أحييك لأنك
توزع في حنك
♣️

تشيل هم بلادك
وتنساهو همك
♣️

بتمسح دموعا
وتغطغط في دمعك
♣️

وتنسي الدريب
البتمشيهو
كأنك
♣️

بتبني المشاعل
تضوي الطريق
وتقصد توصل
لون البريق
وترفع تشيل
حطامو الغريق
♣️

وريدو وهواك
في دربك رفيق
♣️

يلاك نبادر
♣️

تعقل جنون
الببيعو الأماني
وتزرع ورودك
وتهديها تاني
♣️

فيكفيك تبسم
تغني الأغاني
♣️

أقيف مرة اسأل
و كون يأخ أناني
وحلفت صوتك
يغنيك تاني
تقيف لي تردد
تقول لي كفاني
♣️

أشوف بس شبابنا
يبني المعاني

♣️

ألبي النفير
النادا ودعاني
♣️

أشوف نور بلادي
يعود ليها تاني
♣️

أفول المحنة
وضحكة أهلنا
نفيرنا وفرحنا
ووقفات ترحنا
♣️

وطيبة الأهالي
تشكل جمال
الطبيعة المثالي
♣️

بتصرخ بحب
قدر ريدتك لنيلنا
تقول إنت هيلنا
نريدك يا غالي
♣️

أقول ليك حيرجع
وطنا النريدو
بهمة أهلنا .. حنقدر نعيدو
♣️

وحلة ملاحنا
التخش كل بيوتنا
تسلم تلملم
فرحنا وتزيدو
♣️

ملامح وطن
بقامة حبيبة
مساحة في قلوبنا
واسعة ورحيبة
♣️

نقدس ترابو
الكون صفاتنا
ونمسح شكوك جوانا ونسيبا
سوداني فخرا
بدون أي ريبة
♣️

حيرجع حيرجع وطنا النريدو
بهمة أهلنا حنقدر نعيدو ❤️
♣️