ونازلة في النيل زي حقيقة وفكرة أكبر من حكاية..
موجة جات بين ضفتين..
أمليني بيك.. خليني خالي من الهموم..
أديني خاطرك كل يوم.. عبيني ريد في كل لحظة وكل حين..
♣️

أديني إحساس اني منك.. وإني قادر عني عنك
أطرد الهم والأنين.. وأبقى عايش بي حنانك.. في دواخلك في كيانك
بين غمامة ووردتين ❤️
♣️

إن صديقك هو كفاية حاجتك.. هو حقلك الذي تزرعه بالمودة وتحصده بالشكر.. هو مائدتك وموقدك.. لأنك تأتي اليه جائعاً و تسعى وراءه مستدفئاً..
الصحبة في الزمن الصعب ❤️
♣️

وفي رسائل
بتجينا على شكلة هبة
او هدية اي كان المسمى
بتقلب موازين اليوم
180 درجه
بتخليك حابي اليوم ده
وحابي صاحب الرساله
إن كان صديق حبيب اخ
ما تبخل على زول بي فرحة
لو بتقدر ما تقصر نهائي
★

لي عيونك يا مداين الفرحة والحب .. والجسارة
عندي ليك مليون بشارة
وألف خير ... والكلمة شارة
وإنتي لمـّا الحب يهـوّم بى عيوني
وفى عيونك يشقى حائر .. بالأمارة
الفرح منك .. واليك
ويعترينى الخوف عليك

حليوة.. يا بسامة ❤️
🔝

هيبة مع البساطة.. أصدق ما يكون ❤️
🔝

حلمنا نهار.. و نهارنا عمل..
نملك الخيار.. و خيارنا الأمل..
و تهدينا الحياة أضواء في آخر النفق
تدعونا كي ننسى ألماً عشناه 🌸🌸
🔝

ﻛﻞ ﻣﺎ ﺗﺒﺎﻋﺪ ﺑﻴﻨﺎ ﻋﻮﺍﺭﺽ
ﻛﻞ ﻣﺎ ﻫﻮﺍﻙ ﻳﺎ ﻃﻴﺒﺔ ﻣﻜﻨِّﻰ
ﺗﻠﻘﻰ ﺍﻟﻐﺮﺑﺔ ﺗﻜﺮﺏ ﺍﻟﻮﺍﺣِﺪ
ﺑﻴﻜﻰ ﺃﺳﻤﻰ ﺍﻟﺸﻮﻕ .. ﻭﺃﻛﻨـِّﻰ
ﻟﻤـّﺎ ﺃﻓﻮﺗﻚ ﻣﻦ ﺩﻭﻥ ﺧﺎﻃﺮ
ﺃﻭ ﺩﻭﻥ ﺧﺎﻃﺮ ﻣﻨﻰ ﺗﻔﻮﺗﻰ
ﺑﻠﻘﻰ ﺣﺒﺎﻳب في كل حتة
و كل بيوت الفقرا بيوتي
🔝

حدثني صديق ذات مرة
ان النجوم صناديق بريد معلقة
في سماء الكون
كل من فاض به الحنين
وشق عليه الوجع
وأتعبته الطرق
يحادثها
حينها تكتسي بالجسد
وما جسدها سوي الحنين والانين والتعب
وتتكئي علي جنبها
لوصالك
تحكيك اسفاراها بين السموات
والفضاءات البعيدة
حتي تدنو من روحك
وترسل منها شعاعا إليك
يبعثر ما تعاني
فتبتسم حد اتساع قلبك
وحينها تخرج من فوهة فيها ضحكة كبيرة
صفراء تسر النظارين اليها من سموات اخر
وتلقيها اليك
لتلتقطها
وعندها تخبرك ان هذه الضحكة قد خبئها صديق لك عندها كامانة
وحكي لها أن عليها ان ترسلها لك ذات حوجة

#ما النجوم سوي مكاتب بريد سماوية
ترسل لك رسائلك التي أرسلت من أحبتك
#تفقدوا صناديق بريدكم في الليالي الحالكة وحتي الرخية منها

#أشياء_بسيطة

سايقاني في كل الدروب ساساق .. رامياني حد القريفة و قالياني زي جبنة بجا .. ❤️🔛

أمي لن أسميك إمرأة ،، سأسميك كل شيء .. ✨🔛

أجمل من الحُب الصداقة 
السلام الفي العلاقة 
التشابك في التواصل 
والتخاطُر والطلاقة. 
الكلام الفي السكون 
المودة الفي العيون 
السؤال عن كيف نكون
التماسك في الجنون 
والتناغم في بلاغة
🔝

يا صديقة بكرة أجمل 
بكرة أكمل 
بكرة أسهل 
بكرة أنبل .
بس نكون صاحبين سوا 
ما نبيت مع الأمل القَوا 
🔝

ماسكين
 وهج نبض المسرة
ونتحدي بالود المجرهّ
نعشق وطن 
أنفاسو حُرة
ونغني للناس والصِحاب ❤️
🔝

