يوميات #علوب. 85...تجي ولا نجي
في تلاته اخوات في الحلة الجنبنا دي سمحات سماحة مامعقوله ...!!! فدوي وسماح وعزه ....!! (مثلث برمودا) ...اها الفي النص البقولو ليها سماح دي ...نجاضه ..نجاضه ..!! والله انا مرات بستغرب كيف الزول يختارو ليهو اسم بشبهو ...!!اها بس ياها (سماح ) دي ....!!!
البت دي قااااطعه ..!! قاطعه ...لهبه بس ...!! بعدين هي خدورية كده تشهيك الخدره ...!! النوع داك الدقاقا ...
والعيون متل الفناجيل ..والسنون براقن يشيل ...رصه ذي الرصه ...!! ياخ خليك من سماح ...فدوي وعزه...!! هينات...!!! يمين كلو واحده تقول للتانيه انتي منو ..!! غايتو أمهن دي اتوحمت علي غزاله ولا زرافه ماعارف ...!! المهم معقداتن ليك البنات ديل تلقاهن تعبانات في روحن مسيح وكريمات ...يجن (المارينز ) ديل ملفحات بي توب الجيران ده يوقفن الحركة ...
اولاد الحلة سامنهم هيئة الأركان ..!! غايتو (سماح ) دي فريق أول ...!! ....!! (النصيحة كلهن لواءات.. وفرقا) ....!!
المهم جا خبر طاشي كده قالو سماح دي خطبوها...!!!
غايتو اليوم داك جنس احباط .. ..!!! الناس دي كلها تبكي ...!!! انا نفسي اعرف هو المبكيهم شنو ...!!؟ ماسمعتا فيهم واحد يوم قال النمشي نخطبا ولا اي حاجه ...!! بس اصلو كده في السودان ده ..!! البت تتخطب ولا تعرس ...!! المغسة تشق الشباب ..!! خاصة لو سمحة ...خليك من (سماح )الطياره دي ...انا ذاتي اتغزتا ...!! بس بقينا منتظرين لينا وكالة تكذب خبر السواد ده ....تنقرو ما أتأكد ...!!
جانا (صبري ) واحد صاحبنا (معولق ) كدا ....!!! اها ده كمان أسرع من (سونا ) ...!!واخبارو نجيضه من المصدر ...جانا يتلولح ذي المروحة ...وهو بجرجر الكلام كدا ...!! قال لينا الترااابه دي في خشوومكم ..!! حمامه وطارت ....سماح اتلحست ...!! (يلحسك الدبيب انتا ...!! يادبيب...!!! الله لاغزا فيك بركه ...)
اها بعد ما وقع القدر...واستغفرنا ...!!! بقينا دايرين
نعرف العريس منو ..!! لانو لو طلعنا مابنعرفو ..!! بخفف علينا الضيق شوية ...!! بس (صبري ) رجمنا ليك بالتانيه ...قال العريس متزوج واولادو كبار ....!! لاحول الله ..!!
اهاااا لحدي هنا نحنا كويسين...!! لكن حكاية الرجال الكبار
البجو يلقطوا ( البلي ) ده ...!! ده موضوع مابنسكت عليهو ...ينعل ....!! ابو اي حاجه ...!! ماتخلونا نجوط ساكت
يعني نحن لا نلقي شغل ولا ذي ناس (سماح) ديل.. مع الهجمات المرتده دي ...مش كدا ...!!! هي سماح دي ذاتا جنت ولا شنو ...ياخ البت دي تأشر بس ....يجو ميه ...!! مالا ومالا رجال النسوان وأولاد وقيامة ...!!
اها صبري اب راسا مبري قال كده واستعدلنا ليك بالفنية القاضية ....!!!قال جابو ليها توسان ٢٠١٧ بمناسبة الخطوبة
ايواااا يعني الحكاية كدا ...!!! معناها اكيد العقد بي ( برادو )....!!!
مبروك ياسماح ...!! والوسيم القلبي رادو ......!!! تجي ولا نجي ..
#اشياء_بسيطة..
في تلاته اخوات في الحلة الجنبنا دي سمحات سماحة مامعقوله ...!!! فدوي وسماح وعزه ....!! (مثلث برمودا) ...اها الفي النص البقولو ليها سماح دي ...نجاضه ..نجاضه ..!! والله انا مرات بستغرب كيف الزول يختارو ليهو اسم بشبهو ...!!اها بس ياها (سماح ) دي ....!!!
البت دي قااااطعه ..!! قاطعه ...لهبه بس ...!! بعدين هي خدورية كده تشهيك الخدره ...!! النوع داك الدقاقا ...
