وكاني عارف قدري جآاي ..
آلبسمة يوم دآاك ما سهت ..
والنضمه ضي . .
والضحكه ما سكتت عديل ..
وكأنو #اخر ضحكة لي ..

‏ #Robinho

ﺇﻟﻰ ﺇﻣﺮﺃﺓ ﺑـ ﻟﻮﻥ ﺍﻟﺸﻮﻛﻮﻻ
ﺍﻟﺠﻨﻮﺑﻲّ ﺍﻟﺬﻱ ﺃﺭﻫﻘﺘﻪ ﺍﻟﻤﺪﻳﻨﺔ
ﺇﻟﻰ ﺍﻟﻄﻔﻞ ﺃﺳﻔﻞ ﺍﻟﺨﺎﺭﻃﺔ
ﻭ ﻫﺬﺍ ﺍﻟﺸﻌﺮ ﺍﻟﻜﺚ ﺍﻟﺠﻤﻴﻞ
ﺇﻟﻴﻜﻢ ﺟﻤﻴﻌًﺎ ﺃﺗﻤﻨﻰ ﻋﻴﺪ ﻣﻴﻼﺩ ﻣﺠﻴﺪ
..

ﺇﻟﻰ ﺇﻣﺮﺃﺓ ﺑـ ﻟﻮﻥ ﺍﻟﺸﻮﻛﻮﻻ
ﺍﻟﺠﻨﻮﺑﻲّ ﺍﻟﺬﻱ ﺃﺭﻫﻘﺘﻪ ﺍﻟﻤﺪﻳﻨﺔ
ﺇﻟﻰ ﺍﻟﻄﻔﻞ ﺃﺳﻔﻞ ﺍﻟﺨﺎﺭﻃﺔ
ﻭ ﻫﺬﺍ ﺍﻟﺸﻌﺮ ﺍﻟﻜﺚ ﺍﻟﺠﻤﻴﻞ
ﺇﻟﻴﻜﻢ ﺟﻤﻴﻌًﺎ ﺃﺗﻤﻨﻰ ﻋﻴﺪ ﻣﻴﻼﺩ ﻣﺠﻴﺪ
ﻋﺬﺭًﺍ ﻷﻧﻜﻢ ﺗﺤﺘﻔﻠﻮﻥ ﺧﺎﺭﺝ ﺣﺪﻭﺩ ﺳﺠﻨﺘﻜﻢ ﺳﻨﻴﻦ ﻋﺪﺩﺍ
ﻭ ﻭﻃﻦ ﻟﻢ ﻳﺴﺘﻮﻋﺐ ﺟﻨﻮﺑﻴﺘﻜﻢ ﺍﻟﻨﺰﻳﻬﺔ .
ﺃﺣﺒﻜﻢ ﻓﻲ ﺍﻹﻧﺴﺎﻧﻴﺔ
ﺃﺣﺐ ﻫﺬﻩ ﺍﻻﺑﺘﺴﺎﻣﺔ ﺍﻟﺠﻤﺎﻋﻴﺔ
ﻭ ﻋﺮﺑﻲ ﻭﺍﻭ ﺍﻟﺸﻬﻲ ﻋﻠﻰ ﺃﻟﺴﻨﺘﻜﻢ
ﺷﻜﺮًﺍ ﺟﻴﻤﺲ
ﺷﻜﺮًﺍ ﺃﺑﻮﻙ
ﺷﻜﺮًﺍ ﺗﺮﻳﺰﺍ
..
ﻣﻦ ﺳﺨﺮﻳﺔ ﺍﻟﻘﺪﺭ ﻳﺎ ﺃﺣﺒﺎﺋﻲ ﺃﻥ ﺗﻔﺼﻠﻨﺎ ﺷﺠﺮﺓ، ﻟـ ﺗﺠﻤﻌﻜﻢ ﺷﺠﺮﺓ
ﺍﻟﻜﺮﻳﺴﻤﺎﺱ ﻣﺮﺓ ﺃﺧﺮﻯ ..

#طشاش ..

وبشرب مزاجات قهوتك 🎵☕

مقطع صوتي 3D يلزم سماعة رأس وانتباه تام ..

ﻧﺨﻠﺔ ﻭ ﺿﻔﺔ ﺭﻳﺪﺓ ﻭ ﺃﻟﻔﺔ ﻭ ﻣﺰﺍﺝ ﻋﺮﻓﻪ ..

ﻫﺎﻛﻮﻧﺎ ﻣﺎﺗﺎﺗﺎ ﺣﻜﻤﺔ ﻧﻐﻤﻬﺎ ﻟﺰﻳﺰ
ﻫﺎﻛﻮﻧﺎ ﻣﺎﺗﺎﺗﺎ ﺍﺭﻣﻲ ﺍﻟﻤﺎﺿﻲ ﺍﻟﻠﻲ ﻳﻐﻴﻆ
ﺍﻧﺴﺎﻩ ﻭﺍﻟﻤﺴﺘﻘﺒﻞ ﺍﺩﻳﻪ ﻛﻞ ﺍﻟﺘﺮﻛﻴﺰ
ﻫﺎﺩﺍ ﻫﻮ ﺍﻟﺒﻬﺮﻳﺰ ﺍﻟﻔﻠﺴﻔﻲ ﻫﻜﻮﻧﺎ ﻣﺎﺗﺎﺗﺎ..

