يوميات #علوب 4 ....علوب الاصلى...!!

هسه انت ياعلوب لو اديت شعرك ده شوية (جل ) ..ولبست ليك بدلة (وفيونكه ) حمرا....!!! ودورت فى الناس دى مش ممكن تكون اهم من الفنانين ديل كلهم ...!! معاك بتاع اورغن كده حررريف ...!! وساوند سيستم النوع السنيين داك فضل شنو يعنى ...
والله الفكرة عجبتنى وده ذاتو شغل حلو وخفيف وظريف...!! انووووم النهار كلو ..واضرب لى عداد بالليل يكفينى الشهر كلو ...!! ده غير السفر والمعجبين والمعجبات ...!! شايلين صورك كده ياعلوب فى المسرح يهزهزو فيها...ياسلاااام .....ياخ دى فكرة مجنونه..!!
طوالى اتصلت على صاحبى خالد قلت ليهو يحضر الأورغن انا جاى عليهو ...!! بس مشيت ليهو قال لى انت جنيت ياعلوب انا يوم واحد ماحصل سمعتك يتغنى انت قايل الغنا ده بس كده سااااكت مطلوق اى زول داير يغنى يغنى ..!!! ياخ دى موهبة واستعداد وصوت وإحساس ....!! وده كلو ماعندك ...!! خليتو كمل كلامو كلووو ...قلت ليهو هسه البغنو ديل كلهم عندهم البتقول فيهو ده ...!!!! اخد ليهو سكته كدااا ....!! قال لى لا طبعا أكيد ماكلهم..!! لكن كمان الماعندهم ديل فقاعات موهومة ساكت مصيرا تنتهى وبسرعة كمان ...!!! بسس قلت ليهو انت جبتا الرايحه..!!! اها انا داير أكون مع الفقاعات ديل ...!!! عندك مانع ..!!؟ وأزيدك من الشعر بيت ...!! وداير انتهى سريييع كمان ...زمن ذاتو ماعندى ..!!؟ اها رايك شنو ...!!
اخد ليهو ضحكة كده وقال لى تنتهى شنو ياعلوب..!! هو انت بديت عشان تنتهى ...!!! والله دى قصة عجيبة ...!! قلت ليهو انت مالك بس انا بتحمل كل النتائج ...قال لى لكن انا مابتحمل... انت عارف انا عازف عندى وضعى ومابعزف مع اى زول ..مع الاعتذار ياعلوب ..!! ياخ انا مابقدر اعمل حاجه ذي دى...!!! وقت شافنى اتأثرت كده وحسا انو صدمنى....!! قال لي خلاص خلاص ياخ انا بديك زول زيك كده من أصحابنا ديل برضو عامل فيها بعزف اورغن لكن عزفو زي غناك ده ...!!! قلت ليهو بسس ده زولى ...!! ديل المبدعين المالاقين فرصة ...!! فعلا يازول اتصل بيهو...!!! داك كمان ماصدق عشره دقايق كان شايل الأورغن فى الرقشه ووصلنا ...!! بس قلت لى صاحبى ده انت كتر خيرك ..!! ماقصرت خلينا انا وزولى ده بنتصرف ...!! سألت بتاع الأورغن الجا ده ..!! قلت لى معليش اسم الكريم قال لى ..عصام راستا ....!! ياسلام حتى اسمك فنى ..!! وشكرا ليك ياابو الخلد ماقصرت ويابخت من وفق راسين فى الفن والابداع ...!! ومضى خالد وتركنى وراستا ...ليعلن التاريخ عن ميلاد الثنائى الذي سيهز العاصمة ...!! وفعلا بديت مع أستاذ راستا ده وحفظت ليك كل اغانى الهجيج الفى البلد ...
ويازول هو ذاتو ماهين اصلو ماعلق على صوتى ده ...!! بس مشغول بالجلكسات البعملا فى الأورغن ده ..والله الود
لعاب عديل كده ..!! وقت يعمل ليك موسيقى القرد دى بالاورغن والله انا لمن انطط ...ككك كك ..تتك تك ..ربب رب ...!! شغل نضيف ياخ ....!! وانا ماسكا ليك من الكبرى وصلتها الحلة الجديده ...!! غنا ذاتو ساهل وممتع ...بس تكون حافظ المحطات كويس !! لما حسّيت أنى كمساري ...!!! صحافاات...اى اى ...بحرى بحرى ....ترا رم ....المزااااد .
اها اها ..!! عماراااات ... ونمشى الصافية ..كده كده ...!! يازول وقت وصلت الكلاكلات دى ..صوتى ذاتو لمن فتح ....!! والله راستا ذاتو قال لى ياخ انت ذاتك عندك حضور خطر وحركات كده ...!! يازول البروفات دى مدوره يوميا ...جيهنا الشغل صاح ..!! وبس جاتنا الفرصة الاولى ...(سماية بت جيرانا) ...قلت ياعلوب مافيها حاجه مالو جامل فى البداية خلى الشباب يتعرف عليك ...!! بس يازول ضربنا ليك حفله ذى الصاقعة ... الحلة دى كلها تتكلم ...!! مع الساوند العجيب ..!! وراستا ده عمل عمايل أتقطع عديييل كده ..والله انا ذاتى مرات صوتى ماسامعو ...!! بس شابكم ليك ..وب ..كب ..رب ..هب.. اررح ..اها فوق ....بديت ليك بى العربية ..ماخليت لى ماركة حايمه ..!! والناس
دى هايجه ..!! ودخلت ليك الماركات الجديده دى ..!! قادننا ياخ بى الكامرى ..والمارسيدس ..دخلت ليك (الفيرارى) (والدودج )...والله الجكس ده لمن فهم حاجة ...!! واخش ليك فى اى حاجه كده سريعة ..!! وأختم ليك بى بنمسكا من الكبرى ...اها دى الإضافة الدخلتها فيها أنى مرقت من الخرطوم ومشيت بيها الولايات ...كسلا كسلا ...!! بورسودااان ...والله لما أقول ليك ...الدوييييم دى كده ...!! اليدين دى تصل السما ...!! اتارى الولايات كلها فى الخرطوم ..!!! وفعلا والله من كد وجد ..غايتو دى آمنت بيها فى تجربتى دى ..!! والله ياخوانا لما بقيت برفض بعض الحفلات .... ( علوب عبر ) ..اها بس كمان طريق النجومية والشهرة ده متعب شوية ...يعنى تلفونك ده طوااالى شغال.....انا وراستا لغينا قصة الرحلات دى ....!! متعبه ياخ ....!! وراستا قال لي ياعلوب انت لازم تشوف ليك لقب كده تنافس بيهو ...!! ) الفكره ريحتنى شديد ..!! بدينا نفتش ..!!!؟ لقينا المناصب الدستورية العليا دى كلها محجوزة ... الإم

