ﺍﻟﺸﻮﻕ ﻭﺍﻷﺣﻼﻡ ﻣﺎ ﺯﺍﻟﺖ ﺗﺆﺭﻕ ﻭﺍﻟﺴﻨﻴﻦ
ﻫﻞ ﻛﺎﻥ ﺣﺒﺎً ﻳﺎ ﺗﺮﻯ ﺃﻡ ﻛﺎﻥ ﻭﻫﻢ ﺍﻟﻮﺍﻫﻤﻴﻦ؟
ﻫﻞ ﻛﺎﻥ ﺣﺒﺎً ﻻﻫﻴًﺎ ﺃﻡ ﻛﺎﻥ ﺷﻴﺌﺎً ﻛﺎﻟﻴﻘﻴﻦ؟
ﻫﻞ ﻛﻨﺖ ﺗﻌﻨﻴﻦ ﺍﻟﺬﻱ ﻟﻲ ﺗﺪعين

ﺣُﺰﻧﺎً ﺟﺎﻧﻲ ﻓﻲ ﻣَﻴْﻊ ﺍﻟﺼِّﺒﺎ ﻳﻠَﺠِّﻨﻲ
ﺃﻃﻠﻊْ ﻣِﻨِّﻲ ﻳﺎ ﺟﻠﺪﻱ ﺍﻟﻤِﻨﻤِّﻞ ﺟِﻨﻲِّ
ﻭﺍﻃﻠﻊْ ﻣِﻨِّﻲ ﻳﺎ ﺣُﺰﻧﺎً ﺑِﻘﻰ ﻣﻜَﺠِّﻨﻲ ..

ﺧَﻠّﻨﻲ ﺃﺑﺪﺍ ﻣُﺴﺪﺍﺭﻱ
ﻭﺃﻭﺩﻱ ﻗﻔﺎﻳﺎ ﻟﻲ ﺩﺍﺭﺍً ﺑِﻘَﺖْ ﻣِﻲ ﺩَﺍﺭﻱ
ﺟِﻴﺘَﺎ ..
ﻭﺟِﻠْﺪِﻱ ﺑﻴﻨﻮ ﻭﺑﻴﻦ ﻋﻀﺎﻳﺎ ﺍﻟﺸّﺤَﻤَﺔ
ﺇﻻ ﺍﻟﻨّﺎﺭ ﺑِﻘَﺖْ ﻗِﺪّﺍﻣﻲ
..

ﺳﻔﺮﻳﺘﻚ ﻣِﻲ ﻓﻲ ﺍﻟﻨﻴّﺔ
وﻣﺎﻫﺎ ﺍﻟﻜﺎﻧﺖ ﻣﺤﺮﻳّﺔ
ﺧﺎﺑﺮﺍﻙْ ﻋِﺮِّﻳﻒْ
ﺫﻡ ﺍﻟﻌُﺮﺑﺎﻥْ ﻭﺍﻟﻼّ ﻗِﻴﺎﻡ ﺍﻟﻮﺭﺩﻳﺔ
ﻣﺎﻟﻚْ ؟؟
ﺗَﺮْﻳَﺎﻥْ ﻭﻣﻨﺪِّﻱ
ﻛﺎﺳﻲ ﺍﻟﻜِﺘّﺎﻥ والهندي

ﺑﺮﻗﺎً ﻋِﺒْﺪِﻟِّﻲ ﺍﻟﻮَﺯْﻥِ
ﻳﺎ ﻃﺎﺵْ .. ﻳﺎ ﺟﺎﺏ ﺍﻟﻤُﺰْﻥِ
ﻓَﺮِّﻕْ ﻳﺎ ﺍﻟﻀّﻴﻒْ
ﻓِﻌْﻞ ﺍﻟﻐَﻀْﺒﺎﻥ ..
ﺃﻡ ﻓِﺮْﻓﻴﺮﺍﺕ ﺍﻟﺤُﺰْﻥ ..

ﻭﺷِﻦْ ﺍﻟﻘَﻌﺪﺓ
ﻳﺎ ﺃﺑﻮ ﺍﻟﺴُّﺮﺓ
ﺷِﻦْ ﺍﻟﻘَﻌﺪﺓ ﻓﻲ ﺿُﻞ ﺍﻟﻌﻤﺎﺭﺍﺕ ﺃﻡ
ﻛﻤﺮﺓً ﺑﺮّﺓ
ﺿُﻘْﻨﺎ ﺍﻟﺤَﻨْﻀَﻞ ﺍﻟﻴﺎﻧﻜﻲ
ﻭﺑَﻠَﻌْﻨﺎ المُرة ..

