بعض الروايات الاتنشرت علي قناة أشياء بسيطة علي التلغرام بروابط مباشرة من علي القناة ..

حجي جابر سمراويات
https://telegram.me/simpth/3329

العطر
https://telegram.me/simpth/17

شوق الدرويش
https://telegram.me/simpth/19

في قلبي انثي عبرية
https://telegram.me/simpth/309

اليس في بلاد العجائب
https://telegram.me/simpth/1076

حكايات فرغلي المستكاوي
https://telegram.me/simpth/980

في عقيدة الحب كلنا يهود
https://telegram.me/simpth/1541

البؤساء
https://telegram.me/simpth/1786

كن خائناً تكن اجمل
https://telegram.me/simpth/2720

العاشق
https://telegram.me/simpth/2797

طعام صلاة حب
https://telegram.me/simpth/2084

ساق البامبو
https://telegram.me/simpth/2609

شيفرة دايفنشي
https://telegram.me/simpth/1432

عرس الزين
https://telegram.me/simpth/892

بعض هذا القرنفل
https://telegram.me/simpth/824

بينما ينام العالم
https://telegram.me/simpth/760

مرسى فاطمة
https://telegram.me/simpth/565

الاسود يليق بك
https://telegram.me/simpth/452

القران كائن حي
https://telegram.me/simpth/443

هكذا هذموا اليأس
https://telegram.me/simpth/407

الكونج
https://telegram.me/simpth/242

الخرطوم نفر
https://telegram.me/simpth/167

بيت النخيل
https://telegram.me/simpth/275

الخميائي

https://telegram.me/simpth/171

ضغط الكتابة وسكرها
https://telegram.me/simpth/269

سقف الكفاية

https://telegram.me/simpth/271

٢٨ حرف
https://telegram.me/simpth/349

بيت النخيل
https://telegram.me/simpth/275

عدد من مجلة ميكي
https://telegram.me/simpth/217

الرجل ذو اللحية السوداء
https://telegram.me/simpth/399

فن خدمة العملاء
https://telegram.me/simpth/71

الجاسوسة
https://telegram.me/simpth/7479

ان تبقي
https://telegram.me/simpth/7262

ارتطام لم يسمع له دوي
https://telegram.me/simpth/6910

يافا حكاية غياب
https://telegram.me/simpth/6173

السيرة النبوية

https://telegram.me/simpth/9204

من حقي اريدك اكثر
https://telegram.me/simpth/9191

ارض السافلين

https://telegram.me/simpth/9178

عابر سرير

https://telegram.me/simpth/9149

من اجل سلمى

https://telegram.me/simpth/9126

افراح الروح

https://telegram.me/simpth/9061

رحلتي من الشك الي الايمان

https://telegram.me/simpth/9004

لمن اشكو كآبتي

https://telegram.me/simpth/8864

فلتغفري

https://telegram.me/simpth/8768

لماذا من حولك اغبياء

https://telegram.me/simpth/8753

حوار مع صديقي الملحد

https://telegram.me/simpth/8744

لعبة المغزل

https://telegram.me/simpth/8676

اين انت الان

https://telegram.me/simpth/8643

همسة في اذن فتاة

https://telegram.me/simpth/8618

الطواحين

https://telegram.me/simpth/8581

سايكولوجية السعادة

https://telegram.me/simpth/8542

الرجال من المريخ

https://telegram.me/simpth/8533

حكاية الشتاء

https://telegram.me/simpth/8057

صانع المتاهات

https://telegram.me/simpth/8192

زمان القهر علمني