ب
راطور قاعد ...والملك موجود... والسلطان ده كمان مزاحمنا شديد ...والقيصر ياهو ده ..(هو ذاتو مابظهر كتير كان أدانا اللقب ده والله نشترى منو ...!! قلت ليهو بسس لقيتا ياعلوب ..انا الرئيس ..!! والله راستا ده فضل ليهو يتلب بالحيطه قال لى انت يازول داير تجيب لينا الهوا ولا شنو ...!! فعلا لقيت فكرتى حامضه ...!! اها فتشنا تانى....قلتا نشوف المهن ....!! لقيناها مستفه ...!!! داااك الدكتور ...!! ونزار المهندس ...هى ياخوانا الناس ديل خلو لينا شنو ...!! بسس قلت ليهو ياراستا انا ..المعلم ...!! منها ندى المهنة دى مكانتا ...وبى تحت تحت نكون قاصدين المعلم ..المعلم ..!! .قال لى كده انت فعلا .. معلم ...!!! تمام يااصلى ....!! بس قال كلمة اصلى دى هبشتنى ليك من جوه قلت ليهو بسس خلينا من المعلم ...!! من الليله انا علوب الأصلى ...والله راستا ده لمن صفق ....!!!
اها ياخوانا عندكم اى مناسبة لاتترددو ..عصام راستا وعلوب الاصلى ...والعداد قابل للتفاوض ..رقم الموبايل للحجوزات ٠٩١٢٣٠٠٠٠٠او سودانى ٠١٢٣١٥١٥١٥ أرقام ذاتا بتاعة معلمين..!!!
......مدير الاعمال ...عادل زلطة ...انا ذاتى مرات برد ..!! .بالله بس جلونا من الرحلات ....اصصصلى ياعلوب ....!!!

ﻭﻻ ﻳﻬﻤﻚ ﺑﺘﺪﺑﺮ ﺇﻟﻪ ﺍﻟﻜﻮﻥ ﺑﻴﻔﺮﺝ ﻫﻤﻨﺎ ﻭﺃﻛﺘﺮ😊

ﺍﻧﺎ ﻣﺎﺑﺠﻴﺐ ﺳﻴﺮﺓ ﺍﻟﺠﻨﻮﺏ .
ﺍﻟﻐﺒّﻮﺍ ﻋﺮﻓﻮﻫﻮ
ﻭﺍﻟﻌﺮﻓﻮ ﺳﻮّﻭﻫﻮ
ﻭﺍﻟﺴﻮﻭﺍ ﺑﻠﻘﻮﻫﻮ ..