آلكثرة لا تهزم آلشجآاعة دوما 😅

ﻋﻠﻰ ﺑﺎﺑﻚ
ﻧﻬﺎﺭﺍﺕ ﺍﻟﺼﺒﺮ ﻭﺍﻗﻔﺎﺕ
ﺑﺪﺍﻳﺔ ﺍﻟﺪﻧﻴﺎ ﻫﻦ ﻭﺍﻗﻔﺎﺕ ..

جاك ما ..

ﺍﻭﻝ ﻣﺎ ﺷﻔﺘﻮ ﺍﻓﺘﻜﺮﺗﻮ ﻣﻤﺜﻞ ﺻﻴﻨﻰ ﻫﺰﻟﻰ ﻣﺠﻨﻮﻥ ! ﺯﻭﻝ ﻣﻀﺤﻚ ﺟﺪﺍً .. ﺍﻧﻴﻖ ﻛﺸﻌﺒﺎﻥ ﻋﺒﺪ ﺍﻟﺮﺣﻴﻢ .. ﻭﺳﺎﺧﺮ ﺑﺸﻜﻞ ﻏﺮﻳﺐ .. ﻣﺎ ﻛﺎﻥ ﺣﻜﻤﻰ ﻋﻠﻴﻮ ﺟﺎﻟﻰ ﺷﺪﻳﺪ .. ﻓﺎﻟﺮﺍﺟﻞ ﺻﻴﻨﻰ ﻫﺰﻟﻰ ﻣﺠﻨﻮﻥ .. ﺑﺲ ﻣﺎ ﻣﻤﺜﻞ ..
ﺑﺎﻟﻌﻜﺲ ﻭﺍﻗﻌﻰ ﺟﺪﺍً .. ﺟﺮﺏ ﻛﻞ ﺍﻧﻮﺍﻉ ﺍﻟﺒﺆﺱ .. ﺍﻟﺪﻧﻴﺎ ﺭﺻﻌﺘﻮ ﺭﺻﻊ ﺷﺪﻳﺪ .. ﺍﺗﻌﻄﻞ ﻣﻦ ﺍﻟﺸﻐﻞ ﻟﻤﻦ ﺍﻟﻌﻄﻠﺔ ﺯﻫﺠﺖ ﻣﻨﻮ .. ﺍﻯ ﻣﻌﺎﻳﻨﺔ ﻳﺨﺸﻬﺎ ﺑﺘﺮﻓﺾ .. ﻗﺎﻝ ﺑﻴﺮﻓﻀﻮ ﺍﺷﺎﻥ ﺷﻴﻦ ﻭ ﻣﺎ ﺑﻌﺮﻑ ﻳﺘﻜﻠﻢ ! ﺳﻘﻂ ﻣﺮﺗﻴﻦ ﻓﻰ ﺍﻻﻣﺘﺤﺎﻥ ﺍﻟﻤﺆﻫﻞ ﻟﻠﺠﺎﻣﻌﺔ ﻓﻰ ﺍﻟﺼﻴﻦ ‏(ﺳﻘﻂ ﺍﻣﺘﺤﺎﻥ ﺍﻟﺸﻬﺎﺩﺓ ﻣﺮﺗﻴﻦ ‏) ﻭ ﻧﺠﺢ ﻓﻰ ﺍﻟﻤﺮﺓ ﺍﻟﺘﺎﻟﺘﺔ .. ﻭﺩﺧﻞ ﻭﺍﺣﺪﺓ ﻣﻦ ﺍﻓﺸﻞ ﺍﻟﺠﺎﻣﻌﺎﺕ ﻓﻰ ﺍﻟﺼﻴﻦ ‏( ﺣﺴﺐ ﻛﻼﻣﻮ ‏) .. ﺍﺗﺮﻓﺾ ﻃﻠﺒﻮ ﻟﻼﻧﻀﺎﻡ ﻟﻰ ﻫﺎﺭﻓﺮﺩ ﻋﺸﺮﺓ ﻣﺮﺍﺕ ! ﻋﺸﺮﺓ ﻣﺮﺍﺕ ! ﺗﺨﻴﻞ ! ﺯﻭﻝ ﻟﺰﺝ ﺑﺸﻜﻞ .. ﻭ ﻟﻤﺎ ﺑﺪﺍ ﺍﻟﺒﺰﻧﺲ ﺑﺘﺎﻋﻮ ﻭ ﻟﻤﺪﺓ ﺧﻤﺴﺔ ﺳﻨﻴﻦ ﻛﺎﻧﺖ ﺍﺭﺑﺎﺣﻮ ﻋﺒﺎﺭﺓ ﻋﻦ ﺑﻴﻖ ﺍﻧﺪ ﺑﻴﻮﺗﻔﻞ ﺯﻳﺮﻭ !
