ﻭﻣـﺎ ﻛـﻤُﺤَﻤَّﺪٍﷺ ﺧُـﻠُـﻘﺎً ﻭﺧَﻠْﻘﺎً
ﺃﻃـﻞَّ … ﻓﻜَﺎﻥَ ﺇﺷﺮﺍﻕُ ﺍﻟﺤَـﻴﺎﺓِ
ﻋﻠـﻴﻪِ ﺻَﻼﺓُ ﺭﺑِّﻲ … ﻣﺎ ﺃﻋﺎﺩَﺕْ
ﺷِﻔﺎﻩُ ﺍﻟﻜﻮﻥِ ﺣَﻲَّ ﻋﻠﻰ ﺍﻟﺼَّﻼﺓ.. ™
ﺃﻃـﻞَّ … ﻓﻜَﺎﻥَ ﺇﺷﺮﺍﻕُ ﺍﻟﺤَـﻴﺎﺓِ
ﻋﻠـﻴﻪِ ﺻَﻼﺓُ ﺭﺑِّﻲ … ﻣﺎ ﺃﻋﺎﺩَﺕْ
ﺷِﻔﺎﻩُ ﺍﻟﻜﻮﻥِ ﺣَﻲَّ ﻋﻠﻰ ﺍﻟﺼَّﻼﺓ.. ™
حافظ على الجزء التافه في شخصيتك، الجزء الذي يجعلك تضحك بلا سبب وترقص بلا سبب وتبكي بلا سبب وتصرخ بلا سبب وتحب بلا سبب وتكره بلا سبب.
#نجيب_محفوظ.. ®
#نجيب_محفوظ.. ®
مقال اليوم ٧٧
الفترة الفاتت كنت بحضر في حلقات الترابي في الجزيرة ..كل يوم بحضر لي كم حلقة كدا ... كتير ما كنت اضطر اني أعيد جزء من التسجيلات لاني بكون سرحت في كلام الزول ده ... و الخوف يا غالي تسرح طوالي :) ... محتار كنت في التنظيم العصابي ده ...حاجة كدا زي الفرع من فروع المافيا أو الياكوزا أو وحدة من كارتيلات المخدرات في أمريكا اللاتينية ....تأمروا على البلاد و علينا لحدي ما نحن و البلد إتدمرنا تماما ... و كلو لله ...ما بعملوا حاجة ساي نهائي ... أي شئ لله :) !!!!
كعوبية شديدة جدا ... يعني الناس ديل لو كان غرضهم الاساسي تدمير الناس و البلد ما كانو نجحو فيه قدر ده ... لكن هل الكيزان براهم "الكعبين" في البلد دي ؟!!
وحدة من أكبر الوهمات المنتشرة و باهمال شديد إنو "كعوبية" الكيزان دي فيهم هم بس ... و إنو الناس في بلادنا مقسمين قسمين : كيزان كعبين و باقيين كويسين !!!
و ليت الأمر كان كذلك، إذن لسهلت المهمة و لعلت الهمة و أشرقت صباحات بلادنا بعد الليالي المدلهمة : يمشو الكيزان ... البلد تتصلح !!!
و الشهادة لله البلد ما ممكن تتصلح لو الكيزان ما مشو ... لكن هل البلد دي ح تتصلح لمن يمشو ؟!
من ناحية تانية و على صلة وثيقة جدا : لي حوالي شهرين مستني - و معاي شركة أمريكية تهز و ترز - واحد من الأخوان من السودان الشقيق يعمل ابديت للويب سايت في شركتو الخاصة عشان تستوفي شروط العمل مع الخواجة ... كلو جاهز و راشح و القصة فيها من الفوائد لنا و له ما لم تسمع أذناه و تر عيناه و يخطر على قلب زول قاعد في بلد فكة الألف دولار فيها عايزه ليها درداقة ... و هذا الرجل - حتى لا تظنو به الظنون - من خير من قابلت في الدنيا أم قدود على المستوى الشخصي ... لكن بس كدا ... أي حاجة فيها شغل و فيها سودانيين نسبة الفشل فيها "واجدة" إلا من رحم ربي !!!
