Listen to الرسالة الحلوة - مصطفى سيد احمد by Abualfatah #np on #SoundCloud
https://soundcloud.com/abualfatah/gilagj61s4yr
https://soundcloud.com/abualfatah/gilagj61s4yr
SoundCloud
مصطفى سيد احمد
مدمن للدخان والمُوسيقى
يوميات #علوب ..81.....(حظرونا) جبر يايمه
في هذا الصباح الشتوي البارد صحوت متكاسلا بين اليقظة والاحلام..!! فطعم النوم يبدو أطيب مع زقزقات العصافير التي يأتي صوتها منسجما مع زمهرير الشتاء و كأنها سيمفونية الفصول ..!! لم يقطع عليا هذا التأمل سوي صوت اختي (الشقيقة ) وقد جاء حنينا ( كالرعده .) ...!! قوووم ياعلوب الشمس دي كان ضربتك قيامتك بتقوم ....!! انها مشاعر اختي (الشبح ) قطعت علي النومة ...!! يقطع قلبك يامشاعر...!! هسا في داعي للكواريك دي من الصباح ...!! مابراحه الزول بقوم ...!! يقوم نفسك ....!! عفوا هي ليست اختي الشقيقة انها (صداع ) الشقيقه ...هسي في داعي يامشاعر تنهزيني كده من النوم ..حتي الجمعة الواحد مايستمتع بي نومة حلوه ...!! حملت البطانية علي أمل ان اذهب بأحلامي (السرمدية) هذي الي الداخل ....!! عليك الله قوم لف ياعلوب انت كمان بلا سرمدية بلا مديدة حلبه ...!! الظاهر كنت حلمان اني لاقيت (الحكم بن عبد مروان) ....!! سرمدية شنو في بيت الشياطين ده....!!!خميت البطانية دي ومن الحوش الي الداخل ....!! لقيت فوزية تشرب في القهوة مع أمي ...بِسْم الله دي مالا الليله من الصباح خير ان شاءالله ...!! المهم دخلتا الاوضه جوه أتم نومتي واليوم أكان جمعة والاسرة مجتمعة ...!!! لكن انا فوزية بتخليني انوم تلعلع ذي المكنة ...!! لا والنقاش عن الوضع السياسي الراهن ...!! عليكم الله شوفو قرارات (اوباما ) وهملتا البتناقش فيها فوزية
طبعا اوباما لو عارف شمارات الحظر دي بتكون موضوع نسوان الحلة ديل كان فعلا فهم حاجه وعرف انو دي بلد مثقفه حرام يحظروها ذاتو ....!! ياخ انا اتكيفتا خلي اوباما.... !!
واصبري يابت أمي وهي امريكا دي يعني بس فجاتن كده حست بينا ولا ده شغل (مغارز ) ولا القصة شنو ....!! دي فوزية وده تعليقا....!! والله جهجهت هيلاري ذاتا لانها جابت الزيت .....!! انا جوه لما اتصلحتا اسمع الحاصل ....!! أمي قالت ليها بري يطرشني ...!! يكون ياختي اوباما ده حسا كده انو ظلمنا قال قبل مايمشي يعمل فينا حسنة والله ياحليلو كان ظريف شديد مش ذي المبشتن ده ...هياااا اخوانا الحاجه طلعت بتعرف (ترامب) ...!! سنه ياأمي ....!! وواصلت التحليل ...!! ياختي اهم شي الحاجات دي ترخس شويه والله غلبنا ذاتو النسوي ...!! علوب الله يديهو العافيه مواصل ليل نهار شغال والنافع الله ..حلوه منك ياحاجه شكلك مقدره الوضع ..
