تزوجيه ...خلوقا لا يخالط ولا يخون
ويأخذ بيدك إلى الجنه ويكون لك في عطفه والداً♥️

"الظروف كذبة؛
لو أحب الإنسان إنسائًا لأقام حربا من أجله."!🧡

#الاء

بِئس العبد أنا..
كثيرُ الشكوى، قليل النظر، كثير التعلُق بالأشياء

نِعم الرب أنتَ..
واسِع العطاء، جميل الستر، تتوالى نعمك حتى لا أكاد أحصي ما ظهر منها

السِمن عارف إنو وزنه زاد وما مُحتاج زول يقول ليهو.
الوشو شاحب وفيهو حبوب عارف وشايف وتعبان ومتضايق بسبب كدا ما لازم كُل ما تشوفوا تقول ليهو مالو وشك عامل كدا؟.
الضِعف مافي زول بياكل أكلو وعارف إنو ضعف من غير ما تتفضل بمعلوماتك عليهو.

من باب الأدب لما نشوف أي تغيير مفاجئ على زول ونحن عارفين إننا لو قُلنا ليهو حيزعل أو يتضايق .
فالأحسن نسكت لأنو مافي زول عارف الورا الكواليس ومافي زول عارف القصة كاملة .🌻♥️
مروة الصاوي

#الاء

احنا ما انطوائييين احنا بس لسه ما لقينا الزول النقدر نشاركو مشاعرنا واحاسيسنا ونقدر نديه ثقتنا❤️

#الاء

يا حليلنا المَحنة كاتلانا.♥️

‏الإنسان السوي نفسيًا
يفصل بين تراكماته وتعاملاته مع الخلق، ويدرك أن الناس ليست ساحة لتفريغ تراكماته،

وأن الضغوطات اختبار له وليس مُبرر لتغيير تعامله، وأخلاقه.

الونسة بتقوي المناعة

( يوميات علوب )

حكاية البت فاتن ..!!

مرة في حلتنا جا واحد سكن جنبنا جديد قالو أشتري بيت عمك ( الطاهر )

....!!
ناس( عمك الطاهر ) ديل جيرانا هنا في الحلة ليهم سنين ماشفنا منهم غير كل خير ناس طيبين كدا في حالم وظريفين شديد ...!!!
عندهم بيت تاني في (السامراب ) .....!!!

هم أصلا من هناك ...باعو بيتم دا قالو عندهم مشروع ورحلو مع أهلهم في داك ....!!!

( الله يسهلا عليهم وين ما قبلو....!!!

لكن هسا ده ما موضوعنا ....!! موضوعنا انو الإشتري البيت ده مدير واحد من البنوك الحايمة دي ...بنك شنو كدا ماعارف للتنمية والأعمال .....!!!

خلينا من البنك تبع منو وشايت وين ...!!! لأنو للأسف برضو ده ما موضوعنا ....!!!

نجي لي موضوعنا الأساسي البخصنا وبعنينا ومطلع عينا اللي هو ( بت ) مدير البنك دا ....الإشترى بيت ناس عمك الطاهر ...الباعو بيتم ورحلو ( السامراب ....) ....!!

الشهادة والعمل الطيب ...!! من القيامة الربطت ...!! والقنبلة الأنفجرت في نص حلتنا دي .....!!!

ده شنو دا دا ...!؟ وده منظر شنو دا ...!!!؟ ودا كلام شنو ...!!!

اللهم الثبات .....

غايتو قدر مانقول خلاص وصلنا( الميز ) في البلد دي تجي واحده تكسر ليك النظرية دي وتكسر ( الميز ) وتكسر راسك ده ذاتو ....
زي ( بت ) الزول ده ....!! ( قطعة ناصية ) ...!!! (فاتحة علي مية شارع.....!! ) قالو اسمها ( فاتن ....!!! )

فتنتنا( فاتن ...!! ) ...!!! وحلات ( فاتن....) ...!! وجمال ( فاتن ....) ....!!! 😍

الحلة كلها بقت ماعندها سيرة غير ( فاتن ) بت مدير البنك ...( وفاتن ) بت الناس الرحلو جُداد ...( وفاتن ) القيامة القايمة ....!! 🔥🔥

وفجأة تصدرت فاتن عناوين كل الصحف في الحلة...!!! وكان
عشقنا بنعشق مفاتن ....!!!

