ﻳﺎ ﺍﻟﺒﺘﺴﺄﻟﻮﺍ ﻋﻦ ﻫﻮﺍﻧﺎ
ﺯﻭﻝ ﺟﻤﻴﻞ ﺯﻱ ﺩﻩ ﺑﻨﺴﺎﺏ
ﻭﻧﺤﻨﺎ ﺃﺻﺤﺎﺏ
ﻳﻌﻨﻲ ﺇﻻ ﺗﺴﻤﻮﺍ ﺭﻳﺪﻩ
ﻳﻌﻨﻲ ﺇﻻ ﻳﻜﻮﻥ ﺣﺒﻴﺒﻲ
ﺯﻭﻝ ﺑﺤﺲ ﺟﻤﺒﻮﺍ #ﺍﻟﺴﻌﺎﺩﺓ
ﻳﻮﻡ ﺃﺷﻮﻓﻮ ﺑﻴﺰﻭﻝ ﻧﺤﻴﺒﻲ..™

ﺑﻠﺴﻢ ﺍﻟﺠﺮﺡ ﺍﻟﺒﺘﺎﻭﺭ
ﻓﻲ ﺍﻟﻬﻤﻮﻡ ﺗﺼﺒﺢ ﻃﺒﻴﺒﻲ
ﻳﺎ ﺳﻨﻴﻦ ﻣﺎ ﺗﻔﺮﻗﻴﻨﺎ
ﻟﻮ ﺭﺣﻞ ﻋﻦ ﻋﻴﻨﻲ ﺟﻴﺒﻲ
ﻭﻧﺤﻨﺎ ﺃﺻﺤﺎﺏ
ﺍﻟﺒﺤﺴﻮ ﻣﻌﺎﻫﻮ ﺃﺻﻼً
ﻣﺎ ﺑﺘﻘﺪﺭﻭﺍ ﺗﻔﻬﻤﻮﻩ.. ™

ﺑﻴﻨﺎ ﺣﺎﺟﺎﺕ ﺣﻠﻮﺓ ﺟﺪﺍً
ﻫﺴﻲ ﻣﻤﻜﻦ ﺗﺴﺄﻟﻮﻫﻮ
ﻫﻮ ﺍﻟﻤﻜﺎﻥ ﺍﻟﺒﺤﻴﺎ ﻓﻴﻬﻮ
ﻟﻤﺎ ﻋﻴﻨﻲ ﻳﻮﻡ ﻳﺘﻮﻫﻮ
ﺍﻟﺒﻴﺠﻤﻊ ﺑﻴﻨﻲ ﺑﻴﻨﻮ
ﻟﻮ ﺑﺘﻘﺪﺭﻭ ﻓﺴﺮﻭﻫﻮ
ﻧﺤﻨﺎ #اصحاااﺍﺍﺍﺍﺍﺍﺍﺍﺏ.. ™

ﺣﺮﻭﻑ #ﺍﺳﻤﻚ
ﺟﻤﺎﻝ ﺍﻟﻔﺎﻝ
ﻭﺭﺍﺣﺔ ﺍﻟﺒﺎﻝ
ﻭﻫﺠﻌﺔ ﺯﻭﻝ ﺑﻌﺪ ﺗﺮﺣﺎﻝ
ﻭﺗﻨّﻴﺔ ﺣﻠﻮﺓ ﻟﻠﺸﺒﺎﻝ
ﻭﺩﻧﻴﺘﻨﺎ ﻭﻣﺸﺎﻭﻳﺮﻧﺎ
ﻭﻏﻨﻮﺍﺗﻨﺎ ﺍﻟﻰ ﻣﺎ ﺑﺘِﻨﻘﺎﻝ.. ™

