مقال اليوم 102
وين الشخصيات دي!
خالك البتكون غرفتو بعيده فى البيت الكبير، مابتكلم كتير، في الغالب بعزف او برسم ودائما بسمع مصطفى سيد احمد وبالليل بسمع البى بى سى، الوحيد في العائله البقرأ كُتب، ماف زول بسمعو فى العاده وهو مبسوط بالطناش دا، مابتشوفو فى صيوان العرس او البكاء ولو جاء بكون خفيف كده، مستحيل تجيهو وانت متضايق وما ترتاح، بكلمك بى صوت واطي كأنو بهمس ليك، الزول دا في العاده بكون السبب الاساسى فى نموء بذرة التمرّد جُوانا، التمرد على البيئه المحافظه والمُتزمته، تمردنا على القالب الواحد والناس البتشبه بعض، مابعرّس بدرى لانو بكون مفلّس والبنات ماحريصات عليهو وهو كمان ماحريص عليهم.
مرة المفتش او العسكرى او موظف المحليه النقلوهو حلتكم، فى العاده وبى كترة التنقُل مع راجلها بتكون احتكت بى ناس كتيره وبيئات مختلفه، بتلقاها مُتفتحه وظريفه واولادها وبناتها بى نفس الطريقه، فى بيتهم بكون فى كمبيوتر وبخبزو فى البيت وبعملو عيد ميلاد ولو جيتهم فى اى وقت بعملو ليك عصير، ونّاسين وبحبو بعض وصوت ضحكهم عالى، فى البدايه الكلام فيهم مابكون جميل، على شاكلة المره الحوّامه دى تسلّم شغله برا شغله، داخله من بيت ومارقه من التاني، وبنات المُفتش القاعدات فى اى بارطى قدام ولبسهم كيف كيف، وامك تحذرك من مصاحبتهم ومابرسلوك ليهم لى اى غرض، شويه شويه تلقاهم احتلو الفريق و شغلو الناس، قبل مايرحلو لى حِله جديده.
سيد الدُكان الغريب، دائماً فولو كتير وبهاود وبحفظ الاسرار، دكانو مابفضى، نسوان الفريق، اولاد المدارس، اى بتاع كارو بكون حريص يوصل ليهو بضاعتو لانها بتكون كتيره ومشوارو بعدّل بيك.
وين الشخصيات دى!..
#فيصل_خليفة
#اشياء_بسيطة..
وين الشخصيات دي!
خالك البتكون غرفتو بعيده فى البيت الكبير، مابتكلم كتير، في الغالب بعزف او برسم ودائما بسمع مصطفى سيد احمد وبالليل بسمع البى بى سى، الوحيد في العائله البقرأ كُتب، ماف زول بسمعو فى العاده وهو مبسوط بالطناش دا، مابتشوفو فى صيوان العرس او البكاء ولو جاء بكون خفيف كده، مستحيل تجيهو وانت متضايق وما ترتاح، بكلمك بى صوت واطي كأنو بهمس ليك، الزول دا في العاده بكون السبب الاساسى فى نموء بذرة التمرّد جُوانا، التمرد على البيئه المحافظه والمُتزمته، تمردنا على القالب الواحد والناس البتشبه بعض، مابعرّس بدرى لانو بكون مفلّس والبنات ماحريصات عليهو وهو كمان ماحريص عليهم.
مرة المفتش او العسكرى او موظف المحليه النقلوهو حلتكم، فى العاده وبى كترة التنقُل مع راجلها بتكون احتكت بى ناس كتيره وبيئات مختلفه، بتلقاها مُتفتحه وظريفه واولادها وبناتها بى نفس الطريقه، فى بيتهم بكون فى كمبيوتر وبخبزو فى البيت وبعملو عيد ميلاد ولو جيتهم فى اى وقت بعملو ليك عصير، ونّاسين وبحبو بعض وصوت ضحكهم عالى، فى البدايه الكلام فيهم مابكون جميل، على شاكلة المره الحوّامه دى تسلّم شغله برا شغله، داخله من بيت ومارقه من التاني، وبنات المُفتش القاعدات فى اى بارطى قدام ولبسهم كيف كيف، وامك تحذرك من مصاحبتهم ومابرسلوك ليهم لى اى غرض، شويه شويه تلقاهم احتلو الفريق و شغلو الناس، قبل مايرحلو لى حِله جديده.
سيد الدُكان الغريب، دائماً فولو كتير وبهاود وبحفظ الاسرار، دكانو مابفضى، نسوان الفريق، اولاد المدارس، اى بتاع كارو بكون حريص يوصل ليهو بضاعتو لانها بتكون كتيره ومشوارو بعدّل بيك.
وين الشخصيات دى!..
#فيصل_خليفة
#اشياء_بسيطة..
Forwarded from أشياء بسيطة
الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..