ﻭﻭﻛﺖ ﺇﺗﻘﻔّﻠَﺖْ ﺷِﻘّﻴﺶْ
ﻗَﺒَﻞْ ﺑﻲ ﺍﻟﻤﺮّﺓ
ﻧَﺮْﻣﻲ ﺃﻣُﺮﻧﺎ ﻓﻲ ﺑﻠﺪ ﺍﻟﻤﻌﺎﻧﻲ ﺍﻟﺤُـﺮّﺓ ..

ﻣَﺮَﻗَﺖْ ﺑَﺮّﺓ ..
ﻣَﺮَﻗَﺖْ ﺑَﺮّﺓ ﺗﻐﻠﻲ ﻣﺪﻳﺪﺓ ﺍﻟﺤِﻠْﺒﺔ
ﺍﻟﺘَﺴَﻤِّﻦ ﺭِﺩْﻓَﻬﺎ
ﺍﻟﺴَﻤِﻦْ ﺍﻟﻤﺒَﺴْﺘَﺮْ ﻳﺎﻧْﻜﻲ
ﻭﺍﻟﻮﻳﻘﻮﺩ ﺑﻌﻴﺮﺍﺕ ﺍﻟﺪُّﺧﺎﻥ ﻓﻲ ﺍﻟﻌﻴﻦ
..

ﺷِﻦْ ﻓﺎﻳﺪﺓ ﻣﺪﻳﺪﺓ ﺍﻟﺤﻠﺒﺔ ﻭﺍﻟﻮﻳﻘﻮﺩ
ﺑﺸﻴﻠﻮ ﺍﻟﻴﺎﻧﻜﻲ ؟؟
ﻳﺎ ﺍﺑﻮ ﺍﻟﺴُّﺮﺓ
ﻗﺎﻣﺖ ﻣﻦ ﺩﺧﺎﺧﻴﻦ ﺍﻟﻌﻤﻰ ﺗﻠﻤِّﻊ
ﻭﺷِﻴﻬﺎ
ﺍﻟﻴﺎﻧﻜﻲ ﻣِﺴْﺘَﻨِّﻴﻬَﺎ
ﻛﺎﻥ ﺍﻟﻴﺎﻧﻜﻲ ..

ﻧﺎﺩﻳﻨﺎ ﺍﻟﻘﻌﻮﻱ ﻭﺍﻟﺒُﻠْﻄﻲ
ﻗﺮﻗﻮﺭ ﺍﻟﺴّﻤَﻚ ﻭﺩّﺍﻧﺎ ﻟﻲ ﺩﺍﺑﻲ
ﺍﻟﺨُﺸَﺶْ
ﻧﺎﺩﻳﻨﺎ ﻋُﻤّﺎﻝ ﺍﻟﻄّﻤِﻲ
ﻋُﻤّﺎﻝ ﺍﻟﻄّﻤِﻲ ﺍﻟﺼّﺎﺭﻗﻴﻼ
ﻭﺍﻟﻘَﺮْﻣُﻮﻁ
ﻭﻭﺩ ﺍﻟﻤﻮﻳﺔ
..

ﺍﻟﻮﻃﻦ ﻛﺬﺑﺔ ﺑﻴﻀﺎﺀ ﻳﺮﻭّﺝُ ﻟﻬﺎ ﺍﻟﺒﻌﺾ ﺩﻭﻥ ﺷﻌﻮﺭ ﺑﺎﻟﺬﻧﺐ، ﻭﻳﺘﻠﻘﻔﻬﺎ
ﺁﺧﺮﻭﻥ ﺩﻭﻥ ﺷﻌﻮﺭ ﺑﺎﻟﺨﺪﻳﻌﺔ ."
ﺍﻗﺘﺮﺏ ﺍﻟﺴﻮﺩﺍﻥ ﺃﻛﺜﺮ، ﻓﺒﺪﺃﺕْ ﺇﺭﺗﺮﻳﺎ ﻓﻲ ﺍﻻﺑﺘﻌﺎﺩ ..