ﺍﻟﺰﺍﺭﻋﻨﻚ ﻓﻲ ﺍﻟﺼﺮﻳﻒ
ﺍﻧﺪﺭﻳﺎ ﺑﺴﻘﻴﻚ ﺑﻼ ﺧﺮﻳﻒ.. ™

ﺃﻣﻲ ﻭﻗﺖ ﺗﻘﻮﻝ ﻣﺎﻑ ﺯﻭﻝ ﺑﺘﻨﻲ ﺣﺪﻳﺜﺎ
ﻋﺎﻟﻲ ﻣﻘﺎﻣﺎ ﻛﻀﺎﺏ ﺍﻟﺒﻴﻮﺻﻞ ﻣﻴﺴﺎ
ﻓﻴﻬﺎ ﻃﻬﺎﺭﺓ ﺍﻟﻌﺬﺭﺍﺀ ﻭﻭﺟﺐ ﺗﻘﺪﻳﺴﺎ
#ﺃﻣﻲ ﻋﻠﻰ ﺍﻟﺨﻠﻮﻕ ﻣﻔﺮﻭﺽ ﻫﻲ ﺗﺒﻘﻰ ﺭﺋﻴﺴﻪ..™

ﺃﻣﻲ ﺍﻟﻌﻔﻪ #ﺃﻣﻲ ﺍﻟﺤﺸﻤﻪ ﺃﻣﻲ ﺍﻟﺬﻭﻕ
ﻭﻣﺮﺿﺎﻥ ﺍﻟﺴﻨﻴﻦ ﺑﻲ ﺑﺴﻤﻪ ﺃﻣﻲ ﺑﺮﻭﻕ
ﻟﻮ ﺟﺒﺘﻪ ﺍﻟﻨﺠﻮﻡ ﺿﻤﻴﺘﻪ ﻟﻴﻬﺎ ﻓﻲ ﻃﻮﻕ
ﻣﺎ ﺑﻮﻓﻴﻬﺎ ﺗﺐ ﻣﺎﻑ ﻗﺎﻓﻴﻪ ﻓﻮﻗﺎ ﺗﺤﻮﻕ.. ™

ﺃﻣﻲ ﺛﻢ #ﺃﻣﻲ ﺛﻢ ﺃﻣﻲ ﺑﺮﻳﺪﺍ
ﻣﻮﻓﻮﺭﺓ ﺧﺼﺎﻝ ﻣﺎ ﻟﻴﻬﺎ ﺃﻱ ﻧﺪﻳﺪﺍ
ﺑﺘﻄﻴﺐ ﺍﻟﺠﺮﻭﺡ ﻭﻗﺘﻴﻦ ﺗﻀﻤﻨﻲ ﺍﻳﺪﺍ
ﺃﻣﻲ ﻫﺪﻳﺔ ﺍﻟﻠﻪ ﻭﺟﺐ ﻋﻠﻲ ﺗﻤﺠﻴﺪﺍ.. ™

#ﺃﻣﻲ ﺣﻨﺎﻥ ﻭﺃﻣﻲ ﺍﻣﺎﻥ ﻭﺃﻣﻲ ﻭﺩﺍﻋﻪ
ﺑﺎﻟﺪﻋﻮﺍﺕ ﺩﻭﺍﻡ ﺍﻧﺎ ﻟﻴﺎ ﻓﺎﺭﺩﻩ ﺷﺮﺍﻋﺎ
ﻟﻮ ﺍﺧﺪﻣﻬﺎ ﺣﺎﻓﻴﻪ ﻟﻴﻮﻡ ﺗﻘﻮﻡ ﺍﻟﺴﺎﻋﻪ
ﻣﺎ ﺑﻮﻓﻴﻬﺎ ﻟﻮ ﺣﻖ ﻟﻴﻠﻪ ﻭﺍﺣﺪﻩ ﺭﺿﺎﻋﻪ.. ™

ﻋﻠﻤﻮﺍ ﺍﺑﻨﺎﺋﻜﻢ ﺍﻟﺼﻼﺓ
ﻭﺍﻟﺼﻼﺓ ﺳﻮﻑ ﺗﻌﻠﻤﻬﻢ ﻛﻞ ﺷﻴﺊ.. ™

عيونك يا السمحة
بتشبه ليلاً صافي
وثرثرة تحت القمره
وزولاً صادق و وافي
★

عرفت معاك كل الخير.. حنان ممدود.. بشارة فال
و عشت معاك اجمل ريد.. غناوي ترددها الاجيال
ممزوجة بنغم صداح.. محال تعرف حقيقتو خيال
🔝

يوميات #علوب 75 ...يالخرطوم يالعندي جمالك ....!!!!