ﻓﻲ ﻛﻞ ﻋﺎﻡ ﻛﻨﺖ ﺃﺣﻤﻞ ﺯﻫﺮﺓ
ﻣﺸﺘﺎﻗﺔ ﺗﻬﻔﻮ ﺇﻟﻴﻚ ..
ﻓﻲ ﻛﻞ ﻋﺎﻡ ﻛﻨﺖ ﺃﻗﻄﻒ ﺑﻌﺾ ﺃﻳﺎﻣﻲ ﻭﺃﻧﺜﺮﻫﺎ ﻋﺒﻴﺮﺍ ﻓﻲ ﻳﺪﻳﻚ
ﻓﻲ ﻛﻞ ﻋﺎﻡ ﻛﺎﻧﺖ ﺍﻷﺣﻼﻡ ﺑﺴﺘﺎﻧﺎ
ﻳﺰﻳﻦ ﻣﻘﻠﺘﻲ .. ﻭﻣﻘﻠﺘﻴﻚ
ﻓﻲ ﻛﻞ ﻋﺎﻡ ﻛﻨﺖ ﺗﺮﺣﻞ ﻳﺎ ﺣﺒﻴﺒﻲ ﻓﻲ ﺩﻣﻲ ﻭﺗﺪﻭﺭ ﺛﻢ ﺗﺪﻭﺭ .. ﺛﻢ ﺗﻌﻮﺩ ﻓﻲ ﻗﻠﺒﻲ ﻟﺘﺴﻜﻦ ﺷﺎﻃﺌﻴﻚ
ﻟﻜﻦ ﺃﺯﻫﺎﺭ ﺍﻟﺸﺘﺎﺀ ﺑﺨﻴﻠﺔ
ﺑﺨﻠﺖ ﻋﻠﻰ ﻗﻠﺒﻲ .. ﻛﻤﺎ ﺑﺨﻠﺖ ﻋﻠﻴﻚ
ﻋﺬﺭﺍ ﺣﺒﻴﺒﻲ ﺇﻥ ﺃﺗﻴﺖ ﺑﺪﻭﻥ ﺃﺯﻫﺎﺭﻱ
ﻷﻟﻘﻲ ﺑﻌﺾ ﺃﺣﺰﺍﻧﻲ ﻟﺪﻳﻚ..

جمعة مباركة ..

حلفا قبل التهجير ..

للتواصل ..

@mgddin ..

دي اغنية علي راسك فوق انت #سوداني ..

القصه انو
قروبنا جميل بلم الكل
ناس حلوين
شعارنا الالفه
متحابين
بنعرف بيهو احوالنا
نلاقي بعض
بعيد وقريب
ومتكاتفين
نرسل نكته للبسمه
نرسل صوره أو رسمه
ونذكر الله ماناسين
اكيد اللمه جد حلوه
عشان احساسنا ديمه رزين
فيهو أصالة الخوة
وفيهو معاني من جوه
نربط خيطنا بي قوة
عشان دائما نكون حلوين .
ﻧﺤﻦ ﺍﻟﺪﻧﻴﺎ ﻓﻴﻬﺎ ﺿﻴﻮﻑ
ﺗﻌﺎﻟﻮا ﻧﻌﻴﺸﻬﺎ ﻣﺘﺤﺎﺑﻴﻦ
ﻭﻧﺮﺳﻢ ﺻﻔﺤﺔ ﺍﻻﻳﺎﻡ
ﺩﻧﻴﺎ ﺟﻤﻴﻠﻪ ﺣﺐ ﻭﺣﻨﻴﻦ
ﺗﻌﺎﻟﻮا ﻧﺮﺗﺐ ﺍﻟﻔﺮﺣﻪ
ﻳﻮﻡ ﺑﺴﻤﺎﺕ ﻭﻳﻮﻡ ﺿﺎﺣﻜﻴﻦ
ﻳﻨﺒﻊ ﻣﻦ ﻧﻔﻮﺳﻨﺎ ﺟﻤﺎﻝ
ﻳﻔﻮﺡ ﻳﻨﺜﺮ ﻋﺒﻴﺮ ﻳﺎﺳﻤﻴﻦ
ﻳﻄﻴﺐ ﺧﺎﻃﺮ ﺍﻟﻤﺠﺮﻭﺡ
ﻳﺒﻞ ﺭﻳﻖ ﺍﻟﺒﻌﺎﻧﻲ ﺳﻨﻴﻦ
ﺗﻌﺎﻟﻮا ﻧﻌﻴﺶ ﻭﻧﺘﺴﺎﻣﺢ
ﻭﻛﻞ ﻣﺤﺮﻭﻡ ﻳﻼﻗﻲ ﺣﻨﻴﻦ
ﺗﻌﺎﻟﻮا ﻧﻤﺪ ﺍﻳﺎﺩﻳﻨﺎ
ﻧﺮﻓﻊ ﺃﻱ ﺯﻭﻝ ﻭﺍﻗﻊ
ﺗﻌﺎﻟﻮا ﻧﻘﺪﺭ ﺍﻟﺒﻜﺒﺮ
ﻧﺤﺐ ﻭ ﻧﻮﻗﺮ ﺍﻟﺸﺎﻓﻊ
ﺗﻌﺎﻟﻮا ﻣﻊ ﺑﻌﺾ ﻧﻬﺘﻢ
ﻭ ﻧﻔﻘﺪ ﺟﺎﺭﻧﺎ ﻟﻮ ﺟﺎﺋﻊ
ﺗﻌﺎﻟﻮا ﺍﻟﺪﻧﻴﺎ ﻋﻤﺮﻫﺎ ﻛﻢ
ﻭ ﺑﻜﺮﻩ ﺑﻔﻮﺕ ﻭ ﻣﺎ ﺭﺍﺟﻊ
ﺗﻌﺎﻟﻮا ﺍﺳﻲ ﻧﺘﺴﺎﻣﺢ
ﺗﻤﻮﺕ ﺑﺬﺭﺓ ﺧﻼﻑ ﻓﻴﻨﺎ
ﻧﻌﻴﺶ ﻧﺰﺭﻉ ﺳﻬﻮﻝ ﺍﻟﺮﻳﺪ
ﻳﺨﻀﺮ ﻳﺤﻠﻰ ﻭﺍﺩﻳﻨﺎ
ﻭﺍﻱ ﺯﻭﻝ ﻳﻌﻴﺶ ﻃﻴﺐ
ﻭ ﻧﻬﺪﻱ ﺍﻟﻨﺎﺱ ﻭﺗﻬﺪﻳﻨﺎ
ﺗﻌﺎﻟﻮ ﺍﻟﻔﺮﺣﻪ ﺑﺎﺏ ﻭﺍﺳﻊ
ﻭﻧﺼﺒﺮ ﻟﻴﻬﺎ ﺑﺘﺠﻴﻨﺎ