ﺟﺎﻙ ﻣﺎ ! ﺍﻏﻨﻰ ﺭﺟﻞ ﻓﻰ ﺍﻟﺼﻴﻦ .. ﺟﻴﺒﻮ ﻓﻴﻬﻮ 25 ﻣﻠﻴﺎﺭ ﺩﻭﻻﺭ ..
.. ﺍﻟﺮﺟﻞ ﺍﻟﻤﺮﻃﺐ .. ﻣﺆﺳﺲ ﻣﻮﻗﻊ ﻋﻠﻰ ﺑﺎﺑﺎ ﺍﻟﺸﻬﻴﺮ .. ﺗﻘﺮﻳﺒﺎً ﺍﻛﺒﺮ ﻣﻮﻗﻊ e commerce ﻓﻰ ﺍﻟﻌﺎﻟﻢ 22.. ﺍﻟﻒ ﻣﻮﻇﻒ ‏( ﺍﻟﻜﺘﺮﺍﺍﺍﺍﺑﺔ‏) ..
ﺑﻴﺨﺪﻡ 10 ﺍﻟﻒ ﺑﺰﻧﺲ ﺣﻮﻝ ﺍﻟﻌﺎﻟﻢ .. ﺑﻴﺒﻴﻊ ﺣﻮﺍﻟﻰ ﻣﻠﻴﺎﺭ ﻣﻨﺘﺞ ! 60 ﻣﻠﻴﻮﻥ ﺗﺤﻮﻳﻞ ﻓﻰ ﺍﻟﻴﻮﻡ ! ﻭ ﺑﻘﻮﻝ ﺍﻧﻮ ﺑﺒﻴﻊ ﺍﻯ ﺷﻰ Legal ! ﺍﻯ ﺷﻰ !
ﺣﺎﻭﻟﺖ ﺍﺧﺘﺒﺮ ﺍﻟﺴﺎﻳﺖ ﻭ ﻓﺘﺸﺖ ﻟﻰ ﻓﺮﺷﺔ ﺍﺳﻨﺎﻥ ﻓﻠﻘﻴﺖ ﻛﻤﻴﺔ ﻣﻦ ﺍﻻﻭﺑﺸﻨﺲ ! ﻓﺘﺸﺖ ﻟﻰ ﻃﻤﺎﻃﻢ ﻟﻘﻴﺖ ﺍﻭﺑﺸﻨﺲ ! ﺣﺎﻭﻟﺖ ﺍﻓﺘﺶ ﻟﻠﺘﻘﻠﻴﺔ ﺑﺲ ﻣﺎ ﻋﺮﻓﺖ ﺍﻻﺳﺒﻠﻨﻖ ﺑﺘﺎﻋﺎ ! ﻭ ﻗﺎﻝ ﻓﻰ ﻣﻘﺎﺑﻠﺔ ﻟﻴﻮ ﻋﻦ ﻋﻠﻰ ﺑﺎﺑﺎ ‏( ﻳﺎﺩﻭﺏ ﺩﻯ ﺍﻟﺒﺪﺍﻳﺔ‏) .. ﻋﻨﺪﻭ ﻣﺦ ﻣﺪﻫﺶ .. ﻭﻃﺮﻳﻘﺔ ﺍﺩﺍﺭﺓ ﺭﺍﺋﻌﺔ .. ﻭ ﺑﺴﻴﻄﺔ ﺟﺪﺍً .. ﺍﺗﻌﻠﻢ ﺍﻧﺠﻠﻴﺰﻯ ﻋﻠﻰ ﻣﺪﻯ ﺗﻤﺎﻧﻴﺔ ﺳﻨﻴﻦ .. ﺗﻤﺎﻧﻴﺔ ﺳﻨﻴﻦ ﻳﺮﻛﺐ ﻋﺠﻠﺘﻮ ﻭ ﻳﻨﻄﻠﻖ ﻋﻠﻰ ﻓﻨﺪﻕ ﺑﺘﺠﻤﻊ ﻓﻴﻬﻮ ﺍﻟﺨﻮﺍﺟﺎﺕ ..
ﺛﻤﺎﻧﻴﺔ ﺳﻨﻴﻦ ! ‏( ﺍﺳﻢ ﺟﺎﻙ ﺳﻤﺘﻮ ﻟﻴﻬﻮ ﺳﺎﺋﺤﺔ ﺧﻮﺍﺟﻴﺔ ﻛﺎﻥ ﺧﺎﻟﻄﺎ‏) ..