اخيراً ظهرت الخرطوم ...اي والله بالخط العريض (مطعم الخرطوم ) في نص نيويورك ...والله لما شفتا اللافته لمن قلبي ده دقا ...!!! شوف السودان ده عجيب كيف تقعد جواهو وووب تمرق منو وبييين عشان كده أحسن تخليك مجهجه كده في النص تدخل وتمرق...!!
مجهجه دي عرفناها ....تدخل وتمرق دي بشنو هو ذاتو .... !!؟؟أهو تقعد تتابع مؤتمرات الكلاب دي ...!!!
المهم يازول طوالي علي المطعم السوداني ده ...جنا تعرفو وجنا يعرفك ..!!
فعلا لقيت ليك الجمهور كلو سوداني وريحة الأكل السوداني
والجوطة السودانية ...!!! اتكيفت كيف ....(السودان في نيويورك ...عجوه معطونه في عسل ...) يازول دخلتا كده الجماعه عرفوني غريب ادوني نظرة فحص خاصة....!!! المهم فيهم واحد لطيف كده قال لي اتفضل ...طلباتك.... وانا أتجول بنظري في المكان قلتا ليهو اي حاجه...!!! اخد ليهو ضحكة كده قال لي اي حاجه دي في امريكا ممكن توديك وماتجيبك ...!!! انتبهتا للعباره قلتا ليهو فول ...فول ...عندكم فول ...!!!قال لي وقرّاصه كمان ...ابتسمتا كده قلتا ليهو خلاص فول وقرّاصه ....!!!
جنبي واحد كده قال لي انت جديد في امريكا ...قلتا ليهو لنج ...!! لكن سؤال انتو بتعرفونا كيف ...بنتلفت كتير ولا شنو ...قال لي ابدا احساس ....!!!
.....قلتا ليهو انتا ليك كم سنه هنا قال لي ...ايييييييك صدق مامتذكر ...!!! (اربكتني الاجابه) ...قلتا ليهو كيف يعني اخر مره نزلت السودان متين ...قال لي مما جيت مارجعتا السودان ...لما بطني قبضتني ...!!! معقوله انا الجيت لي يومين ده مشتاق للسودان ..الزول ده جا وتاني مارجع ....!!! دي بلد شنو البتخوف دي ...طوالي سألتو قلتا ليهو ليييه كده ..!! قال لي اها ليه كده دي شرحا بطول لكن أقول ليك يا ابن العم ...بالمناسبة انت اسمك منو ...رديت بسرعه ...علوب ...!! علوب ...قال لي تعرف ياعلوب انا جيت هنا سنة
اتنين وتسعين وانا بيني وبينك ناس الحكومة ديل ماناسي وحلفتا ما ارجع الا هم يفوتو ...اها لاهم فاتو ولا انا رجعتا ...!! قلتا ليهو لكن انت الخسران ...كيف تخلي بلدك واهلك عشانم ...بعدين شنو حكاية ماناسك دي ....انتو نسايب ....!!؟ دي حكومه يعني مش فرد معين حيتأثر ويقول ياسلاااام ...بالمناسبه انت اسمك منو ..!!! قال لي الطاهر ...قلتا ليهو يقولو ياسلااام الطاهر طول ماجا حقو نحن نفوت ....!!! ده مابحصل ....!!! انت قول عجبتك القعده عنا وتكلتا ...!!! اخد ليهو ضحكه قال لي والله انت متفاءل شديد ...!!!
ياتو قعده دي انت عارف انو القعده بس ياها الهسه معاك دي ...البلد دي لو قعدتا كتير تاني مابتفوم ....!!! عشان كده نحنا واقفين وجارين مما جينا ....!!! قلتا ليهو ان شاءالله وصلتو (الميز ...) قال لي الأمريكان ديل في كل مدينة عندهم طريق اسمو الدائري اها الدائري ده بلف المدينة كلها في شكل دايره ...وفيهو مخارج للمكان الأنتا عايزو بس اذا واصلتا فيهو علي طول بتلقي نفسك في المكان البديت منو ...!!! اها ياعلوب نحنا مما جينا راكبين الدائري ده ....شفتا الناس ديل مدورننا كيف ...!!! ان شاءالله نلقي لينا مخرج ....غايتو كلام الزول ده خوفني شويه من البلد دي ....حتي الفول نفسي مرقت منو ...!!! مافوقني الا اسمع ليك واحد من هناااك ...هياااا علووب ....!!! لما اتخلعتا طلع (منتصر ) ود جيرانا كان جاهو لوتري قبل كم سنه عملنا ليهو حفلة وداع للصباح ختينا قرض معاهو ...وشايلنو ليك الحفله كلها هدا حيلنا ....!!! اها يازول جنس مقالده ومطايبه وياهو منتصر ذاااتو بذات الحرارة والخفه سلم علي شديد قال لي ده اجمل يوم من مده طويله اني شفتك الليله ياعلوب بتصدق اولاد الحله قالو لي في الواتس علوب جاي امريكا ...ما اشتغلتا بالموضوع قلتا حركات منهم ...طوالي لبعتو في ضهرو قلتا ليهو هو جيت انتا يا (ابراس ) انا ما بجي ...!!!يضحك ساااي قال لا بعني كمان ياعلوب لا جاك لوتري لا بتاع ....القصة صعبه شويه ...!!! قلتا ليهو انا بجي مؤتمرات مش اي كلام ...قال لي ايوه شايف صورك مع الكلاب في الفيس ...تاني لبعتو ...!!!
المهم قال لي مافي طريقه اصلو غير تمشي معاي البيت ...وبالفعل تحركنا الي منزلهم ...وشتان مابين الطاهر الصابر ومنتصر المنتصر ولكل من اسمه نصيب ....مالذي وجدته في بيت منتصر ...!!؟ بكره الختام في امريكا شيكا بيكا ..