https://telegram.me/simpth/8491

اعلنت عليك الحب

https://telegram.me/simpth/8494

احببتك اكثر مما ينبغي

https://telegram.me/simpth/8516

شيفرة بلال

https://t.me/simpth/34459

رسائل الي ميلينيا

https://t.me/simpth/34470

مخيلة الخندريس

https://t.me/simpth/20193

أرني أنظر إليك

https://t.me/simpth/34498


#اشياءبسيطة

AUD-20200319-WA00

ارض السافلين

https://t.me/simpth/34551

رواية مرحلة للماقراها ،وممكن يتعاد قرايتها مرة تانية..👌

تذكرت مقولة كداني حين تملكه اليأس ذات مرة:
«الوطن كذبة بيضاء، يروّج لها البعض دون شعور بالذنب، ويتلقفها آخرون دون شعور بالخديعة».
اقترب السودان أكثر، فبدأت إرتريا في الابتعاد، أنانية هي الأوطان، لا يأتي وطن إلا حين يغادر آخر.
أجزم أن هؤلاء الذين يركضون إلى جواري، وبقدر رغبتهم في الإفلات من الوطن يشعرون بالألم. بقدر حرصهم على الحياة خارجه، يفزعهم أن يموت يومًا بداخلهم، أو يتسرب بهدوء من بين ضلوعهم قبل أن يتمكنوا من دسه في آخر مخابئ الروح.
أجزم أن هؤلاء يغادرون إرتريا والخيبة معلقة بجباههم، كأجراسِ كنائس الأحد، لا تكاد تهدأ، حتى تعلن عن نفسها من جديد.
أجزم أن الوطن الذي ضاق بناسه إلى هذا الحد، صار وسيعًا جدًا بالأوجاع..

#مرسى_فاطمة ..

-
‏" مثلَ غيمة هاربة من يد الفصول ، مثلَ برق يخطف في لحظة مفاجئة ، لكنه يظل مشرقا ، طوال الحياة ، في الذاكرة"

_عبد العظيم فنجان

شهر رجب سُمِّيَ بالشهر الأصبّ حيث يصبّ الله فيه الرزق والخير والرحمة صبًا، فقد كان الصحابة يجدون أرزاقهم تزيد في رجب، ومرضاهم تشفى في رجب، فكانوا يكثرون فيه من الدعاء لأن الله يصبّ فيه من بركته وقبوله للدعوات.
اللهم صُبَّ علينا خيرك وفضلك وعافيتك صبًّا صبًّا
اللهم بارك لنا في رجب وشعبان وبلِّغنا رمضان في أفضل حال..

Listen to ما تشيلي هم - محمود عبد العزيز by saba_abusalih on #SoundCloud
https://soundcloud.com/saba_abusalih/zktinrtqzrol?ref=clipboard&p=a&c=0&si=fe6c6f0451d44dfe8104cc218c0242a7&utm_source=clipboard&utm_medium=text&utm_campaign=social_sharing

شفتي كيف ..
لما الشمس مدت نوافير الشعاع..
والضفاف بعدت كتير ...
والريح ملت جوف الشراع ...
كيف هناك بدت الضفاف ...
تتلاشي في زمن الضياع ...
وانتي في ساعة المغربية...
خايفة من كلمة وداع ..

علي وعد العمر برجاك...
علي بعد المسافة افيق...
اغازل في حلم لقياك...
علي شاطئ المحبه خريف...💙

ارهب ماقريت...الفترة الفاتت..جسد المعاناة بشكل خورافي بشد نفسك انك تكمل..بنصح اي زول يقراه ح يخفف عنو كتير..
تحتاج الحياة ل حياة كاملة برمقتها لنعيشها💙🌸

يوميات #علوب

( صداقة محجوب وحب فاطمة ) …!!

البركس الغرفة (١٥ )…..
ساكنين فيها تلاته ….!!
واحد اسمو ( طارق ) معروف بطارق ( بطة ) …!!
ماعارف لييي بقولو لي ( بطة ) …مع انو ضعيييف كدا ولعاب بلعب في منتخب هندسة والجامعة

التاني ( أحمد الخال ) دا بقولو ليهو الخال شكلو ( حنين ) كدا و ( عريق ) في الجامعة بجمد السنة وبجي تاني …!!
حافظ قوانين الجامعة حفظ …ومرات العمادة بتستشيرو
شغال تجاره ( وب( بعول أسرتو ) .

وثالثهم ( الفار ) ودا لحدي هسا ماعارفين ليهو إسم
بس ياهو ( الفار ) دي ….

