ﻏﺪﺍً ..ﺃﻭ ﺑﻌﺪ ﻏﺪٍ , ﺗﻜﺒﺮﻭﻥ ﺗﻔﺮﺣﻮﻥ ﺗﻌﻤﻠﻮﻥ
ﻭﺑﺈﺫﻥ ﺍﻟﻠﻪ ﺍﻟﻠﻪ ﺗﻨﺠﺤﻮﻥ
ﻟﻜﻨﻜﻢ ﺗﺤﻔﻈﻮﻥ ﻛﻤﺎ ﻧﻮﺍﺍﺍﺍﺭ، ﻃﻴﺐ ﺍﻟﺬﻛﺮﻳﺎﺍﺍﺕ
ﺗﻘﺎﺭﺑﻮﺍ، ﺗﻨﺎﻏﻤﻮﺍ
ﻭﺇﻥ ﺍﺧﺘﻠﻔﺘﻢ ﻛﻠﻢ ﻓﻲ ﺍﻟﺸﻜﻞ ﻭﺍﻷﺳﻤﺎﺀ
و ﺍﻟﻌﻤﺮ ﻭﺍﻷﻫﻮﺍﺀ، ﻭﺍﻟﺰﻱ ﻭﺍﻟﻜﻼﺍﺍﺍﻡ
ﻛﺎﻟﺨﻨﺼﺮ ﻭﺍﻟﺒﻨﺼﺮ ﻭﺍﻟﻮﺳﻄﻰ ﻭﺍﻟﺴﺒﺎﺑﺔ، ﻭﺍﻟﺨﺎﻣﺲ ﺍﻹﺑﻬﺎﻡ
ﺟﻤﻴﻌﻬﺎ ﺃﻧﺎﻣﻞ ﻓﻲ ﺑﺎﻗﺔ ﻓﺮﻳﺪﺓ ﻣﻦ ﻓﻦ ﺍﻟﺤﻴﺎﺓ
ﻣﺜﻞ ﺭﺍﺋﺪ ﻭﻭﺳﻴﻢ، ﻣﺜﻞ ﺭﺍﻣﻲ ﻭﻧﺪﻳﻢ
ﻓﺮﺡ ﻭﻧﻮﺍﺍﺍﺍﺭ، ﻭﻛﻞ ﺍﻷﺻﺪﻗﺎﺀ
ﺗﻠﻌﺒﻮﻥ ﺗﻔﺮﺣﻮﻥ ﺗﻐﻀﺒﻮﻥ ‏( ﺗﻐﻀﺒﻮﻥ‏) ﺛﻢ ﻫﻬﻬﻬﻬﻬﻬﻪ ﺗﻀﺤﻜﻮﻥ
ﺣﻴﻦ ﺗﻠﺘﻘﻮﻥ ﻓﻲ ﺗﻞ ﺍﻟﺰﻫﻮﺭ ﻛﻤﺎ ﻧﻮﺍﺍﺍﺍﺭ بعد ﺳﻨﻮﺍﺕ
ﻏﺪﺍ ﺃﻭ ﺑﻌﺪ ﻏﺪ، ﺗﻜﺒﺮﻭﻥ ﺗﻔﺮﺣﻮﻥ ﺗﻌﻤﻠﻮﻥ
ﻭﺑﺈﺫﻥ ﺍﻟﻠﻪ ﺍﻟﻠﻪ ﺗﻨﺠﺤﻮﻥ
ﻟﻜﻨﻜﻢ ﺗﺤﻔﻈﻮﻥ ﻛﻤﺎ ﻧﻮﺍﺍﺍﺍﺭ، ﻃﻴﺐ ﺍﻟﺬﻛﺮﻳﺎﺍﺍﺕ..❤️

نور الدين الصادق - بعض هذا القرنفل ..

لم يومك بلقي يومي وفصيل همومك من همومي ..بنضحك من الواقع سوا ..❤️

ﻛﻠﻤﺘﺎﻥ ﺧﻔﻴﻔﺘﺎﻥ ﻋﻠﻰ ﺍﻟﻠﺴﺎﻥ ، ﺛﻘﻴﻠﺘﺎﻥ ﻓﻲ ﺍﻟﻤﻴﺰﺍﻥ ، ﺣﺒﻴﺒﺘﺎﻥ ﺇﻟﻰ ﺍﻟﺮﺣﻤﻦ : ﺳﺒﺤﺎﻥ ﺍﻟﻠﻪ ﻭﺑﺤﻤﺪﻩ ،ﺳﺒﺤﺎﻥ ﺍﻟﻠﻪ ﺍﻟﻌﻈﻴﻢ..