ﺍﻭﻝ ﺯﻳﺎﺭﺓ ﻟﻴﻬﻮ ﻟﻰ ﺍﻣﺮﻳﻜﺎ ﻛﻤﺘﺮﺟﻢ ... ﺍﻻﻣﺮﻳﻜﻰ ﺩﺧﻠﻮ ﻣﻜﺘﺐ ﻛﺒﻴﺮ ..
ﻭ ﻓﺘﺢ ﺍﻟﻜﻤﺒﻴﻮﺗﺮ ﻭ ﻗﺎﻝ ﻟﻴﻮ ﺩﺍ ﺍﻧﺘﺮﻧﺖ .. ﺟﺎﻙ ﻗﺎﻝ ﻟﻴﻮ ‏( ﺍﻻﻧﺘﺮﻧﺖ ﺩﺍ ﺷﻨﻮ ‏) .. ﺻﺎﺣﺒﻮ ﺷﺮﺡ ﻟﻴﻮ ﺍﻧﻮ ﻣﻤﻜﻦ ﺗﻔﺘﺶ ﻋﻦ ﺍﻯ ﺷﻰ ! ﻓﻰ ﺍﻻﻭﻝ ﺭﻓﺾ ﻳﻬﺒﺶ ﺍﻟﺸﻰ ﺩﺍ ! ﻭﺧﺎﻑ ﺍﻧﻮ ﻳﺒﻮﻇﻮ ﻭ ﻳﺒﻘﺎ ﻓﻰ ﻏﺮﺍﻣﺎﺕ ﻭ ﺟﺮﺟﺮﺓ ﻭ ﺑﺘﺎﻉ ! ﺑﻌﺪ ﺿﻐﻂ ﻣﻦ ﺻﺤﺒﻮ ﻗﻌﺪ ﻭ ﺟﺪﻉ ﻓﻰ ﺍﻟﺴﻴﺮﺵ ﻛﻠﻤﺔ ‏( beer _( ﺧﻠﻰ ﺑﺎﻟﻚ ﺍﻟﺮﺍﺟﻞ ﻣﻨﺤﺮﻑ _ .. ﻭ ﺍﻧﺪﻫﺶ ﺟﺪﺍ ﻟﻠﻨﺘﺎﺋﺞ ﺍﻟﺠﺎﺗﻮ .. ﻣﻦ ﻓﺮﻧﺴﺎ .. ﺍﻳﻄﺎﻟﻴﺎ .. ﺍﻣﺮﻳﻜﺎ .. ﻭ ﺍﻻﺯﻋﺠﻮ ﺍﻧﻮ ﻣﺎﻑ ﺑﻴﺮﺓ ﻣﻦ ﺍﻟﺼﻴﻦ ! ﺍﻟﻜﻠﻤﺔ ﺍﻟﺪﺧﻼ ﺑﻌﺪ ﺩﺍﻙ ﻓﻰ ﺍﻟﺴﻴﺮﺵ ﻛﺎﻧﺖ ‏( China‏) ! ﻭ ﻳﺎ ﻟﻠﺪﻫﺸﺔ ﻻﻳﻮﺟﺪ ﻭﻻ ﻣﻌﻠﻮﻣﺔ ﻭﺍﺣﺪﺓ ﻋﻦ ﺍﻟﺼﻴﻦ ! ﺃﺑﺪﺍً .. ﻭ ﻫﻨﺎ ﺑﺪﺕ ﺭﺣﻠﺘﻮ ﻭ ﻗﺎﻝ ﺟﻤﻠﺘﻮ ﺍﻟﻠﻄﻴﻔﺔ ﺑﺎﻧﺠﻠﻴﺰﻳﺔ ﺭﻛﻴﻜﺔ ‏( This is something
interesting, we should do it ‏) , ﻭ ﻣﻦ ﺩﻳﻴﻴﻚ ﻭﻋﻴﻚ !
ﺍﻟﺮﺟﻞ ﺑﻴﺤﺘﺮﻡ ﺟﺪﺍَ ﺍﻟﺴﻴﻨﻤﺎ .. ﻭ ﺑﻴﻌﺘﺒﺮ ﻓﻠﻢ Forrest Gump