المهم طبعا الجماعة ديل ساكنين مع بعض في الغرفة دي و ( غرفتم ) دي مفروض الدخول ليها يكون بي قروش لفرط الأنشطة بالداخل

السراير ( double bed ) ….!!
( تسمع ( دبل بد ) دي تقول ( شيراتون )

هن يعني فوق بعض …!!
( سراير السجن في المسلسلات المصرية )
.والطربيزة في النص
وقلتين مويه ⚱️⚱️وهيتر للشاي ….

وصابونه ملفوفة كدا لو ما قالت ( واي )😩 ما بفكوها
ومعجون ( والعجنة لو غلبا النزول ) ( الزردية ) قااااعده والعصر بجيب الزيت
لما تحس بيهو خايف …🤓
ما عرفتو ( معجون ) ولا مجنون

( دي الأوضة وال furniture )

الجدران معبئة بي أشعار ( الفيتوري ) و ( صلاح أحمد ابراهيم ) و ( مظفر النواب ) وكثير من الأقوال لأدباء غير ناطقين بها وكلمات مستترة كدا

الناس القاعده دي أقل واحد بقرا لي ( دوستويفسكي)
والله جد …!!
و ( ماركيز ) و ( الطيب صالح )

( شوف السودان دا عظيم كيف )

( الفار ) دا كان في العشرة الاوائل في الشهادة السودانية
بقرا School of Math

بطة ( مدنية ) ( شطارة الجن والجنبو ) والخال ( قانون )

المهم حالة من الانسجام التام لحدي ما جاء اليوم
المجيد وجابو ليهم طالب رابع ( يربع ) الأوضة دي وهم المنتظرين تربيعة طربيزة ( الحريق )😥

وطربيزتم دي الأشهر في ( البركس ) الناس بجوها من وين ووين ….كل ( الحرفا ) الفي الجامعة …..

في واحد بتاع حركات كدا إسمو ( المهل ) ماعارف دا إسمو ولا لأنو ممهل …لكن الناس كلها بتتكيف منو
( هندسة برضو ) ..
المهل قال لو ( طعموها ) كان ( مولو ) الجامعة … !!
قاصد الطربيزة المجرم

تشوفو لافي على الغرف تقول عميد الطلاب …
والجماعة ميتين بالضحك 😂😂

المهم العمادة وزعت معاهم طالب ( فلسطيني )
وكانت وقتها الجامعة قبلة لكثير من الطلاب العرب
وخاصة من فلسطين

الود مهذب كدا اسمو. ….وسيم ..!!!
ماهو ..؟؟ 😂
إسمو….اسمو ذاتو كدا ….!!….( وسيم )

جاي من جامعات روسيا دي يكمل هنا
قال ( بطرسبورغ) ما نفعت معاهو باردة …
جاي يتوسد ( الباردة )

( خش في ( الاسبايسي ) قشة ما تعتر ليك ) 🔥

المهم زولك شال شنطتو وجا
( الغرفة ١٥ داخليات الوسط )
وجلس يتأمل المكان ….!!

مروحة عتيقة معلقة في السقف …الظاهر مدورة من زمن الإنجليز كل لفة بتاخد ليها ( أنة ) كدا لما تطقطق
( ويا أنة المجروح …..وياروح كفانا جروح )
لكن صامده

تهبب في ( العنكبوت ) بي فوق والناس بي تحت ودافرة
وقد خرجت أجيال ولازالت تدور …

واخذ يتأمل في الجدران ….!!

طمأنته كتابات ( الحيطة ) فقد وجد فيها كل الأساطين
وكان ( درويش ) حاضراً

( دا شغل ( بطة ) مهتم كدا بالمد الثوري والقومية والقصص دي ) …

معلقين مقولة ل ( محمود درويش ) قال فيها

(( لابأس من أن يكون ماضينا أفضل من حاضرنا..
ولكن الشقاء الكامل أن يكون حاضرنا أفضل من غدنا.. !!
يا لهاويتنا كم هي واسعة )😥

( زولك من الخوف لما رجع ورا ) 🥺
( هي بصراحة بتخوف )

يشيل ويقرا وقد استغرقته الجدران …..!!
لقى درويش تاني وواحده من كتاباته تزين أعلى شباك الغرفة