ﺑﻌﻴﺪ ﻱ ﺍﺧﻮﺍﻧﺎ ﺑﺘﺬﻛﺮ
‏( ﺫﻛﺮﻳﺎﺕ ﻃﻔﻮﻟﻪ ‏)
ﻋﺒﺪ ﺍﻟﻌﺰﻳﺰ ﺍﻟﻌﻤﻴﺮﻱ
ﺑﻌﻴـــﺪ ﻳﺎ ﺃﺧـــﻮﺍﻧﺎ ﺑﺘﺬﻛـــــــــــــﺮ
ﺣـــــﻼﺓ ﺍﻟﺬﻛـــــﺮﻯ ﻟﻤﺎ ﺗﻬـﻒ .. ﻭﻓﻲ ﺃﻋﻤﺎﻗﻨﺎ ﺗﺘﺤﻜـــﺮ
ﺃﺻﻠـــﻮ ﻋﻤــــﺮﻧﺎ ﺟـــﺪﻭﻝ ﺷـــــﻮﻕ ﻭﺣﺒﺔ ﺫﻛﺮﻯ ﻣﺎ ﺃﻛﺘﺮ
ﻭﻣﺤــﺎﻝ ﻓﻲ ﻟﺤﻈـــﺔ ﻧﺤﻦ ﻧﺨــﻮﻥ .. ﻭﻟﻲ ﻣﺎﺿﻴﻨـــﺎ ﻧﺘﻨﻜﺮ
ﺑﻌﻴـــﺪ ﻳﺎ ﺃﺧــــﻮﺍﻧﺎ ﺑﺘﺬﻛـــــــــﺮ
ﺣﻠﻴـــﻞ ﺍﻟﺨــﻮﺭ ﻳﻔـــﺮﺣﻨﺎ .. ﻭﻣﻮﻳﺘـــﻪ ﺗﻔﻴـــﺾ ﻭﺗﺘﺒﻌــﺜﺮ
ﻭﻧﺒﻨـﻲ ﺑﻴــﻮﺗﻨﺎ ﺑﻲ ﻃﻴﻨﻬــﺎ .. ﻭﻧﺴـــﻴﺒﻬﺎ ﻧﻔــﻮﺕ ..ﻭﺗﺘﻜﺴﺮ
ﻭﻧﻤﺸـــﻲ ﺃﻫﻠﻨــﺎ ﺗﻌـﺒـــﺎﻧﻴﻦ .. ﻧﻔﺘـــﺶ ﻋﻠﺒﺔ ﺍﻟﺴــــــــــﻜﺮ
ﻭﻧﺸــــﺤﺪ : ﻳﺎﺑﺎ .. ﺗﻌﺮﻳﻔـﺔ .. ﺩﺣﻴﻦ ﻳﺎ ﺃﺑــﻮﻳﺎ ﻣﺎ ﺑﺘﻘــــــــﺪﺭ
ﻳﻘــﻮﻝ : ﻭﺍﻟﻠﻪ .. ﻭﺍﻟﻠﻪ ﻭﻳﺤﻠـﻒ ﺯﻳﻦ .. ﻭﻳﺘﻌـــــــــــﺫﺭ
ﻭﻧﺰﻋــــﻞ ﻧﺤﻦ .. ﺑﻲ ﺭﻗــﺔ .. ﻭﺩﻣﻮﻋــــﻨﺎ ﺍﻟﻐﺎﻟﻴﺂ ﺗﺘﻘﻄﺮ
ﺑﻌﻴــــﺪ ﻳﺎ ﺃﺧـــــﻮﻧﺎ ﺑﺘﺬﻛـــــــــﺮ
ﻟﻤّـﺔ ﺑﻴﺘﻨـــﺎ ﻛﻞ ﺻﺒـــﺎﺡ .. ﻭﻗﻌـــﺪﺕ ﻳﻤــﺔ ﻓﻲ ﺍﻟﺒﻤﺒـﺮ
ﺗﻨــﺎﻭﻝ ﺩﺍﻙ ﺣﺒﻴﺒﺔ ﺷـــﺎﻱ .. ﻭﺗﺪﻱ ﺍﻟﺘﺎﻧﻲ .. ﻣﺎﺑﺘﻔﺘﺮ
ﻭﻧﺤﻦ ﻧﺸــﻴﻞ ﺯﻻﺑﻴﺔ ﻭﻋﻴــﺶ .. ﻣﻊ ﺷـــﺎﻫﻴﻨﺎ ﻧﺘﺤﻨﻄـﺮ
ﺩﻱ ﻟﺤﻈــﺔ ﻧﻌﻴﺸـــﻬﺎ ﻛﻞ ﺻﺒــﺎﺡ .. ﺣﻔﻈﻨﺎ ﺍﻟﻘﻌﺪﺓ ﻭ ﺍﻟﻤﻨﻈــﺮ
ﺑﻌﻴــــﺪ ﻳﺎ ﺃﺧـــــﻮﺍﻧﺎ ﺑﺘﺬﻛــــــــﺮ
ﺷــــﻮﺍﺭﻉ ﺍﻟﺤﻠﺔ ﻭﺍﻟﺪﻛﺎﻥ .. ﻭﻟﻮﻥ ﺍﻟﺸـــــﺎﺭﻉ
ﻭ ‏( ﺣﺎﺟـﺔ ‏) ﺗﺒﻴﻊ ﺗﺴـــﺎﻟﻲ ﻭﻓـﻮﻝ .. ﺗﺤﺖ ﻧﻴﻤﺎ ﻇﻠﻴﻞ ﺃﺧﻀــﺮ
ﻭﻧﺨﺘـﻒ ﻧﺤﻦ ..
ﻧﺠﺮﻱ ﻫﻨـﺎﻙ ..
ﻭﻫﻲ ﺍﻟﻤﺴﻜﻴﻨﺔ ﻣﺎ ﺑﺘﻘــﺪﺭ
ﻭﻣﺎ ﻋــﺎﺭﻓﻴﻦ ﺟــﺰﺍﻧﺎ ﻳﻜــﻮﻥ ﻭﻛــﺖ ﻧﻜــــــــــــﺐﺭ
ﻭﻧﻠـﻘﻰ ﺍﻟﺪﻧﻴــﺎ ..
ﻣــّﺮﺓ ﺍﻟﺪﻧﻴﺎ .. ﻟﻤـﺎ ﺗﻀﻴــﻖ ﻭﺗﺘﻌﻜــــﺮ
ﻭﺃﺻﻠــﻮ ﺍﻟﻤﺎ ﻋـﺘﺮ ﻣــﺮﺓ .. ﻣﺼﻴـــﺮﻩ ﻳﻌﻴـﺶ ﻭﻳﺘﻌﺘﺮ

