يوميات #علوب ..84....ليلة القبض علي (مشاعر)
زمان في الابتدائي مشاعر اختي دي يادوب دخلناها المدرسه ...!! اها كل يوم تجينا باكية ....!! يابت مالك ...!!؟ اصلو مابترد ...!! بس تفقعا ليك بكيه اكبر من الجات داخلا بيها ....!! في شنو يابت اتكلمي ...!؟؟ اها هنا بتطلع في السلم السباعي ...قولة وررررر.... وتنفقع بالبكا ....!!! في شنو !!؟ في زول ضربك ...!!؟ لا لا ...!! ( دي الاجابه) طيب مالك ..!؟؟ وووررررر تاني فقعه ...!! المره دي معاها ابوالشهيق بتاع البكا داك ...!! قلنا أحسن نخليها لو واصلنا الأسئلة البت دي حتتشرط ..!!
...!!! اها طوالي وقفنا الاستجواب ..!! واتحركنا بي طريقتنا .،،!!! المهم بعد البحث والتحري عرفنا السبب ..!!! انو في واحده في سنه تانيه ولا تالته ماعارف بتستغل بنات سنة أولي الجداد ديل ...( بضم الجيم ) ...!! وواقعه فيهن( قريص ) ودق ....شهتن العافيه ..!! لا وكمان مرات بتاكل فطورن ...!! والمغسه وين ...!!! انو بتسألن بالصف الليله (حاشين) ليكن شنو ...!! البتقول بيض ...!! والبتقول فول ..!! وواحدات طعميه ..!! في النهاية بتختار من المطعم ده وتاكل ...!! ( تاكلي الأكلو جدي ) مع تحذير شديد اللهجه ...ياويلن وسواد ليلن كان كلمن زول بي البحصل ده ...!!! اتاري مشاعر بتبدي البكيه بي نمره واحد وكل ما نسألا تزيد السرعة لما تصل نمره أربعة المسكينه...!! وبين الدقه والتحذير انا من عذابك مستجير ...!!!
اها البت البدقهن طلعت اسمها ( ماجدولين ) قالو اسمها الحقيقي ( الجودليه) سامنها علي حبوبتا ...!! بس كبرت حبه اول حاجه عملتا جدعت ليهم اسم حبوبتا ده في خشم الباب ودرعت ليك ( ماجدولين ) ده ...!! وجات حاقده علي الأمة دي
واي اسم جميل بدخل ضمن العقوبات ...( الدق مقابل الغذاء ) ...!! اها مشاعر مسكينه كانت من المغضوب عليهم ...!! وخلاص كرهت المدرسة ...!! وحالتا حال ...!!! والصباح ده كأنو يوم القيامه رجل ورا ورجل قدام ...
دي قصة ( الجودليه ) ...مع الأخت الشقيقة ...!!اها تقولي كدا تلفي يا الأيام والسنين وتدوري ...!! وجاتني ليك مشاعر يوم قالت لي عندنا عرس صاحبتنا شديد دايرا لي حاجات اشتريها ...!!
قلتا ليها هسه نحن مااشترينا لي عرس صاحبتك قبل شهر بس ...!!قالت لي أجي ياعلوب ...!! يعني يشوفوني تاني بالفستان نفسو ولا قصدك شنو ....!!؟ قلتا ليها مايشوفوك انت (ميشيل اوباما) ...فيها شنو يعني ...!!! ولا علقت ...!! بس مادا أيدا وشابكاني ليك اطلع ..اطلع ياعلوب ..انكت (الضحاكات) ...!! (اعمل شنو اضطريت اطلع) ....!!!