( وتشابهت أنت وقهوتي.. باللذة والمرارة والإدمان ) 🤔

( توقف عندها )

عاين كدا جنب الباب ( ظهر المعلم ) 🙌
وجزء من ( مريود ) لطيبنا الصالح

(( الحياه يا محيميد ما فيها غير حاجتين اثنين .. "الصداقه والمحبه" .. ما تقول لى لا حسب ولا نسب ، لا جاه و لا مال .. ابن ادم إذا ترك الدنيا و عنده ثقه إنسان واحد يكون كسبان …و أنا المولى عز و جل اكرمنى بالحيل .. انعم على بدل النعمه نعمتين ... أداني صداقه محجوب و حب فاطمه بت جبر

أووووووووو ( حقنا ياخ ) 🫶🥰🙌🙌

فنزل عليه برداً وسلام
ودي طمنتو إنو في أمل في التعايش السلمي وهو في مكان آمن …..!!

المهم ( وسيم ) رسمياً وبأمر عمادة الطلاب الساكن الرابع في الغرفة 15

( الخال ) جا لقاهو قاعد …سلم عليهو قال ليهو أنا
وسيم …!! وسيم غسان
احمد قال ليهو انا أحمد…أحمد الخال
عشا الضيفان
طبعا وسيم مافاهم حاجه ( فرق سرعات )
لكن قال ليهو اتشرفنا …وأنا حأكون معاكم هنا

الخال قال ليهو يازوووول …!!
هنا وين …!؟؟؟

قال ليهو معكم هنا بالغرفة وزوعوني فيها …!!

بس يازول جماعتك عقدوا اجتماع أزمة عاجل بطلب من ( الخال ) أمنوا فيهو إنو القضية الفلسطينية قضيتنا كلنا
والزول دا على عينا وراسنا
بس كمان قالو الخصوصية بتنضرب …

واتفقوا بأن ( وسيم ) محل تقدير لكن لامكان له في
( وكر الأوغاد) ( دا أسم الغرفه ) …
والغريبة مكتوبة في الباب …ماعارف ليه ما قراها …
( الفار )قال دخلت لقيتو قاعد
قايلو ( مسلسل سوري ) …😝

قالو الزول دا حتى لو نحن قبلناهو. …الأوضة ما بتقبلو
وهو ذاتو ما بقدر يقعد معانا …!!

طبعا الجماعة ديل ( غرفتم ) دي طوااالي منشطة
ويوم الخميس ( قيدومة ) بس …العميان شايل المكسر
( كشاتين مدورة ) ♣️ ونقاشات سياسة …وحلل

بجو ( العلما ) من شمبات والمجمعات
( الكشتينة ) دي لحدي قريب الصباح ….♦️

( في شطرنج بالجنبه للبعيدين ) …!!

والحلل مدورة ….عندهم حاجه إسمها غزوة
( ذات الطوارئ) ..دي بداهمو فيها ( السفرة ) من الداخل
ويغتنموا ما تيسر إذا تعثرت الأمور والضيوف كانو كتار
بركزو على الباسطة والعيش …!! تاني ما بهبشو حاجه
مراتٍ بقودا ( الخال ) بي نفسو …!!

( شوف ليك قانون ) 😂

المهم بدأت الخطط للتملص من ( وسيم ) ….
ولكن يبدو أن الوضع الفلسطيني في الداخل أكسبه مناعة عاليه ضد كل شيءٍ..

ياخ دا بكون شاف أي حاجه …!!لذلك مافرقت معاهو

جماعتك ديل وكت يجرو ( الخمسين ) دي …( بري ) بتسمع ….
وهو عااادي بنوم ….!!

( دا بنوم مع الصواريخ …🚀 ما ينوم مع ( دو أسود ) ♠️

بمناسبة ( الدو ) دي
مره جاهم واحد سهتااان كدا من ( تربية ) كاتل ضلو
الغنماية تاكل عشا إسمو ( جابر ) بقرا ( فرنسي )
بتكلما أحسن من الفرنسيين …!!