و من ناحية تالتة و على صلة أوصل من صلة الناحية التانية ... كلفني أحد الأخوان بمتابعة موضوع ليهو هنا في أمنا أمريكا ... أخد مني وقت و جهد و مالا ذاتو ... فقط نحتاج معلومة منو عشان موضوعو يتم ... الراجل زايغ مني كأنو هو البساعد فيني :) ... و كلو كدا و جنس ده ... تخش مع سوداني في شغل أو حتى تساعدو ساي ... يحير حنان حنانك بالسبهللية في التعامل و بعدم المهنية و بحاجات لو فكرت فيها شوية بتعرف لماذا يحدث ما يحدث في بلادنا ... و بالطبع لا أعمم لكنها السمة الغالبة و الغالبة جدا من نتاج تعاملاتي الشخصية !!
الفئة المثقفة و المتعلمة و التي يؤل إليها مصائر الناس في بلادنا ... الناس المفروض عليهم التكلان في احداث أي تغير حقيقي عاطلون عن إحداث أي تغيير ...و أنا لا اتحدث عن الساسة فقط ... اتحدث عنا جميعا ... بلادنا بلا وجيع !!!
و من فوق ركام ألهم و الاحباط يطل شباب - أولاد و بنات زي الورد - يسقفون سماء بلادنا بالاحلام ... شارع الحوادث ... نفير ...صدقات و غيرهم...منظمات شبابية عرفو كيف يعملو مع بعض من أجل فكرة ... ديل الفيهم الامل و عليهم التكلان .... ديل أفراحنا البنمسح بيهم أحزان الزمن !!!
من ضمن أفارحنا ديل ... تعرفت على شباب عملوا مجموعة عصف ذهني think tank سموها “Institute of Tomorrow” و هي عبارة عن منصة فكرية بتبحث عن حلول مستدامة لمشاكل السودان الابت تتحل دي ... و الكلام ما تنظير ...الفكرة بدأها شخص واحد ...الان هم متمددين في مدن و عواصم داخل و خارج السودان و لديهم حلول و مشاريع تمشي على الأرض !!
فكرتهم انهم يربطوا كل السودانيين المحترفين في مجالاتهم خارج السودان من سيدني لسنغافورة لدبي للندن لنيويورك للوس أنجلوس عشان يساعدو الناس الزيهم في السودان .... بقدموا free mentor-ship sessions عن طريق فيسبوك لايف في صفحتهم في الفيسبوك ....
بقدموا استشارات مجانية لرفع كفاءة الخدمات والطاقة والطيران في السودان ... بشتغلوا مع الجامعات السودانية انها تحول مشاريع تخرجها لمشاريع تخرج بتحل مشاكل في السودان... و بجيبوا تمويل للمشاريع دي !!!
الان هم مرشحين لبرنامج زمالة التغيير في مركز أبحاث ناسا بسيليكون فالي !!
الشباب ديل ما محتاجين تبرعات ...محتاجين الناس تشارك معاهم بالفكر و بالعمل ... محتاجين الناس تنضم ليهم و تزرع البذرة دي في كل ميل في بلادنا ... محتاجين دعمنا و مشاركاتنا ...فهلا مددنا لهم يد العون عسى أن يرفع الله بنا و بهم بلادنا المنكوبة ؟!!!
-------------------
دي الويب سايت حقهم
www.iotsudan.org
وصفحتهم في الفيس بوك:
www.facebook.com/iotsudan
#امين_محمد_سليمان ..
#اشياءبسيطة ..
