أشياء بسيطة

خلي القلب شباك.. نحو الأمل مفتوح 🌸🌸..
🔝

3.48K views19:24

أشياء بسيطة

و انا في القطار اصغر صبي.. آمال تفيض متفجرة ✨
🔝

2.7K views19:27

أشياء بسيطة

وايه الدنيا غير
لمة ناس في خير
أو ساعة حزن©❤️

2.75K views19:37

أشياء بسيطة

جهزت للمة
و نقشت حنه
و شافت محنة
و ضاقت فرحنا
و قدموها للفال
لي قولة مبروك
و لي فرحة عيال
من ديك الصغيرة
لشافع مشوطن
للجمعه الجميله
ولي سعادة ام
★

2.81K viewsedited 19:58

أشياء بسيطة

مقال اليوم ٩٩
من روائع المبدع الحكيم الطيب صالح:

"اذكر عندما كنا صغارا ، كنا نظن انفسنا اذكياء ، فنحتال على الكبار حيلا بسيطة بغرض الحصول على بعض المنافع او توقي العقاب.... اكتشفت لاحقا ان كل حيلنا كصغار كانت مكشوفة امام كبارنا ، لكنهم يتغافلون عنها حتى لا يحرجونا، ويتظاهرون امامنا بوقوعهم في شباكنا، فقط لتسليتنا ، كما يتظاهر الوالد امام طفله بانه اندهش من فعله ، فنينتشي الطفل....

كبرنا قليلا لنجد ان ذلك التغافل عن استغباء الغير كان عادة لكبارنا، يمارسونه حتى مع اندادهم ، يتغافلون عن هفواتهم، يظهرون لهم بمظهر الواقع في حبائلهم، يتظاهرون بالاندهاش لأكاذيبهم، لا يحققون مع المدعى عليه ولا يستحلفونه ، بل يمضون قوله من اول وهلة رغم علمهم بعدم صدقه وانه يحاول استغباءهم، وكان الغير يستغلون فيهم هذه الصفة اسوأ استغلال ، فيأكلون حقوقهم بالباطل ، ويظنون ان فيهم غفلة ، فكانوا يطلقون على احدهم لقب " زول الله ساي" او "فكي" بمعنى ان الفكي لا يعرف ادارة امور الدنيا.

كنت اغضب وانا اشاهد احدهم يأكل مال عمي مثلا زورا وبهتانا وعمي يتساهل معه ، رغم ذلك كان المحتال يضحك لاحقا على عمي ويتباهى بذكائه
ذات يوم قلت لعمي : يابا.. البابور اكلت جالون واحد بس ، لكن محمود ساي بقول ليك اكلت جالونين... نظر لي بابتسامة خضراء وقال لي : عااارف يا احمد يا ولدي، انا البابور دي عارفها صامولة صامولة ، ما حاعرف بتاكل كم جالون؟؟ لكن يا ولدي زول احتاج لحق جالون ومستحي يطلب.. نقوم نحرجه؟ انت عارف يا احمد .. عمك عبدالله كان لمن يشوف ناس من الحلة بسرقو من حواشته ببرك في الواطة يتضارى منهم بقناديل العيش عشان ما يشوفوه، عشان عينه ما تلاقي عيونهم ويتحرجوا منو. وجدك احمد.. جدك احمد كان بركب حمارته ويخت العيش في مخلايتين مقدودات .. كل ما يمشي حبة يقع قندول عيش ، والجماعة مبارنو يلقطوا في القناديل وهم بضحكوا على "زول الله" الما بعرف عيشه وقع ولا ما وقع دا ،
وجدك كان قصده يديهم من غير ما يحسسهم انو اتصدق عليهم. *عشان كدي يا احمد يا ولدي ..البتفولح لك...اتبوهملو.*

#أشياء_بسيطة🍃

3.23K viewsedited 21:08

أشياء بسيطة

‏ضوت روحي زي قنديل
اديت البريد بقشيش
قت ليو خلي بال حزني
شيشك ظني حملي تقيل
و بما اوتيت من لهجه
كتبت علي ضهر ( طردِك)
( بريدك ) 💙

#عاطف_خيري ..

2.71K viewsedited 22:51

أشياء بسيطة

لا السكة بيك بتنتهي ولا معاك مليت طواف ..❤️

2.8K views23:51

أشياء بسيطة

#فتاح يا عليم رزاق يا كريم 😊.. ™

2.79K views04:56

أشياء بسيطة

من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة ..
♣️