و آخيرآ .. وصل جوّاب
كدا الرُّوح تستريح يا داااب
أقول ليك حاجَه يا عمُّو ؟
هدا الزول ال بَشيل همُّو
حبيبتو و طِفلتو و أمُّو
بعيد .. لكنُّو يوم ما غاب
بشُم في رسالتو ريحة البيت
أنا ال عن حُبُّو ما اتخليت
و أكتر واحده قالت : " أريت "
و في دربو العَشم ما شاب
فشكرآ أيها الساعِي
بَريدك للأمل راعي
و مرورك بطفي أوجاعي
و يناغِم سكة الأحباب
طوَيت في شنطتك / دُنيا
تراضِي مزاجنا في ثانية
دا كم إحساس ؟ و كم مُنية ؟
معاهن ياما خاطر طاب !
و جيت - من أمري - في عَجَلة
و مقدِّرة لهفتي / العَجَلة
رُدود أفعالي مُرتجَلة
و أكيد متوتِّرة الأعصاب
فيا ساعِي البريد .. مشكور
حضورك ما كأيِّ حضور
بقيت في ذاتك انت شعور
فما معدود من الأغراب
و آخيييرآ .. وصل جواب ..
#محمد_حسن_السيد ..
كدا الرُّوح تستريح يا داااب
أقول ليك حاجَه يا عمُّو ؟
هدا الزول ال بَشيل همُّو
حبيبتو و طِفلتو و أمُّو
بعيد .. لكنُّو يوم ما غاب
بشُم في رسالتو ريحة البيت
أنا ال عن حُبُّو ما اتخليت
و أكتر واحده قالت : " أريت "
و في دربو العَشم ما شاب
فشكرآ أيها الساعِي
بَريدك للأمل راعي
و مرورك بطفي أوجاعي
و يناغِم سكة الأحباب
طوَيت في شنطتك / دُنيا
تراضِي مزاجنا في ثانية
دا كم إحساس ؟ و كم مُنية ؟
معاهن ياما خاطر طاب !
و جيت - من أمري - في عَجَلة
و مقدِّرة لهفتي / العَجَلة
رُدود أفعالي مُرتجَلة
و أكيد متوتِّرة الأعصاب
فيا ساعِي البريد .. مشكور
حضورك ما كأيِّ حضور
بقيت في ذاتك انت شعور
فما معدود من الأغراب
و آخيييرآ .. وصل جواب ..
#محمد_حسن_السيد ..