ﻛﺎﻥ
inspiring
ﺟﺪﺍ ﻟﻴﻬﻮ .. ﻭ ﺑﻴﺘﺒﻊ ﺍﻟﻔﻠﺴﻔة ﺍﻟﺼﻴﻨﻴﺔ Tai chi ‏( ﻓﻦ ﻋﺴﻜﺮﻱ

ﺻﻴﻨﻲ ﻗﺪﻳﻢ ﻣﺸﺎﺑﻪ ﻟﻤﻼﻛﻤﺔ ﺍﻟﻈﻞ
Shadow Boxing ‏) ﻋﺒﺎﺭﺓ ﻋﻦ ﺗﻤﺎﺭﻳﻦ ﺭﻳﺎﺿﻴﺔ ﺑﻴﻘﻮﻟﻮ ﺍﻧﻮ ﻋﻨﺪﻫﺎ ﻓﻮﺍﺋﺪ ﻋﻼﺟﻴﺔ ﻣﺬﻫﻠﺔ .. ﻭﻋﻠﻰ ﺍ ﻗﺮﻭﻥ ﻓﻰ ﺍﻟﺼﻴﻦ ، ﻇﻞ ﺗﺎﻱ ﺗﺸﻲ ﻣﻴﺮﺍﺛﺎ ﺳﺮﻳﺎ ﺑﻴﻦ ﺍﻟﻨﺎﺱ ﻭﻛﺎﻥ ﻛﻞ ﺟﻴﻞ ﻳﻌﻠﻤﻪ ﻟﻠﺠﻴﻞ ﺍﻟﺒﻌﺪﻭ ‏)
ﺣﺎﺟﺘﻴﻦ ﻣﻤﻴﺰﺍﺕ ﺟﺪﺍً ﺑﺎﻟﻨﺴﺒﺔ ﻟﻰ ﻓﻰ ﺷﺨﺼﻴﺔ ﺟﺎﻙ ﻣﺎ .. ﺍﻟﺤﺎﺟﺔ ﺍﻻﻭﻟﻰ ﺍﻟﺒﺴﺎﻃﺔ ﻭ ﺍﻟﺴﺨﺮﻳﺔ ﺍﻟﺸﺪﻳﺪﺓ ﻣﻦ ﺭﻭﺣﻮ .. ﻭ ﻓﺸﻠﻮ .. ﻭﻣﺤﻄﺎﺕ ﺣﻴﺎﺗﻮ .. .. ﻭ ﻋﻄﻠﺘﻮ .. ﺭﺟﻞ ﺑﺴﻴﻂ ﺑﺼﻮﺭﺓ ﻣﺬﻫﻠﺔ .. ﺍﺷﺎﻥ ﻛﺪﺓ ﻣﺤﺒﻮﺏ ﺟﺪﺍً ﻓﻰ ﺍﻟﺼﻴﻦ .. ﺟﺪﺍً .. ﻭ ﺍﻟﺤﺎﺟﺔ ﺍﻟﺘﺎﻧﻴﺔ ﺍﻧﻮ ﺑﻴﺨﺪﻡ ﺍﻟﺸﺒﺎﺏ ﻓﻰ ﺍﻟﺼﻴﻦ ﺑﺎﻗﺼﻰ ﻣﺎ ﻳﺴﺘﻄﻴﻊ .. ﻫﻤﻮ ﺍﻻﻭﻝ ﻭ ﺍﻻﺧﻴﺮ ﺍﻧﻮ ﻛﻴﻒ ﻳﺨﺪﻡ ﺑﻠﺪﻭ ﻭ ﺷﺒﺎﺏ ﺑﻠﺪﻭ .. ﺍﻟﻨﻤﻮﺫﺝ ﺩﺍ ﺑﻴﺸﺒﻬﻨﺎ ﺍﻛﺘﺮ ﻣﻦ ﺍﻟﻨﻤﺎﺫﺝ ﺍﻟﻐﺮﺑﻴﺔ ﻟﻌﻮﺍﻣﻞ ﻛﺘﻴﺮﺓ ..
ﻫﻞ ﻣﻤﻜﻦ ﻧﺸﻮﻑ ﻣﻮﺍﻗﻊ ﺍﻧﺘﺮﻧﺖ ﺳﻮﺩﺍﻧﻴﺔ ﻋﻈﻴﻤﺔ ؟ ﻫﻞ ﻣﻤﻜﻦ ﺍﻻﻧﺘﺮﻧﺖ ﻳﺴﺘﺨﺪﻡ ﻛﺎﺩﺍﺓ ﻋﻈﻴﻤﺔ ﻟﻠﺴﻮﺩﺍﻧﻴﻴﻦ ‏( ﺍﻟﺘﺤﻴﺔ ﻟﻤﺤﻤﺪ ﺣﺴﻦ ﺍﻟﺠﻴﻠﻰ .. ﺍﻟﺸﺎﺏ ﺍﻟﻤﺬﻫﻞ ﻓﻰ ﺍﻟﻤﺠﺎﻝ ﺩﺍ ﻣﺸﻜﻠﺘﻮ ﺍﻧﻮ ﻣﺎ ﺷﻴﻦ ‏) ... ﻫﻞ ﻣﻤﻜﻦ ﻧﺸﻮﻑ ﻧﺎﺱ ﻣﺠﺎﺯﻓﻴﻦ ﻳﺨﻠﻘﻮ ﺑﺰﻧﺲ ﻣﺎ ﺍﺗﻌﻤﻞ ﻗﺒﻞ ﻛﺪﺓ ؟ ﻫﻞ ﻓﻰ ﺭﺟﻞ ﺍﻋﻤﺎﻝ ﺳﻮﺩﺍﻧﻰ ﺣﺎ ﻳﺸﻐﻞ 22 ﺍﻟﻒ ﺳﻮﺩﺍﻧﻰ ؟ ﻫﻞ ؟ ﻫﻞ؟ ﻫل ..

#محمد_بلال ..

ﻟﻤّﺎ ﻻ ﺗﺮﺣﺎﻝ ﻳﺤﻠﻚ
ﻻ ﺍﻟﺒﻌﺎﺩ ﻳﻘﺪﺭ ﻳﺤﻠﻚ
ﻻ ﺍﻟﻘﺮﺏ ﻳﻘﺪﺭ ﻳﺪﻭﻡ
ﺍﻟﻜﻼﻡ ﺑﺼﺒﺢ ﻣﻜﺮّﺭ
ﺍﻟﺪﻧﻴﺎ ﺗﺸﺒﻪ ﻟﻮﻥ ﺑﻌﺎﺩ ..