يوميات #علوب 8...عيد ميلاد سارا ..!!!

طارق قال لى رأيك شنو ياعلوب انا معزوم عيد ميلاد بت زميلتنا فى الجامعة ...ماتمشى معاى ...!!؟ قلت ليهو هوي ياطارق ناس انا ذاتى مابعرفم امشى كيف ياخ ....!!! افرض قالو ده منو ..!!! والله اخد ليهو ضحكه كده لما شفقنى .....!! قال لى والله انت متفائل جنس تفاؤل...!! ياخ ديل هم ذاتم مابعرفو بعض .....!! دى بت ياعلوب يشهد الله نحن فى الجامعة كنّا قايلنها بت ام لعاب ....!!! اول حاجه عيونا ديل خدر مع كحلى على بنى كده....!!! ده اولا بالتبادى ....! الحاجه التانيه والله ياهو داك الدم بتشوفو ماشى فى عروقا ....جوووووو .....!!! الحاجه التالته لونا ده لى هسه مافى زول قادر يحددوا ناس بتقول اصفر ...جماعة قالو عسلى ....واحدين قالو شفنا الشافا ...!! ولى هسه ماوصلنا لى نتيجه .......!!! جاى تقول لى يقولو انت منو ..!!؟ ديل (الهارديسك ) بتاعم ذاتو مابقراك ...!! انا سايقك بس تتفرج ..!! ياخ أقول ليك كلام...!! انا ذاتى ماشى اتفرج ...!! هو ذاتو عزمونى بالصدفة ...!! انا مشترك لى فى جمعيه كده فى الجامعة اسمها (جمعية حماية الحيوان ) ...!! يشهد الله انا ذاتى ماعارف بقصدو شنو ...!! بس دخلت ساكت كده لقيت ليك الجكس النضيف ده كلو مسجل هناك وسجلتا .....!! وانا الحيوان ده عندى ياكلب ..ياكديسه ياحمار ...ياحصان ..!! والأربعة تاريخى معاهم مشرف ...!! اول حاجه انا براى كده بكون كاتل لى ذى تلاته كلاب وسته كدايس ...!! تانى مابعرف عنهم حاجه ...!! المهم ساره دى معانا فى الجمعيه وعزمتنا كلنا .....!! بيتم ذي مية طابق كده والعربية ذاتا البتجيبا الجامعة لى هسه انا ماعارف ماركتا شنو..!! ولاحظ انها بتتغير من وقت للتانى ...!! يشهد الله اللبسه اللابسا السواق انا كنت قايلو ده ابوها ....!!! اها ماشى ولا عايز (تترمتل ) قبلك هنا ...!!! انا الوقت داك سارح مع الكلام البقول لى فيهو ده ...بس بلعتا ريقى ده وقلت ليهو يازول انا جاااهز قلت نمشى هسه دى نمشى ...!!! ود اللذينا !!! ماعامل مجنون...!! اها ياعلوب عليك الله أحسن لبسه عندك ..!! ماتشرط عينا ...!! الساعة سته نتحرك الناس ديل بيتهم فى (المنشية ) يعنى على بال مانصل العيد ميلاد ذاتو يكون خلص ......
يازول انا من الساعة تلاته فى الحمام ..!! قلت لى مشاعر اختى ..القميص والبنطلون ديل تكويهم كما لم تكويهم من قبل...!! والجزمة دى براى قعدت فيها غسيل بره وجوه ...!! واستحميت مرتين ...!! وبقيت جاهز... !! اها جانى طارق