يوميات #علوب 5....حديد لاقى حديد

والله غلبنا النسوي ...اى شغله فى البلد دى دايره ليها واسطة ...اها يعنى نقعد نربع يدينا كده ولا كيف ..!! اتخيلوا واسطتى كانت منو ..!!؟ حاجه مابتصدقوها ..!! بتاع (الاورنيش) ...!!! اى والله ياهو ذاتو ...!! انا باقى مرات كده لمن تجينى قرفه كده بمشى اشرب لى كباية شاى عند (زكية ) ست الشاى مره فاااضله كده والله مرات تديك كلام ذاتو يطمنك ...!!! وعندها شاى انا ذاتى ماعارف بتعمل فيهو شنو..!! ياخ ده مش بزبط الراس ده بخلي مزاجك ذاتو رايق ...لكن بعد شويه اكتشفت انو القصة مافى مافى الشاى براهو المسالة عندها علاقة بالدوائر المحيطة يعنى بلقى لى ناس كده ذي حالتى دى تاكلين هناك وهاك ياقصص وحكاوى وشمارات نسوى شنو تبقى علينا عطالة ودبرسه أهو بنفكها فى بعض ..!! المهم يازول مع القعدة دى بجى الود بتاع الورنيش ده يلقط رزقو ...!! والله محننى ... الأولاد ماشين المدرسة وهو لافى بى هنا ...!! وانا صراحة ( جزمتى ) دى مابلعب فيها جابا لى صاحبى هديه من جده والله وعاجبانى شديد ...!!! اها الود ده مره قال لى ...انت ياعلوب شغال وين ...!!؟ والله اصعب سؤال يسألنى ليهو ...!!! قلت ليهو والله كان لقيت لي معاك طريقه بشتغل معاك ....!! اخد ليهو ضحكه كده ...وسكت ...!! قايلنى بستفزوا ...!! ولما حسّيت بيهو اتأثر كده...!! قلت ليهو انا كان لاقى شغل شايفانى مصنقر معاك هنا النهار كلو ...!! اها الود لما حسا بى جادى كده والله هو ذاتو اتأثر لى حالتى دى وقرررب يبكي ...!!! قال لي ياخ انت ماتدق الحديد ده ...والله قالو سااااقط ...!!! طبعا انا مافهمت حاجه ..قلت ليهو كيف يعنى تقصد شنو ..!!؟ قال لى تقع الكرين ده تتم ليك بيعه بيعتين والله كنجالات صاح ....!!!! اهااا وقع لى كلامو... يعنى سمسار عربات ...!!!والله ياخوانا بس كلام الود ده اصلو مافارقنى اليوم داك وقلت فى نفسي انت صحى ياعلوب الناقصك شنو ...!! حنكك سنين ...وانت ذاتك شخصية كده ...ودى شغله اصلو لاعايزه واسطه ولا عندها كبير ....!! انتو قايلين تانى يوم مالبست ليك جلابيتى وعوجت ليك الطاقية وجزلان كده فاضى فى جيبى ده ...!! ويالكرين جاك زول.....!!
مشيت قعدت بعيد قلت فى البدايه اكشف كده اشوف الحاصل شنو ...!! يعنى تمرين كده قبل المباراة ...!! لقيت ليك الشغله محتاجه لى تلاته حاجات ...!! قوة قلب ...!! وحنك ...!! وحليفه ....!!! يعنى اقل حاجه على الطلاق بالتلاته ......!! ده غير حرررم ...!!! ووحات النعمة دى ...!! ويبقى لى اخر زاد .....!! بس ياها دى عدة الشغل وانا اصلى ماعندى (مره )يعنى عادى الطلاق ده ممكن ادقو عشره مرات فى اليوم لو احتجتا ...اها فى حاجه تانى مهمه ...لازم تدى العربية دى مسحة كده بى يدك وتقول ياخ العربيه دى المسطره بتاعتا فيها عوجه ...!! والرفارف ماخده بهيه ...!! الجماعة كده طوالى بااامنوا ويقولو الزول ده سيدا ومنقطا ...!!! لانو مافى زول عارف مسطره يعنى شنو ..!!والشى التانى اى عربيه لافه هناك ماخده بهيه ...!!!بس دى كل المؤهلات ...
يازول جيت اليوم التانى زول شغل عديييل ..دارع طاقتى ...واخبت فى العربات ...بس جا واحد كده عارض عربتو
طوالى جيت عليهو ...!! اها يابن العم ..بايع .!!؟ قال لى ايوه بايع ...!! قلت ليهو داير فيهو كم البوكس ده ..قال لى بى سعر السوق دايرين فيهو تلتميه وخمسين ...!! طوالى ضحكت كده وقلت ليهو ياخ كلامك ده بعيد خلاص ...!!! وأديت البوكس مسحه كده قلت ليهو هو ذاتو مسطرتو فيها عوجه ..!! والبوكس ده ماخد بهيه ...!! والله الناس الجنبى ديل انفقعوا بالضحك ...!! اتارى المسطره دى فى البكاسى ذاتا مافى ...!! والبوكس طلع تمنو خمسميه اقل حاجه ...تلتميه وخمسين دى قالا ساكت عايز يضحك بى ...!! وطلع السايقو ذاتو سمسار اصلى ...!! الظاهر الجماعه عرفو أنى لافى ساكت هنا قالو يمسكو بى زمن ...!! وطلع البيت محروس والسماسرة عارفين نفسهم ومنظمين حالم ...ونوعى ده اسمو الفاره ...!!! والله وطلعت فاره وداقسه كمان ياعلوب ...!!! المهم اتخارجت برااحه وقلت فى نفسي انت ذاتك ياعلوب البوديك لي جنس المله دى شنو... ديل فاقد تربوى ساكت .. وانت راجل محترم قلت اطمن نفسي شويه بعد البهدلة دى ...!! هسه عليكم الله دى جزمة سمسار ...!! شوفا ترارى كيف ...!!! طوالى طلعتا ليك على شجرتي ...وبى صوت عالى ...يااازكيه عليك الله واحد شاى مظبوط ..!! وتعال ياولد ورنش الجزمة دى ...!! وتانى كان قلت لى الحديد ساااقط ..بسقط حجرك ....!!! قال سمسار قال ...سمسار ..بالسا ..