قاعد بالجنبه كدا جرا ( الفار ) دا خمسين بي ( دو هارت )
معلقنو فووووق في الغرفة تخليدا لهذه المعركة …♥️♥️

و ( الفار ) شفت ( منقطا ) بفتح ( بالاستاتيستك ) ونظرية الاحتمالات
كاري الدفعة كلها …!!

( هنا بفتح وهناك بفتح ) 🙌

( ونوع ناس ( جابر ) ديل أخطر ناس في السودان بس زاهدين )

عندهم جيرانهم في الغرفة ( أنصار سنة ) كدا …
معاهم واحد إسمو ( عاصم ) بتاع كشاتين تايب
بجي بكشف بس وبمشي ….!!
يوم جرة ( دو الهارت ) دي انفعل كدا قلبو وقف ….قال ( حي انا ) …😳

الجماعة ميتين بالضحك 😂😂

شبكو ليك …..
الكفارة يا شيخنا …!!
وكلهم فقعوها ليك ضحكة بمافيهم ( عاصم ) نفسو ..استغفر ومرق ….!!
( المهل ) قال لي تعال ألعب ليك عشرة مع ( الكراهة ) …يضحك ساااي زولك …ويستغفر ….!!
والناس كلها حلوة

يازول طبعاً زولك الفلسطيني دا بنوم ب ( البيجامة ) زي ( محمود يس ) …..!

( بتدعمهم المنظمات كانو …..جديع شديد ) 😊

وناس ( الخال ) الضحك شارطم سامنو ( العريس )

( طبعا الخال دا بنوم يالفنلة الداخلية والبنطلون )

بس متابعين ليك ( وسيم ) دا …قفلا معاهم …..!!

صحى الصباح قال ليهم ( صباح الخييير )

قعدوا يعاينو لي بعض كاتمين الضحكة
قالو لي صباح النور

( الخال ) قال دي مصيبة شنو دي يا أخوانا الوقعنا فيها دي …!! صباح الخير نحن عرسان …!!😂

اتذكرو إنو طول قعادم دا مافي زول قال للتاني صباح الخير
طوالي بخشو في الموضوع

والسؤال الاكثر تداولًا من الصباح

( فردة الجزمة دي كانت هنا مشت وين !!؟؟

( بكون ضايروها للكشتينة وقعدة الضيوف )

( وسيم ) مقبول( طب ) قالو يقعد ستة شهور في السنتر علوم ويمشي كليتو ..
جماعتك قالو شهر ما بقدرو خلى ستة شهور …!!
( عسمن )

يازول عملو إجتماع قمة عربية طارئة بحضور الممثل الفلسطيني ( وسيم ) ذاتو
قالو ليهو ياخ والله يا اخ ( وسيم ) انت دائما مرحب بيك وفي بلدك …
وفلسطين قضيتنا المركزية والله …بس نحن هنا بأمانة شويه مزعجين ومضيوفين طواااالي وإنتا زول جاي تقرا وما عايزين نضيع ليك زمنك …!!

فشنووو يعني عادي ممكن تتفكفك…!!

…هو قايلو يعني دا اعتذار عن الإزعاج…!!

قال ليهم لا واله بالعكس إنتوا ولاد عيل و ( أوادم ) وولاد عالم وناس ….!!
خدو راحتكم …والضيوف بركة ….

( الفار ) قال لي ( الخال ) ( أوادم ) دي جمع ( عادم ) 😂

المهم الخطة فشلت …!!🤪

لحدي ما جا العراب ( مهل ) ( سيد الرصة )
دا صاحب مقترح ( تطعيم ) الطربيزة قال لصالح الاعمال الخيريه 😂😂
( المهل دا جاب 98 في الرياضيات في امتحان الشهادة )

المهم ( همهم ) ليهم كدا وقعد يشرح ليهم خطة الإبعاد وهم يتابعوا باهتمام ….!!
يازووول انفرجت اساريرهم مع إبتسامه عريضة …😅

ذكروني ( المشركين ) لما يعملو اجتماع مكيدة وتعجبم الفكرة …!! ( بخن بخ ) 💨

وفعلا تم التنفيذ وخرج ( وسيم ) ولم يعد
ويبدو انو غادر السودان كلو …

طبعا متشوقين تعرفو الحصل شنو …!!؟؟؟

الحصل كالآتي ….!!