شادى ليهو عربيه كده ماعرفتها عربيه ولا فضيه حاجه كده هجين بين الرقشه والعربيه ..!! المهم انحشرنا ليك فيها ودورنا ...!! طارق قال لى امانه الليله ياعلوب ماحتشوف نور ...!!! يازول وصلنا ليك بعد ساعة كده ...!! العربيه تدخن وتتترتح وماقادره تمشى ...!! غايتو المهم وصلنا المنطقة لقينا بقالة الفوزان (شوف الاسم ذاتو ) مش (طعمية الزين ) ...!!بتاع البقالة طوالى قال لينا هداك البيت المولع الظاهر ده (وهل يخفى الحجر ) الظاهر الجماعة هنا معروفين ...!!! المهم وصلنا للقصر الأميرى ده ....!! بيت قدر حقنا عشره مرات ...!! ولقينا ليك العربات الواقفة بره اقل واحده.. برادو .....!! وقفنا عربيتنا ورا الحيطا فى شارع مضلم ومشينا على البيت ...!!! ناس الهدف ديل واقفين بره انا قايلا مستشفى ...!!! عاينو لينا كدااا ذي بتاعين الجمارك ...!! المهم سمحوا لينا بالدخول اول حاجه المسافة من خشم الباب لى جوه البيت أطول من الزلط لحدى بيتنا ...والشجر بس ضاربينو اورنيش ..!! يسو كدى ....!! شكلو ذاتو فرحان ...!! والله العظيم موية حوض السباحة انضف من اى مويه شربتها... ولونا كحلى ...!!! وانوار كده ماعرفتها مركبا وين ...!! المهم يازول وصلنا بالسلامه ...!! فى بنات كده سلمو على طارق ...!! وجات ساره ....لا اله الا الله ..!! دى شنو دى ..!! ...البت دى ماأظنها شافت الشمس اقل حاجه سنتين ...!! والله جد ..!! وموسيقى هاديه كده شغاله ...!! وجماعه لابسين ابيض فى ابيض ذي بتاعين المسلسل لافين فينا يقسمو فى الشربات ....!! الصينيه فيها أربعة ألوان ....!! داير اشيل لى كبايه طارق غمز لى ..يعنى ماتشيل ...!!! يشيلك الله ياخ العطش
كاتلنا ...!! مالك علينا ..!! قمت جليتا ..نعمل شنو ...!! قلت أمكن خايف تحمينا العشا ...لحدى ماقال لى فى
أضانى ..انت هسه شفت ليك كبايه ناقصة ...يعنى كلهم ماشالو ...!! دايرم يقولو الشرفانين ديل منو ..!! المهم بلعتها و سكتا ...!!! وقدمنى لى سارا دى ...قال ليها ده علوب صديقنا ...والله البت دى بدون خجله قالت ليهو عزوز...!!!!؟؟؟ قال ليها ..لا ... علووووب ...!! قالت لى اهلًا ياعزوز ...تاااانى ..!! ماعرفتا المعنى شنو...!!؟ ياربى ماقادره تقول علوب ..!! ولا خايفه الاسم ده ينط فيها ...ولا عايزه تدلعنى ..!!! والله ماعرفت ...!!!؟؟ المهم يازول انا كأنو بحضر لى فى فيلم ...!! البنات ديل لابسات ذي المجلات ...

