أشياء بسيطة

" كل شيء يمكن أن نُعلِّمه أطفالنا إلا نقاء القلوب، وإغلاق صفحة الأمس .. فإنه نحن مَن يجب أن نتعلمه منهم

112 views15:45

مقال اليوم 104

2.73K viewsedited 16:52

مقال اليوم 104

"الصحة أعظم نعمة" دي مقولة مشهورة جداً كلنا عارفنها و لكن في ناس كتيرة بيقولوا إن الفلوس أهم من الصحة ...
"لوكاس أوليفيرا" الراجل البرازيلي العجوز اللي في الصورة ده، كان رجل أعمال عنده مصانع و شركات و ثروة فاقت ال٣٢ مليون دولار و لكن فجأة أصابه مرض نادر إحتار الأطباء في علاجه و خلي حياة "لوكاس" تتحول لجحيم و في وقت قصير إبتدي يفقد وزنه بطريقة رهيبة حتي نزل من ٩٦ كيلو ل ٣٨ كيلو :(

"لوكاس" صرف ملايين الدولارات في محاولاته إنه يلاقي حل لمرضه ده، و إتشهر جداً في مدينته "بيلوهوريزونتي" البرازيلية لإنه كان بيمشي في الشارع يعيط و يبص للناس و للسما و يكرر جملة (اعطني صحّة، وخذ ثروتي)
إبتدت حالته تسوء أكتر و أكتر لدرجة إنه فقد كل أسنانه ، بعديها دخل في إكتئاب رهيب خلاه يهمل شغله و خسر كل فلوسه و شركاته و كل ما يملك و بقي ينام في الشارع ...

قصة "لوكاس" إتشهرت جداً في البرازيل في السبعينات و خلت جامعة "ساو باولو" تراسل خبراء في جميع أنحاء العالم عشان يلاقوا حل لمرضه، و فعلاً خبير ياباني وافق إنه يسافر للبرازيل عشان يعمله عملية زرع كبد كانت نسبة نجاحها ضعيفة جداً .... و لكن العملية نجحت و كانت أول عملية زراعة كبد ناجحة في البرازيل

دلوقتي "لوكاس" عنده ٨٩ سنة و رغم إنه إنسان فقير جداً معهوش فلوس عشان يشتري طقم أسنان صناعي ، و عايش علي شوية فلوس بياخدها من توزيع إعلانات في الشوارع ،
إلا إنه إنسان قمة في السعادة و ضحكته إللي من القلب عمرها ما فارقته أبداً و لما #حجاجوفيتش قابله في البرازيل سأله "إنت ليه مبسوط أوي كدة رغم كل اللي إنت فيه"، كانت إجابة لوكاس بسيطة أوي "الصحة اللي عندي دي أغلي من كل الفلوس اللي في العالم كله و لو رجعت بيا الأيام أتمني إني أكون طول حياتي فقير و بصحة، أحسن من غني و مريض"

اللهم إشفي كل مريض يا رب و ديم نعمة الصحة و العافية... آمين ..

Ahmed Haggagovic - أحمد حجاجوفيتش
#اشياء_بسيطة.. ..

2.97K views16:53