عرق الطيبة عند اهل الحنين دساس ..

الابيض يليق بك ..

ﺗﺼﻮﺭ ﻛﻴﻒ ﻳﻜﻮﻥ ﺍﻟﺤﺎﻝ
ﻟﻮ ﻣﺎ ﻛﻨﺖ ﺳﻮﺩﺍﻧﻲ
ﻭ ﺍﻫﻞ ﺍﻟﺤﺎﺭﺓ ﺩﻳﻞ ﺍﻫﻠﻲ .....
.
ﺍﻟﺰﻣﻦ ﺑﻘﻲ ﻛﻌﺐ ﻭﺍﻟﺤﻴﺎﺓ ﺑﻘﺖ ﻗﺎﺳﻴﺔ ﻭﺍﻟﻨﺎﺱ ﺍﺗﻐﻴﺮﺕ ﻛﺘﻴﻴﻴﺮ ﻭﻛﻞ
ﺯﻭﻝ ﺑﻘﻲ ﻣﺸﻐﻮﻝ ﻓﻲ ﺣﺎﻟﻮ ﻭﻟﻮ ﺣﺼﻠﺖ ﻟﻴﻚ ﺣﺎﺟﺔ ﺗﺎﻛﻞ ﻧﺎﺭﻙ ﺑﺮﺍﺍﺍﻙ
ﻣﻊ ﺿﻴﻖ ﺍﻟﻤﻌﻴﺸﺔ ﻭﻗﻠﺔ ﺍﻟﻤﻮﺍﺭﺩ ﻭﺍﻻﺯﻣﺔ ﺍﻟﻤﺎﻟﻴﺔ ﺍﻟﺤﺎﺻﻠﺔ ﻓﻲ ﺍﻟﺒﻠﺪ
ﺩﺓ ﻛﺎﻥ ﺍﻋﺘﻘﺎﺩﻱ ﻛﺪﺓ ﻭﻧﻈﺮﺗﻲ ﻟﻠﺤﻴﺎﺓ ﻛﺪﺓ
ﺑﺲ ﻓﻲ ﻳﻮﻡ ﻣﻦ ﺍﻳﺎﻡ ﺍﻟﺸﺘﺎﺀ ﺍﻟﺒﺎﺭﺩ ﺣﻮﺍﻟـﻲ
ﺍﻟﺴﺎﻋﺔ ﺗﻼﺗﺔ ﺻﺒﺎﺍﺍﺍﺣﺎ ﺗﻘﺮﻳﺒﺂ ﺻﺤﻴﻨﺎ ﻋﻠﻲ ﺻﻮﺕ ﻛﻮﺍﺭﻳﻚ ﻭﺻــﺮﺍﺥ
ﻋﺎﻟﻲ ﺟﺪﺁ ﻗﻤﻨﺎ ﻣﺨﻠﻮﻋﻴﻦ ﻓﻲ ﺷﻨﻮ ﻓﻲ ﺷﻨﻮ
ﻟﻘﻴﺖ ﺍﺑﻮﻱ ﻓﻲ ﻧﺺ ﺍﻟﺤﻮﺵ ﻓﻲ ﺷﻨﻮ ﻳﺎ ﺍﺑﻮﻱ
ﻗﺎﻝ ﻟﻲ
ﺍﻟﺼﻮﺕ ﺩﺓ ﺟﺎﻱ ﻣﻦ ﺍﺗﺠﺎﻩ ﺟﻴﺮﺍﻧﺔ ﺑﺎﻟﺤﻴﻄﺔ ﺩﻳﻞ
ﻣﺸﻴﻨﺎ ﻋﻠﻴﻬﻢ ﺟﺮﻱ ﻓﻲ ﺷﻨﻮ ﻳﺎﻧﺎﺱ ﺧﻴﺮ ﺍﻥ ﺷﺎﺀﺍﻟﻠﻪ ﻗﺎﻟﻮ ﻭﻟﺪﻫﻢ
ﺍﺳﺘﺸﻬﺪ ﻭﺟﺎﺑﻮ ﻟﻴﻬﻢ ﺍﻟﺨﺒﺮ ﻫﺴﻲ
ﻋﺰﻳﻨﺎﻫﻢ ﻭﻗﺎﻋﺪﻳﻦ ﻣﻌﺎﻣﻬﻢ ﺍﻣﻲ ﻧﺎﺩﺗﻨﻲ ﺿﻴﺎﺀ ﻳﺎﻭﻟﺪﻱ ﺗﻌﺎﻝ
ﻟﻘﻴﺘﻬﺎ ﻓﻲ ﺍﻟﺮﺍﻛﻮﺑﺔ ﻭﺑﺘﻮﻟﻊ ﻓﻲ ﺍﻟﻨﺎﺭ ﻭﺟﻬﺰﺕ ﻋﺠﻴﻦ ﺍﻟﻜﺴﺮﺓ ﻭﻗﺎﻟﺖ