اها سنيةٌ جات داخله في اللحظة دي ...!! ليكتمل (الكونغرس ..) لقت موضوع امريكا والحظر حاااار.. لكن يبدو ان شمارها كان اكثر حراره ...!! انتو في امريكا والحظر ...ولا كمال قالو وقع ليهو (الكنتاكي) ...!! (خلاص وزعو الورثة )
بركه الله يزيدو....!! خلي يعرس في السنيحة دي ...(السنيحة دي اميرة فلقصة مرتو التانية ...) هكذا جاء الرد من فوزية ..!!! وامي ذي (بان كي مون ) قاعده في النص تتبسم ...!! وانا اتابع الجلسه من الداخل ...والله احلي من النومة ...!!
بس اسمع ليك ...!! اهلًا ياملكة ازيك ....!! اووووو ملكة جات ...!! ملكه وكدا..!! بتتذكروها ...!! خلاص كملت.... الله يسترنا بس ....!! اها لقت موضوع امريكا والحظر ده مدور والظاهر هي ماماخده الماده دي ...!! المهم حاولت تغير الموضوع... وليتها لم تفعل ....!! قالت انتو في امريكا ...ولا ناس ام الحسن جابو ليهم جنريتر ...!!! عليك الله شوف المره دي بتشتت اللعب ده كيف ..!!! والله مافي (جنريتر ) غيرك ...!! قطعتي علينا المناظرة دي ...!! لكن سنية تاني رجعتنا ...قالت ليها جنريتر لي شنو (الحبش ) قالو حيدونا كهربا ...!! اوووووووو. ......يوووزع ...(سنيه ياست اللعب ) والله تحلف تقول وزيره ....!!! دي شنو الدرر دي ...لكن ملكة بتخلينا في حالنا...أتخيلو قايلاها نكته ...اخدت ليها ضحكة النوع داك البتتخجا
فيهو ...الله يجازيك ياسنية ...(الحبش )كدي خليهم يشتغلو بعدين يدونا كهربا ...وكدا ....!!سجمك ياملكه ماجايبا خبر الدنيا ....!! وياحليلنا نحنا الراجين (كنتاكي) اوباما....!! وحبشيه ( لمبة ) وحمامه ....!!! (وحظرونا) جبر يايمه ..!! وحال الدنيا دايرا صبر يايمه ....انا ماقلتا ليكم ملكه دي بتجيب العيد ......!!!
#اشياء_بسيطة..
في هذا الصباح الشتوي البارد صحوت متكاسلا بين اليقظة والاحلام..!! فطعم النوم يبدو أطيب مع زقزقات العصافير التي يأتي صوتها منسجما مع زمهرير الشتاء و كأنها سيمفونية الفصول ..!! لم يقطع عليا هذا التأمل سوي صوت اختي (الشقيقة ) وقد جاء حنينا ( كالرعده .) ...!! قوووم ياعلوب الشمس دي كان ضربتك قيامتك بتقوم ....!! انها مشاعر اختي (الشبح ) قطعت علي النومة ...!! يقطع قلبك يامشاعر...!! هسا في داعي للكواريك دي من الصباح ...!! مابراحه الزول بقوم ...!! يقوم نفسك ....!! عفوا هي ليست اختي الشقيقة انها (صداع ) الشقيقه ...هسي في داعي يامشاعر تنهزيني كده من النوم ..حتي الجمعة الواحد مايستمتع بي نومة حلوه ...!! حملت البطانية علي أمل ان اذهب بأحلامي (السرمدية) هذي الي الداخل ....!! عليك الله قوم لف ياعلوب انت كمان بلا سرمدية بلا مديدة حلبه ...!! الظاهر كنت حلمان اني لاقيت (الحكم بن عبد مروان) ....!! سرمدية شنو في بيت الشياطين ده....!!!خميت البطانية دي ومن الحوش الي الداخل ....!! لقيت فوزية تشرب في القهوة مع أمي ...بِسْم الله دي مالا الليله من الصباح خير ان شاءالله ...!! المهم دخلتا الاوضه جوه أتم نومتي واليوم أكان جمعة والاسرة مجتمعة ...!!! لكن انا فوزية بتخليني انوم تلعلع ذي المكنة ...!! لا والنقاش عن الوضع السياسي الراهن ...!! عليكم الله شوفو قرارات (اوباما ) وهملتا البتناقش فيها فوزية
طبعا اوباما لو عارف شمارات الحظر دي بتكون موضوع نسوان الحلة ديل كان فعلا فهم حاجه وعرف انو دي بلد مثقفه حرام يحظروها ذاتو ....!! ياخ انا اتكيفتا خلي اوباما.... !!
