وسرنا ف فجاج الارض نلتمس الطريق
فدلنا اليك يا الله
©❤️

أصبحنا واصبحت الحياة له
©❤️

وصفها ادريس جماع حين قال :السيف في غمده لا تخشى بواترهُ و سيف عينيك في الحالين بتارُ
★

خطوة أولى 👣
وعتبه عتبه📖
عتره حبه😫😴
حلم أكبر😍🎓
سكة صعبة📚📝😭😭
بس ح أوصل.. حبه حبه😊 🎶

احيييك لانك ..
توزع في حِنك
تشيل هم بلادك
وتنساه هَمك ..💜

بتمسح دموعك
تغتغط في دمعك
وتنسي الدريب
البتمشيه كأنك ..

بتبني المشاعل
تضوي الطريق
وتقصد توصل
لون البريق
وترفع تشيل
حطامه الغريق
وريده وهواه
في دربك دليل ..

يلاااك نبادر ..يلاك نبادر..

تعكر جنوون
الببيعو الاماني
وتزرع ورودك
وتهديها تاني
فيكفيك تبسم
تغني الاغاني
اقيف مرة اسأل
وكون ياخ اناني ..

وحلفت صوتك
يغنيك تاني ..
تقيف لي تردد
تقول لي كفاني
اشوف بس شباب
بيبني المعاني
البي النفير النادي
ودعاني ..
اشوف نور بلادي يعود ليها تاني..

وقادرين نرجع
افول المحنة وضحكة اهلنا
نفيرنا وفرحنا ووقفة ترحنا
وطيبة الاهالي ..
تشكل جمال الطبيعة المثالي ..

بتصرخ بحب ..❤️
قدر ريدتك لي نيلنا ..
تقول انت هيلنا
نريدك يا غالي ..❤️

اقول ليك حيرجع
وطنا النريدو
بي همة اهلنا
حنقدر نعيدو ..
وحلة ملاحنا
تخش كل بيوتنا
تسلم تلملم
فرحنا وتزيدو ..

ملامح وطن
بقامة حبيبة
مساحة في قلوبنا
واسعة ورحيبة ..
نقدس ترابو
الكون صفاتنا
ونمسح شكوك
جوانا ونسيبا ..

سوداني فخراً ..بدون اي ريبة ..❤️

هاجر محمد - سوداني فخراً ..

#خاص و #حصرياً ..

شان نور القمرة يضوي الليل
ويطل لينا باكر احلى صباح ..
كان لازم تصبر وتعاند وتضوق صبرنا احلى نجاح..

متطوع انت عشان غيرك
جواك متشبع بالاحسان ..
هو جميل انك تبقي مبادر
فاهم قادر واعي وانسان ..

والاجمل ان الفكر الفيك
بيخلي عطأئك جد فنان
ده شباب قادر لوحه حتكمل
وتشرف كل حاضر السودان ..
الاجمل في الفكرة تبادر وتخطط كم افكارك صاح ..
ومحال امبارح بي ايدك اصبح
ممكن عادي ومتاح ..

دُق طبل الامال الغنى
..حقق غاياتك واتمني
زيد كم معرفتك قوم حاول .
..احنا بنفخر بيهو فشلنا
لو يوم فاكر عزمنا قلّ ..
ماكان من اول حاولنا
ده شباب قادر فاهم واعي ..
واحنا بنبني عليهو املنا..