المهم سألتها بالصدفة قلتا ليها انت صاحبتك دي منو الدايرين يعرسوها دي ...!!؟؟ قالت لي ( ماجدولين ) ...!!! انا قلتا ليها أوعي تكون (الجودليه) ...قالت لي (الجودليه) منو .....!!؟ تاني استدركت قالت لي اهاااا ..ايوه ..ايوه هيا ...!! لكن اسمها (ماجدولين) ياخ (الجودليه ) دي الذكرك ليها شنو .....!!؟ قلنا ليها والله فعلا (القريص )واللبع جاب نتيجة ...!! نستكم اسما الأصلي ذاتو ...!! عفيت منك يالجودليه .. من يومك حربيه ...!!
مشاعر قالت لي اها والنزيدك من الشعر بيتين (العريس) ده ذاتو قلعتو من صاحبتا ... كان (مجكس ) صاحبتا ومتفقين ...!!قلتا ليها دي كانت بتشيل فطوركم ..!! ماتشيل فطور العريس ..!!
وانت هسا ليك نفس كمان ماشه الحفله والفستان الجديد تحضري عرس ( الحديه ) دي ...!!
قالت لي العرس ده قسمه ونصيب ياعلوب وصاحبتا دي نحن ما
مابنعرفا ...!! بعدين دي (جوجو ) ياخ ...قلتا ليها هسه بقت ( جوجو ) ماكانت (عوعو ) ... !!
ماعارف ليي في اللحظة دي اتذكرت (ترامب ) الهايج ده هسه مالو عَلِينا خاتينا في القائمه السودا دي ...!! حكمة الله يوم واحد ماسمعتا سوداني عمل ليهو ارهاب ...!!
يكون ماعجبو اسم السودان ذي (الجودليه ) دي ...ونازل فينا
(قريص ) ..!!
لكن ياترامب نحن مازي مشاعر حنبكي ليك ياجيتنا براك
ولا كمان قطر عجيب ...(مشاعر ) تبكي بي طريقتا ....!! عليك الله شوف الزول ده ...( ترامب ) وهايج ...!!
بالله مشاعر دي مابالغت ماشه عرس البت دي ..!!
#اشياء_بسيطة..
زمان في الابتدائي مشاعر اختي دي يادوب دخلناها المدرسه ...!! اها كل يوم تجينا باكية ....!! يابت مالك ...!!؟ اصلو مابترد ...!! بس تفقعا ليك بكيه اكبر من الجات داخلا بيها ....!! في شنو يابت اتكلمي ...!؟؟ اها هنا بتطلع في السلم السباعي ...قولة وررررر.... وتنفقع بالبكا ....!!! في شنو !!؟ في زول ضربك ...!!؟ لا لا ...!! ( دي الاجابه) طيب مالك ..!؟؟ وووررررر تاني فقعه ...!! المره دي معاها ابوالشهيق بتاع البكا داك ...!! قلنا أحسن نخليها لو واصلنا الأسئلة البت دي حتتشرط ..!!
...!!! اها طوالي وقفنا الاستجواب ..!! واتحركنا بي طريقتنا .،،!!! المهم بعد البحث والتحري عرفنا السبب ..!!! انو في واحده في سنه تانيه ولا تالته ماعارف بتستغل بنات سنة أولي الجداد ديل ...( بضم الجيم ) ...!! وواقعه فيهن( قريص ) ودق ....شهتن العافيه ..!! لا وكمان مرات بتاكل فطورن ...!! والمغسه وين ...!!! انو بتسألن بالصف الليله (حاشين) ليكن شنو ...!! البتقول بيض ...!! والبتقول فول ..!! وواحدات طعميه ..!! في النهاية بتختار من المطعم ده وتاكل ...!! ( تاكلي الأكلو جدي ) مع تحذير شديد اللهجه ...ياويلن وسواد ليلن كان كلمن زول بي البحصل ده ...!!! اتاري مشاعر بتبدي البكيه بي نمره واحد وكل ما نسألا تزيد السرعة لما تصل نمره أربعة المسكينه...!! وبين الدقه والتحذير انا من عذابك مستجير ...!!!