ﻟﻲ ﺳﺎﻋﺪﻧﻲ ﻳﺎﻭﻟﺪﻱ ﻟﻘﻂ ﻟﻲ ﺷﺊ ﺍﻋﻮﺱ ﺑﻴﻬﻮ ﺍﻟﻌﺠﻴﻦ ﺩﺓ ﺍﻟﺪﻧﻴﺎ
ﺿﻼﻡ ﻭﻋﻴﻮﻧﻲ ﻣﺎﺷﺎﻳﻔﺔ ﺷﺊ
ﺷﺎﻛﻠﺖ ﺍﻣﻲ ﻳﻤﺔ ﻋﻴﻮﻧﻚ ﻣﺎﻛﻮﻳﺴﺔ ﻭﺍﻟﺪﻛﺘﻮﺭ ﻣﺎﻧﻌﻚ ﺗﻘﻴﻔﻲ ﻗﺪﺍﺍﺍﺍﻡ
ﺍﻟﻨﺎﺭ ﻭﻛﺪﻱ ﺭﻭﻗﻲ ﺣﺒﺔ ﺧﻠﻲ ﺍﻟﻮﺍﻃﺔ ﺗﺼﺒﺢ ﺍﻟﺴﺎﻋﺔ ﺗﻼﺗﺔ ﻧﺎﺭ ﺷﻨﻮ
ﺍﻟﺪﺍﻳﺮﺓ ﺗﻮﻟﻌﻴﻬﺎ ﻟﻴﻨﺎ
ﻫﺴﻲ ﺩﻱ
ﺿﻴﺎﺀ ﺩﺍﻳﺮﺗﺴﺎﻋﺪﻧﻲ ﺳﺎﻋﺪﻧﻲ ﻣﺎﺩﺍﻳﺮ ﺧﻠﻴﻨﻲ ﺍﻋﻤﻞ ﺍﻟﻌﺎﻳﺰﺓ ﺍﻋﻤﻠﻮ
ﺟﺪﺍ ﻳﻤﺔ ﺑﺲ ﺧﺎﻳﻒ ﻋﻠﻴﻚ ﺍﻧﺘﻲ ﻃﺎﻟﻌﺔ ﻣﻦ ﻋﻤﻠﻴﺔ ﻋﻴﻮﻥ ﻟﻴﻬﺎ ﺷﻬﺮ
ﺍﻟﺪﺧﺎﻥ ﺑﺘﻌﺒﻚ
ﻋﺎﺭﻓﺔ ﻳﺎﻭﻟﺪﻱ ﺑﺲ ﺟﻴﺮﺍﻧﺔ ﺩﻳﻞ ﻋﻨﺪﻫﻢ ﻇﺮﻑ ﻭﺍﻟﻨﺎﺱ ﻣﻦ ﺍﻟﺸﻤﺲ
ﺗﺸﺮﻕ ﺑﺘﺠﻴﻬﻢ ﻭﻫﻢ ﺍﺳﻲ ﻣﺎﺑﻘﺪﺭﻭ ﻳﻌﻤﻠﻮ ﺷﺊ ﻣﺼﺪﻭﻣﻴﻦ ﻣﻦ ﺍﻟﺨﺒﺮ
ﻭﻣﺎﺩﺍﻳﺮﺍﻫﻢ ﻳﺘﺒﺸﺘﻨﻮ ﻭﺍﻟﻨﺎﺱ ﺗﺸﻴﻞ ﺣﺎﻟﻬﻢ
ﺍﻟﻠﻪ ﻳﺮﺿﻲ ﻋﻠﻴﻚ ﺧﻠﻴﻨﻲ ﻓﻲ ﺣﺎﻟﻲ
ﺟﺪﺍﺁ ﻳﻤﺔ
ﺍﻣﻲ ﻣﻠﺖ ﺟﺮﺩﻝ ﺍﻟﻄﻠﺲ ﺍﻟﻜﺒﻴﻴﻴﺮ ﻋﺠﻴﻦ ﻭﻋﺎﺍﺍﺍﺳﺖ ﺍﻟﻜﺴﺮﺭﺭﺓ
ﺳﺎﻋﺘﻴﻦ ﻣﺎﻗﺎﻣﺖ ﻣﻦ ﺑﻨﺒﺮﻫﺎ ﻻﻓﺔ ﻟﻴﻬﺎ ﺑﻄﺎﻧﻴﺔ ﻓﻲ ﺟﺴﻤﻬﺎ ﻭﺷﻐﺎﻟﺔ ﻓﻲ
ﺍﻟﺒﺮﺩ ﺩﺍﺍﺍﺍﻙ
ﻣﻠﺖ ﺍﻟﻄﺒﻖ ﻛﺴﺮﺓ
ﻭﻃﻮﺍﻟﻲ ﻓﻲ ﻣﺤﻞ ﻧﺎﺍﺍﺍﺭ ﺍﻟﻜﺴﺮﺓ ﺩﻳﻴﻴﻴﻚ ﺧﺘﺖ ﺻﺎﺍﺍﺍﺝ ﺍﻟﻠﻘﻴﻤﺎﺕ
ﻭﺗﺸﻴﻞ ﻭﺗﺮﻣﻲ ﻓﻲ ﺍﻟﺰﻻﺑﻴﺔ