( وسيم ) دا جا داخل الغرفة ١٥ بعد يوم دراسي مرهق ….
لقي بطة دا والخال ديل بتكلمو مع بعض وقدامن صحن كدا

بطه قال للخال ودي ضبحتها ولا ( خمشتها ) ساكت كدا
الخال قال لي هو في زمن للضبيحة ..
جات كاشة بي هنا طوالي بالسكين شقيتا النص وطلعتها
هي لو ما فعلاً ( بهيمة ) البجيبها هنا شنو …!؟؟ عندها ؟ سمستر )
( وقدامن الكبده النية مقطعة مع البصل ) …!!

جا داخل ( الفار ) قال ليهم كنت حاسي عندكم جريمة
😎 اقفلو الباب دا كويس ما يقومو يداهمونا
ويتمطق …!!😋

وزولك وسيم يعاين سااااي ويسمع ….!!
مشنقل فوووق في السرير عيونو وصلن الجبهة
😳
وجماعتك دورو ليك في ( الكبدة ) دي هرسوها هرس

طلعت ( كبده إبل ) 🐪 جابا مهل الملعون دا
طازجة ومبهرة ….دمها ما نشف …!!

وأدو إحساس للمسكين الراقد فوق دا إنهم خمشو بطن ( الشاة ) واخرجو كبدتها …وشالوها من جوه …
شغل بتاع ( ناشونال جيوغرافيك ) وحيوانات الغابة

قالو ليهو اتفضل …!!
عمل فيها نايم 😂

ونامو علي كدا ..عدا ( وسيم ) الذي لم يغمض له جفن
وهم صاحين عاملين نايمين يراقبو في التداعيات
وفي ( الرابعة صباحاً ) زولك لملم باقي حاجاتو وبراااحة بي طرف أصابعينو غادر الغرفة ١٥ ولم يعد حتى الان ولن يعود …

( فهم حاجة )

وتحقق للأوغاد المراد وعادوا لممارسة حياتهم دون تعقيدات وفروقات في السرعة والسلوك …
الخميس كانت عندهم حفلة أخو ( المهل ) عرس في البلد
عملو ليهو حنة صغيرة مجاملين ( مهل ) عن بعد
ربة جد ..🙌🙌 بي فنان من الجامعة اسمو أزهري الجامعة
الاصدار التاني لي ( سيف )
يازوول الأوضة مافيها نفس والشبابيك مليانه …

لاقو ليك ( وسيم ) دا بعد فترة لافي في الجامعة
سلم عليهم بي تحفظ كدا قالو لي تعال دايرنك
( لو ما الناس كان جرى ) ..

قالو لي ياخ دايرين نوضح ليك بعض الحاجات …أولًا والله نحن
الوقفة الوقفناها مع القضية دي ( أبو نضال ) ما وقفا

تاني حاجه والله نحن الغربا بنقبلهم خلي انت
لكن كمان الغرفة ١٥ دي غرفة ( عمليات ) وانت ما شبه
الانفلات دا فأعفي لينا ياخ …..!!

ويمين تعتبر نفسك في بلدك
بعدين ياخ دي ( كبدة إبل ) عاديه بس الخال بحب يهزر

غايتو ( وسيم ) الدخلتو من الكبده ….تدخل على ( العدو )
( مافي زول يكلمهم بي موضوع الكبدة دا )

( وسيم ) الآن طبيب محترم في الخليج
التقاه (الفار ) بعد كل هذه السنوات …و( الفار )
يقود أحد المكاتب الإقليمية لواحدة من كبريات الشركات العالميه في قطاع الحاسوب في ( الرياض )

واستعادوا ذكريات مضت
والرجل ممتن للسودان وأهل السودان قال تعلم فيه كل شيئ …إلا كبدة الابل ….😂

الفار قال ليهو ما ياهو دا نحن جينا لقيناكم بتاكلو ( الكبة النية )
المشكلة وين ياهو حرف ( الدال ) دا ….!!

