طبيقاً للعسل دفّق
خدارا للبياض صفّق
بشيشك بينا اترفّق
سماحاً للقليب شفّق
ما تحني.. قليبي اليوت مستني..
وراك الريد شاغلني
بدورك تسألي عني
🔛

زولة حنونة بي ريحة المطر مسكونة ،، عاجبني السمار الفيها و انهار النبيذ في عيونها ،، سميتها انكسار الضو .. و سماني البحر مجنونا .. ✨❤️🔛

طريق الشعب اوسع من زحام الطين
وقلب الشعب ارحب من رحاب الضو
ونبض الشعب كلو حلم بداه بيتم
وتطلع من شقوق الارض الاَف المدن قامات
ويطلع حتى من قلب الحجر والصي
شجر متشابك الهامات ...💜

بتي البريدة مرتبة .. دولابا داك و المكتبة ..
قيرا قيرا يا مهيرة
يا شتلاية جاتها مطيرة ..
تكبري انتي تشيلي حملنا ..
و تزيدينا ترانا كملنا ..
نسمع عنك ما يفرحنا .. ❤️🌹
🔛

الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..

كل الإشارات البتفتعل الزحام
تكتم نفس كل الشوارع وتحبسن
تسمع شتايم المارة تحسب في الزمن
بي حجة الصح والنظام........
♣️

بسأل عليك
نضم الجرايد والصحف وكل منشور انكتب
♣️

بسأل عليك فرح المدينة الدون سبب 
♣️

وحسرة الريف والضواحي و هم مساجين التعب 
ولمة الناس القدام........
♣️

والنيل مرق تالا البحر لملم خطاهو علي الشمال
لا فترو الصبح المرق من دون سؤال 
لا أخرو الحن البيأخر كل من شد الرحال 
لا خاف يسافر في الضلام........
♣️

بفتشك في صوت خنق بالوجعة والخوف الألم
في حس سكن شارع الشعوب الضاجة هم
في كلمة تتلبس سكات من غير بغم 
تغنيك عن البوح والكلام........
♣️

بسأل عليك الوحشة في سكة حديد
صرخة قطر عجلاتو تختصر البعيد
♣️

بسأل عليك شبح البيوت
♣️

حرس الحدود
♣️

ساعي البريد
وأهديك مع المارة السلام
♣️

بمشيها خطوة شرحبيل
وبقصو دربك دون أتر
و اسأل عليك الساقية والقيف والمطر
واتحسسك جوة القصيد 
ووسط تناهيد الوتر
لا ريدك الجواي فتر
لا في الدواخل شوقي نام....
😢

بسأل عليك زمنا مضى إحساسو حي هندامو مات
بسأل عليك الأغنيات
♣️

صوت وردي
♣️

حس عركي
♣️

دلوكة بنات
♣️

زيدان بغني الليلة ديك
♣️