المهم ( فاتن ) بقت حديث كل الحلة .....!!!

ماعلينا ...!! المهم ناس ( مشاعر ) طبعا التقطو الإشارة وعرفو إنو الحلة جاتا طياره ...!!
وبدت عمليات البحث والتحري وجمع المعلومات ...!!

طبعا الكلام ده في حلتنا بياخد ليهو أقلا من عشرة دقايق ...( أسرع كتير من المخابرات ...)

المعلومات جات نازلة ذي المطر ...!! كل الواتسابات دورت ...!!! غايتو ( # مارك ) لو عرف جماعتنا ديل ( واتسابو ) ده بنهزو كيف ..!!
كان هو ذاتو اقتنع ...!!! وجا بي نفسو وقف علي الحاصل ...واستقرا هنا مع ناس ( عمك الطاهر ) ديل في ( السامراب ) ...!! يتابع القصة دي بي نفسو ....!!

لأنو بأمانة ( الواتس ) ده ممكن يطرشق في اي لحظة ....!! ( الحمولة دي زايده شديد ...!!! ) ...!!!
لكن هسا يا ( مارك ) بيني وبينك كدا وبأمااانه ... وانتا تراكا لافي العالم ده كلو ...!! حصل لاقتك شمارات ناعمة ومدققه زي دي ...!!!؟؟
قول النصيحة ...!! حلفتك وفي ذمتك دي ....!!! مانحنا المسخنين ليك ( الواتس ) دا ....!!!؟
نشيل ونغربل في الشمار ...وانت تمعط في الدولار ....!!!

تاكل السم كان ما اديتنا معاك ....!!!
قلبي وربي غضبانين عليك يا ( # مارك ) كان ماقسمتا لينا ....!!! ان شاء الله ماينفعك .....

أها يازوووول البيانات جات كابا كب
اول حاجه جات المعلومات الأساسية ......!!

الاسم / فاتن مصطفي الطويل ....!!!
قرت اقتصاد في جامعة الخرطوم .....!!
شغالة في بنك تاني غير حق أبوها ...!!!
طولا ستة اقدام وسبعة بوصات ....( الطول والعلا )
دي بتكون جينات جدها

لونا عسلي ....!! ( دي ماعيونا.... دي هي ذاااتا ..) 🌹

صاحباتا بقولو ليها ( نونا ...) وناس بيتم بنادوها ( تونا )
( ونحنا بنقول الحقوووونا ) ...😭

ويستمر تدفق المعلومات دون هواده ... !! طوالي جات نازلة

المؤهلات العلمية ...
،. اقتصاد مع مرتبة الشرف ....( ده بسمو لقاء السحاب ...!! ( سماحة ونباهه ) (العجوة معطونة في عسل ....) ...!!!
غايتو بكونو ناس الجامعة خجلو من ( القيافة ) دي مشرفاهم أربعة سنين ...خرجوها بي شرف ....!!

بعدين للأمانة ( المهنية ) زي دي أصلا مفروض مايخرجوها ذاتو ....!! يخلوها كدا بس ...!! تتوارثها الأجيال ....!! ويسجلوها في اليونيسكو ...
والله جد ...
المعلومات الجات ومتوفرة حتي اللحظة إنها من الجامعة كانت موقفه الحركة ...شالاها شل ....!!

في ناس حافظين جدول محاضراتا أكتر منها ...!! لما كانت تدخل كافتيريا اقتصاد ...كمية الشاي البتتشرب تكفي بيتين ( بكا ) وعرس ....!!
متعهد الكافتيريا بي نفسو بسوط ليها الشاي ....!!
والجموع دي كلها ( بتشفط ) معاها وعلي شرفا .... !!
وفي رابطة محترمة في كلية الهندسة اسمها (شهداء فاتن ....) ...!!

قالو كانت صاحبة أجمل ابتسامة شهدتها الجامعة في السنوات الاخيرة ...!!! الرقم دا كان مسجل بي اسم واحده في اداب ...اسمها ( سهير ) ....!!! ( برضو كتاحة ) وشاااطرة شاذة ....!!!
( بتضرب انجليزي أحسن من اهلو ....!! )
قالو مدير الجامعة بي نفسو كان بحنس فيها تنضم لهيئة التدريس ....!!
عرسا ود عمها ساقا السعودية هسا في ( الباحة ) وعندها خمسة شفع ....!!!