ﺃﻧﺎﻧﻴّﺔ ﻫﻲ ﺍﻷﻭﻃﺎﻥ،ﻻ ﻳﺄﺗﻲ ﻭﻃﻦ ﺇﻻ ﺣﻴﻦ ﻳﻐﺎﺩﺭ ﺍﻵﺧﺮ ..

ﺻﻮﺭﺓ ﺗﻌﻮﺩ ﻟﻠﻌﺎﻡ 1970 ﻳﻈﻬﺮ ﻓﻴﻬﺎ ﺍﻻﻣﺎﻡ ﺍﻟﺮﺍﺣﻞ ﺍﻟﻬﺎﺩﻱ ﻋﺒﺪ ﺍﻟﺮﺣﻤﻦ
ﺍﻟﻤﻬﺪﻱ ﻳﺨﺎﻃﺐ ﺟﻤﺎﻫﻴﺮ ﺍﻷﻧﺼﺎﺭ ﺑﺎﻟﺠﺰﻳﺮﺓ ﺃﺑﺎ ..

ﺁﺭﺗﻮﺑﻴﺎ ﻟﻠﻔﻨﻮﻥ ﺗﺘﺸﺮﻑ ﺑﺰﻳﺎﺭﻛﺘﻢ ﻟﻤﻌﺮﺿﻌﻬﺎ ﺍﻟﻤﻘﺎﻡ ﺑﺠﺎﻣﻌﺔ ﺍﻟﺴﻮﺩﺍﻥ ﺍﻟﻤﺠﻤﻊ ﺍﻟﺠﻨﻮﺑﻲ ﻭﺫﻟﻚ ﺧﻼﻝ ﻓﺘﺮﺓ ﺍﺳﺒﻮﻉ
ﺍﻟﻤﻬﻨﺪﺱ ﺍﻟﻔﺘﺮﺓ ‏( 21/12 - 24/12 ‏) ﻓﻲ ﺍﻟﺰﻣﻦ ﻣﻦ ‏( 10ﺹ ﺍﻟﻰ 4 ﻡ ‏)
ﺍﻟﻤﻮﻗﻊ ﺟﻮﺍﺭ ﻗﺴﻢ ﺍﻟﻬﻨﺪﺳﺔ ﺍﻟﻜﻬﺮﺑﺎﺋﻴﺔ