واستغرقا في الضحك

والألف السين الواو الدال النون …..السودان الوطن الواحد ما قد كان وما سيكون …!!😥

وسيكون …..طالما ناس ( الفار ) ديل قاعدين و ( جابر ) وكل
أقرانهم في كل المؤسسات التعليميه والعلمية

سيكون بجهد الزراع والصناع والعمال والمهنيين
سيكون بحس الناس وريحة البلد وعطر الأخلاق ..!!

المهل مهندس كبير في شركة نفط ….وبطة عندو شركة حقتو والخال مستشار كبير هسا في لندن ….!!

عاصم جارهم في الغرفة ١٧ عرس ( إلهام )
( محسوبة اكتر على اليسار )

ماعرفناها ( اتحجبت ) ولا هو ( اتيسر ) الكلام الأخلاق
ربنا يسعدهم …….

وتبقي الغرفة ( ١٥ ) عالقة في الأذهان وأكثر من مجرد غرفة …

إنها السودان ..!!🫶


(( وتشابهت أنت وقهوتي.. باللذة …والمرارة ….والإدمان.))

صحي يا بلد …؟؟؟

خمسيييين …!! ♠️

((♥️))
#اشياء_بسيطة ..

الصباحات الجميلة
لا تمنح سرها إلا لمن يحسن استقبالها🌸

تنفسوا الصباح حباً ورضا
ف لاشئ أروع من قلوب
باتت راضية 🌸
وأصبحت مبتسمة
الصباحات الجميلة تبدأ بذكر الله
و بالرضا بأقدار الله كلها ....🌸
تبدأ بالتصالح و التسامح مع النفس و بالتفاؤل بيوم أجمل
صباحكم كما تحبون ....🌸
صباح الرضا والسعادة لقلوبكم

اصبحنا واصبح الملك لله..💙

🔴 أشهد أن لا إله إلا الله و أشهد أن محمد رسول الله

🔴 أستغفر الله الذي لا إله إلا هو الحي القيوم و أتوب إليه

🔴 سبحان الله و بحمده سبحان الله العظيم

🔴 لا حول ولا قوة إلا بالله العلي العظيم

🔴 اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد

🔴 سبحان الله وبحمده عدد خلقه ورضا نفسه وزنة عرشه ومداد كلماته

🔴 سبحان الله والحمــد لله ولا إله إلا الله والله أكبر

🔴 لا إله إلا الله الواحد الأحد الفرد الصمد الذي لم يلد ولم يولد ولم يكن له كفواً احد

🔴 لا إله إلا الله وحده لا شريك له له الملك وله الحمد وهو على كل شئ قدير

🔴 لا إله إلا أنت سبحانك إني كنت من الظالمين

🔴 اللهم يامقلب القلوب ثبت قلبى على دينك

🔴 اللهم أنك عفو كريم تحب العفو فأعفو عنا .. اللهم أتنا فى الدنيا حسنة وفى الاخرة حسنه وقنا عذاب النار ..

🔴 اللهم أسترنا فوق الارض وتحت الارض ويوم العرض عليك ..

والحمدلله رب العالمين والصلاة والسلام على أشرف المرسلين سيدنا محمد وعلى اله وصحبه أجمعين ..

أخوي المااتذكر في شينه من ما تبا..
أخوي البي الكرم والبي  الشهامه مربا..
أخوي  كل الخصال السمحة م ها بتغبا..
اياهو أخوي هو ساعة تضيق  الدنيا بي بجري اشكيلو..
وانفض كل شقااااي بي كل رحابة يشيلو..
كل ما أقول فتر يرجاني واقف حيلو..
تحفظو ي كريم ياكا انت كفيلو..

الطبيعة حنت عليك
خلّدَتْ بصماتا فيك
ليك غرّد كلُّ شادي
ما بصح و طريقنا باين
يا شبابنا نقيف نعاين
الأمل معقود علينا
والعمل ظمآن إلينا
بسواعِدْنا ونضالنا
في جنوبنا وفي شمالنا
غيرنا مين يحرث أرضنا
يبني ويعمِّر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حنَّ ولفتنا
وكل ما اتمناهو بسمة
من ملاك أضناه حبو
حُلْمُهُ كان في الغربة نسمة
من أريج بلدو البحبِّو
جينا في لهفة مشاعر
ليك تزحمنا الخواطر
نبني مجدك يا بلادي .

