أمك و الصحة بتنزل..
بتمغرب قبل عصيرا..
ياحليلا العرق اتصبب..
فصد والله جبينا..
اتدنى هيموقلوبينا..
🔝

اخوانك شفع قصر..
لسع ما بفشو غبينة..
و الحلة قليلا بليلة..
مرات بموية كسيرة..
🔝

روشتة تخلي الحتة..
اضيق من خرم إبيرة..
جيران و الحال من بعضو
نيرانم نار الحمى الضلمة
🔝

الضل كرتون و حصيرة
و العين و النية بصيرة
و حبال النجدة قصيرة..
🔝

من ستة الزول لي ستة..
و الجتة تتكل جتة..
🔝

بين كارو و بص و كركوبة..
وراهم شفع قصر..
🔝

يرعاهم حس حبوبة..
تتوسد ايدا و توبا..
تتحسي باقي عميرا..
🔝

و لذلك انتي هنالك..
في ركن السوق الشعبي..
بت امك ما بتكوسي..
دروب الشك و الذلة..

كفتيرة تفك الحيرة.. يا بت احسن من غيرا
🔝

كان ضحوية وكنا نسنّد ف المحروت ،،كان ضحوية وكانت عين شمس الله قوية ... 🎶

تعالو نغني غني الايام الجاية كتير©❤️

ونفرح بيها سما السودان©❤️

تعالوا نلم الوان الطيف

الفي الخرطوم ابناء شعبي والفي امدرمان©❤️

يا بِت العرب 
النوبية
♣️

يا بت النوبة
العربية
♣️

بي ريحة قهوة بجاوية
أو شدر الصّحوة الزِّنجية
♣️

ويا فردة نخوة صعيدية
دسيِّني من الزمن الفارغ .. 
من ريح المتع الوكتية
من شر السّاحِقْ 
والماحِقْ .. 
بين دَبَش المدن المدعية
♣️

والليل إتحكّر بيناته 
كحّل بي دبشو عويناته
يا شمس الله المسبية
♣️

روّحت اتنسّم أخبارِكْ .. 
لا تشفَقْ
قالو لي نصيحي !!!
وأنا عارفك 
ممكونة وصابرِة .. 
لكن لي ناس إلاّ تصيحي
♣️

يا نور قاعِدْ بِكْ .. 
قايم بِكْ
شايلك مورودة ومتوكِّلْ
يا نورا على الله .. علينا
والفرج القرّب .. وحايم بِكْ
♣️

ﻧﻤﺸﻲ ﺧﻠﻔﻚ ﻳﺎ ﺍﺭﺍﺩﻩ
ﺑﺲ ﻣﻜﺎﻥ ﻣﺎﺗﻮﺩﻱ ﻭﺩﻱ.. ™

ﺣﻠﻔﺘﻚ ﻳﺎ ﻗﻠﺒﻲ ﺣﻠﻔﺘﻚ ﺑﺮبي
ﺧﻠﻴﻬﻮ ﺍﻟﻐﺮﺍﻡ
ﻳﺘﻨﻜﺮ ﻟﺤﺒﻚ
ﻭﺭﻳﻬﻮ ﺍﻟﺨﺼﺎﻡ
ﻟﻴﻪ ﺗﺘﻬﺎﻥ ﻳﺎ ﻏﺎﻟﻲ
ﻟﻴﻪ ﻭﺍﻟﺬﻝ ﺣﺮﺍﻡ.. ™