عيش متفائل وكون متذكر..
تفرد نغمك.. روحك ضو..
تلقى التحتك نبع الكوثر
وصدّق .. بكرة تطير في الجو.. !❤®

البت النسمة الرسمة
الحن الجن
البت الشرقت شرقت ريقنا
حلاوة وريد
البت العيد المارق من أحزان الماضي
غناوي وغيمة ومطرة ونيل
البت القمرة الغنت فال
البت مرجيحة البال.. ❤️®

ان النقاش عبر الرسائل النصيه او المحادثات الكتابيه يعتبر اسوء من النقاش المباشر .,,لان الكلمات بدون نبرات الصوت تصبح اكثر قسوه من الواقع,, فالدماغ بطبيعته يميل الي تأويل الكلمات لأسوء الاحتمالات كلما كانت مجرده من اي تعابير.. ®

المشاوير و الاماني..
والفرح ساعة لقاك..😍®

لن تمنحك الحياة أي هدية، صدقني
إذا أردت أن تكون لك حياة اسرقها..😊®

ﺑﻠﻴﻠﺔ ﻣﺒﺎﺷﺮة ﻭﻻ ﺿﺒﻴﺤﺔ ﻣﻜﺎﺷﺮة..

خاوي العزو طيب وحاشا ماملفوح
خاوي التفدي بالمال والجسد والروح
خاوي القلبو عن كل المزلة صفوح
خاوي الايدو تدي ووشو ديما صبوح..

خاوي الوين مايزكرو
الطيب خيالك يلوح
خاوي البابو دايما
للضيوف مفتوح
خاوي التدي سرك
وضامنو بيه مابوح
خاوي الايدو تدي
و الجبين مطروح ..

خاوي الفي العلن والسر بخاف من ربو
خاوي الكافة الناس تمدحو وبتحبو
خاوي المن ذكرتو بسكتو البتنبو
لا تخاوي البولعلك قميرو ويهبو ..

خاوي اللزوم وبشوش
خاوي الدربو ب تقوي الاله مفروش
فارق الهم ومن الدنيا مالو قروش
خاوي البيتو عاااامر زي نقفة البوش ..

خاوي الكفو زي قدح الدهن نزاز
خاوي الدخري للحوبة ام سلاح نار
وخاوي الفعلو عاقل نضمو كلو مجاز
خاويه المعاه الحق للعدو بنحاز ..

لاتخاوي التجيه يهبش قفاه يحكو
خاوي دخيرة اليوم المحير دكه
خاوي البفدي بي مالو الاثير ويفكه
خاوي البي الكعب مابذكرو مقطوع شكو..

خاوي الديما شايل الشكرة
خاوي الماهو دساس
الرزق لي بكرة
خاوي الطبعو خاتم الجود
وخااتم الضكرة
خاوي العن جميع
العارفو طيب ذكري ..

خاوي السالط الحالاً
بصفي العكرة
خاوي الفارس الجيتو
بتحلي الحكرة
خاوي الشوفتو للزهموت
تجيه السكرة
شال سكينو مابفرز
فحل من بكرة ..

#صباح_الخير.. ™

ﻭﻃﻨﻲ ﻋﺰﻳﺰ ﻭﻣﻦ ﺷﻜﻠﻮ ﻭﻣﻼﻣﺤﻮ ﺍﺩﺍﻧﻲ..
ﻧﻴﻠﻮ ﻣﻐﺬﻱ ﺍﻭﺭﺩﺗﻲ ﻭﻗﺸﻂ ﻭﺟﺪﺍﻧﻲ..
ﺑﻘﻮﻝ ﻟﻠﺪﻧﻴﺎ ﻣﻦ ﺍﺑﻌﺪ ﺑﻌﻴﺪ ﻟﻠﺪﺍﻧﻲ..
ﺭﻣﺰ ﺍﻟﻌﺰﻩ ﻭﻃﻨﻲ ﻭﺑﻔﺘﺨﺮ ﺳﻮﺩﺍﻧﻲ.. ™