ﻭﻓﻲ ﻋﺰ ﺍﻟﺴﺨﺎﻧﺔ ﺑﺘﺎﻋﺖ ﺍﻟﺴﺎﻋﺔ ﻭﺣﺪﺓ ﻭﻧﺺ ﻭﻋﺰ ﺍﺯﻣﺔ ﺍﻟﻤﻮﺻﻼﺕ
ﺍﻧﺎ ﻭﻣﻌﺎﻭﻳﺔ ﻭﺍﺍﺍﺍﻗﻔﻴﻦ ﺳﺎﻋﺔ ﻭﻧﺺ ﻓﻲ ﺍﺳﺘﻮﺏ ﺑﺎﻧﺖ ﻣﺎﺟﺎﺗﻨﺎ
ﻣﻮﺻﻼﺕ ﻭﺍﻟﺠﻜﺲ ﻣﻨﺘﻈﺮﻧﺎ
ﺍﻫﺎ ﻭﻳﻦ ﺍﻧﺘﻮ ﻳﺎﺿﻴﻮ
ﺟﺎﻳﻴﻴﻦ ﺟﺎﻳﻴﻴﻴﻴﻦ ﻫﺴﻲ ﻓﻲ ﺍﻟﻜﺒﺮﻱ
ﻭﺍﻧﺤﻨﺎ ﻭﺍﻗﻔﻴﻦ ﺭﺍﺟﻴﻦ ﺍﻟﻤﻮﺻﻼﺕ
ﻓﺠﺎﺓ ﻓﻲ ﻋﺰ ﺍﻻﺯﻣﺔ ﺭﺑﻨﺎ ﺟﺎﺏ ﻟﻴﻨﺎ ﺍﻟﻔﺮﺝ
ﻭﻗﻒ ﻋﻤﻚ ﺧﻤﺴﻴﻨﻲ ﻧﺰﻝ ﻗﺰﺍﺯ ﺍﻟﺒﺮﺍﺩﻭ ﺍﻟﺒﻴﻀﺎﺀ
ﺯﻭﻝ ﻫﻴﺒﺔ ﺩﻗﻨﻮ ﺣﺎﻛﺔ ﻣﻊ ﻛﺮﺷﻮ ﻭﻻ ﻛﺮﺷﻮ ﺣﺎﻛﺔ ﻣﻊ ﺩﻗﻨﻮ ﻣﺎﻋﺎﺭﻑ
ﺍﻟﻤﻬﻢ ﺍﻻﺗﻨﻴﻦ ﻣﺘﻼﻗﻴﺎﺍﺍﺍﺍﺕ ﻣﻊ ﺑﻌﺾ
ﻗﺎﻝ ﻟﻴﻨﺎ ﻳﺎﺷﺒﺎﺏ ﺍﻧﺎ ﻣﺎﺷﻲ ﺍﻟﻌﺮﺑﻲ ﻟﻮ ﻓﻲ ﺯﻭﻝ ﻓﻲ ﻃﺮﻳﻘﻲ ﻳﺮﻛﺐ
ﻻﻧﻮ ﺑﺎﻳﻦ ﺍﻧﻮ ﻓﻲ ﺍﺯﻣﺔ ﻣﻮﺻﻼﺕ
ﺍﺭﺑﻌﺔ ﺛﻮﺍﻧﻲ ﺑﺎﻟﺤﺴﺎﺏ ﺍﻟﻌﺮﺑﻴﺔ ﺍﺗﻤﻠﺖ ﻭﺍﺑﻮﺍﺑﻬﺎ ﺍﺗﻘﻔﻠﺖ
ﺍﻧﺎ ﻭﻣﻌﺎﻭﻳﺔ ﻣﺘﺸﺎﻛﻠﻴﻦ ﻣﻨﻮ ﺍﻟﺒﺮﻛﺐ ﻓﻴﻨﺎ ﺟﻨﺐ ﻋﻤﻮ ﺍﺑﻮ ﺩﻗﻦ ﺩﺓ ﻓﻲ
ﺍﻟﻨﻬﺎﻳﺔ ﻗﻌﺪﻧﺎ ﺳﻮﺍ
ﻋﻤﻮ ﺩﻭﺭ ﻋﺮﺑﻴﺘﻮ ﺑﻲ ﻧﻤﺮﺓ ﺧﻤﺴﺔ ﻭﻣﺮﻕ ﺑﻴﻨﺎ ﻣﺒﺴﻮﻃﻴﻦ ﻭﻗﻠﺖ ﺑﻌﺪﻳﻦ
ﺍﺳﺘﺎﺫﻧﻮ ﻳﻮﻗﻔﻨﺎ ﺟﻨﺐ ﺍﻟﺠﻜﺲ ﺑﺘﺎﻋﻨﺎ ﻧﻈﺎﻡ
ﺍﻟﺰﻭﻝ ﺩﺓ ﻗﺮﻳﺒﻨﺎ ﻭﻻﺣﺎﺟﺔ ‏( ﺗﺤﺸﻴﻴﻴﺶ ‏)
ﻭﺑﻘﻴﻨﺎ ﺍﻧﺎ ﻭﻣﻌﺎﻭﻳﺔ ﻧﺸﻜﺮ ﻓﻲ ﺍﻟﺒﻠﺪ ﻭﺍﻟﻮﺿﻊ ﻛﻮﻳﺲ