!! وجو وليدات كده مجبصين بى بناطلين وفنايل والشعور دى تتلامع ....!! واتاريهم كلهم اولاد وبنات بتعارفو شديد ..يازول سلام كده وونسه.....!!! ونحن قاعدين فى الطربيزه ذي حرس الجامعة ...!
بس بعد شويه كده اسمع ليك صوت كده ماعرفتو راجل ولا مره أتكلم بالانجليزى ...!! وفى النهايه كده بس سمعت اسم ..ساااارا ...!! والصفقه دى دورت...!! طوالى صفقنا...!!! وانا ماعارف نحن ذاتو صفقنا ليه ...!! التقول الهلال جاب قون .....!! ولقينا ليك الناس دى بدت تتحرك لى مكان تانى غير ده ....!! طواااالى قطرناهم ..!! مشو بينا لى حته تانيه فيها كيكه واقفه طول العمود وملبسنها ذي العروس ...!! وفى راسا شمعة ...!!! وفجأة كده صوت فنان بغنى بالانجليزى دور فى السماعات ...هابى بيرث دى تو يو ...!!! مدورو واحد لابس ليهو سماعات قدامو كبانيه انا قايلو طيار ..!! وكلهم يغنو معاه..!! فجاة كده قلب مصرى ...!! وسنه حلوه ياجميل ...وارقص ياجميل فى الساحه ...!! وبرضو يغنو ...!! وانا ساااارح فى الناس ديل أعاين ....!!! بس فجاة الحته بقت ضلما انا قلت (أمممك ) الكهربا قطعت ...!! اتاري هم القطعوها عشان يطفوا الشمعة ...!! وساره قالت كدى ونفخت ...اووووف .. ...!!!( شمعة لاقت شمعة) وتانى ولعو الأنوار وتصفيق وصفافير ...!! وتهانى ومقالده ومطايبه ....!! وكل واحده تجى مادا بوزا تاخد ليك سيلفى معاها ...!! حتى الأولاد مدو بوذم .....!! ونحن قاعدين فى طربيزتنا بوزنا ده بس مفتوووح اها ...!! نعاين فى جنس الحلمه دى ...!! اها يازول كل واحد يدى ليك سارا دى حاجه كده فى يدها ويمشى ...شى كيس صغير ..!! وشئ كرتونة مغلفه..!! وشى دبدوب ...!!اتارى دى الهدايا والله انا من الخجله داير أتلب فى حوض السباحه ده لانو جينا مطلقين يدينا ...!!! اها يازووول اتاريها دى المناظر بس ...!! قالو ال DJ. حيبدا...!! انا قلت بسسس انا لى زمن داير اشوف ال DJ ده ذاتو هو منو وشكلو كيف ...!!؟ طلع ياهو الراجل ابو سماعات بتاع الكبانيه ده ...!!! وقال كده دور... What's up ...ققققققك ..!! انا داير انط من الكرسى ...!! ويازول الجماعة ديل كلهم قاموا اولاد وبنات ...!! والله بغنوا مع الزول ده حرف بى حرف ...!!! ياحليلنا نحن الانجليزى كلو عديناهو (بريزنت كونتينيوس تينس ...) ...!!! وبدا ليك الرقيص العجيب ...!! لا لا دى ياها السينما ذاتا ...!! والتورته واقفه ذي الأسد زول هبشا مافى ...!! أتذكرت ليك عيد ميلاد ود جيرانا قبل فترة وديت ود اختى الصغير قال معزوم .!! قبل الشمعه دى مايطفوها ..!! الكيكه دى كانت فى خشوم الشفع ديل ..!! وواحدين هناك يبكوا قالوا ما حصلناها وغايتو جنس بشتنه ...!!
المهم تانى رجعتا للأجواء دى ..!! طوالى سارا مسكت المايك ...وشكرت الناس على الحضور وقالت هى اسعد زول فى الدنيا بى حضورنا ( ياربى انا معدود مع الحضور ده ...!!؟ ماظنيت....!! ) وقالت سعادتا بتكتمل انها حتعرفنا بأعز حبايب عندها (بوسى ) ..( وبونى ) انا قلت قطع شك ديل أخوها وأختا الصغار وبينى وبين نفسى قلت شنو الدلع والمسخرة الأكثر من اللازم دى يبوظو الشفع بالاسامى دى !!!! اها طلعت بوسى دى (كديستا ) وبونى ده (كلبا ...) والله جابتم ليك اول حاجه الكديسه دى شدة مابيضا تقول غتست فى روب ومرقت ...!! وبونى يعاين ذي الزول ....!! هيااخوانا عليكم الله هسه ده كلب وكلب ناس حاج التوم المضهب داك كلب ...!! لا وكمان داك كلب لئيم ..!! بعد المغرب أبقى راجل امشى جنبو ...!! وبونى حلات الدنيا على ...!! والله يعاين فى الواطه دى عيونو مارفعا ...جنس أدب ...!!! شايلاهو سارا شيله انا لمن كنت صغير ماشالونى ليها ..!! ...!!! وخجلااان من الناس الكتار ديل وبوسى فضل ليها تقول لينا نشيد ....!!! لاحولا ولاقوة الا بالله ...!! بالله هسه دى بلد يقولوا فيها أزمة غاز ومافى بصل ...!!
واغرب حاجه أهل سارا اصلو ماشفناهم...!! اتارى جو وقت الضلمه ديك باركو العيد واختفوا فى واحد من الطوابق دى وخلونا ...!!! اتذكرتا ابو الود الوديت ليهو ود اختى عيد الميلاد...!!! يكورك لحدى الأولاد ديل ماطلعوا من البيت ...!! حميتونا النوم ...!! ماخلاص...!! الزفت ده انتهى ...(الزفت ده عيد ميلاد ولدو ..) تكون المره اصرت يعملو عيد الميلاد وهو مجبور .....!!
اها يازول جات الساعة حداشر كده ...قالوا حيكون فى بوفيه مفتوح وأوفر نايت ...قلت لى طارق نحن حدنا المفتوح ده ونبقى مارقين ...!! والعربيه ام دخاخين دى فيها توصلنا وفيها تقطع وننقطع بالليل ده ...!! فعلا ضربنا العشا ده وأول يوم اشوف الجداد ده مهيون ومكرفس مالاقى البفكو ..!! واللحمه مدفقه عايزا البياكلا ...والرز مشتت ....!! حسّيت بى غصه فى حلقى انو فى ناس الليله نايمه بدون عشا ...!!
قوم ياطارق ارحكاكا ....سارا خلص عيد ميلادا ...قوم ياطارق ارحكاكا ...نشوف البلد وين أعيادا ...!!!!؟؟؟
العمر كلو ياسارا ...!! ياربى تميتى كم سنة !!..

