺡ ﺍﻟﻐﺮﺍﻡ ﻭﺍﻟﺸﻮﻕ
ﺗﻠﻘﺎﻫﻮ ﻳﻮﺕ ﻧﺎﺗﺢ
ﻃﺒﻊ ﺍﻟﺤﺒﻴﺐ ﻓﻲ ﺍﻟﺤﺐ
ﺍﻟﺠﻔﻮﺓ ﺳﺎﻋﺔ ﺣﻦ
ﺍﻻ ﺍﻟﺤﺒﻴﺐ ﺍﻟﺼﺎﺡ
ﺑﻐﻔﺮ ﻟﻚ ﻭﺑﺴﺎﻣﺢ.. ™

ﻃﺒﻊ ﺍﻟﻌﻴﻮﻥ ﺑﺘﺨﻮﻥ
ﻛﺎﻥ ﺍﻟﻐﺮﺍﻡ ﻣﺪﺳﻮﺱ
ﻓﻲ ﺍﻟﻨﻈﺮﺓ ﺷﻮﻕ ﻓﺎﺿﺢ
ﻭﺍﻟﺮﻳﺪﺓ ﺿﺮﺏ ﺟﻨﻮﻥ
ﻣﺎ ﻛﻞ ﺣﺒﻴﺐ ﻓﻲ ﺍﻟﻜﻮﻥ
ﺑﻲ ﺣﺒﻮ ﺑﻴﺼﺎﺭﺡ.. ™

ﺟﻤﻴﻠﺔٌ ﻛـ ﻋﻄﺴﺔ ﻓﻲ ﺗﻤﺎﻡ ﺍﻟﺰﻛﺎﻡ ...
ﺣﺴﻨًﺎ ﻟـ ﻧﻜﻦ ﺻﺎﺩﻗﻴﻦ
ﻓﺎﺗﻨﺔٌ ﻫﻲ ﻛـ ﻧﻌﺎﺱ ﻳﺠﻴﺌﻚ ﻣﻨﺘﺼﻒ ﺍﻟﻨﻬﺎﺭ !
ﺃﻱ ﺍﻟﻨﺴﺎﺀ ﻳﻜﻦَّ ﺑـ ﻫﺬﺍ ﺍﻟﺴﻼﻡ؟..

#طشاش

قعدتنا وفيها الجبنة
وناس لشاي تتكيف
نتونس ونرمي همومنا
ننساها آلام وجراح

#تسنيم_محمد_عبدالله

بفخر بيهم أبواتي المتلهم قله
صلاين وصوامين وبعرفوا الله
لا فيهم جبان لا ضعيف ولا الانذله
بي فد كلمة منهم كل ضيق بنحله

ركازين وساعة الحوبة ما بفوتوكا
لو كتلوم عدو في الحارة دي بجاملوكا
لو جيتم ضعيف من القوي بيحموكا
لو جيتم قوي وتستقوي بيقتلوكا

لا بيرضو المهان لا فيهو يوم انختوا
لا يوم ساهي زولاً جا ورفعها نخرتوا
أبواتي العزاز شان عرضكم جاهدتوا
يفخروا بيهو غيركم حاشا ما إتفاخرتوا

شوف عينيا يوم صرفولم الماهية
أبواتي بيوزعوا كل قروشه هدية
بغنوهو الفقير وبيدفعوها الدية
بي مالم قسم كل النفوس مرضية

صغيرم سموا عبداً للقوي الفتاح
ولداً من طفلتو زول مؤدب وصاح
يوم جوهو الضيوف سلمهم المفتاح
أسرحوا وأمرحو البيت بيت كرم وسماح

ماناسينو عبدالله الصميم ولبيب
ولداً في الجروح ينخته تبرأ تطيب
ًصاح زولاً سكوت بس الا عقلوا مريب
لو شاورتوا كلمتوا حاشا ما تخيب

حمرة عين وعزاً عند أخوي تلقاهو
أبوبكر الاصم الفارغة ما بتبراهو
بنوت حلتو وأولاد كتار تغشاهو
مابرضي العوج سيد الرجال هو براهو

والبكر المسمي علي الغفاري أبوزر
لا بينتم بدونوا جديد ولا بينسر
شيال التقيل أبو سارة راد الحر
عشان أخوانو يتهنوا يلوك المر