يوميات #علوب ..80....بي (دستوركم ) يالامريكان

المرا مما تبدا تتكلم براها ... وتشغل المنشات ...!! اعرف طوالي انو الموضوع فيهو راجل ..!! يا اما موجود....!! او لِسَّه ماجا ...!! وفي الحالتين انا الضايع ...!! قبيل مشيت الفرن الجنبنا ده اشتري لي عيش ...!! لقيت ليك أمونه جارتنا دي ...!! امونه الشيطونه ياخ بتعرفوها ....!! اها لقيتا تقلب ليك في العيش ده يمين شمال ...!!وتكلم في روحا ...وانا واقف وهي ماشايفاني ...!!! مسكّت ليها رغيفه تقلب فيها قالت ...بري ..!! بري يالرجال كلكم ذي الرغيف ده تتشابهو ...!!وكل يوم ماشين ناقصين ...الله لاجاب باقيكم ..!! لكن بس ترانا مجبورين ذي الرغيف ده ماببقي من غيرو الاكل ...( هيااا المجبورين ...!! البسمع يقول الرجال واقفين بالصف ) ...اها جدعتا مسكت ليها رغيفه تانيه أدتا قلبا كده بالجنبه ...ورمتا محلها ودورت ..!! سجم خشمي ودي مالا محروقه ...!! حريقة تحرقكم يالرجال ...( ابو الزفت اللليله قايم عليها الكحلي ...!! ) امونه دي كان شافتني حضرتا الكلام ده وسمعتو ممكن عااادي تفلقني ...!!! عملتا نفسي ماسمعتها ولا شفتها ذاتو ...!! لكن هي بتخليني ..أتلفتت ليك علي ..!! هياااا علوب ومالك يااخوي إنسليت كده كملتا من لحم الدنيا ...بتحب ولا شنو ...!!؟ (صراحة غازتني) ...!! قلتا ارجما ليك الحاقده دي ...!! قلتا ليها صدقي يا امونه اول مره تقولي حاجه صاح ....فعلا حب شديد اليومين ديل .....!!! طوالي طقشتني ليك ...!!! ودي منو ( المغبيه) البتحبك دي...قلتا ليها وشها مدور ذي الرغيفه الكنتي بتكلمي فيها دي ...!! ( اصلها باظت خليها تبوظ )
عاينت كدااا ...قالت لي والله ياعلوب تلحق لمن تكلم زول الا انجضك ذي الرغيف ده ...!! قلتا ليها وهو محتاج ياامونه ...!! الحلة دي كلها
عارفا موقفك من الرجال ...!! وبي أمانة موقفك مشرف وقوي وثابت ..!! بس بالله يا امونه الليله طالما اتلاقينا كده من غير ميعاد ..!! ممكن توريني انت ليه زهجانه من الرجال قدر ده مع انك يعني ( عفوا ) ما اتزوجتي وكده ...!! قالت لي كان كلمتك بتحفظ السر عامل عيونك المنططات ديل ( هسه في داعي ) قلتا ليها افووو ....!! طبعا ياامونه ياخ ...!! قالت لي بس هي كلمتك الاخيره دي ...قصة مااتزوجتي دي ...!! وانا وحاتك العرس ماكايسا ولا حاريا ...!! بس كنتا دايرا أعرس كيتا في فوزية وسنية ديل حلفن قالن امونة دي كان عرست نحنا بنقص شعرنا ...!!
قلتا ليها يعني انتي مشكلتك الاساسية مع سنيه وفوزية مش مع الرجال ...قالت لي ايوه وحاتك ....!! قلتا ليها اهاااا انا زمني ده كلو قايل مشكلتك مع الرجال لانو في واحد سألني عنك ..قلتا ليهو لا لا امونه دي عندها موقف ..وحاظرا الرجال ...!! قالت لي امريكا رفعت الحظر لمن انا ...!! وقَعَدت تتبسم ..النبي ياعلوب بتتكلم جد ..!! قلتا ليها النشوف الاول امريكا كان جاده ..!! وبعد داك نشوف ...!! قالت لي كان كدي يانا الطولنا ...!! أبهرتني الإجابة ....!! سنه ياامونه ...عرفناك مقددا الحلة والعلاقات الداخلية ...طلعتي اصلية ومجضما السياسة الدوليه ...واللول اللول يالوليه .....!!!

#اشياء_بسيطة..

خلاص رضيانة بي سفرك..
بصبر فرقتك مرة..
ما تخاف امشي دربك اخضر
انت ان شاء الله تتعلى

و ابقى ألف على رويحتك
ودعتك في ودايع الله
🔝

يا صباحات المواني.. ❤️
🔝

حيو بلادي
وانحنو لها
فهي زادي
و دُرّة فؤادي
إسمعوا ما تقول
و لا تسمعو ما يُقال
فما يقال محض إفتعال
و ما تقول هو القرار
★

خليهو السفر ياخي
ماتسافر عليك الله
وفي نظرك بلدنا السمحه تتخلا!
عليك البينا ماتمشي ماتودع تقول يلا
كيف نصبُر على فراقك!
دا هم زايد عليو عِلة
ولما توصل البلد البعيده هناك
ماتنسانا أبقى أدينا كم طَلة
وماتنسانا تنسى العشره والحِلة
وماتنسى الملاح والكِسره والحَلة
خلاص رضيانه بي سفرك
وبصبر فرقتك مُره
ماتخاف أمشي دربك أخضر
إنت إن شاء الله تتعلى

ابقى ألف على رويحتك
ودعتك في ودايع الله


#ESRAA