بس ( سهير ) ظلت محافظة علي هذا اللقب حتي دخول (الظاهرة ) فاتن ....!!
كسرتو حطمتو انتهت منو ... قالو فاتن وكت تضحك اي حاجه فيها بتضحك ...نخرة...!! خشم ..!! عيون ..!! كلو ...كلو ....!!

والجامعة دي كلها تبكي ...!!! 😭

أها دي بس المعلومات الأولية عن الحادث الضرب حلتنا ...!!!وجاري حصر الضحايا ....!!

والواتس شغال يلقط في المعلومات ....!! والكلمة الأكثر تداولا في كل محركات البحث داخل الحلة ...!!! ( فاتن )
قالو البنك الشغالة فيهو ده بنك تعبان وما علي قدر كدا سانداهو البت دي بس ....!!!
أي واحد عندو قرشين بمشي يختهن هناك عشان ( فاتن ) تشوفن كان قلبا يحِن ولما تغيب بقفلو من حداشر 🚫بقولو للزباين عندنا مراجعة داخلية ....!!!

يازووول كل المعلومات اتكبت في دقايق ...
اها جزء من بنات الحلة وكت مالقن طريقة في ( اللوك ) قررن يعملن ( بلوك ) ....!!!
ديل ناس ( فلقصة ) ومن لف حولهن ...!! وده تخصصن ....!! إسقاط راية الحق والجمال ....عشان يغزن (عكاكيزن ) دي ....!!
قالو البت دي ( البت دي قاصداتن بيها فاتن ).....!!!

أول حاجه ما إسما بت اذا سمحتو ..اسمها ( لمبة )

أها قالن هي من ناحية سمحة النصيحة سمحة ماقلنا حاجه
( البركة في الاعتراف الدولي ده ) ....!!

( كان أحسن تقولو غير كدا عشان نعلن الحرب )

قالو سمحة ...!! لاكين ...!! ( خلاص لكنوها)
( الشيطان يكمن في التفاصيل ) ...!!

قالو عندها شوية عوارة كدا .....!!! 😳
( ماقلتا ليكم ...!! )

( صفاء ) نطت قالت .....ما شوية ياأميرة ...قالو عويره رسمي ...!! ...

طبعاً ( صفا ) بتكون عايزه تموت من الحمامة الركت في حلتنا دي .....!!!
خلاص ( قررت ( تصفيتا ...!! ) و( اغتيالا سياسيا ) ....!!

طيب ياخ فرضنا انها عويييرة هطلة وريالتا سايلة ...

( طبعا ريالة فاتن دي ميه الميه بتكون السكر السايل البعملو في اللقيمات البجيبوها في الدعاية دي ..) ...!!!

اها إنتن الما عويرات ديل استفدنا منكن شنو ......!!؟

وعملتو شنو في الحلة دي ...!!! ووينا إسهاماتكن ...!!

أول حاجه ( صفا ) دي تحديدا قالت قرت (تصميم إيضاحي .....) ماسكانا زمن بالقصة الحزينة دي لحدي ما اكتشفنا إنّو التصميم الإيضاحي القاصداهو ( صفصف) طلع
( التطريز ) .....!!!

وطبعا في حرب باردة في الحلة مع الشباب قايداها
( صفا ) دي قالت اولاد الحلة كلهم ( متخلفين )

يازوولة … 😳😂ما عصرتي علينا

صفا دي كانت مخطوبة لي صاحبنا إسمو مبارك ( خلاها ) عملت
( تحديد للكل )

البنات أول مايقولو ليك البت دي عويره ...أقع ( العويرة ) دي طوالي .....!!! ولا تتردد ....( دي الزيت ....!!! ) ...

هسا البنات ديل لا أتكلمن معاها لا قعدن معاها ...بس كدا ( أون لاين ) و ( بلوتوث ....!!) معقولة لكن ....!!

أنا غايتو عاذرن يبحتن في الحلة دي ليهن سنين تجي الطيارة دي تكتحن وتستأثر بالاهتمام ....!!

ناس قرضة سموها ( نيمار ) ....وديل معلمين كبار ما بلعبو إلا مباراة زي دي ....!!

ياخ البت دي عندها( توسان حمرا ) 🚘 كدا موقفنها في قفص قدام بيتم ..!!