اها البت البدقهن طلعت اسمها ( ماجدولين ) قالو اسمها الحقيقي ( الجودليه) سامنها علي حبوبتا ...!! بس كبرت حبه اول حاجه عملتا جدعت ليهم اسم حبوبتا ده في خشم الباب ودرعت ليك ( ماجدولين ) ده ...!! وجات حاقده علي الأمة دي
واي اسم جميل بدخل ضمن العقوبات ...( الدق مقابل الغذاء ) ...!! اها مشاعر مسكينه كانت من المغضوب عليهم ...!! وخلاص كرهت المدرسة ...!! وحالتا حال ...!!! والصباح ده كأنو يوم القيامه رجل ورا ورجل قدام ...
دي قصة ( الجودليه ) ...مع الأخت الشقيقة ...!!اها تقولي كدا تلفي يا الأيام والسنين وتدوري ...!! وجاتني ليك مشاعر يوم قالت لي عندنا عرس صاحبتنا شديد دايرا لي حاجات اشتريها ...!!
قلتا ليها هسه نحن مااشترينا لي عرس صاحبتك قبل شهر بس ...!!قالت لي أجي ياعلوب ...!! يعني يشوفوني تاني بالفستان نفسو ولا قصدك شنو ....!!؟ قلتا ليها مايشوفوك انت (ميشيل اوباما) ...فيها شنو يعني ...!!! ولا علقت ...!! بس مادا أيدا وشابكاني ليك اطلع ..اطلع ياعلوب ..انكت (الضحاكات) ...!! (اعمل شنو اضطريت اطلع) ....!!!
المهم سألتها بالصدفة قلتا ليها انت صاحبتك دي منو الدايرين يعرسوها دي ...!!؟؟ قالت لي ( ماجدولين ) ...!!! انا قلتا ليها أوعي تكون (الجودليه) ...قالت لي (الجودليه) منو .....!!؟ تاني استدركت قالت لي اهاااا ..ايوه ..ايوه هيا ...!! لكن اسمها (ماجدولين) ياخ (الجودليه ) دي الذكرك ليها شنو .....!!؟ قلنا ليها والله فعلا (القريص )واللبع جاب نتيجة ...!! نستكم اسما الأصلي ذاتو ...!! عفيت منك يالجودليه .. من يومك حربيه ...!!
مشاعر قالت لي اها والنزيدك من الشعر بيتين (العريس) ده ذاتو قلعتو من صاحبتا ... كان (مجكس ) صاحبتا ومتفقين ...!!قلتا ليها دي كانت بتشيل فطوركم ..!! ماتشيل فطور العريس ..!!
وانت هسا ليك نفس كمان ماشه الحفله والفستان الجديد تحضري عرس ( الحديه ) دي ...!!
قالت لي العرس ده قسمه ونصيب ياعلوب وصاحبتا دي نحن ما
مابنعرفا ...!! بعدين دي (جوجو ) ياخ ...قلتا ليها هسه بقت ( جوجو ) ماكانت (عوعو ) ... !!
ماعارف ليي في اللحظة دي اتذكرت (ترامب ) الهايج ده هسه مالو عَلِينا خاتينا في القائمه السودا دي ...!! حكمة الله يوم واحد ماسمعتا سوداني عمل ليهو ارهاب ...!!
يكون ماعجبو اسم السودان ذي (الجودليه ) دي ...ونازل فينا
(قريص ) ..!!
لكن ياترامب نحن مازي مشاعر حنبكي ليك ياجيتنا براك
ولا كمان قطر عجيب ...(مشاعر ) تبكي بي طريقتا ....!! عليك الله شوف الزول ده ...( ترامب ) وهايج ...!!
بالله مشاعر دي مابالغت ماشه عرس البت دي ..!!
#اشياء_بسيطة..
