دنقرت اغرف من هواك ،بالهم شبع بالخوف رويت ،، قايلا آ بخاف الدردرة .. لكني في الواقع جبان .. #لكني في الواقع جبان .. 💔🔛
يوميات علوب ....78 ...!! والريد ( جبر ) ياعينيا
اخيراً جيناكم ياحبايبنا بعد غربه وشوق ...!!! البسمعك ياعلوب يقول قضيت سنتين ...!!! هي كلها اسبوعين ...لكن بالجد ذي السنتين..!!! نحنا مشكلتنا السودان ده بنريدو بي (غبشتو ) دي غايتو بس نقول الحمد لله ....!! حاجه عندنا ناعمة مافي.... !! سخانه ذي السخانه ...!! برد يشق الراس...!! مطره توقف حال البلد كلها ...وفلسه شديده ....الحاجه الوحيده الناعمة هي الشمار ...جيت لقيت ليك الحله دي كلها ماسكا ليها موضوع واحد مافي غيرو ...
انو السيد ( جبرالله ) جارنا العزيز ظهرت عليهو علامات ثراء ...!! وفجأة كده ....!! ذي الحمي ...!!! البيت ده قلبو فوق تحت ...!!! وأشتري ليهو عربية جديده ...ومرتو بقت تتجدع بالتياب...!!! والأولاد حايمين بالبلاي ستيشن في الشارع ....!!!
وطبعا الشمار كاتل الحله كلها والحلل المجاورة ...(أنو القروش دي جات من وين ....!!! ) ولم يعرف عن (جبر الله ) اي نشاط سياسي ...!! ولا عضو في اي لجنة ..!!! وعمرو ماطلع بره السودان... سوي اسبوعين ...!! (قالو رسل ليهو قريبو في الامارات) ...!! عشان كده قصة جبر الله بقت محيره شويه ...وحديث المجالس ...(لابرحمو لا بخلوها تنزل )
واحدين قالو لقي ليهو دهب في حوشم ....!!! هيااا الدهب الفي الحوش ...!! والله القش القشوه الحيشان دي كان في بترول كان طلع ...(نستبعد ذلك بشده) ...اها جماعة تانين قالو ورث ...!! وانو عندو جدو كده عندو أطيان تقيله كتبا لي جبرالله ...!! اها دي بس كمان ياها الكضبه ذاتا لانو جدهم ده قبل كده جاهم زياره من البلد وجاب ليهم معاهو (جداده ) هديه ..!! والجداده ذاتا وصلت ميته ...!! (هسه ده زول ميراث ) ...!!! المهم جبرالله ولا شغال بالموضوع يشيل وينزل في الأسمنت والطوب ...وكل طوبه كأنها نازله في راس (الشمشارين ) ديل دايرين بس يعرفو ... ...!! ( يكون ياربي ده واحد من أسباب العطله النحنا فيها دي ...!!! ) يازووول وجبرالله شغااال في شغلو ...زول قادر يسألو مافي ...وانا ذاتي بيني وبينكم الشمار حرقني ...جبر الله ده يكون عمل شنو ...علي الأقل يدينا أمل ....!!
استفسرتا الشباب في الحله قالو والله بس القصة دي حصلت فجاة كده ..(تكون ياربي جاتو ليلة القدر في رمضان الفات ده ...وكان لامي الموضوع ...) المهم مافي زول قادر يدينا افادة
لحدي ماجات أمونه الشيطونه وجابت الخبر الاكيد و من الداخل من مرت جبرالله نفسو ...السيده اكرام ....!!دردقتا لحدي ما جابت الزيت ....!!!
وقد كانت في غاية الكرم قالت جبر الله ده من زمان حظو عالي بس مابعرف يستخدمو ...!!! فعندو قريبو في دبي فتح حساب ادخار في بنك كده في الامارات وختا وديعة كتبا بي اسم (جبرالله ) فيها جايزه مليون درهم في سحب دوري عشان يرغبو الناس تخت قروشا ....بتصدقو الجايزه وقعت لي (جبر الله ) اها قريبو ده مافي طريقة الا يكلمو لانها بي اسمو ....المهم ساقو جبرالله الامارات ...كمل الإجراءات واستلم الضحاكات .....!!! قريبو طلع راجل جدع قال ليهو حرررم النص بالنص انت بي حظك وانا بي قروشي ...اها جبر الله اخد نص مليون درهم كاش ....يلا اضرب في أربعة وشوووف احلي الأهداف حتي الان.....
المهم الحله كلها ارتاحت لما عرفو الخبر ....!! الا جبرالله...!! شاكل ليك مرتو قال ليها خلاص كسرتي حظنا ...!!! لكن يبدو ان حظ جبرالله غير قابل للكسر ...لحدي هسه في ذي خمستاشر واحد لاعبين بي اسمو ....!!! حظك ياجبر الله خاشي بي اسمك بس .....!! (تقول لي ميسي) ..!!! جبر الله كسركم ....!! والريد (جبر ياعينيا ) ..