وكت تقول كدا تجي تركب فيها الصباح مع القفص ده ( أسد) ....!!

مافي أي إحساس غير كدا ....( إنها سطوة الجمال ....!! ) والله حقو الناس دي تقطع تذاكر تجي تشوف ( الأسد ) ده لافي في القفص ده وتمشي ....!!!

وممنوع اصطحاب الأطفال
عدا ( عكرمة والكجم ...) ....!!

لا والمنظر الجدير بالتأمل لما تركب وتدي العربية دي حبة ( ابنص ) خفيف كدا تسخينه ....!!

والله (سخنو) بينا الفارقونا وراحو ...!!

والعجب لما تدق الخلف دا وترجع ورا ....( كلنا بنرجع ورا ....) ونفسنا ده بقوم ...!! وتقول كدا تستعدل وتركب الزلط ....!! ( اللوفتهانزا وطارت ) .....!!!
رويحتنا دي تشيلا معاها ...!!!

( وسوات العاصفة بي ساق الشتيلة الني .) 💃....!!!
الله يعدلا عليك وين ما قبلتي ويكفيك شر الطريق يافاتن .....!!!

محفوفة بدعوات كل أهل الحلة ....!! رجالا وشيوخاً وأطفال ولا استثني ( عكرمة) .....!!

( البنات حادات ) .....!!!!

صحي الجمال لا وطن له ولا.....!! ( ميز ).....!!!

في واحدات وكت مالقن طريقة شبكونا ليك حوا وااااااالده يابت أمي ......!! ( يلولون في قداديمن ) ...!!!
طيب المشكلة وين ماياها دي ولدت ...جابت (فاتن ) دي ...!!
ولا فاتن دي ( طفلة انابيب...!!؟؟؟ ) ...

خلو روحكم رياضية ياخ ...!! الجمال جمال الروح .....!! الا روحكن محرقاتنكن ساكت ....!!!!
عليك الله خلونا من الصواريخ المضادة دي ....🚀 نرجع لي ( فاتن ) والجمال الفاتن ...!!! ( تنتن ) الرز باللبن ....!! البت دي طبعا ماطويلة وما قصيرة ....!! لاسمينة ولاضعيفة ... أي حاجه في النص ....!!! الا العيون...!!! والنص ...!!!
سماحة ذاتا تشق النص ......!!!!

العيون 👀 مابتعرفن شايتات وين ....!! ولا باديات وين ومنتهيات وين .....في ناس كتار في الحلة بقو يطلعو مع تسخينه العربية البي الصباح دي ...!!!
تجي لابسا التوب رابطا في نصها ..ما بتعرف منو الشايل التاني ...!!؟؟
وشايلين ليك مفتاح العربية ده فيهو ( دبدوب ) صغير كدا حلات الدنيا علي ....!!!
أي زول في الحلة من طرف لو سألتو الصباحية ديك أمنيتك شنو ...!! طوالي حيقول ليك الأمنية ( دبدوب ...!! ) 🐻‍❄️😂

ماهو زي ( تونا ) دي كان شفتها الصباح قطع شك يومك حلو ..،،!!! المسائل دي معروفه وعندها علاقة بالكيميا والطاقة الإيجابية والكلام ده ..عشان كدا بالجد مفروض ندفع ليها رسوم إصحاح البيئة ....( بتلوّن الأجواء ....) ... بدل نديها ناس النفايات (المرض ديل ) ...!!! يشيلو الرسوم....!! ويخلو النفايات ....!!!

.،،،،بس دايما الحلو مابكمل .....!!!😳 فمن ضمن التسريبات والسيل ( العرمرم ) من البيانات المتدفقة الجات عن البت دي وردت معلومة مربكة إنو ( فاتن ) علي علاقة....!!! ولازالت.....!!!

مع زميل دراية منذ سنوات الدراسة و ( كيس ) كان مشهور في الجامعة ومعروف ....!!!
الود ده للأسف اسمو ( أكرم ) ....!!!
( لازم يكون (أكرم ) حيكون ( الكجم ....) ...!!!

وللاسف دي شنو كمان انتا ياعلوب ...!! خلي الحسادة ....!!!
بس الحمد لله الأخبار المطمئنة شوية ...!! وجات بعد كدا ..انو بيناتم خلاف ...!!
شوف بالله نحنا وصلنا وين
بقينا نقتات علي الخلافات ..!!