👍1
إن سرد التاريخ مثل القطارات لا يتوقف إلا في المحطات المهمة , العواصم المهيبة و المدن الكبرى , وكل ما هو علامة فارقة في مساراته , وأجزم أن قطار التاريخ حين يقف على التحولات التي مر بها المجتمع السوداني في هذه الحقبة سيذكر المجهودات الفريدة التي يقوم بها متطوعين \ات في إصلاحية الجريف , وأقل دور لنا في هذا المقام هو التوثيق لهذه التجربة و محاولة إستشراف الاثر العظيم الذي سيبقى لمستقبل الأجيال القادمة في هذا الحراك الاجتماعي الخلاق.
علم خمسة
ببساطة عَلم خمسة , خمسة من الاطفال الاحداث في إصلاحية الجريف , أميون لا يعرفون القراءة أو الكتابة , لم يذهبوا الي المدرسة أو غادروها مبكرا- غالبا بسبب إتحاد الفقر و الحرب في تحطيم أوضاعم الجتماعية -, وعلى المتطوع\ة في هذه اللحظة أن يصبح مدرسة كاملة بفصولها و معلميها و كتبها وألعابها . بل ويصبح الام التي تراجع الدروس و تلقن السور و الاناشيد .
إن دور المتطوع\ة مزيج بين دور المعلم و الاخ الاكبر و القديس , فهو معلم حين يمرر للأطفال الأحداث سر الحرف و يعينهم على فك الشفرة الكونية للغة , على إستشكاف ما تحتويه الصحف من أخبار و ما هو مكتوب على علبة الدواء و الغذاء , على العد و مهارات الحساب التي سيحتاجها حين يعود فردا صالحا الي المجتمع مرة أخرى .
وهو الاخ ألاكبر حين يراقب و يتابع أفعاله و يمرر له مهارات الصبر و المراقبة و الاعتماد على النفس , حين يسائله عن الواجب و يسامره عن الجامعة و الكتب التي بالامكان أن يقرأها و ما تستطيع معجزة التعلم أن تفعله , هو لا يخبره إلي أين يجب أن يذهب لكنه يعلمه المشي ,
وهو قديس لانه يعيد الي المجتمع من حوله – خارج الاصلاحية – الامل في أن الجوهر البشري قابل للاصلاح و أن المعرفة دين وفائه هو ان نمنحها للغير , هو قديس لانه يعظ المجتمع بفعله وأن السجن و الحبس لا يوقف حقيقة أننا كلنا نراوح بين الخطيئة و الخير , وأننا حين نمد أيدينا الي بعضنا فقط نصبح بكامل إنسانيتنا .
بوجود أكثر من ثلاثين طفلا ضمن برنامج علم خمسة , ترى السر الإلهي الذي تحمله هذه العيون الذكية التي لم تعرف طلاسم الحروف يوم جاءت الي الاصلاحية و اليوم تكتب على الكراسات كلامات وجملا كاملة , تنظر أبعد من الجدران و السلك الشائك , وتطلع لمستقبل ما بعد الاصلاحية , وحين تيأس من أنهم سيكتبون شيئا , يخطون بحروفهم المهتزة
"شكرا مدرسة تعليم بلا حدود "
إن هذا الخط المضطرب لهو بيان أوضح من الشمس و النهار و الفقر و الحرب و العوز , هو بيان يدعو للايمان أن العالم مكان يمكن إصلاحه , فقط عندما نضع التعليم كقضية أساسية لمجتمعاتنا .
#التعليم_تغيير
تعليم بلا حدود | حركة تغيير إجتماعي
يمكنكم دوما الانضمام لحركة تعليم بلا حدود عبر إستمارة التطوع الدائمة او الاتصال مباشرة بالمنسق الاكاديمية لمشروع الاصلاحية على الارقام
249901061356
+249918300017
علم خمسة
ببساطة عَلم خمسة , خمسة من الاطفال الاحداث في إصلاحية الجريف , أميون لا يعرفون القراءة أو الكتابة , لم يذهبوا الي المدرسة أو غادروها مبكرا- غالبا بسبب إتحاد الفقر و الحرب في تحطيم أوضاعم الجتماعية -, وعلى المتطوع\ة في هذه اللحظة أن يصبح مدرسة كاملة بفصولها و معلميها و كتبها وألعابها . بل ويصبح الام التي تراجع الدروس و تلقن السور و الاناشيد .