ﻟﺤﺎﻇﺔ ﺗﺨﻴﻒ ﻗﺎﻳﺪ ﺍﻟﻤﻠﻴﻮﻥ ﻭﺗﺮﻫﺐ ﻋﻨﺘﺮ ﻭﻧﺎﺑﻠﻴﻮﻥ ..

ﺯﻱ ﺗﻘﻮﻝ ﻳﺎ ﺩﺍﺏ ﻋﺮﻓﺖ ﺍﻻﻧﺪﻫﺎﺵ !..

يا خليطاً من عصير الدهشة الاولى ..

صاحبة الظل الطويل - عايدة ابو نوار ..

ﻟﻢ ﻧﻌﺮﻑ ﻳﻮﻣﺎ ﻣﻦ ﻫﻲ ... ﻛﻴﻒ ﺷﻜﻠﻬﺎ .... ﻣﺎ ﻟﻮﻥ ﻋﻴﻨﻴﻬﺎ ..... ﻣﻦ ﺍﻳﻦ ﺟﺎﺀﺕ ﻭﻛﻴﻒ ﺟﺎﺋﺖ
ﺣﺘﻰ ﺍﻧﻨﺎ ﻟﻢ ﻧﺤﺎﻭﻝ ﺑﺬﻝ ﺟﻬﺪ ﻟﻤﻌﺮﻓﺔ ﺍﻻﺟﻮﺑﺔ ﻟﻜﻞ ﻫﺬﻩ ﺍﻟﺘﺴﺎﺅﻻﺕ ﻟﻢ ﻧﻌﺮﻑ ﺳﻮﻯ ﺻﻮﺗﻬﺎ ﺍﻟﻌﺬﺏ ﺍﻟﺮﻧﺎﻥ ﺍﻟﺠﻤﻴﻞ ﺍﻟﺬﻱ ﺗﺮﺑﻴﻨﺎ ﻋﻠﻴﻪ ﻭﻛﺒﺮﻧﺎ
ﻭﺻﻮﺗﻬﺎ ﻣﺎ ﺯﺍﻝ ﺻﺪﺍﻩ ﺑﺎﻕ ﻓﻲ ﻗﻠﻮﺑﻨﺎ ﻗﺒﻞ ﺁﺫﻧﻨﺎ
ﺍﻧﻬﺎ ﺍﻻﺳﻄﻮﺭﺓ ﺍﻟﻐﻨﺎﺋﻴﺔ ﺍﻟﺬﻫﺒﻴﺔ ﻋﺎﻳﺪﺓ ﺍﺑﻮ ﻧﻮﺍﺭ..
ﺍﻻﺳﻄﻮﺭﺓ ﺍﻟﺒﺎﻗﻴﺔ ﻣﻦ ﺍﻟﺰﻣﻦ ﺍﻟﺠﻤﻴﻞ ﻓﻲ ﻋﺎﻟﻢ ﺍﻻﻧﻤﻲ ﻭﺍﻟﻜﺮﺗﻮﻥ ﻫﻲ ﻭﺯﻭﺟﻬﺎ ﻭﺍﺋﻞ ﺍﺑﻮ ﻧﻮﺍﺭ ﺷﻜﻠﻮﺍ ﺍﺭﻭﻉ ﺛﻨﺎﺋﻲ ﻓﻲ ﺗﻠﺤﻴﻦ ﻭﻏﻨﺎﺀ ﺍﻟﻤﻘﺪﻣﺎﺕ ﺍﻟﻐﻨﺎﺋﻴﺔ ﻟﻤﺴﻠﺴﻼﺕ ﺍﻟﻜﺮﺗﻮﻥ ﺍﻟﻘﺪﻳﻤﺔ ﻫﻲ ﻭﺯﻭﺟﻬﺎ ﻣﻦ ﺍﻫﻢ ﺍﻋﻀﺎﺀ ﻓﺮﻗﺔ ‏( ﻣﻴﺮﺍﺝ ‏) ﺍﻻﺭﺩﻧﻴﺔ
ﻫﻨﺎ ﺗﻈﻬﺮ ﻟﻜﻢ ﺍﻟﺴﺎﺣﺮﺓ ﺍﻟﺠﻤﻴﻠﺔ ﻋﺎﻳﺪﺓ ﺍﺑﻮ ﻧﻮﺍﺭ ﻭﻫﻲ ﺗﻐﻨﻲ ﺍﻏﻨﻴﺔ ﻟﻴﺪﻱ ﻟﻴﺪﻱ واليس في بلاد العجائب ﻣﺎ ﺍﺭﻭﻋﻪ ﻣﻦ ﺻﻮﺕ..
ﺑﺪﺃﺕ ﻣﺸﻮﺍﺭﻫﺎ ﺍﻟﻔﻨﻲ ﻣﻊ ‏( ﻓﺮﻗﺔ ﻣﻴﺮﺍﺝ‏) ﺍﻷﺭﺩﻧﻴﺔ، ﺍﻟﺘﻲ ﺃﻧﺸﺄﻫﺎ ﺯﻭﺟﻬﺎ ﺍﻟﺴﺎﺑﻖ ﻭﺍﺋﻞ ﺃﺑﻮ ﻧﻮﺍﺭ ﻣﻊ ﺻﺪﻳﻖ ﻃﻔﻮﻟﺘﻪ ‏( ﺟﻤﺎﻝ ﺍﻟﻄﺎﻫﺮ ‏) ﺇﺫ ﺗﻌﺘﺒﺮ
ﺍﻟﻔﻨﺎﻧﺔ ﺍﻟﺮﺋﻴﺴﻴﺔ ﻓﻲ ﺍﻟﻔﺮﻗﺔ، ﻭﺗﻤﻴﺰﺕ ﻋﺎﻳﺪﻩ ﺑﺼﻮﺕ ﻗﻮﻱ ﻭﺑﻨﻔﺲ ﺍﻟﻮﻗﺖ ﺩﺍﻓﺊ ﻭﻣﻠﻴﺊ ﺑﺎﻹﺣﺴﺎﺱ ﻭﺑﻤﺸﺎﺭﻛﺔ ﻓﺮﻗﺔ ﻣﻴﺮﺍﺝ ﻏﻨﺖ ﻋﺎﻳﺪﻩ
ﺍﻟﻌﺪﻳﺪ ﻣﻦ ﺍﻷﻏﺎﻧﻲ ﺍﻟﺮﺍﺋﻌﺔ..