أبواتي الاصل أخواني فرع الخير
لا زارو الجفاف لا نقدوهو الطير
قالوا الشبل داك يشبه أبوهو كتير
حبا وإحترام ليكم يكنوا الغير

وأنا وأخواتي نفخر إنو ديل أبواتنا
كل طلباتنا نلقها قبل نطلب جاتنا
أبشروا يا الكرام لو حتي قطراً فاتنا
حامين ليو عرضنا وسامية ديما صفاتنا


#تسنيم_محمد_عبدالله

ﻣﻜﺴﻮﺭ ﺃﻧﺎ " ﻛﻌﺎﺩﺗﻚ " ..
ﻗﺎﺳﻴﻪ ﺃﻧﺖِ " ﻛﻌﺎﺩﺗﻲ " ..


من رواية .. ﻓﻠﺘﻐﻔﺮﻱ

ﺃﺟﻤﻞ ﻣﺎ ﻓﻲ ﺍﻟﺤﺐ ﻫﻲ ﺗﻠﻚ ﺍﻟﺜﻘﺔ ﻓﻲ ﺃﻧّﻨﺎ ﺳﻨﻜﺒﺮ ﻣﻌﺎً، ﻧﻔﺮﺡ ﻣﻌﺎً، ﻧﺒﻜﻲ ﻣﻌﺎً، ﻧﻤﺮﺽ ﻣﻌﺎً، ﻭﻧﻈﻞ ﺃﻭﻓﻴﺎﺀ ﻟﺒﻌﻀﻨﺎ ﺍﻟﺒﻌﺾ ..

فلتغفري ..

اوعي توري الدنيا جروحك
ابكي براك ولما تخلص
وري الدنيا حلاوه روحك..♤

كتراب الحقل كحفنة ماء .. ♣️

كعناق صديقين عزيزين ❤️..♣️

قاتل من اجل المركز الثاني في قلب انثاك .. الأول يستحيل الوصول اليه ، و لو لم ترَ والدها الا علي اطار جدار !

محمد خالد دوشكا...♣️

النوم النوم
بكريك بالدوم
دومتين حلوات بالبحر مارات
يالنوم تعال سكت الجهال
الفته ام توم احمتنا النوم عن ناس كلتوم
يالنوم تعال بديك ريال
اللول اللول و اللول اللول
اللولاي لى حبيبى براي
اللولاي ماشربت الشاي
ضبحولو التور
الوليد دكتور
دخل الميس
حبيبى عريس
دوها يا دوها
لــون الخــدار
رنــة خلخـــال
بت السرور ود الحــلال
عنــد اللزوم.. ضُــل الغيــوم
هبــة نســيم ... غالبــة الســموم
حملاً خفيــف واحلامنا طيــف
دلــع الجهــال
بديــك ريــــال 💕🎀
🔛