يالرايقة حامدة وتشكري ست جبرة ما بتتشكري
كدي مره أرسي وفكري وإخلاصنا ليك ما تنكري
🎼🎻🎷
امشي الهوينا إتمهلي وهزي القوام السمهري
خلي العزول إتجاهلي وهاك قلبي ليك تستاهلي
🎼🎻🎷
إنتي الجمال بتسكري وجوة القلوب بتعسكري
ست اللهيج السكري
🎼🎻🎷🎤🖋️🌹

وتظنُّ أنك حُرمت ، والحقُ أنك رُحمت."وذكر فإن الذكرى تنفع المؤمنين"💛🌻

- سُبحان الله💛 .
- الحمدلله 💛 .
- لا إله إلا الله💛 .
- اللهُ أكبر 💛.
- سُبحان الله و بحمدهِ💛 .
- سُبحان الله العظيم💛 .
- استغفر الله و أتوبُ إليهِ💛 .
- لا حول و لا قوة إلا بالله💛.
- اللهُم صل على نبينا محمد 💛.
- لا اله الا انتَ سبحانك💛.
اني كنت من الظالمينَ💛.
- حسبي الله لا اله الا هو عليه💛 .
توكلت وهو رب العرش العظيم💛 .
-اللهم ارزقني من حيث لااحتسب💛 .
-اللهم ثبت قلبي على دينك💛.
- يارب رضاك والجنه💛.
-اللهم احسن خاتمتي💛 .
-اللهم اجرني من عذاب النار💛 .
- اللهم قني عذابك يوم تبعث عبادك💛 .
- اللهم أحينا على رضاك وأمتنا على رضاك💛 .
-اللهم صل وسلم على نبينا محمد 💛..

على حِس فرحة الأعراس في وسط أحزان الحروب♥️!

في واحدة من أغاني الدلّوكة الشهيرة في أعراسنا
بنقول فيها

يا "عروسنا" الله أدَّاكِ
تاني ما بتمُرقِي براكِ؛
"عريسك" القيافة معاكِ
عديلة .. عديلة!

كواحدة بتحب فِكرة "القوامة" الغُنيَة دي والبيت ده تحديدًا قاعد جوَّا قلبي كده ده💘..

لطالما خفف عني ثقل الحياة شعور إني في يومٍ ما حا أمشي دروب الحياة دي مع رفيق يهون عليّ خطاي رغم المشقّة
زول يكون مسؤول عني وقيِّم عليّ

ما أكون خايفة في يوم أطلع براي وأجي راجعة براي وأشيل تقيل براي
ما أشيل هم المضايقات أو هم المصاريف أو أي هموم تانية كانت ح تزول تمامًا في وجود "رَجُل"

وزي ما قالت آلاء وجيه:
"أحبُّ معنى اللجوء، الاحتماء، الاستتار، التلحُّف بأحدهم، أن أسير في حِماهُ راغبة مُختارة، غير مقهورةٍ ولا مجبورة، وُجداني مُطمئن أنني أُعوِّل على سند إن مالت الدنيا لا يميل لأنه موثوق.. وإن مَلَّت الدُنيا لا يَمَل لأنه مسؤول، وأنا مسؤوليته.. أحبُّ فكرة أنني مسؤولية أحدهم".

فكرة القوامة ح تظل دومًا وأبدًا فكرة آسرة بالنسبة لَي وشعور أتمناهُ لنفسي ولكل عزيزة عليّ
فيا رب،
ترزقنا بمن يُرضي شعورنا، ويقوم بشؤوننا، ويكرمنا ويكرم أهلنا، ويكون قيّم علينا بكل ما تحمله القوامة من معنى

وأن يُقَال لنا قريبًا ..
يا "عروسنا" الله أدَّاكِ
تاني ما بتمُرقِي براكِ؛
"عريسك" القيافة معاكِ😂♥️

#صفية_مصطفى