أها أفرض مابينم أي خلاف ......!!! ياخ أفرض ماف اي علاقة بينم أساسا ....!!! نحنا نستفيد شنو من الموضوع ده ..!!؟

النصيحة بنستفيد....!! ياخ مجرد الأمل انو زي ( فاتن ) دي قاعده كدا منتظرا النصيب وماعندها حاجه دي هسا كدا مابراها حالة من الفرح ....!! ودفعة معنوية إنو الدنيا لسه بخير ....!!!
إنتو قايلين الشباب ( المفلس ) ده بضايق ليي لما يعرسو واحده سمحة لي واحد ( غني ....!! ) بحسو انو الفقر حال بينهم وبين السعادة ....!!! رغم انو ده مفهوم خاطئ ...!! لكن أهو في النهاية إحساس ....!!!

هسا فاتن دي بالله ماتهبشوها لينا خلّوها لينا بس كدا علي خلافا ده .....!!! وأمتع نفسي بالدهشة .....!

جيت البيت لقيت مشاعر وصاحباتا ناس صفاء وأمنيات وتقوي ململمات ...!! ومعاها كم بت كدا وصوت ( السشوار ) زي ( الموتر ) واصل الشارع .....!!! (ده ....ورررررررر فينا ....!! ) ريحة الشعر ذي الشية ...!!!

والله انا قايلم ( بلحمو ) ليهم في حاجه .....!!
قلتا ليهم خير ان شاءالله في شنو ...!!؟
قالو معزومين عن جيرانا الجُداد ....!!
قربتا أقول ليهم ماشي معاكم ....!!! قلتا ليهم حفل تعارف ولا شنو ....!!؟؟

قالو أبدا ( سد مال ) فاتن ....!!!!!!! 😳😳

والله ياجماعة مش مرات الزول بشوف ليهو نجوم ✨⚡️💫وحاجات كدا قدامو .....!!! ويدينو ببقو صاقتااات ..

بس دي حالتي ....!!

الله يسد نيتكم ذي ما سديتو نفسنا ...!!

عملتا نفسي ماشغال بالموضوع من غير ما اشعر قلتا ليهم ان شاءالله العريس يكون أكرم بس ....!!؟

( التقول دفعتي العواليق دا ) ....

قالو لي بي فرحه صدق صاح اسمو ( أكرم ...!! ) صاحبك ولا شنو ......!!! عقبالك ياعلوب ....!!

تاني النجوم ظهرت 🌟✨⚡️...!!!

المره دي معاها عطشه كدا .....!!!

قلتا ليهم صاحب السجم .....!!
هم قايلني زعلان إنو ماكلمني....!!!
قالو لي لا ياخ ماتظلمو .....دي حقت النسوان ياعلوب .....!!

أكيد حيعزمك العرس قالو حيكون شهر ( اطناشر) .....!!

(قشطوني العكاز التالت ) ...!!!

الحقونا يا خوانا ......!!! تاني جن ⭐️🌟✨🌟⭐️🌟✨🌤🌟🌟⭐️⭐️🌟☀️☀️⚡️✨🌟🌟🌟✨✨⚡️⚡️✨💫💫💫💫✨⚡️

( المره دي ملونات وكتار شديد ) ....

من الزهجة قلتا ليهم شهر ( اطناشر ) ذاتو البرد حقنا التافه ده زول بحضر لي حفلة مافي ...!!

( شوف المستوي الوصلنا لي )

قلتا ليهم اها الحفلة شهر واحد بي منو...!!؟ ما أظن بلقو فنان فاضي ....!!! 🎤

صدقو ا فقعنها ضحكة ....😂😂 قالو لي اخد ليك دش ياعلوب الظاهر عليك تعبان .....!!

الما بتعبني شنو ...!! فاتن زي المطره جات وفاتت ....!! فعلا كلامن صاح البنات ديل ... انا محتاج لي دش ....
دخلتا الاوضة اشيل وأغني ....!!

ياحمامة مع السلامة .....!!! ظلل الجو بيك الغمامة ....!!
المهم غايتو استحولتا واستغفرتا.... ....وراجين (الأكرم ) من ( أكرم ....)
( فاتن ) فاتت .....!!! أقرعو الواقفات

( شتت)✊

ياربي ( زولا ) ده بسوقا طوالي.... ولا بخليها لينا شوية ....!!

