في ناس بتهزمك بي إبتسامة
★

حليل البيت وناس البيت..
حليل الدنيا بالفيها وكل الفيها لا ماليها ولا مكفيها..
♣️

زمن يمه وزمن يابه
زمن عاداتنا نتمسكبه
نرضابه
زمن كسرتنا نفخر بيها
نهنابه
نعيمية وملاح تقلية
بي قهوتنا تحلابه

#تسنيم_محمد_عبدالله

أمي كم أهواها.. أشتاق لمرءاها
وأحن لألقاها.. وأقبل يمناها..
أمي هي نبع حنان.. أمي هبة الرحمن
والروح شذى الريحان.
أتعطر بشذاها ❤️
♣️

يا رفيقي.. سنكون عوناً لبعضنا دوماً
سأكون سندك عندما تصفعك الأيام وستكون كتفي عندما أتعب..
يا صديق لن أدعك تسقط في حفر الحياة أبداً وسنقفز منها سوياً
يا صديق انا لك حين يثقل العالم على كتفيك ❤️
♣️

يا الله كان طل الصباح ..اهديني ضي و الهمني امشي السكة صاح .. 💜🔛

ود باب السنط و الدكة و النفاج .. و الحوش الوسيييع للساكنين افواج ..

و اللمة التي ربت جنا المحتاج ..

و النار الدغش و الريكة جمب الصاج..

و السكسك المنضوم .. حول الجبينة نجووم ..

و الفنجرية تقوم .. تقهوج الحجاج .. طق طرق يا بن القهوة كيف و مزاج .. ❤️🔛

ايد العامل ياها العاد تنتج ..مو المكنات الامريكيه ..
وزيت العامل ياهو العاد يطلع .. مو المكنات الامريكيه ..

درن الايدي العماليه ..
انضف من لسنات الفجره ..
ومن الدقن الشيطانيه ..

الليلة بعت بكم ؟
انا بعت بي جنيهين ..
اهو يعني ما بطال
شان ما نعيش بالدين
هو زاتو كان درنا
حنمد ايدينا لمين ؟
#سلمى_المصباح
♣️

هذا الوقت سوف يمضي...
اذا صفعتك المخاوف فابتسم فقرب الله منك أقرب من كل مخاوفك❤️
♣️

سلامٌ إلى من يختارون كلماتهم خشية أن تجرح أحدًا ❤️..♤

ﺧﺪﻣﻮﻫﻮ ﺍﻟﻠﺒﺴﻮ ﺷﺮﺍﻳﺘﻮ
ﻭﻛﻞ ﺯﻭﻝ ﻓﺮﺵ ﺳﺮﺍﻳﺘﻮ
ﻋﺪﺩ ﺍﻟﺴﺒﻌﻴﻦ ﻣﻀﺮﺍﻳﺘﻮ
ﺻﻮﺑﺮﻭﻫﻮ ﻏﺰﻭ ﺭﺍﻳﺘﻮ ..💚
🔛

الدنيا ايه غير لمة
لمة ناس في خير
او ساعة حزن
★

الحكمة لو يبسم
بسم الجود يسحر
★

كيف السبيلُ إلى وصالكَ دُلّـــني 💜..

يوميات #علوب...86 ....( يامحاسن ) كبي( زوغه)

عندنا جارتنا كده اسمها (محاسن ) وطبعا اليومين ديل البلد ترفع فيها طوبه تجيك (محاسن )مارقا ....!! ويامحاسن كبي حرجل ...!! ويامحاسن جيبي جردل ...!! وَيَا محاسن ويامحاسن ...!!
اها محاسن جارتنا (اللي هيا ماست الحرجل ...) ذي اتعقدت من اسما دا زاتو ...!! ومن القصة دي ....!!!
المهم نحنا قبيل العصرية كدا كنت بنلعب دافوري في ميدان الحله ...والجماعه بتفرجو بي بره ....!! قووووم ياصبري الفقري ..( صبري بتعرفوهو ...!!؟ بتاع عرس ناس (صماح ) ياخ ) ....!!! المهم عايز يعمل ليهو حركه كدا لي واحد (جرجروه) في الدارفوري اسمو ( المبارك ) اها صبري قعد بكورك ...( يامحااااصن كبي ظوغه ...!! وهو قاصد ( المبارك) ...!!! اها تقومي كدا يا (محاسن ) اللي هيا جارتنا ...!! (ماست الحرجل ) ...!! تجي ماره الوقت داك بالصدفة جنب الميدان وسمعت الكلام ده ....وقالت كده لمت ليك في صبري ده .....!! غايتو شهتو العافيه ...شبكتو ليك ...انا ياقليل الأدب ..!! يا ما متربي ....!! يغسي عليك وعلي أدبك ...ياعديم التربايه ...!! ياشنو مابعرف ...!! المهم غسلتو ليك ...!! صبري ذاتو اتخلع ...!! 😳 قال ...وضي هصا مالا الصالا ( سألا ) منو ظاتو دي ...!!! وهي لسا تردح ....!! قال ليها اولا بالطبادي انا ماقصطك انتي ...!! بعضين اختي شنو انتي ( قضر ) أمي ...!!! ( اها هنا محاسن كان اخير ليها تكب الحرجل ...) ....(قدر أمي دي حرقتا شديد) ....!! ودورت ليك تاني نبذ في صبري ...!! يمين وشمال ماخلت ليهو صفحه ...يالفعلتك ويالتركتك ....غايتو بس ربنا من فوق ثبت الزول ده اصلو ماقال حاجه ...انتظرا لما كملت كلاما ده كلو ونحن بس نعاين ...!!! وتحت تحت مضامنين مع (صبري ) بي فقارتو دي ..لانو فعلا هو ماكان قاصدا ....!!
لكن الرد لم يتأخر كثيرا ....!! قال ليها خلاص كملطي كلامك ..!! (ابو الزفت صبري دور) ..!!!قالت لي تكمل من لحم الدنيا ....!!! بس أتلفت ليك عليها ...!! قال ليها خلاص معليش ياخالطي محاصن ...!! خليوهو الحرجل ...!!! كبي ( ظبادي ) ....اولولووووو.... يوزززززع ...هدف قاتل في دقيقة قاتله ...شوووف شوف شوف ...!!! يمين خلاها تتلفت ذي الطيره ....!!
اها (محاسن ) غايتو لو ما انجلطت الليله تاني ما أظن حتنجلط ...!!!
وشوف ( محاسن ) حسن الطبيعة تلقي هيبه وروعه وجلال ...!! ( محاسن عليك الله اديني شبال) ....!!

#اشياء_بسيطة..