ﻭﻧﺤﻤﺪ ﺍﻟﻠﻪ ﻋﻠﻲ ﺍﻧﻨﺎ ﻋﺎﻳﺸﻴﻦ ﻓﻲ ﺍﻣﺎﻥ ﻭﺭﺑﻨﺎ ﻳﻘﺪﺭﻛﻢ ﻳﺎﻋﻤﻮ ﻋﻠﻲ
ﺗﻨﻤﻴﺘﻬﺎ ﻭﻋﻤﺮﺍﻧﻬﺎ
ﻭﺍﺻـﻼ ﻳﺎﻣﻌﺎﻭﻳﺔ ﺍﻻﺯﻣﺎﺕ ﺍﻟﺤﺎﺻﺔ ﻓﻲ ﺍﻟﺒﻠﺪ ﺩﻱ ﻣﺎ ﻣﻦ ﺍﻟﺤﻜﻮﻣﺔ
ﺍﻟﺤﻜﻮﻣﺔ ﻣﺎﻣﻘﺼﺮﺓ ﺩﻳﻞ ﺍﻟﺘﺠﺎﺭ‏( ﻗﻠﻨﺎ ﻧﻜﺴﺮ ﺗﻠﺞ ﻟﻲ ﻋﻤﻮ ﺍﺑﻮﺩﻗﻦ ﺩﺓ
ﺑﻜﻮﻥ ﺗﺒﻊ ﺍﻟﻜﻴﺰﺍﻥ‏)
ﻭﻓﺠﺎﺓ ﺑﺪﻝ ﻳﻤﺸﻲ ﺍﺗﺠﺎﻩ ﻛﺒﺮﻱ ﺍﻟﻔﺘﻴﺤﺎﺏ ﻣﺸﻲ ﻋﻠﻲ ﺳﺮﺍﺝ ﻭﻣﺸﻲ
ﺑﻲ ﺷﺎﺭﻉ ﺍﻟﺸﻘﻠﺔ ﻭﺑﻘﻲ ﻣﺎﺭﻕ ﺟﺎﻣﻌﺔ ﺍﻣﺪﺭﻣﺎﻥ ﺍﻻﺳﻼﻣﻴﺔ ﻭﻭﺩﺍﻧﺎ ﻟﻴﻚ
ﺗﺠﺎﻩ ﺍﻟﺠﻤﻮﻋﻴﺔ ﺧﻼ ﺯﻱ ﺍﻟﺨﻼ
ﻳﺎﻋﻤﻮ ﻣﺎﺷﻴﻦ ﺍﻟﻌﺮﺑﻲ ﺍﻧﺖ ﻗﺎﻳﻠﻨﺎ ﻣﺎﺷﻴﻦ ﻭﻳﻦ
ﻃﻠﻊ ﻃﺒﻨﺠﺘﻮ ﻭﺧﺘﺎﻫﺎ ﻓﻲ ﺭﺍﺱ ﻣﻌﺎﻭﻳﺔ ﺍﻟﺮﺍﺟﻞ ﻳﻔﺘﺢ ﺧﺸﻤﻮ .
ﺍﻣﻤﻤﻤﻤﻤﻤﻤﻤﻤﻚ
ﻗﺎﻝ ﺗﺴﻜﺘﻮ ﺳﺎﻱ ﻟﺤﺪﻱ ﻣﺎ ﻧﺼﻞ ﺳﻜﺘﻨﺎ ﻧﺮﺟﻒ ﻣﻦ ﺍﻟﺨﻮﻭﻭﻑ ﻗﻠﺒﻨﺎ ﺩﺓ
ﻣﻘﻄﻮﻉ
ﺩﻱ ﻣﺼﻴﺒﺔ ﺷﻨﻮ ﺍﻟﻮﻗﻌﻨﺎ ﻓﻴﻬﺎ ﺩﻱ
ﻭﺩﺍﻧﺎ ﺣﻮﻭﻭﻭﺵ ﻛﺒﻴﻴﻴﺮ ﺩﺧﻞ ﺍﻟﻌﺮﺑﻴﺔ ﺟﻮﺓ ﻭﻗﺎﻝ ﺍﻧﺰﻟﻮ
ﻭﺍﻱ ﺯﻭﻝ ﻳﻄﻠﻊ ﺍﻟﻔﻲ ﺟﻴﺒﻮ
ﻣﻌﺎﻭﻳﺔ ﻓﻲ ﺟﻴﺒﻮ ‏( ﻛﻴﺲ ﺗﻤﺒﺎﻙ ﻟﻴﻬﻮ ﻳﻮﻣﻴﻦ ﻭﺗﻼﺗﺔ ﺟﻨﻴﻪ ﻭﻛﺮﺕ ﺍﻡ ﺗﻲ
ﺍﻥ ﻣﺤﻜﻮﻭﻙ ﻣﺎﻋﺎﺭﻓﻮ ﺩﺍﻳﺮﻭ ﻟﻲ ﺷﻨﻮ‏) ﺷﺎﻛﻠﺘﻮ ﻟﻴﻚ ﺷﻜﻠﺔ ﻳﻌﻨﻲ
ﻣﺎﺷﺎﻳﻞ ﻗﺮﻭﺵ ﻣﻌﺎﻙ ﻳﺎﺣﻴﻮﺍﻥ ﺩﺍﻳﺮ ﺗﺮﻛﺒﻨﻲ ﻣﺎﺳﻮﺭﺓ ﺯﻱ ﻛﻞ ﻣﺮﺓ ﻧﻈﺎﻡ