ﺍﺷﺘﻬﺮﺕ ﺍﻟﻔﻨﺎﻧﺔ ﺃﻳﻀﺎً ﻓﻲ ﺍﻟﻌﺎﻟﻢ ﺍﻟﻌﺮﺑﻲ ﺑﻐﻨﺎﺋﻬﺎ ﻣﻘﺪﻣﺎﺕ ﺍﻟﻜﺮﺗﻮﻥ ﺍﻟﻤﺪﺑﻠﺠﺔ ﻣﻦ ﻗِﺒﻞ ﺍﻟﻔﻨﺎﻧﻴﻦ ﺍﻷﺭﺩﻧﻴﻴﻦ ﻭﺍﻟﺘﻲ ﻣﺎ ﺯﺍﻟﺖ ﻟﻐﺎﻳﺔ ﺍﻵﻥ ﻣﺤﻔﻮﺭﻩ ﻓﻲ ﺍﻟﺬﺍﻛﺮﺓ ﻭﺗﻌﺘﺒﺮ ﻣﻦ ﻛﻼﺳﻴﻜﻴﺎﺕ ﺍﻟﻜﺮﺗﻮﻥ ﻣﺜﻞ:

ﻟﻴﺪﻱ ﻟﻴﺪﻱ
اليس في بلاد العجائب
ﻧﺼﻒ ﺑﻄﻞ
ﺻﺎﺣﺐ ﺍﻟﻈﻞ ﺍﻟﻄﻮﻳﻞ
ﺯﻫﺮﺓ ﺍﻟﺠﺒﻞ
ﻓﺘﺎﺓ ﺍﻟﻤﺮﺍﻋﻲ
ﺍﻷﻳﺎﻡ ﺍﻟﺴﻌﻴﺪﺓ
ﺍﻟﺘﻮﺃﻣﺎﻥ
ﺍﻟﻔﻮﺍﻛﻪ
ﻣﻐﺎﻣﺮﺍﺕ ﺑﺎﺳﻞ " ﺍﻟﺠﺰﺀ ﺍﻟﺜﺎﻧﻲ " ﺑﻤﺸﺎﺭﻛﺔ ﺯﻭﺟﻬﺎ ﻭﺍﺋﻞ ﺃﺑﻮ ﻧﻮﺍﺭ..
ﺃﺑﻄﺎﻝ ﺍﻟﺴﺒﺎﻕ ﺑﻤﺸﺎﺭﻛﺔ ﺯﻭﺟﻬﺎ ﻭﺍﺋﻞ ﺃﺑﻮ ﻧﻮﺍﺭ..
ﺃﻣﻲ ﻧﺒﻊ ﺍﻟﺤﻨﺎﻥ
ﻣﻐﺎﻣﺮﺍﺕ ﺑﺴﻴﻂ
ﺟﺰﻳﺮﺓ ﺍﻟﺪﺏ
ﺣﻜﺎﻳﺎﺕ ﻛﺎﻥ ﺯﻣﺎﻥ
ﺣﻜﺎﻳﺎﺕ ﻣﻦ ﺍﻟﺸﺮﻕ
ﻓﺘﻰ ﻋﺎﻡ 2020 ﻓﻲ ﻗﺪﻳﻢ ﺍﻟﺰﻣﺎﻥ ‏( ﻗﺎﻣﺖ ﺑﻐﻨﺎﺋﻬﺎ ﻛﺨﻠﻔﻴﺔ ﺑﻤﺸﺎﺭﻛﺔ ﻣﻊ ﺍﻟﻔﻨﺎﻧﺔ ﺳﻬﻴﺮ ﻋﻮﺩﺓ ‏)..
ﻗﺮﻳﺔ ﺍﻟﺘﻮﺕ
ﻗﺎﻣﺖ ﺑﺘﺠﺪﻳﺪ ﻣﻘﺪﻣﺔ ﻛﺮﺗﻮﻥ ﻟﻴﺪﻱ ﻟﻴﺪﻱ ﻭﻗﺎﻣﺖ ﺑﺘﺼﻮﻳﺮﻫﺎ ﺃﻳﻀﺎً ﻓﻲ ﻋﺎﻡ 2008
ﻭﻛﺎﻧﺖ ﺗﻨﻮﻱ ﺃﻳﻀﺎً ﺗﺠﺪﻳﺪ ﺃﻏﻨﻴﺔ ﺻﺎﺣﺐ ﺍﻟﻈﻞ ﺍﻟﻄﻮﻳﻞ..
ﻓﻲ ﻣﻨﺘﺼﻒ ﺍﻟﺘﺴﻌﻴﻨﺎﺕ ﺍﺑﺘﻌﺪﺕ - ﻫﻲ ﻭﺯﻭﺟﻬﺎ ﺍﻟﺴﺎﺑﻖ ﺍﻟﻔﻨﺎﻥ ﻭﺍﺋﻞ - ﻋﻦ ﺍﻟﻔﻦ ﻟﺴﻨﻮﺍﺕ ﻭﺍﻧﺘﻘﻠﻮﺍ ﻟﻠﻌﻴﺶ ﻓﻲ ﻛﻨﺪﺍ ﻣﻨﺬ ﻋﺎﻡ 1997، ﻭﺍﻧﻘﻄﻌﺖ
ﺃﺧﺒﺎﺭ ﺍﻟﻔﺮﻗﺔ ﺗﻤﺎﻣﺎً ..