إن دور المتطوع\ة مزيج بين دور المعلم و الاخ الاكبر و القديس , فهو معلم حين يمرر للأطفال الأحداث سر الحرف و يعينهم على فك الشفرة الكونية للغة , على إستشكاف ما تحتويه الصحف من أخبار و ما هو مكتوب على علبة الدواء و الغذاء , على العد و مهارات الحساب التي سيحتاجها حين يعود فردا صالحا الي المجتمع مرة أخرى .
وهو الاخ ألاكبر حين يراقب و يتابع أفعاله و يمرر له مهارات الصبر و المراقبة و الاعتماد على النفس , حين يسائله عن الواجب و يسامره عن الجامعة و الكتب التي بالامكان أن يقرأها و ما تستطيع معجزة التعلم أن تفعله , هو لا يخبره إلي أين يجب أن يذهب لكنه يعلمه المشي ,
وهو قديس لانه يعيد الي المجتمع من حوله – خارج الاصلاحية – الامل في أن الجوهر البشري قابل للاصلاح و أن المعرفة دين وفائه هو ان نمنحها للغير , هو قديس لانه يعظ المجتمع بفعله وأن السجن و الحبس لا يوقف حقيقة أننا كلنا نراوح بين الخطيئة و الخير , وأننا حين نمد أيدينا الي بعضنا فقط نصبح بكامل إنسانيتنا .
بوجود أكثر من ثلاثين طفلا ضمن برنامج علم خمسة , ترى السر الإلهي الذي تحمله هذه العيون الذكية التي لم تعرف طلاسم الحروف يوم جاءت الي الاصلاحية و اليوم تكتب على الكراسات كلامات وجملا كاملة , تنظر أبعد من الجدران و السلك الشائك , وتطلع لمستقبل ما بعد الاصلاحية , وحين تيأس من أنهم سيكتبون شيئا , يخطون بحروفهم المهتزة
"شكرا مدرسة تعليم بلا حدود "
إن هذا الخط المضطرب لهو بيان أوضح من الشمس و النهار و الفقر و الحرب و العوز , هو بيان يدعو للايمان أن العالم مكان يمكن إصلاحه , فقط عندما نضع التعليم كقضية أساسية لمجتمعاتنا .
#التعليم_تغيير
تعليم بلا حدود | حركة تغيير إجتماعي
يمكنكم دوما الانضمام لحركة تعليم بلا حدود عبر إستمارة التطوع الدائمة او الاتصال مباشرة بالمنسق الاكاديمية لمشروع الاصلاحية على الارقام
249901061356
+249918300017
بت بتولع
نار الريد في الجوف وتثيرا
بت بتغرق
جزرالقلب الرادا
ومد ودادا
وغنى ونادى
ونادى ونادى
حنايا فؤادا
جزيرةجزيرة
تنشل نوم العين وتساهر
بالمشتاق في ليل أشواقا
نجيمة نجيمة
ضفيرةضفيرة
#أبوبكر_الجنيد
★
نار الريد في الجوف وتثيرا
بت بتغرق
جزرالقلب الرادا
ومد ودادا
وغنى ونادى
ونادى ونادى
حنايا فؤادا
جزيرةجزيرة
تنشل نوم العين وتساهر
بالمشتاق في ليل أشواقا
نجيمة نجيمة
ضفيرةضفيرة
#أبوبكر_الجنيد
★
يوميات #علوب. 85...تجي ولا نجي
في تلاته اخوات في الحلة الجنبنا دي سمحات سماحة مامعقوله ...!!! فدوي وسماح وعزه ....!! (مثلث برمودا) ...اها الفي النص البقولو ليها سماح دي ...نجاضه ..نجاضه ..!! والله انا مرات بستغرب كيف الزول يختارو ليهو اسم بشبهو ...!!اها بس ياها (سماح ) دي ....!!!