ﻧﺴﻴﺖ ﺟﺰﻻﻧﻚ
ﻋﻤﻚ ﻗﺎﻝ ﻟﻲ ﺍﺳﻜﻮﺕ ﻃﻠﻊ ﺍﻟﻔﻲ ﺟﻴﺒﻚ ﺍﻧﺖ
ﻃﻮﺍﻟﻲ ﻣﺮﻗﺖ ﺍﻟﻔﻲ ﺟﻴﺒﻲ‏( ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ ‏)
ﻋﺸﺎﻥ ﺍﻣﻲ ﻣﺮﺍﺕ ﺑﺘﻘﺮﺍ ﺣﺎﺟﺎﺗﻲ
ﻗﺎﻝ ﻟﻴﻨﺎ ﻣﻔﻠﺴﻴﻦ ﻛﻤﺎﻥ ﺍﻫﺎ ﺍﺳﻮﻱ ﻓﻴﻜﻢ ﺷﻨﻮ ﺧﺶ ﺟﻮﺓ ﺟﺎﺏ ﺑﺎﻗﺔ ﻗﺎﻝ ﻭﺍﺣﺪ ﻳﺪﻕ ﻭﺍﻟﺘﺎﻧﻲ ﻳﺮﻗﺺ
ﺍﻣﻤﻤﻤﻤﻤﻤﻤﻤﻤﻤﻚ
ﻃﻮﺍﺍﺍﺍﺍﻟﻲ ﺟﺮﻳﺖ ﺷﻠﺖ ﺍﻟﺒﺎﻗﺔ ﻗﺒﻞ ﻣﻌﺎﻭﻳﺔ
ﻋﻤﻚ ﻗﺎﻝ ﻟﻲ ﻻ ﺍﻧﺖ ﺗﺮﻗﺺ ﻭﻫﻮ ﻳﺪﻕ
ﻭﺑﺪﺕ ﺍﻟﺤﻔﻠﺔ ﺟﺐ ﺟﺒﺔ ﺯﻱ ﺍﻟﺠﺐ ﺟﺒﺔ
ﻧﺺ ﺳﺎﻋﺔ ﺍﻧﺎ ﺑﺮﻗﺺ ﺷﺊ ﺭﻗﻴﺺ ﻋﺮﻭﺱ ﻭﺷﺊ ﺍﻟﻨﺒﻖ
ﻭﺷﻲ ﻛﺘﻤﺎﺕ ﻭﺷﻲ ﻏﺮﺑﻲ ﻭﺷﺊ ﺯﻧﻖ ﺑﻌﺪ ﻓﺘﺮﺕ ﻭﺧﺸﻤﻲ ﻏﺒﺶ ﻭﻫﻮ
ﻳﺒﺸﺮ ﻓﻴﻨﺎ ﺑﺎﻟﻄﺒﻨﺠﺔ ﻭﻣﻌﺎﻭﻳﺔ ﺩﻕ ﺩﻕ ﻓﻲ ﺍﻟﺒﺎﻗﺔ ﺩﻱ ﻟﻤﻦ ﻳﺪﻭ ﺣﻤﺮﺕ
ﺑﻌﺪ ﺷﻮﻳﺔ ﻗﺎﻝ ﻟﻴﻨﺎ
ﻛﻨﺘﻮ ﻣﻌﺎﻧﺎ ﻓﻲ ﺑﺮﻧﺎﻣﺞ ﺍﻟﻜﺎﻣﻴﺮﺍ ﺍﻟﺨﻔﻴﺔ ..
‏( ﻣﻊ ﺍﺑﻮﺩﻗﻦ ‏)ﻭﺍﻟﺒﺮﻧﺎﻣﺞ ﺣﺎﻳﺘﻌﺮﺽ ﻓﻲ ﺭﻣﻀﺎﻥ ﻧﺰﻳﻴﻴﻴﻴﻊ ﻭﻻ ﻣﺎ ﻧﺰﻳﻴﻴﻴﻴﻊ ..
#ﻛﺴﺮﺓ
ﺍﻫﺎ ﻳﺎﻧﺎﺱ ﺍﻧﺘﻮ ﺭﺍﻳﻜﻢ ﺷﻨﻮﻭﻭﻭ
ﻧﺨﻠﻲ ﻳﺰﻳﻴﻴﻴﻴﻊ؟
# ﺗﺨﺮﻳﻤﺔ
ﻧﻔﺴﻲ ﺍﻟﺒﺤﺼﻞ ﻓﻲ ﺍﻟﺴﻮﺩﺍﻥ ﻳﻄﻠﻊ ﻛﺎﻣﻴﺮﺍ ﺧﻔﻴﺔ ﻻﻧﻨﺎ ﻓﺘﺮﻧﺎ ﻣﻦ ﺍﻟﺮﻗﻴﺺ ..
#ﺿﻴﺎﺀ_ﻣﺘﻮﻛﻞ