واصبري يابت أمي وهي امريكا دي يعني بس فجاتن كده حست بينا ولا ده شغل (مغارز ) ولا القصة شنو ....!! دي فوزية وده تعليقا....!! والله جهجهت هيلاري ذاتا لانها جابت الزيت .....!! انا جوه لما اتصلحتا اسمع الحاصل ....!! أمي قالت ليها بري يطرشني ...!! يكون ياختي اوباما ده حسا كده انو ظلمنا قال قبل مايمشي يعمل فينا حسنة والله ياحليلو كان ظريف شديد مش ذي المبشتن ده ...هياااا اخوانا الحاجه طلعت بتعرف (ترامب) ...!! سنه ياأمي ....!! وواصلت التحليل ...!! ياختي اهم شي الحاجات دي ترخس شويه والله غلبنا ذاتو النسوي ...!! علوب الله يديهو العافيه مواصل ليل نهار شغال والنافع الله ..حلوه منك ياحاجه شكلك مقدره الوضع ..
اها سنيةٌ جات داخله في اللحظة دي ...!! ليكتمل (الكونغرس ..) لقت موضوع امريكا والحظر حاااار.. لكن يبدو ان شمارها كان اكثر حراره ...!! انتو في امريكا والحظر ...ولا كمال قالو وقع ليهو (الكنتاكي) ...!! (خلاص وزعو الورثة )
بركه الله يزيدو....!! خلي يعرس في السنيحة دي ...(السنيحة دي اميرة فلقصة مرتو التانية ...) هكذا جاء الرد من فوزية ..!!! وامي ذي (بان كي مون ) قاعده في النص تتبسم ...!! وانا اتابع الجلسه من الداخل ...والله احلي من النومة ...!!
بس اسمع ليك ...!! اهلًا ياملكة ازيك ....!! اووووو ملكة جات ...!! ملكه وكدا..!! بتتذكروها ...!! خلاص كملت.... الله يسترنا بس ....!! اها لقت موضوع امريكا والحظر ده مدور والظاهر هي ماماخده الماده دي ...!! المهم حاولت تغير الموضوع... وليتها لم تفعل ....!! قالت انتو في امريكا ...ولا ناس ام الحسن جابو ليهم جنريتر ...!!! عليك الله شوف المره دي بتشتت اللعب ده كيف ..!!! والله مافي (جنريتر ) غيرك ...!! قطعتي علينا المناظرة دي ...!! لكن سنية تاني رجعتنا ...قالت ليها جنريتر لي شنو (الحبش ) قالو حيدونا كهربا ...!! اوووووووو. ......يوووزع ...(سنيه ياست اللعب ) والله تحلف تقول وزيره ....!!! دي شنو الدرر دي ...لكن ملكة بتخلينا في حالنا...أتخيلو قايلاها نكته ...اخدت ليها ضحكة النوع داك البتتخجا
فيهو ...الله يجازيك ياسنية ...(الحبش )كدي خليهم يشتغلو بعدين يدونا كهربا ...وكدا ....!!سجمك ياملكه ماجايبا خبر الدنيا ....!! وياحليلنا نحنا الراجين (كنتاكي) اوباما....!! وحبشيه ( لمبة ) وحمامه ....!!! (وحظرونا) جبر يايمه ..!! وحال الدنيا دايرا صبر يايمه ....انا ماقلتا ليكم ملكه دي بتجيب العيد ......!!!
#اشياء_بسيطة..