ﺭﺩﻣﺖ ﺍﻟﺼﻨﻴﺔ ﺯﻻﺑﻴﺔ
ﻭﺟﻬﺰﺕ ﺍﻛﺘﺮ ﻣﻦ 5 ﻛﻔﺘﻴﺮﺍﺕ ﺷﺎﺍﺍﺍﻱ
ﻭﻟﻤﻦ ﺍﻟﻨﺎﺱ ﺻﻠﻮ ﺍﻟﺼﺒﺢ ﻭﺟﻮ ﺭﺍﺟﻌﻴﻦ ﺑﻴﺖ ﺍﻟﺒﻜﺎﺀ
ﻟﻘﻮ ﺍﻟﺸﺎﻱ ﺟﺎﻫﺰ ﺍﻣﻲ ﺷﻐﺎﻟﺔ ﻓﻲ ﺍﻟﺸﺎﻱ ﻭﺍﻧﺎ ﺍﻧﻘﻞ ﻟﻠﻨﺎﺱ ﻓﻴﻬﻮ ﻟﻠﺴﺎﻋﺔ
ﺗﻤﻨﻴﺔ ﺻﺒﺎﺍﺍﺍﺣﺎ
ﺍﻧﺘﻬﻲ ﺑﺮﻧﺎﻣﺞ ﺍﻟﺸﺎﻱ
ﻗﺎﻟﺖ ﻟﻲ ﻋﻨﺪﻙ ﻗﺮﻭﺵ ﻗﻠﺖ ﻟﻴﻬﺎ ﻣﺎﻑ ﻭﺍﻟﻠﻪ ﻳﻤﺔ
ﺿﺮﺑﺖ ﻟﻲ ﺧﺎﻟﺘﻲ ﺳﺎﻟﺘﻬﺎ ﻋﻨﺪﻙ ﻗﺮﻭﺵ
ﻗﺎﻟﺖ ﻟﻴﻬﺎ ﺍﻻ ﻗﺮﻭﺵ ﺍﻟﺼﻨﺪﻭﻕ
ﻗﺎﻟﺖ ﻟﻴﻬﺎ ﺑﺠﻴﻚ ﺿﻴﺎﺀ ﻫﺴﻲ ﺍﺩﻳﻬﺎ ﻟﻴﻬﻮ ﺍﻟﺼﻨﺪﻭﻕ ﻗﺮﻭﺵ ﺭﺑﻨﺎ ﺑﺴﻬﻠﻬﺎ
ﺧﻠﻴﻨﺎ ﻧﻤﺮﻕ ﻣﻦ ﺍﻻﻧﺤﻨﺎ ﻓﻴﻬﻮ ﺩﺓ
ﺷﻮﻑ ﻳﺎﺿﻴﻮ ﺗﻤﺸﻲ ﺗﺸﻴﻞ ﺍﻟﻘﺮﻭﺵ ﻣﻦ ﺧﺎﻟﺘﻚ
ﻭﺗﻤﺸﻲ ﺍﻟﺴﻮﻕ ﺗﺠﻴﺐ ﺍﻟﺒﻴﺾ ﻭﺍﻟﺰﺑﺎﺩﻱ ﻭﺍﻟﻔﻮﻝ ﻭﺍﻟﻄﺤﻨﻴﺔ ﻭﺍﻟﺴﻠﻄﺔ
ﻭﺍﻛﺒﺮ ﻛﻤﻴﺔ ﻣﻦ ﺍﻟﺮﻏﻴﻒ ﻭﺗﺠﻴﻨﻲ
ﺳﺮﻳﻴﻴﻴﻴﻴﻊ ﺍﻭﻭﻭﻋﻚ ﺗﺘﺎﺧﺮ ﺍﻟﺰﻣﻦ ﻣﺎﻣﻌﺎﻧﺎ
ﺟﺮﻳﻴﻴﻴﻴﺖ ﺟﺮﻱ ﺟﺒﺖ ﺍﻟﺤﺎﺟﺎﺕ ﻟﻲ ﺍﻣﻲ
ﻭﻧﺎﺩﻳﺖ ﺑﻨﺖ ﺍﻟﺠﻴﺮﺍﻥ ﺗﺴﺎﻋﺪﻫﺎ
ﺑﺎﻟﻠﻪ ﺍﻟﺴﺎﻋﺔ 10 ﻭﻧﺺ ﺍﻧﺎ ﻣﻄﻠﻊ ﻋﺸﺮﺓ ﺻﻮﺍﻧﻲ ﻟﻠﺮﺟﺎﻝ
ﻭﺧﻤﺴﺔ ﻟﻠﺤﺮﻳﻢ ﻭﺍﻟﻠﻪ ﺍﻟﻔﻄﻮﺭ ﺷﻐﺎﻝ ﻭﺍﻟﺸﺎﻱ ﻭﺍﻟﺠﺒﻨﺔ
ﺷﻐﺎﻻﺕ
ﺍﻱ ﺯﻭﻝ ﺟﺎﺀ ﺑﻴﺖ ﺍﻟﺒﻜﺎﺀ ﻓﻄﺮ ﻭﺷﺮﺏ ﺍﻟﺸﺎﻱ ﻭﺍﻟﻘﻬﻮﺓ