يا اكررررررررم ... ....

اللهم صل وسلم وبارك على نبينا محمد وعلى آله وصحبه أجمعين صلاة تنفك بها الكرب و تنحل بها العقد وتقضي بها الحوائج وتفتح بها أبواب الفرج يا الله 🌍❤️

مات الترقب بيننا
لا أنت تتوقع مجيئي
ولا أنا أنتظرك.

السلام عليكم يا أهل الخير 🤍

أم صحبتنا محتاجة عملية عيون بصورة عاجلة، وتكلفة العملية ٣ ألف، لكن الظروف وقفت معاها وما قدرت توفر المبلغ كامل، والعين وضعها بقى خطر شديد.

فـ بالله أي زول يقدر يساهم حتى لو بجنيه، الخير ما بنقص، والجمعة وفضل الصدقة ..وجنية فوق جنية بنتم العملية بإذن الله 🙏

الما بقدر يساعد، الدعوة الطيبة والنشر بفرق معانا شديد.
ربنا يخلف عليكم بالصحة والرزق ويجعلها في ميزان حسناتكم 🤍

رقم الحساب:
3422957
ملاز محمد حمد
رقم الاشعار مهم جدًا الحساب شخصي
+249117274431

صدقات الجمعة لصالح خالتو ام صحبتنا💙

"يا رب غيّرني للأفضل في ديني ونفسي وتفكيري واعطني خير الأقدار واكفني شرَّها."❤️

#الاء

اللهم صل وسلم وبارك على نبينا محمد وعلى آله وصحبه أجمعين صلاة تنفك بها الكرب و تنحل بها العقد وتقضي بها الحوائج وتفتح بها أبواب الفرج يا الله ♥️

#الاء

اللهم اجرنا من نار جهنم وخفف عنا حر الدنيا والآخرة واجعلنا في ظل عرشك يوم لا ظل إلا ظلك اللهم هون حرارة شمسك على الساعين بأرضك
قاصدين حلال رزقك اللهم أجرنا من حر الدنيا والآخرة❤️

جاتنا ٢٠ بارك الله في اصحابها وخلفهم خير
العملية اتحددت بكرا نسبتا لحوجة العين
الشير ي اخونا ع الاقل نخفف عليهم واصلين ١٢٠٠
😭💙

بروفايل

الطيب شعراوي

( البساطة حد العمق )

بموهبة طبيعية …. وعفوية ساطعة ….وروح سودانية حلوة
يطل ( الطيب شعراوي ) ممثل مكتمل الأركان …!!

حضور كبير …!! أداء متمكن …!! ودراما حقيقية
وقد أجمع الكثيرون أنه بقنعهم بالأداء ….ويبهرهم بالشخصية ويتسلل الى نفوسهم ضحكة وجمال

والسودانيين ما أي حاجه ( بضّحِكم ) بالساهل كدا
وهي ذاتا بتكون قافلة معاهم مرات كتيره
لذلك فهناك صعوبة في فتح الباب
و ( الطيب شعراوي ) واحد من الناس الذين امتلكوا مفاتيح …!!

فهو ليس مجرد ممثل يؤدي دور لكنه راوي يجسد شخصية ويمنحها روح

ولذلك كان ( الطيب شعراوي )،حالة خاصة جداً في الدراما السودانية وقدر يحجِز لنفسه مكانة متميزة في قلوب الناس بالسهل الممتنع والحضور الآسر

و السر في الخلطة ( الشعراوية )هو إنو
(الطيب شعراوي ) يجسد روح الشارع السوداني ويختار شخصيات تبدو للمشاهد سهلة ولكنها أكثر تعقيداً من حيث التوصيف الدرامي

وقد أجمع معظم المشاهدين عليه لأنو بيمتلك كاريزما فطرية وحضور يطغى على الكادر الدرامي بمجرد دخوله حتى قبل ما يتكلم

ولشعرواي القدرة على تطويع اللغة والمفردة السودانية ( الحريفة ) والدراما الحقيقية البعيدة عن التكلف

وقد استثمر هذه المنحة في أن يكون مرآة حقيقية لشخصيات نراها في المجنمع

وهو من الفنانين القدرو يثبتوا إنو الدراما السودانية بخير وإنو الشخصية السودانية مليانة تفاصيل وقصص تستحق أن تروى بذكاء وإبداع