👞👟تعلمت الكثير من بتاع الأورنيش👞👟

ﺍﻟﻮﺍﺣﺪ ﻗﺪﺭ ﻣﺎ ﻳﺘﻤﻠﻜﻮ ﺍﻹﺣﺒﺎﻁ ﻣﻦ ﺍﻟﺒﻠﺪ ﺩﻱ .. ﺗﻈﻬﺮ ﻟﻴﻬﻮ ﺣﺎﺟﺔ ﺗﺤﺴﺴﻮ ﺍﻧﻮ ﺍﻟﺒﻠﺪ ﺩﻱ ﺃﺟﻤﻞ ﺑﻠﺪ ﻓﻲ ﺍﻟﺪﻧﻴﺎ ..
ﻭﺍﻟﺰﻭﻝ ﺍﻟﺴﻮﺩﺍﻧﻲ ﺩﺍ ﺍﺭﻭﻉ ﺍﻧﺴﺎﻥ ﻋﻠﻲ ﻭﺟﻪ ﺍﻻﺭﺽ ....
ﺍﻟﻠﻴﻠﺔ ﻗﺎﻋﺪ ﺑﺸﺮﺏ ﻓﻲ ﺟﺒﻨﻪ .. ﻋﻨﺪ ﺧﺎﻟﺔ ﺟﻨﺐ ﺍﻟﻈﻠﻂ ...
ﻗﺎﻡ ﺟﺎﺀ ﺑﺘﺎﻉ ﻭﺭﻧﻴﺶ ﻣﺎﺷﻲ ..
ﻗﻠﺖ ﺃﻭﺭﻧﺶ ﺟﺰﻣﺘﻲ .. ﻭﻗﻔﺘﻮ ..ﻭﻗﻠﺖ ﻟﻴﻮ ﺑﻲ ﺩﻋﺎﺑﻪ ﻛﺪﺍ .. (ﻳﺎ ﻓﺮﺩﺓ ﺍﻟﻮﺭﻧﻴﺶ ﺑﻲ ﻛﻢ ؟ ) ..
ﻗﺎﻝ ﻟﻲ : ﺑﻲ ﺟﻨﻴﻬﻴﻦ ... ﻗﻠﺖ ﻟﻴﻮ : ﻛﺘﻴﺮ ﻋﻨﺪﻱ ﺟﻨﻴﻪ ﻭﺍﺣﺪ .. ﻗﺎﻝ ﻟﻲ : ﻣﺎ ﻣﺸﻜﻠﺔ ﺍﺻﻼ ﻧﺤﻨﺎ ﻃﺎﻟﻌﻴﻦ ﻟﻠﺸﻐﻞ ..
ﺃﺩﻳﺘﻮ ﺍﻟﺠﺰﻣﺔ.. ﻭﻗﻌﺪ ﻋﻠﻲ ﺍﻷﺭﺽ ﺟﻨﺒﻲ.. ﻭﺍﻧﺎ ﺑﺘﻮﻧﺲ ﻣﻌﺎﻫﻮ .. ﻭﺑﺤﻜﻲ ﻟﻲ : ﺃﻧﺎ ﺑﻘﺮﺃ ﻭﺑﺸﺘﻐﻞ .. ﻋﺸﺎﻥ ﺃﺳﺎﻋﺪ ﻧﺎﺱ ﺍﻟﺒﻴﺖ..
ﻓﻲ ﺍﻟﻠﺤﻈﺔ ﺩﻱ ﻛﺎﻥ ﻓﻲ ﺭﺟﻞ ﺍﻋﻤﻲ ﺩﺍﻳﺮ ﻳﻘﻄﻊ
ﺍﻟﻈﻠﻂ .. ﺍﻟﻮﻟﺪ ﻗﺎﻡ ﺟﺮﻱ ﻗﻄﻊ ﻋﻤﻚ ﺍﻟﺰﻟﻂ ..
ﻭﺑﻤﺎ ﺇﻧﻲ ﻗﺮﻳﺐ ﻣﻦ ﺍﻟﻈﻠﻂ ﻻﺣﻈﺖ ﺇﻧﻮ ﻋﻤﻨﺎ ﺃﻋﻄﻰ ﺍﻟﻮﻟﺪ ﺟﻨﻴﻬﻴﻦ .. ﻣﻘﺎﺑﻞ ﺣﺮﻛﺘﻮ ﺍﻟﺤﻠﻮﺓ ﺩﻱ ..
ﻟﺤﺪﻱ ﻫﻨﺎ ﻣﺎﻓﻲ ﺣﺎﺟﺔ ﺷﺎﺫﺓ ..