ﻣﻦ ﻏﻴﺮ ﻣﺎﺗﻨﻘﺺ ﺣﺎﺟﺔ ﻟﺤﺪﻱ ﻣﺎ ﺍﻫﻠﻬﻢ ﺍﻟﺒﻌﺎﺩ ﺟﻮ
ﻭﺭﺗﺒﻮ ﺣﺎﻟﻬﻢ
ﺍﻟﻤﻮﻗﻒ ﺩﺓ ﻫﺰ ﻛﻴﺎﻧﻲ ﺷﺪﻳﻴﻴﻴﻴﺪ ﻭﺑﺎﻟﺠﺪ ﺣﺴﻴﺖ ﺑﻲ ﺣﺎﺟﺔ ﻛﺪﺓ
ﺧﺎﻧﻘﺎﻧﻲ ﺍﻧﺒﺴﻄﺖ ﺷﺪﻳﻴﻴﺪ ﺑﻲ ﺍﻣﻲ
ﻭﻓﺮﺣﺖ ﻛﺘﻴﻴﻴﺮ ﺑﺎﻟﻌﻤﻠﺘﻮ ﻟﻲ ﺟﻴﺮﺍﻧﺔ
ﻭﻣﺘﺄﻛﺪ ﺍﻧﻮ ﺍﻟﻤﺸﻬﺪ ﺩﺓ ﺑﺘﻜﺮﺭ ﻓﻲ ﻛﻞ ﺑﻴﺖ ﺑﻜﺎﺀ ﻓﻲ ﺍﻟﺴﻮﺩﺍﻥ
ﻭﻓﻲ ﻛﻞ ﻣﻨﺎﺳﺒﺔ ﻭﻓﻲ ﻛﻞ ﺣﻠﺔ ﻭﻗﺮﻳﺔ ﺑﻜﻮﻥ ﻓﻲ ﺷﺨﺺ ﺑﺸﺒﻪ ﻭﺍﻟﺪﺗﻲ
# ﺗﺨﺮﻳﻤﺔ
ﺍﻟﺸﻌﺐ ﺍﻟﺴﻮﺩﺍﻧﻲ ﻟﺴﺔ ﺑﺨﻴﺮ ﻭﺍﻟﺪﻧﻴﺎ ﻟﺴﺔ ﺑﺨﻴﺮ
ﺭﻏﻢ ﺍﻟﻤﻨﺒﺮﺷﻴﻦ ﻭﺍﻟﻤﻨﺒﺮﺷﺎﺕ
#ﻣﻼﺣﻈﺔ
ﻓﻲ ﺫﺣﻤﺔ ﺍﻟﻨﺎﺱ ﺍﻟﻜﻌﺒﻴﻦ ﺍﻟﻜﺘﺎﺍﺍﺍﺭ ﺩﻳﻴﻴﻞ ﺩﺍﻳﻤـﺂ ﺑﻜﻮﻥ ﻓﻲ ﺍﺷﺨﺎﺹ
ﻛﻮﻳﺴﻴﻦ ﺑﺪﻭﻥ ﺍﻣﻞ ﻓﻲ ﺍﻟﺤﻴﺎﺓ ﻭﺍﻧﻮ ﺍﻟﺪﻧﻴﺎ ﻟﺴﺔ ﺑﻲ ﺧﻴﺮﻫﺎ
#ﺗﺨﺮﻳﻤﺔ
ﻳﺎﺣﺠﺔ ﻋﻠﻮﻟﻮ
" ﺍﻻﺑﻴﺾ ﻳﻠﻴﻖ ﺑﻚ "
#ﺿﻴﺎﺀ_ﻣﺘﻮﻛﻞ

صقر الجديان

أجمل الطيور الإفريقية على الإطلاق وهو شعار السودان
الطول من الرأس للذيل 1.5متر
العرض من الجناح للجناح 2 متر
يتغذى على الثعابين والزواحف

هذا الطائر مهدد بالإنقراض بسبب الحرب في موطنه الأصلي بغرب السودان
(كردفان-دارفور)