أشياء بسيطة

ﻳﻮﻡ #ﺍﻟﺠﻤﻌﻪ ♡
ﻭﺍﻟﺠﻼﺑﻴﻪ 😍
ﺭﻳﺤﺔ ﺭﻳﺪﻱ
ﻭﻃﻌﻢ ﺍﻟﺠﺒﻨﻪ
ﻟﻤﺔ ﻭﻧﺴﻪ
ﻓﻴﻬﺎ ﻋﻴﻮﻧﻚ 😊
ﻭﻓﻴﻬﺎ ﻛﻼﻣﻚ
ﻭﻓﻴﻬﺎ ﺳﻌﺎﺩﺗﻲ
ﻣﺎﻟﻚ ﻳﺎﺥ 😍.. ™

2.89K views09:40

#ﺳﺒﺤﻪ ﻓﻲ ﺇﻳﺪﻙ
ﺟﺎﺑﺖ ﺃﺟﻠﻲ
ﺇﻧﺖ ﺗﺴﺒﺢ
ﻭﺃﻧﺎ ﺃﺳﺘﻐﻔﺮ
ﺇﻧﺖ ﺗﻌﺎﻳﻦ
ﻭﺃﻧﺎ ﺃﺗﺸﻬﺪ
ﺗﺴﺮﺡ ﻓﻴﻨﻲ
ﻭﺃﺑﻠﻊ ﺭﻳﻘﻲ
ﻣﺎﺍﺍﺍﻟﻚ ﻳﺎﺥ.. ™

2.96K views09:40

مقال اليوم ٨٦
قصتي مع بتاع الشطة..

ايامنا الاولى في قطر كان عندي باقي وهم كدا .. زي الاعتقاد بأنو السودانيين ارجل ناس وانو الشطة الحارة لازم تكون دقاق .. غايتو منو لله الاداني المعلومة الأخيرة دي.
المهم مشيت سوق الخضار اجيب لي خضار .. دخلتلك تلاجة الخضار في السوق المركزي والخضار كان أشكال وألوان.. وقعتلك في الهندي سوي لي كيلو من دا واتنين من داك وكرتونة من دا .. النفس منفتحة طبعا..
قمت سألتو :عندك شطة؟
قال لي :فلفل هار؟
قلت ليو :كدي جيبو ... قام جاب لي شطتهم الكبااار ديك .. انا حسب حجمها وهو قبيل قال لي (فلفل) حار قلت دي فلفلية ساي والهنود التعبانين ديل فاكرنها شطة .. (البلد الما فيها شطة دقاق تسرح فيها الفلفلية)
المهم قلت ليو :لالالا داير شطة حاااارة (بهوت قرم) شطة مال سوداني نفر. وهو طبعا قصير وانا عاجباني قصة بعاين ليو من فوق .. (سوداني وكدا) قام ابتسم ابتسامة خبيثة وقلم قرن الشطة النص الحلال واداني ليو قلت الزول دا بتاع جرجرة .. مسكتلك النصيص القسمو لي قرمتو قرمة كبيرة عشان اقنعو وكد.
اها زولك اتناول ليو موزة وصنقع يعاين لي وانا أمدغ .. :ها كيف صديق؟ في اللحظة ديك بديت افقد حاسة السمع والشوف مع حركات لا ارادية. لكن ما داير اظهر ليو هزيمتي ... جيت افتح خشمي اقول ليو باااااردة شفطه ليك قريب رطلين هواء وطلع منى الصوت انثوي ما حقي .. غايتو جاي جاي - في شكل شلل ارتعاشي - حركت عضلات وشي قلت كان أبتسم لكن الدميعات جن جاريات.
اها ود الذين قر قر ضحك :انت يقول بارد ليش يبكي يا زول؟ .. الزعلني اكتر حبالي الصوتية اتدمرت ما قدرت ادافع عن نفسي والعيون مليانة دموع. ومنظري كان حزين جدا وانا باكل في الموزة وعندي ابوالشهيق وهو يسو لي صديق انت في نفر تعبان..
😂😂😂😂😂

#اشياءبسيطة ..

3.24K views13:58