ﺑﺲ ﺍﻟﺤﺎﺟﻪ ﺍﻷﺻﺎﺑﺘﻨﻲ ﺑﺎﻟﺬﻫﻮﻝ ﻭﺍﻟﺨﺠﻞ ﻣﻦ ﻧﻔﺴﻲ ..
ﻭﺧﻠﺘﻨﻲ ﺍﻗﻌﺪ ﻣﻊ ﺑﺘﺎﻉ ﺍﻟﻮﺭﻧﻴﺶ ﻓﻲ ﺍﻟﻮﺍﻃﻪ .. ﻭﺃﺣﺲ ﺇﻧﻮ ﺃﻓﻀﻞ ﻣﻨﻲ .. ﻟﻠﻤﻮﻗﻔﻴﻦ ﺍﻟﺤﺎﺣﻜﻴﻬﻢ ﻟﻴﻜﻢ ﺩﻳﻞ ..
ﺍﻟﻮﻟﺪ ﺷﺎﻝ ﺍﻟﺠﻨﻴﻬﻴﻦ ﻭﺍﺩﺍﻫﻢ ﻹﻣﺮﺃﺓ ﺑﺘﺸﺤﺪ ﻗﺎﻋﺪﺓ
ﺑﺎﻟﻘﺮﺏ ﻣﻨﺎ ..
ﺳﺎﻟﺘﻮ ﻗﻠﺖ ﻟﻴﻮ : ﻟﻴﻪ ﺷﻠﺘﻬﺎ ﺃﺹﻻ ﻣﻦ ﺍﻷﻋﻤﻰ ﻭﻗﺖ ﺃﻧﺖ ﻣﺎ ﺩﺍﻳﺮﻫﺎ ..
ﺍﻻﺟﺎﺑﻪ ﺣﻘﻴﻘﻪ ﺧﺠﻠﺘﻨﻲ ﻣﻦ ﻧﻔﺴﻲ .. ﻭﺣﺴﻴﺖ ﺍﻧﻲ ﺻﻐﻴﺮ ﺃﻣﺎﻡ ﺍﻟﻮﻟﺪ ﺩﺍ .. ﻭﺣﺴﻴﺖ ﺍﻧﻲ ﻣﺤﺘﺎﺝ ﺍﺗﻌﻠﻢ ﻣﻨﻮ ﺍﻟﻜﺘﻴﺮ ..
ﻗﺎﻝ ﻟﻲ ﺑﻲ ﺍﺳﻠﻮﺏ ﺑﺴﻴﻂ ﺟﺪﺍ : ( ﻋﻤﻚ ﺍﻻﻋﻤﻲ ﺩﺍ ﻟﻤﻦ ﻳﺪﻱ ﻟﻴﻮ ﺯﻭﻝ ﺣﺎﺟﻪ ﻭﻳﺸﻴﻠﻪ ﻣﻨﻮ ﺑﺘﻜﻴﻒ .. ﻭﻣﺎ ﺑﺤﺲ ﺇﻧﻮ ﻧﺎﻗﺺ ﺣﺎﺟﺔ ) ..
ﺍﻧﺎ ﺳﺮﺣﺖ ﺑﻌﻴﺪ .. ﻭﺣﺴﻴﺖ ﺑﻲ ﻧﻔﺴﻲ ﻭﻻ ﺣﺎﺟﺔ ﺃﻣﺎﻡ ﺇﻧﺴﺎﻥ ﻋﻤﻼﻕ ﺑﻲ ﺍﺧﻼﻗﻮ ﻭﻗﻴﻤﻮ .. ﺭﻏﻢ ﺻﻐﺮ ﺳﻨﻪ.
ﺯﻭﻝ ﻡ ﺩﺍﻳﺮ ﻳﺨﻠﻲ ﺇﻧﺴﺎﻥ ﻋﺬﻳﺮ ﻳﻔﻘﺪ ﻗﻴﻤﺘﻪ ﺃﻧﻪ ﻣﺎ زﺍﻝ ﺍﻧﺴﺎﻧﺎ ﻣﻌﻄﺎﺀ ﻭﻣﻤﻜﻦ ﻳﺪﻱ ...
♥♥♥
ﺍﻟﻤﻮﻗﻒ ﺍﻟﺘﺎﻧﻲ :
ﺑﻌﺪ ﺍﻧﺘﻬﻲ ﻣﻦ ﺍﻟﻮﺭﻧﻴﺶ .. ﻭﺍﻧﺎ ﻣﺘﻜﻴﻒ ﻣﻨﻮ .. ﻃﻠﻌﺘﺎ ﺧﻤﺴﻪ ﺟﻨﻴﻪ ﻣﻦ ﺟﻴﺒﻲ ﻭﺍﺩﻳﺘﺎ ﻟﻴﻬﻮ..
ﺍﻹﺟﺎﺑﺔ ﻛﺎﻧﺖ ﻣﺤﺮﺟﺔ ﺑﺎﻟﻨﺴﺒﺔ ﻟﻲ ..
