بسأل عليك
نضم الجرايد والصحف وكل منشور انكتب
♣️

بسأل عليك فرح المدينة الدون سبب 
♣️

وحسرة الريف والضواحي و هم مساجين التعب 
ولمة الناس القدام........
♣️

والنيل مرق تالا البحر لملم خطاهو علي الشمال
لا فترو الصبح المرق من دون سؤال 
لا أخرو الحن البيأخر كل من شد الرحال 
لا خاف يسافر في الضلام........
♣️

بفتشك في صوت خنق بالوجعة والخوف الألم
في حس سكن شارع الشعوب الضاجة هم
في كلمة تتلبس سكات من غير بغم 
تغنيك عن البوح والكلام........
♣️

بسأل عليك الوحشة في سكة حديد
صرخة قطر عجلاتو تختصر البعيد
♣️

بسأل عليك شبح البيوت
♣️

حرس الحدود
♣️

ساعي البريد
وأهديك مع المارة السلام
♣️

بمشيها خطوة شرحبيل
وبقصو دربك دون أتر
و اسأل عليك الساقية والقيف والمطر
واتحسسك جوة القصيد 
ووسط تناهيد الوتر
لا ريدك الجواي فتر
لا في الدواخل شوقي نام....
😢

بسأل عليك زمنا مضى إحساسو حي هندامو مات
بسأل عليك الأغنيات
♣️

صوت وردي
♣️

حس عركي
♣️

دلوكة بنات
♣️

زيدان بغني الليلة ديك
♣️

والحوت بقول بسأل عليك
♣️

وأبو سيد بردد يا سلام ❤️
#وئام_كمال_الدين
♣️

يابا الجوامع هيل منو؟
هيل الله نوم
حتى المدارس حقتو؟
لا لا المدارس حقت الحيكومة نوم .. 🔛

يابا الجوامع انكسرت 💔
ايي الحسن ..
حتى المدارس انكسرت 💔
ايي الحسن ..
هو الزول يكسر حقو كيف و الضو يطوحبو الاندهاش .. 🔛

يا بت العرب النوبية، يا بت النوبة العربية ..بي ريحة قهوة بجاوية او شدر الصحوة الزنجية .. و يا فردة نخوة صعيدية ✨❤️🔛