احبك ..

كلمة شالها الليل .. دعاش و هديل و غناها ..

احبك..

بريدك شوووق .. يحلق نسمة هابة عليك عطاياها ..

احبك ..

احبك فوق .. ثغرا بيهدي الشوق ..

لو عرف الببيع الشوق .. مرارة الدمعة .. غناها ..

احبك ..

احبك فوق .. جرح مكتوم .. انين و هديل ..

دماهم نازفة شلالات زي عينيا مجراها ..

احبك نيل ..

احبك نيل .. احبك سيل .. بيجرف كل من عاداه و يتباهى ..

احبك فوق ..

و اغنيك شوق ..

و اوسدك القلوب يا زوق .. تحلق فوق حناياها ...

بشيل خطواتي في دربك .. و فيك خطواتي تواهة ..

بعادك لي سماك .. اقرب ..

و قربك فيهو كم آهة ..

و نيلك زي حسام مسلول ..

سيف للعزة في الساحة ..

و فيك شبينا و اتربينا ..