ﻗﺎﻝ ﻟﻲ : ﻣﺎ ﺗﻌﻮﺗﺎ ﺃﺷﻴﻞ ﺣﺎﺟﺔ ﺑﺪﻭﻥ ﻣﻘﺎﺑﻞ .. ﻭﺭﺟﻊ ﻟﻲ ﺃﺭﺑﻌﻪ ﺟﻨﻴﻪ.. ﻭﻓﺎﺍﺍﺍﺕ..
♥♥♥♥
ﺍﻧﺎ ﺍﻟﻴﻠﻪ ﺍﻟﺤﺎﺟﻪ ﺍﻻﺗﻌﻠﻤﺘﻬﺎ ﻣﻦ ﺍﻟﻮﻟﺪ ﻋﻤﺮﻱ ﻣﺎ ﺗﻌﻠﻤﺘﻬﺎ ..
ﺍﻧﺴﺎﻥ ﻳﺸﻴﻞ ﻣﻦ ﺯﻭﻝ ﺣﺎﺟﺔ ﻋﺸﺎﻥ ﻳﺨﻠﻴﻪ ﻳﺸﻌﺮ
ﺑﺎﻟﺴﻌﺎﺩﺓ ..
ﻭﻳﺄﺑﻲ ﻳﺸﻴﻞ ﻣﻦ ﺯﻭﻝ ﺣﺎﺟﺔ ﻋﺸﺎﻥ ﻣﺎ ﻳﺤﺲ ﺇﻧﻮ ﻓﻲ ﺯﻭﻝ ﻋﻨﺪﻭ ﻓﻀﻞ ﻋﻠﻴﻬﻮ ..
ﻭﺯﻋﻠﺖ ﻣﻦ ﻧﻔﺴﻲ ﺷﺪﻳﺪ .. ﻋﺸﺎﻥ ﻧﻘﺼﺘﻪ ﺣﻘﻪ .. ﻭﻫﻮ ﺍﺻﻼ ﻣﺤﺘﺎﺝ ﻟﻴﻬﻮ ...
♥♥♥♥
ﺍﻟﻮﺍﺣﺪ ﻳﺸﻌﺮ ﺑﺎﻟﺨﺠﻞ ﻣﻦ ﻧﻔﺴﻪ .. ﻭﺍﺣﻨﻲ ﻫﺎﻣﺘﻲ ﺣﺒﺎ ﻭﺗﻘﺪﻳﺮﺍ ﻟﻚ ﺃﻳﻬﺎ ﺍﻟﺸﺮﻳﻒ .. ﻃﻔﻞ ﺍﻟﻮﺭﻧﻴﺶ ..
ﻭﻟﻮ ﻣﻬﻨﻪ ﺍﻟﻮﺭﻧﻴﺶ ﺑﺘﻌﻠﻢ ﻛﺪﺍ ﺍﻟﻮﺍﺟﺪ ﻣﻦ ﺑﻜﺮﻩ ﻳﺸﺘﺮﻱ ﻋﺪ ﻭﺭﻳﺶ ﻭﻳﺤﻮﻡ ﺍﻟﺸﻮﺍﺭﻉ ..
♥♥♥♥
ﺩﻯ ﻗﻴﻤﻨﺎ .. ﻭﺩﻯ ﺍﺧﻼﻗﻨﺎ .. ﻭﺩﻯ ﺍﺻﺎﻟﺘﻨﺎ ﺍﻟﺴﻮﺩﺍﻧﻴﻪ.. ﺩﻯ ﺳﻤﺎﺗﻨﺎ ﺍﻟﺒﻨﻨﻔﺮﺩ ﺑﻬﺎ .. ﻭﻧﺨﺘﺺ ﺑﻬﺎ .. ﻋﻦ ﻛﻞ ﺍﻟﺸﻌﻮﺏ..
ﺣﻘﻴﻘﻪ ﻧﺤﻦ ﻣﺘﺸﺮﺑﻴﻦ ﺑﺘﻌﺎﻟﻴﻢ ﺩﻳﻨﺎ .. ﻭﻣﻐﺮﻭﺳﺔ ﻓﻴﻨﺎ ﺍﺧﻼﻕ ﺍﻻﺳﻼﻡ ﻭﺗﻌﺎﻟﻴﻤﻪ ..
ﺍﺻﻴﻠﻪ ﻭﻣﺘﺄﺻﻠﻪ ﻓﻴﻨﺎ ﻭﻻ ﺗﺠﺪ ﻟﻬﺎ ﻗﻮﻩ ﻭﺗﺄﺛﻴﺮ ﻓﻌﺎﻝ ﻓﻰ ﺍﻯ ﻣﻜﺎﻥ ﺁﺧﺮ ﺍﻛﺜﺮ ﻣﻦ ﻫﻨﺎ ..
ﺍﻋﺰ ﻣﻜﺎﻥ ﺑﻠﺪﻯ ﺍﻟﺴﻮﺩﺍﻥ ... ﻭﺭﻭﻋﻪ ﻳﺎ ﺑﻠﺪﻯ..