#ﺍﻣﺜﺎﻝ_ﺳﻮﺩﺍﻧﻴﺔ..
191- مرق في بلدا طيره عجمي..

192- الملويه ما بتحل رقبتها..

193- ما خاب من استخار ولا ندم من استشار..

194- ما كل من ركب الحصان خيال..

195- ما عندك صبرا يبل الابري.. ™

عافى منَّك .. وراضى عنَّك .. سوْ رضايا 
ومابيخيب الرضَّى والدتو.. يا جنايا 
♣️

إنتَّ من يا دوب صغيِّر من زمان دايماً معايا 
إنت ديمة أمامى ساير .. ما بخليك بى قفايا 
ما بتغيب من عينى لحظة لا حصل سبتك ورايا 
ولامن الله يشيل أمانتو ببقى خاصاك بالرعاية
♣️

لىِّ يرعاك البيرعى لىَّ بيك يبرد حشايا 
أصلك إنت هدية منِّو الله بيك أجزل عطايا 
جيتنى واحد مالو تانى رحمة فى آخر صبايا 
قبل ما أفقد قدرتى وقبل ما تنهار قوايا 
جيتنى زى بدراً منّور فجأة طليت ف سمايا
♣

وهسى لما خلاص كبرت ماش تسيبنى أعيش برايا؟؟ 
ماش تفارقنى وتهاجر والحزن يصبح جزايا؟؟ 
كيف يهون لك تحزن أمك شان تحقق ليكا غاية؟؟ 
♣️

لو مناك ترحل تغادر قعدة بى جنبك منايا 
لو مسافر شان علاجى بلقى فى شوفتك دوايا 
ولو مسافر شان كسانا أخير نعيش جنبك عرايا 
لو عشان كرعينا راحل نحن بى بعدك حفايا 
لو عشان تسقينا زمزم نحن بى حنك روايا 
♣️

لو مسافر شان تعرس خير ابوك مالى التكايا 
خيرو وافر ابوك يحمدو مراحو مليان بالسعايا 
وبالقروش الجيب متكن ولسة برضو الجايى جاية 
برضى منك مابقصر بحفر اديكا المعايا
♣️

إنت من تبيت صغير راسى مابتحتاج وصاية 
ما حصل خيبت ظنى ولا فشل فيك زين غنايا 
لا تسيب أمك تسافر يمة محتاجة الحماية 
ولا تسيبنى وراك ترحل وإنت للمكشوف غتاية 
دايرة منك تبقى جنبى.. جنبى فى فرحى وبلايا 

ودايرة كان قحيت أتبنك .. أرفع أقسملك غتايا 
إنت ساعة تبقى جنبى بتبقى ضلى وتوب دفايا 
وما بخاف ظلم الليالى إنت ياك عكاز عمايا
♣️

داير أقضى عميرى جنبك أصلو قارب للنهاية 
وخايفة كان سافرت ترجع تلقى فاضى البيت بلايا 
وحينا ما بتنفع قروشك وما بتجيبلك أم سوايا
♣️

مانى عارفى سبب رحيلك يا وليدى شنو الحكاية 
الا تبقى براكا شايف فى فراق الوالدة غاية 
ما بعاتبك لو رحلت وما بلومك وبلقى فى الأمثال عزايا 
على حجر دايما قليبك وقلبى كلو عليك جنايا
♣️

سيسخرون منك
ثم سيحاربوك
ثم يمنعونك عن مواصلة طريقك
وتستمر ... وتستمر .... وتستمر
ثم يصفقون لك ويقفون تحية لإنجازك
★

ﺷﺒﺎﺑﻲ ﻣﻌﺎﻙ ﻣﺎ ﺍﺿﻴﻊ ﺍﻣﺎﻧﻴﻬﻮ
ﻭﻋﻤﺮ ﻫﻮﺍﻙ ﻣﺎ ﺍﻗﺼﺮ ﻟﻴﺎﻟﻴﻬﻮ
ﺭﺿﻴﺖ ﺑﻲ ﻇﻠﻤﻮ ﺍﺣﻴﺎهو ﻭﺍﻗﺎﺳﻴﻬﻮ
ﻭﻟﻮ ﺧﻼﻧﻲ ﻋﺎﺭﻑ ﻣﺎ بقدر اخليهو.. ™

الليل البشيل الناس..
بشيلو هموم..
اقاسي مرارة الوحده..
واغالب دمعه المحروم..
اتعذب سنين ما ضقتا طعم النوم.. ™

ﻟﻮ ﺗﻌﺮﻑ ﻳﺎ ﻇﺎﻟﻢ ﺑﺤﺒﻚ ﻗﺪﺭ ﺇﻳﻪ
ﺑﺤﺒﻚ ﻭﺍﻟﻠﻪ ﻋﺎﻟﻢ ﺩﻩ ﺣﺐ ﺍﺣﺘﺮﺕ ﻓﻴﻪ
ﺑﺤﺒﻚ ﺯﻱ ﻋﻴﻮﻧﻲ ﻭﻟﻮ ﺳﺄﻟﻮﻧﻲ ﻟﻴﻪ
ﻷﻧﻚ ﻓﻲ ﻋﻴﻮﻧﻲ ﻓﻲ ﻋﻴﻮﻧﻲ ﺍﻷﻟﻢ.. ™

فرق كبير
بين أن تحبها لأنها جميلة..
وأن تكون جميلة لأنك تحبها !

#أنيس_منصور.. ™

‏"الذي يفتح ما استطاع من شبابيك النور ليهزم عنك عتمة البارحه ، يُعادل الحياة بكل عابريها "
★

اللهم أعنا على السعي
اللهم أعنا على مجابهة صعوبات الحياة
اللهم يقينآ بكرم عطائك ورحمتك
اللهم قرب منك وسعي إليك
اللهم أنت الصاحب في كل نبضة حياة
اللهم قوة اللهم همة اللهم حياة 😊
صباح الخير
♣️

ضحكة زي شاي الصباح
تعدل مزاج اليوم عديل
❤️©

#ﺍﻣﺜﺎﻝ_ﺳﻮﺩﺍﻧﻴﺔ..
196- يأكل معاي ويتدعدع وراي..

197- وريني غبشه كراعك..

198- وريه طرف الكلام وأسكت..

199- وداه البحر وجابو عطشان..

200- هي جافله وادوها سوط.. ™

ﻭﻓﻲ ﺍﻟﺮﻳﺪﺓ ﻣﺎﻟﻚ ﻳﺎ ﺧﻲ ..
ﺳﻮﻳﺖ ﻟِﻲ ﺣﺎﻝ ﺗﻤﺮ ﺍﻟﻔﻜﻲ.. ™