البت دي قااااطعه ..!! قاطعه ...لهبه بس ...!! بعدين هي خدورية كده تشهيك الخدره ...!! النوع داك الدقاقا ...
والعيون متل الفناجيل ..والسنون براقن يشيل ...رصه ذي الرصه ...!! ياخ خليك من سماح ...فدوي وعزه...!! هينات...!!! يمين كلو واحده تقول للتانيه انتي منو ..!! غايتو أمهن دي اتوحمت علي غزاله ولا زرافه ماعارف ...!! المهم معقداتن ليك البنات ديل تلقاهن تعبانات في روحن مسيح وكريمات ...يجن (المارينز ) ديل ملفحات بي توب الجيران ده يوقفن الحركة ...
اولاد الحلة سامنهم هيئة الأركان ..!! غايتو (سماح ) دي فريق أول ...!! ....!! (النصيحة كلهن لواءات.. وفرقا) ....!!
المهم جا خبر طاشي كده قالو سماح دي خطبوها...!!!
غايتو اليوم داك جنس احباط .. ..!!! الناس دي كلها تبكي ...!!! انا نفسي اعرف هو المبكيهم شنو ...!!؟ ماسمعتا فيهم واحد يوم قال النمشي نخطبا ولا اي حاجه ...!! بس اصلو كده في السودان ده ..!! البت تتخطب ولا تعرس ...!! المغسة تشق الشباب ..!! خاصة لو سمحة ...خليك من (سماح )الطياره دي ...انا ذاتي اتغزتا ...!! بس بقينا منتظرين لينا وكالة تكذب خبر السواد ده ....تنقرو ما أتأكد ...!!
جانا (صبري ) واحد صاحبنا (معولق ) كدا ....!!! اها ده كمان أسرع من (سونا ) ...!!واخبارو نجيضه من المصدر ...جانا يتلولح ذي المروحة ...وهو بجرجر الكلام كدا ...!! قال لينا الترااابه دي في خشوومكم ..!! حمامه وطارت ....سماح اتلحست ...!! (يلحسك الدبيب انتا ...!! يادبيب...!!! الله لاغزا فيك بركه ...)
اها بعد ما وقع القدر...واستغفرنا ...!!! بقينا دايرين
نعرف العريس منو ..!! لانو لو طلعنا مابنعرفو ..!! بخفف علينا الضيق شوية ...!! بس (صبري ) رجمنا ليك بالتانيه ...قال العريس متزوج واولادو كبار ....!! لاحول الله ..!!
اهاااا لحدي هنا نحنا كويسين...!! لكن حكاية الرجال الكبار
البجو يلقطوا ( البلي ) ده ...!! ده موضوع مابنسكت عليهو ...ينعل ....!! ابو اي حاجه ...!! ماتخلونا نجوط ساكت
يعني نحن لا نلقي شغل ولا ذي ناس (سماح) ديل.. مع الهجمات المرتده دي ...مش كدا ...!!! هي سماح دي ذاتا جنت ولا شنو ...ياخ البت دي تأشر بس ....يجو ميه ...!! مالا ومالا رجال النسوان وأولاد وقيامة ...!!
اها صبري اب راسا مبري قال كده واستعدلنا ليك بالفنية القاضية ....!!!قال جابو ليها توسان ٢٠١٧ بمناسبة الخطوبة
ايواااا يعني الحكاية كدا ...!!! معناها اكيد العقد بي ( برادو )....!!!
مبروك ياسماح ...!! والوسيم القلبي رادو ......!!! تجي ولا نجي ..
#اشياء_بسيطة..