الفترة الفاتت كنت بحضر في حلقات الترابي في الجزيرة ..كل يوم بحضر لي كم حلقة كدا ... كتير ما كنت اضطر اني أعيد جزء من التسجيلات لاني بكون سرحت في كلام الزول ده ... و الخوف يا غالي تسرح طوالي :) ... محتار كنت في التنظيم العصابي ده ...حاجة كدا زي الفرع من فروع المافيا أو الياكوزا أو وحدة من كارتيلات المخدرات في أمريكا اللاتينية ....تأمروا على البلاد و علينا لحدي ما نحن و البلد إتدمرنا تماما ... و كلو لله ...ما بعملوا حاجة ساي نهائي ... أي شئ لله :) !!!!
كعوبية شديدة جدا ... يعني الناس ديل لو كان غرضهم الاساسي تدمير الناس و البلد ما كانو نجحو فيه قدر ده ... لكن هل الكيزان براهم "الكعبين" في البلد دي ؟!!
وحدة من أكبر الوهمات المنتشرة و باهمال شديد إنو "كعوبية" الكيزان دي فيهم هم بس ... و إنو الناس في بلادنا مقسمين قسمين : كيزان كعبين و باقيين كويسين !!!
و ليت الأمر كان كذلك، إذن لسهلت المهمة و لعلت الهمة و أشرقت صباحات بلادنا بعد الليالي المدلهمة : يمشو الكيزان ... البلد تتصلح !!!
و الشهادة لله البلد ما ممكن تتصلح لو الكيزان ما مشو ... لكن هل البلد دي ح تتصلح لمن يمشو ؟!
من ناحية تانية و على صلة وثيقة جدا : لي حوالي شهرين مستني - و معاي شركة أمريكية تهز و ترز - واحد من الأخوان من السودان الشقيق يعمل ابديت للويب سايت في شركتو الخاصة عشان تستوفي شروط العمل مع الخواجة ... كلو جاهز و راشح و القصة فيها من الفوائد لنا و له ما لم تسمع أذناه و تر عيناه و يخطر على قلب زول قاعد في بلد فكة الألف دولار فيها عايزه ليها درداقة ... و هذا الرجل - حتى لا تظنو به الظنون - من خير من قابلت في الدنيا أم قدود على المستوى الشخصي ... لكن بس كدا ... أي حاجة فيها شغل و فيها سودانيين نسبة الفشل فيها "واجدة" إلا من رحم ربي !!!
و من ناحية تالتة و على صلة أوصل من صلة الناحية التانية ... كلفني أحد الأخوان بمتابعة موضوع ليهو هنا في أمنا أمريكا ... أخد مني وقت و جهد و مالا ذاتو ... فقط نحتاج معلومة منو عشان موضوعو يتم ... الراجل زايغ مني كأنو هو البساعد فيني :) ... و كلو كدا و جنس ده ... تخش مع سوداني في شغل أو حتى تساعدو ساي ... يحير حنان حنانك بالسبهللية في التعامل و بعدم المهنية و بحاجات لو فكرت فيها شوية بتعرف لماذا يحدث ما يحدث في بلادنا ... و بالطبع لا أعمم لكنها السمة الغالبة و الغالبة جدا من نتاج تعاملاتي الشخصية !!
الفئة المثقفة و المتعلمة و التي يؤل إليها مصائر الناس في بلادنا ... الناس المفروض عليهم التكلان في احداث أي تغير حقيقي عاطلون عن إحداث أي تغيير ...و أنا لا اتحدث عن الساسة فقط ... اتحدث عنا جميعا ... بلادنا بلا وجيع !!!
و من فوق ركام ألهم و الاحباط يطل شباب - أولاد و بنات زي الورد - يسقفون سماء بلادنا بالاحلام ... شارع الحوادث ... نفير ...صدقات و غيرهم...منظمات شبابية عرفو كيف يعملو مع بعض من أجل فكرة ... ديل الفيهم الامل و عليهم التكلان .... ديل أفراحنا البنمسح بيهم أحزان الزمن !!!