ﻓﻲ ﺷﻬﺮ 6/2009 ﻗﺮﺭﺕ ﻣﻐﺎﺩﺭﺓ ﻛﻨﺪﺍ، ﻣﺘﺠﻬﻪ ﺇﻟﻰ ﻛﺎﻟﻴﻔﻮﺭﻧﻴﺎ - ﻟﻮﺱ ﺃﻧﺠﻠﻮﺱ، ﻭﻛﺎﻧﺖ ﺳﻌﻴﺪﺓ ﺑﻬﺬﺍ ﺍﻻﻧﺘﻘﺎﻝ، ﻓﻘﺪ ﻛﺎﻧﺖ ﺗﺸﻌﺮ ﺑﺄﻧﻬﺎ ﺳﺘﺒﺪﺃ ﺣﻴﺎﺓ ﺟﺪﻳﺪﺓ ﻫﻨﺎﻙ، ﻣﻠﻴﺌﺔ ﺑﺎﻟﺴﻌﺎﺩﺓ ﻭﺗﺤﻘﻴﻖ ﻣﺎ ﻟﻢ ﺗﺴﺘﻄﻊ ﺗﺤﻘﻴﻘﻪ ﻣﻦ ﻗﺒﻞ ﺇﻻ ﺃﻥ ﺭﺣﻴﻠﻬﺎ ﺍﻟﻤﻔﺎﺟﺊ ﺳﺒﻘﻬﺎ ﻓﻲ ﺗﺤﻘﻴﻖ ﺫﻟﻚ ..
ﺗﻮﻓﻴﺖ ﻓﻲ 7 ﻳﻮﻟﻴﻮ 2009 ﺇﺛﺮ ﻧﺰﻳﻒٍ ﻣﻔﺎﺟﺊ ﻓﻲ ﺍﻟﺪﻣﺎﻍ، ﻋﻦ ﻋﻤﺮٍ ﻳﻨﺎﻫﺰ ﺍﻟـ 37 ﺳﻨﺔ ..
رحلت ﻋﺎﻳﺪﺓ ﺍﺑﻮ ﻧﻮﺍﺭ وتبقي لنا ﺻﻮﺗﺎ ﻣﻦ ﺫﻫﺐ ﻻ ﻳﻐﻴﺐ ﻋﻦ ﺍﻻﺫﺍﻥ ..

ﻭﻳﻠﻤﺎ ﺭﻭﺩﻭﻟﻒ ﺃﺳﺮﻉ ﺍﻣﺮﺃﺓ ﻋﻠﻰ ﻭﺟﻪ ﺍﻷﺭﺽ ... ﻓﻲ ﺳﻦ ﺍﻟﺮﺍﺑﻌﺔ ﺃﺻﻴﺒﺖ ﺑﻔﻴﺮﻭﺱ ﺧﻄﻴﺮ ﺃﺩﻯ ﺇﻟﻰ ﺷﻠﻞ ﻧﺼﻔﻲ، ﻣﻤﺎ ﺍﺿﻄﺮﻫﺎ ﺇﻟﻰ ﺍﺭﺗﺪﺍﺀ ﺩﻋﺎﻣﺔ ﺣﺪﻳﺪﻳﺔ ﻋﻠﻰ ﺍﻟﺮﺟﻞ ﺍﻟﻴﺴﺮﻯ . ﺷﺎﺭﻛﺖ ﻓﻲ ﺍﻷﻭﻟﻤﺒﻴﺎﺩ ﺍﻟﺼﻴﻔﻲ ﻷﻟﻌﺎﺏ ﺍﻟﻘﻮﻯ ﻓﻲ 1960–1956، ﻭﻓﺎﺯﺕ ﺑﻤﺎ ﻣﺠﻤﻮﻋﻪ 4 ﻣﻴﺪﺍﻟﻴﺎﺕ ..

ﻳﺎ ﺳﻜﺔ ﻟﻲ ﺑﻴﺘﻨﺎ
ﻳﺎ ﻋﺘﻤﺔ ﻳﺎ ﻣﺸﻮﺍﺭ ..
ﻳﺎ ﺷﺎﺭﻉ ﺍﻟﺤﻠﻪ ..
ﻣﺎ ﺿﺎﻋﺖ ﺍﻟﺬﻛﺮﻱ ﻟﻠﻐﺎﺑﻮ ﻭﺍﻟﺤﻀﺮﻭ ..

ﻳﺎﺣﺰﻥ ﻳﺎ ﻣﺮﺗﺎﺡ ﺑﻴﻦ ﺍﻟﺪﻣﻮﻉ ﻭﺍﻟﻌﻴﻦ ..
ﺗﻌﺒﺖ ﻣﻌﺎﻙ ﺍﻟﺮﻭﺡ ..
ﻭﺍﻟﻠﻴﻞ ﺣﺸﺪ ﺳﻬﺮﻭ ..
ﺷﺒﺎﻙ ... ﺣﻠﻢ ... ﻣﻘﻔﻮﻝ
ﺣﺮﺱ ﺍﻟﻤﺴﺎﻓﺔ ﻳﻄﻮﻝ
ﻟﻠﻔﺎﺗﻮ ﻣﺎ ﺭﺟﻌﻮ ..