في تلاته اخوات في الحلة الجنبنا دي سمحات سماحة مامعقوله ...!!! فدوي وسماح وعزه ....!! (مثلث برمودا) ...اها الفي النص البقولو ليها سماح دي ...نجاضه ..نجاضه ..!! والله انا مرات بستغرب كيف الزول يختارو ليهو اسم بشبهو ...!!اها بس ياها (سماح ) دي ....!!!
البت دي قااااطعه ..!! قاطعه ...لهبه بس ...!! بعدين هي خدورية كده تشهيك الخدره ...!! النوع داك الدقاقا ...
والعيون متل الفناجيل ..والسنون براقن يشيل ...رصه ذي الرصه ...!! ياخ خليك من سماح ...فدوي وعزه...!! هينات...!!! يمين كلو واحده تقول للتانيه انتي منو ..!! غايتو أمهن دي اتوحمت علي غزاله ولا زرافه ماعارف ...!! المهم معقداتن ليك البنات ديل تلقاهن تعبانات في روحن مسيح وكريمات ...يجن (المارينز ) ديل ملفحات بي توب الجيران ده يوقفن الحركة ...
اولاد الحلة سامنهم هيئة الأركان ..!! غايتو (سماح ) دي فريق أول ...!! ....!! (النصيحة كلهن لواءات.. وفرقا) ....!!
المهم جا خبر طاشي كده قالو سماح دي خطبوها...!!!
غايتو اليوم داك جنس احباط .. ..!!! الناس دي كلها تبكي ...!!! انا نفسي اعرف هو المبكيهم شنو ...!!؟ ماسمعتا فيهم واحد يوم قال النمشي نخطبا ولا اي حاجه ...!! بس اصلو كده في السودان ده ..!! البت تتخطب ولا تعرس ...!! المغسة تشق الشباب ..!! خاصة لو سمحة ...خليك من (سماح )الطياره دي ...انا ذاتي اتغزتا ...!! بس بقينا منتظرين لينا وكالة تكذب خبر السواد ده ....تنقرو ما أتأكد ...!!
جانا (صبري ) واحد صاحبنا (معولق ) كدا ....!!! اها ده كمان أسرع من (سونا ) ...!!واخبارو نجيضه من المصدر ...جانا يتلولح ذي المروحة ...وهو بجرجر الكلام كدا ...!! قال لينا الترااابه دي في خشوومكم ..!! حمامه وطارت ....سماح اتلحست ...!! (يلحسك الدبيب انتا ...!! يادبيب...!!! الله لاغزا فيك بركه ...)
اها بعد ما وقع القدر...واستغفرنا ...!!! بقينا دايرين
نعرف العريس منو ..!! لانو لو طلعنا مابنعرفو ..!! بخفف علينا الضيق شوية ...!! بس (صبري ) رجمنا ليك بالتانيه ...قال العريس متزوج واولادو كبار ....!! لاحول الله ..!!
اهاااا لحدي هنا نحنا كويسين...!! لكن حكاية الرجال الكبار
البجو يلقطوا ( البلي ) ده ...!! ده موضوع مابنسكت عليهو ...ينعل ....!! ابو اي حاجه ...!! ماتخلونا نجوط ساكت
يعني نحن لا نلقي شغل ولا ذي ناس (سماح) ديل.. مع الهجمات المرتده دي ...مش كدا ...!!! هي سماح دي ذاتا جنت ولا شنو ...ياخ البت دي تأشر بس ....يجو ميه ...!! مالا ومالا رجال النسوان وأولاد وقيامة ...!!
اها صبري اب راسا مبري قال كده واستعدلنا ليك بالفنية القاضية ....!!!قال جابو ليها توسان ٢٠١٧ بمناسبة الخطوبة
ايواااا يعني الحكاية كدا ...!!! معناها اكيد العقد بي ( برادو )....!!!
مبروك ياسماح ...!! والوسيم القلبي رادو ......!!! تجي ولا نجي ..
#اشياء_بسيطة..
👍1