والعيون متل الفناجيل ..والسنون براقن يشيل ...رصه ذي الرصه ...!! ياخ خليك من سماح ...فدوي وعزه...!! هينات...!!! يمين كلو واحده تقول للتانيه انتي منو ..!! غايتو أمهن دي اتوحمت علي غزاله ولا زرافه ماعارف ...!! المهم معقداتن ليك البنات ديل تلقاهن تعبانات في روحن مسيح وكريمات ...يجن (المارينز ) ديل ملفحات بي توب الجيران ده يوقفن الحركة ...
اولاد الحلة سامنهم هيئة الأركان ..!! غايتو (سماح ) دي فريق أول ...!! ....!! (النصيحة كلهن لواءات.. وفرقا) ....!!
المهم جا خبر طاشي كده قالو سماح دي خطبوها...!!!
غايتو اليوم داك جنس احباط .. ..!!! الناس دي كلها تبكي ...!!! انا نفسي اعرف هو المبكيهم شنو ...!!؟ ماسمعتا فيهم واحد يوم قال النمشي نخطبا ولا اي حاجه ...!! بس اصلو كده في السودان ده ..!! البت تتخطب ولا تعرس ...!! المغسة تشق الشباب ..!! خاصة لو سمحة ...خليك من (سماح )الطياره دي ...انا ذاتي اتغزتا ...!! بس بقينا منتظرين لينا وكالة تكذب خبر السواد ده ....تنقرو ما أتأكد ...!!
جانا (صبري ) واحد صاحبنا (معولق ) كدا ....!!! اها ده كمان أسرع من (سونا ) ...!!واخبارو نجيضه من المصدر ...جانا يتلولح ذي المروحة ...وهو بجرجر الكلام كدا ...!! قال لينا الترااابه دي في خشوومكم ..!! حمامه وطارت ....سماح اتلحست ...!! (يلحسك الدبيب انتا ...!! يادبيب...!!! الله لاغزا فيك بركه ...)
اها بعد ما وقع القدر...واستغفرنا ...!!! بقينا دايرين
نعرف العريس منو ..!! لانو لو طلعنا مابنعرفو ..!! بخفف علينا الضيق شوية ...!! بس (صبري ) رجمنا ليك بالتانيه ...قال العريس متزوج واولادو كبار ....!! لاحول الله ..!!
اهاااا لحدي هنا نحنا كويسين...!! لكن حكاية الرجال الكبار
البجو يلقطوا ( البلي ) ده ...!! ده موضوع مابنسكت عليهو ...ينعل ....!! ابو اي حاجه ...!! ماتخلونا نجوط ساكت
يعني نحن لا نلقي شغل ولا ذي ناس (سماح) ديل.. مع الهجمات المرتده دي ...مش كدا ...!!! هي سماح دي ذاتا جنت ولا شنو ...ياخ البت دي تأشر بس ....يجو ميه ...!! مالا ومالا رجال النسوان وأولاد وقيامة ...!!
اها صبري اب راسا مبري قال كده واستعدلنا ليك بالفنية القاضية ....!!!قال جابو ليها توسان ٢٠١٧ بمناسبة الخطوبة
ايواااا يعني الحكاية كدا ...!!! معناها اكيد العقد بي ( برادو )....!!!
مبروك ياسماح ...!! والوسيم القلبي رادو ......!!! تجي ولا نجي ..
#اشياء_بسيطة..
👍1
Forwarded from Deleted Account
في ناس كده علاقتهم جميلة جداً😍
ما مكلفين نفسهم نهائي ...
تسالي ونبق وونسة ظريفة والكلام انتهى😍...
علاقة بسيطة جمييلة كده وبما يرضي الله ...
مهما قل التواصل بينهم بتفضل قوية ثابته....
ومبسوطين شديد ... وراضين بقسمتهم😊 ...
محترمين بعضهم ... ومحترمين الغير ...
ومحافظين على العادات والتقاليد الزمان...
علاقة بالشكل ده من المفترض يتعمل ليها تمثال صح ؟؟
ونديها رونق خاص من الإحترام 😍
وين الناس البسيطة دي ياااخ
ما مكلفين نفسهم نهائي ...
تسالي ونبق وونسة ظريفة والكلام انتهى😍...
علاقة بسيطة جمييلة كده وبما يرضي الله ...
مهما قل التواصل بينهم بتفضل قوية ثابته....
ومبسوطين شديد ... وراضين بقسمتهم😊 ...
محترمين بعضهم ... ومحترمين الغير ...
ومحافظين على العادات والتقاليد الزمان...
علاقة بالشكل ده من المفترض يتعمل ليها تمثال صح ؟؟
ونديها رونق خاص من الإحترام 😍
وين الناس البسيطة دي ياااخ
كانت دقيقة ثم مرت ساعتان
ثم عام
و أنت مكتمل الغياب
كان خطك واضحا
وعدك قائما بألا تغيب
ثم غبت
و الآن مضى زمن عليك
#حــكاية
ثم عام
و أنت مكتمل الغياب
كان خطك واضحا
وعدك قائما بألا تغيب
ثم غبت
و الآن مضى زمن عليك
#حــكاية