لم يأت ( الطيب ) من فراغ لأنك قطعاً ما بتقدر تفصل الطيب شعراوي عن ( فرقة الأصدقاء، المسرحية )
وهي المدرسة اللي تخرج منها والبيئة اللي صقلت الموهبة الفطرية التي يتمتع بها الرجل

إرتباط ( الطيب شعراوي ) بفرقة الأصدقاء هو إرتباط عضوي ووجداني
ففرقة ( الأصدقاء ) عمرها ما كانت مجرد مجموعة بتقدم مسرح لكنها كانت "ثورة" في الدراما السودانية وقدرت تكسر الحواجز بين الممثل والجمهور وأحدثت نقلة حقيقية
في تاريخ الدراما بالسودان

الطيب كان بمثابة ( ترس ) في هذه الماكينة الابداعية
وكانت لديه بصمة واضحة في كونهم قدموا فن
بيشبهنا ويعبّر عننا

الفرقة ضمت مبدعين حقيقيين زي ( محمد نعيم سعد ) والذي لا تستطيع الجزم أن موهبته في التمثيل تتفوق على نبوغه في الاخراج أم العكس …؟؟
وهناك الكبير ( فيصل أحمد سعد ) ( باشكاتب ) الدراما السودانية والدكتور الذي قدم شخصية ( كبسور )
ويهذه البراعة قطعاً هذا تفوق وهو قطعاً مبدع

و ( العالم ) ( مصطفى أحمد الخليفة )،دا كمان
( عميق حد الطوفان ) يعني من شدة ماهو عميق لما بحسسك انو هو ما كدا …!!

وهناك ( أمير عبد الله ) لو لا الإمكانات والبلد هو قطعا ممثل عالمي …و وهناك ( الأمير ) موسي الأمير
والفنان ( عبد المنعم ) والكبير ( ود الفادني )
والمختلف ( جمال عبد الرحمن ) ملك السهل الممتنع وغول التمثيل …
والمبدعة ( زكية محمد عيد الله ) اداء مذهل

هذا والعراب( عميري ) والعملاق ( محمد السني دفع الله )

المهم هذه المجموعة الاستثنائيه أحدثت إنقلاب درامي

والدراما في السودان لم تبدأ بهم لكنها ذات إرث وتاريخ عريض ..غير أنهم جددوا وأضافوا

العايز أقولو أن هذه المجموعة وفرت للطيب شعراوي المساحة إنو يمارس عفوية التمثيل وسط "تيم" فاهم بعضه بالإشارة وروح "الأصدقاء"
وهي التي جعلت أداء ( الطيب ) يتسم بالجماعية
فتجده يخدم المشهد والزملاء قبل ما يخدم نفسو
وده سر النجاح الكبير الحققوه في أعمال كبيرة ….

فشخصية الطيب شعراوي جوه الفرقة كانت بتمثل
الواقعية الاجتماعية …يعني هو الزول البشيل هموم الشارع ويقدمها في قالب كوميدي أو درامي من غير ما تحس بمسافة بينك وبينو

الفرقة أدتو الأساس الأكاديمي والعملي وهو أداها الروح الحية والقدرة على التلوّن

تقدر تقول إنو فرقة الأصدقاء كانت هي "اللوحة"، والطيب شعراوي كان واحد من الألوان الزاهية الخلت اللوحة دي تعيش في ذاكرة السودانيين والوجدان ولكل واحد منهم طعم ولون لكن أنا إخترت ( الطيب شعراوي ) الليلة لروعته موهبته وبهاء الروح وحاجيهم راجع الناس ديل
وللدراما السودانية عموماً ….ماقد كان وما سيكون

إن شاءالله طيب يا ( طيب ) ودمت مبدعاً وجميل
يا ( سمي )

ياخ لحدي الان في ناس كدا في لحظات تجلي بتقول لي
( الطيييييب ) بي صوت ( الكديسة ) 😈😼في متاعب البيت المسكون
ما يدل على رسوخ الشخصية في أذهان الناس ..وعبقرية التقديم

بس إنت عملت الدور ….!!!

أنا مالي ….!؟؟؟😹😹

( دمت بألف بخير )

لكن بصراحة ( جضمت ) الدور

بالمناسبة …
الجدادة ….الجدادة جات 😂

الطيييييب 🙀