ﻓﻴﻬﻮ ﺍﺑﻘﺎﺭ ﻭﻓﻴﻬﻮ ﻧﻴﺎﻕ ﻭﻓﻴﻬﻮ ﺍﻟﻀﺎﻥ..
ﻭﻓﻴﻬﻮ ﺍﻟﻨﺎﺱ ﺑﺘﺘﻘﺎﻟﺪ ﺳﻼﻣﺎ ﺍﺣﻀﺎﻥ..
ﺍﻟﺠﻮﺩ_ ﻭﺍﻟﻨﻔﻴﺮ ﻭﺍﻟﻤﺮﻗﻪ ﻓﻲ ﺭﻣﻀﺎﻥ..
ﻣﻨﺎﻇﺮ ﺗﺒﻘﻰ ﺣﺼﺮﻳﺎ " ﻋﻠﻲ ﺍﻟﺴﻮﺩﺍﻥ.. ™

ﺗﺸﻮﻑ ﺍﻟﺠﺎﺭ ﻳﻜﻮﺱ ﺟﻴﺮﺍﻧﻮ ﺯﻳﻦ ﻭﻳﻄﺎﻳﺐ
ﻭﻓﻲ ﺍﻟﺒﺼﺎﺕ ﺗﺸﻮﻑ ﺍﻟﺸﺎﺏ ﻭﻗﻒ ﻟﻠﺸﺎﻳﺐ
ﻓﻲ ﺳﻮﺩﺍﻧﺎ ﻣﺸﻬﺪ ﻟﻲ ﺳﻮﺍﻧﺎ ﻏﺮﺍﻳﺐ
ﺗﺸﻮﻑ ﺑﺎﻟﺤﻴﻄﻪ ﻣﺪ ﻛﺴﺮﻩ ﻭﻣﻼﺡ ﺍﻟﺮﺍﻳﺐ ™

ﺗﺸﻮﻑ ﺑﻨﻮﺕ ﻣﻬﻴﺮﻩ ﺍﻟﻘﺪﺭﻫﻦ ﻣﺎ ﺍﺗﺤﻮﻝ..
ﺑﺤﻮﺯﻥ ﺩﻳﻤﻪ ﻓﻲ ﺍﻟﺘﻌﻠﻴﻢ ﻣﺮﺍﻛﺰ ﺍﻻﻭﻝ.
ﺗﺸﻮﻑ ﺍﻟﻤﺎﺕ ﻭﻟﻴﻬﺎ ﻭﺟﺎﺭ ﺯﻣﻨﻬﺎ ﺍﺗﻐﻮﻝ
ﺗﻌﻴﺶ ﺟﻨﻴﺎﺗﻪ ﺑﺎﻟﺸﺎﻱ ﻋﻔﻪ ﻣﺎ ﺑﺘﺘﺴﻮﻝ.. ™

ﺍﻟﺨﻴﺮ ﺷﺎﻳﻔﻮ ﻳﺎ ﺑﻠﺪﻱ ﺍﻟﻌﺰﻳﺰ ﺑﻨﺪﻫﻠﻚ
ﺍﻟﻨﻴﻞ ﻟﻲ ﺟﺮﻭﻓﻚ ﻭﺍﻟﻤﻄﺮ ﻓﻮﻕ ﺳﻬﻠﻚ
ﺍﻛﻠﻨﺎ ﺑﻨﺎﻛﻠﻮ ﻣﺎ ﻣﻌﻠﺐ ﺻﻨﺎﻋﺘﻮ ﺑﺘﻬﻠﻚ
ﺑﺠﻴﻨﺎ ﺟﺪﻳﺪ ﻣﻦ ﺍﻟﺤﻮﺍﺷﻪ ﻟﻠﻤﺴﺘﻬﻠﻚ.. ™