#اشياءبسيطة ..
اخيراً جيناكم ياحبايبنا بعد غربه وشوق ...!!! البسمعك ياعلوب يقول قضيت سنتين ...!!! هي كلها اسبوعين ...لكن بالجد ذي السنتين..!!! نحنا مشكلتنا السودان ده بنريدو بي (غبشتو ) دي غايتو بس نقول الحمد لله ....!! حاجه عندنا ناعمة مافي.... !! سخانه ذي السخانه ...!! برد يشق الراس...!! مطره توقف حال البلد كلها ...وفلسه شديده ....الحاجه الوحيده الناعمة هي الشمار ...جيت لقيت ليك الحله دي كلها ماسكا ليها موضوع واحد مافي غيرو ...
انو السيد ( جبرالله ) جارنا العزيز ظهرت عليهو علامات ثراء ...!! وفجأة كده ....!! ذي الحمي ...!!! البيت ده قلبو فوق تحت ...!!! وأشتري ليهو عربية جديده ...ومرتو بقت تتجدع بالتياب...!!! والأولاد حايمين بالبلاي ستيشن في الشارع ....!!!
وطبعا الشمار كاتل الحله كلها والحلل المجاورة ...(أنو القروش دي جات من وين ....!!! ) ولم يعرف عن (جبر الله ) اي نشاط سياسي ...!! ولا عضو في اي لجنة ..!!! وعمرو ماطلع بره السودان... سوي اسبوعين ...!! (قالو رسل ليهو قريبو في الامارات) ...!! عشان كده قصة جبر الله بقت محيره شويه ...وحديث المجالس ...(لابرحمو لا بخلوها تنزل )
واحدين قالو لقي ليهو دهب في حوشم ....!!! هيااا الدهب الفي الحوش ...!! والله القش القشوه الحيشان دي كان في بترول كان طلع ...(نستبعد ذلك بشده) ...اها جماعة تانين قالو ورث ...!! وانو عندو جدو كده عندو أطيان تقيله كتبا لي جبرالله ...!! اها دي بس كمان ياها الكضبه ذاتا لانو جدهم ده قبل كده جاهم زياره من البلد وجاب ليهم معاهو (جداده ) هديه ..!! والجداده ذاتا وصلت ميته ...!! (هسه ده زول ميراث ) ...!!! المهم جبرالله ولا شغال بالموضوع يشيل وينزل في الأسمنت والطوب ...وكل طوبه كأنها نازله في راس (الشمشارين ) ديل دايرين بس يعرفو ... ...!! ( يكون ياربي ده واحد من أسباب العطله النحنا فيها دي ...!!! ) يازووول وجبرالله شغااال في شغلو ...زول قادر يسألو مافي ...وانا ذاتي بيني وبينكم الشمار حرقني ...جبر الله ده يكون عمل شنو ...علي الأقل يدينا أمل ....!!
استفسرتا الشباب في الحله قالو والله بس القصة دي حصلت فجاة كده ..(تكون ياربي جاتو ليلة القدر في رمضان الفات ده ...وكان لامي الموضوع ...) المهم مافي زول قادر يدينا افادة
لحدي ماجات أمونه الشيطونه وجابت الخبر الاكيد و من الداخل من مرت جبرالله نفسو ...السيده اكرام ....!!دردقتا لحدي ما جابت الزيت ....!!!
وقد كانت في غاية الكرم قالت جبر الله ده من زمان حظو عالي بس مابعرف يستخدمو ...!!! فعندو قريبو في دبي فتح حساب ادخار في بنك كده في الامارات وختا وديعة كتبا بي اسم (جبرالله ) فيها جايزه مليون درهم في سحب دوري عشان يرغبو الناس تخت قروشا ....بتصدقو الجايزه وقعت لي (جبر الله ) اها قريبو ده مافي طريقة الا يكلمو لانها بي اسمو ....المهم ساقو جبرالله الامارات ...كمل الإجراءات واستلم الضحاكات .....!!! قريبو طلع راجل جدع قال ليهو حرررم النص بالنص انت بي حظك وانا بي قروشي ...اها جبر الله اخد نص مليون درهم كاش ....يلا اضرب في أربعة وشوووف احلي الأهداف حتي الان.....
المهم الحله كلها ارتاحت لما عرفو الخبر ....!! الا جبرالله...!! شاكل ليك مرتو قال ليها خلاص كسرتي حظنا ...!!! لكن يبدو ان حظ جبرالله غير قابل للكسر ...لحدي هسه في ذي خمستاشر واحد لاعبين بي اسمو ....!!! حظك ياجبر الله خاشي بي اسمك بس .....!! (تقول لي ميسي) ..!!! جبر الله كسركم ....!! والريد (جبر ياعينيا ) ..
#اشياءبسيطة ..