حلوة جميلة وبتملي العين يابت بلدي ..❤️

يوميات #علوب ...90....كاس الخليج

مشيت الليلة مع (مشاعر ) قالت دايرا تسجل (ماستر ) في كلية ( الهناي) الجامعية دي ..!! (مرات البنات ديل اول مايحسو انو العرس أتأخر شويه ...بعرسو (الماستر ) ده علي بال ماداك يجي)
وانا طبعا قاطرا ليك ...!!! وهي المجرمة دايراني اشوف موضوع الرسوم ..!!! و انا بيني وبينكم قلتا فرصة نشوف الأجيال الجديده دي وضعها شنو ...!!! مشيت لَقِيتُ ليك البنات ديل كيمان كيمان ....!! شي شهادة سودانية ..!!! وشي شهادة عربية.... وكوم شهادة لندن ...وانا بس اها .... الشهادة ...والعمل الطيب ...!!! اشيل واتفرج وأمتع نفسي بالدهشة ....!! يازووول ماشات وحدانا (وزرافات ...) (زرافات يعني مجموعات ماتفهمونا غلط) ....اها وتركيز شديد عالي التدقيق في الموبايلات ...!!! غايتو كان بركزوا قدر ده في المحاضرات ...( نوبل ) دي ماظنيتا بتجلي مننا السنة دي ...
‎اهامشاعر (الدسيسه ) دي لكزتني بالجنبه كدا قالت لي شوف ديل بنات الشهادة العربية ....!!!
‎ابو الزفت ....بنات ام لعاب بس ...!!! اول حاجه جات الكتيبة السعوديه ...!!! عرفتهن من العبايات ...ونضارات الشمس قدر الصحن ...
لكن الحلا ظااهره ....والخصل مارقه بالجنبه ...!! ( كاسر الامواج )...سعودي وافتخر ...!!
يازووول الليله غايتو مولد ... اول يوم مشاعر تعمل فيني حسنه جابتني هنا ...بنات يردن الروح ...!!! نضافه جد ....!!
ويستمر العرض وطابور الشرف ....وقال كده نزل فريق الدوحه....والنَّاس السمحة ....الله لينا من ( قطر )
( والقطر الشالك انتا يتكسر حته حته ... ) وارد قطر ...!!! جنس سماحه هي لكن ....!!!
ده كلو من التكييف المركزي ده ...!! بفتح الروح ضلفتين ...!!! والوش تلاته ضلف ...!!! ☺️ الدوحه ...والنفوس منشرحة ....الليله غايتو يمرقنا الله من مجلس التعاون الخليجي ده ...!!
كمان الشهاده العربية دي لما (تمتزج ) (وتنصهر ) مع الكادر الوطني في (بوتقة ) واحده بعملو جنس شغل ...!!! (والله ماكرهتا كلمة في حياتي ذي (بوتقة ) الحاشرنها في اي حته دي ....) لحدي مااتبوتقنا بوتيق ...!!! نرجع للانصهار ...!! لما جماعة العربية ديل يبدو يتعلمو المصطلحات السودانية ...!! اول مايجن ...شابكاتننا ليك العربية سياره ....!!! والموبايل جوال ....والعيش (خبز) ...!!! ستة يوم بس ... ..ياكلن (البوش) ويقشن ( الحوش ) حلااااتن
اها بس في قعدتي دي وقالت كدي الاماراتية نزلت ...!!!وججججع ( تجي ولا نجي بطريق ابوظبي ...) الامارات والدعم السريع ....!!! طيارات بس ...!!جن ملوناتن ليك الشعر ده كيف مع الطرحة ....!!! والموبايلات (جلاكسي ) (حصري) ...(دبي دي مافيها (اي فون ) ولا شنو ...!! ) اها ديل طبعا شايفات روحن شديد ...(ودبي بلدنا ...نرفع نعلي شانا) ...!!! تحلف تقول ادوهن الجواز ...الونسه كلها .....ياحليل المولات والبراندات الأصلية
...وزبادي (اكتفيا )احلي من كابو ...والإمارات أرخص ...وليه ماعندكم مترو ...(ياربي ده مترو كم ...)
اها ديل السوريين مخصوص فتحو ليهن مطاعم البيتزا ...بحبوها شديد ...!!! ياحليلن ....!!! الله يخلي ( دادي ) والدراهم البي غادي....
غايتو الليلة متعة ...!!مع الاحمر والبيجي ...!!! البنات بناتنا والمواصفات خليجي ...!!
اها بتاعات لندن ديك اصلهن ولا جن حايمات بي هنا بس يورجغن مع بعض ...إنجليزي الجن والجنبو ...(لكن بعرفن عربي الغتيتات) ...بس رافعاتنو في الرف ..!! لي وقت الضيق ...!!! عاجبن الاستايل ..و some one like you
لكن والله كان سمعتن نصيحتي ...اخير ليكن تندمجن مع الأمة دي ..(والامة مجتمعة) ...!!! ياها الدايمه ...بالطريقة دي لا حتلمو في (بينوسيه ) ولا ( نجاة غرزه) ....!!!!
واخييرا ...!! الجاز وصل ..اووووووو ....ظهرن بناتنا...!! وبسدو فرقاتنا ...!!! حلات الدنيا عليهن ...صحي في شوية غبار من المواصلات والرقشات ...!!! لكن ...سماحة جد ...!! وفايتا الحد ...والروح عاليه
وفي شوية ثقة كدا ...!!! (ماكمان لاعبات في ارضن وبين جمهورن .....!! ) وقدله يامولاي حافي حالق ...!!!
وحلوه جميله وزيك وين يابت بلدي ...!!!!
مهما مشيتي بتملي العين ...يابت النيل ...وأصلك سوداني ... تتباركي ياشوشو الليله لففتينا الخليج والدول المجاوره ..سوداني وافتخر ..

#اشياء_بسيطة..

الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..