#اشياءبسيطة ..

الا باكر يا حليوة...
لما أولادنا السمر 😍
يبقوا أفراحنا البنمسح بيها أحزان الزمن ❤️
♣️

سلم على الطيبين في بلادي يا أسمر
قبل أيادي الطين تزرع حلم أخضر
♣️

ودي السلام ضعفين
لي أخوة متسالمين
♣️

زي مقرن النيلين
النيل شمال ويمين
واحد مزيج اتنين
كان يصفا كان يعكر..
♣️

أهل البلاد وصحابا
شعبا كلامو حنين
لو قلت مشتاقين
حيردو بالاكتر....❤️
♣️

ﺿﺎﻗﺖ ﺧﻼﺹ
ﻣﻦ ﻛﻞ ﺟﺎﻧﺐ
ﺍﻣﺴﻴﻨﺎ ﻓﻰ ﺣﺪ ﺍﻟﻜﻔﺎﻑ
ﻭﺍﺻﺒﺤﻨﺎ ﻛﻠﻨﺎ ﻓﻰ ﺍﻟﺒﻠﺪ
ﻧﺤﻦ ﺍﻟﻤﻮﺍﻃﻨﻴﻦ ﺍﻻﺟﺎﻧﺐ.. ™

ﻭﺍﻧﺎ ﺯﻱ ﻭﺗﺪ ..
ﺯﺍﺭﻋﻨﻲ ﻓﻲ ﺑﻠﺪﻱ ﻭﻣُﺘﻜَﻞ ﺑﺎﻟﺼﺒُﺮ
ﻣﺎ ﻃﺎﻻ ﺁﺧﺮﻫﺎ ﻛﻮﻡ ﺗﺮﺍﺏ ..
ﺍﻳﻪ ﻳﻌﻨﻲ ﻟﻮ ﻛﺎﻥ ﻓﻲ ﻗﺒُﺮ.. ™

ﺍﻟﺤﺮﻩ ﺑﺘﺨﺎﻑ ﻣﻦ ﺳﻤﻌﺔ ﺍﻟﻮﻟﻴﺎﻥ
ﻭﻋﺮﻳﺎﻥ ﺍﻟﻌﺮﺽ ﻣﺎ بيسترﻭ الدلقان
وﺍﻟﻤﻮﺕ ﻓﻲ ﺍﻟﺸﺮﻑ ﻣﺎ ﺑﻬﺎﺑﻮ ﺇﻻ ﺟﺒﺎﻥ
ﻭاﻟﻮﺳﻮﺍﺱ ﺃﻛﻴﺪ بيحرﻗوا #القرآن.. ™