من ضمن أفارحنا ديل ... تعرفت على شباب عملوا مجموعة عصف ذهني think tank سموها “Institute of Tomorrow” و هي عبارة عن منصة فكرية بتبحث عن حلول مستدامة لمشاكل السودان الابت تتحل دي ... و الكلام ما تنظير ...الفكرة بدأها شخص واحد ...الان هم متمددين في مدن و عواصم داخل و خارج السودان و لديهم حلول و مشاريع تمشي على الأرض !!
فكرتهم انهم يربطوا كل السودانيين المحترفين في مجالاتهم خارج السودان من سيدني لسنغافورة لدبي للندن لنيويورك للوس أنجلوس عشان يساعدو الناس الزيهم في السودان .... بقدموا free mentor-ship sessions عن طريق فيسبوك لايف في صفحتهم في الفيسبوك ....
بقدموا استشارات مجانية لرفع كفاءة الخدمات والطاقة والطيران في السودان ... بشتغلوا مع الجامعات السودانية انها تحول مشاريع تخرجها لمشاريع تخرج بتحل مشاكل في السودان... و بجيبوا تمويل للمشاريع دي !!!
الان هم مرشحين لبرنامج زمالة التغيير في مركز أبحاث ناسا بسيليكون فالي !!
الشباب ديل ما محتاجين تبرعات ...محتاجين الناس تشارك معاهم بالفكر و بالعمل ... محتاجين الناس تنضم ليهم و تزرع البذرة دي في كل ميل في بلادنا ... محتاجين دعمنا و مشاركاتنا ...فهلا مددنا لهم يد العون عسى أن يرفع الله بنا و بهم بلادنا المنكوبة ؟!!!
-------------------
دي الويب سايت حقهم
www.iotsudan.org
وصفحتهم في الفيس بوك:
www.facebook.com/iotsudan
#امين_محمد_سليمان ..
#اشياءبسيطة ..
Forwarded from Deleted Account
Dr.lujin:
السلام عليكم ورحمة الله
يا جمااعة في مريضة مرقدة في مستشفى اسيا وحصل ليها حادث وعندها كسر واتقررت ليها عملية .. 😞
محتاجة دم شدييييد وفصيلتها A negative .. يا رييت اي واحد بيقدر يتبرع ما يتردد لانو البت محتاجاهو شديد وعيلتها كلهم فصيلتهم مختلفة .. ودي ارقام التواصل ..
٠١٢٣٠٧٢٢٨٧
٠٩١١٢٨٣٩٤٥
والله ربنا عمرو ما حيضيع عمل عملتو خالص لوجهو ودي حياة انسانة ( ومن احياها كانما احيا الناس جميعا )
ي ريت الناس كلها تساعد و تشير
عشان احنا فينا الخيير
السلام عليكم ورحمة الله
يا جمااعة في مريضة مرقدة في مستشفى اسيا وحصل ليها حادث وعندها كسر واتقررت ليها عملية .. 😞
محتاجة دم شدييييد وفصيلتها A negative .. يا رييت اي واحد بيقدر يتبرع ما يتردد لانو البت محتاجاهو شديد وعيلتها كلهم فصيلتهم مختلفة .. ودي ارقام التواصل ..
٠١٢٣٠٧٢٢٨٧
٠٩١١٢٨٣٩٤٥
والله ربنا عمرو ما حيضيع عمل عملتو خالص لوجهو ودي حياة انسانة ( ومن احياها كانما احيا الناس جميعا )
ي ريت الناس كلها تساعد و تشير
عشان احنا فينا الخيير
#ﺍﻣﺜﺎﻝ_ﺳﻮﺩﺍﻧﻴﺔ..
126- ﺍﻟﺸﻴﻦ ﺿﺮﺱ ﻭﺭﺍﻧﻲ..
127- ﺍﻟﺤﺎﺭﻱ ﻣﺘﻌﺸﻲ..
128- ﺍﺧﺮ ﺍﻟﻌﻼﺝ ﺍﻟﻜﻲ.
129- ﺩﻗﺎﻧﻲ ﻭﺑﻜﻲ ﻭﺳﺒﻘﻨﻲ اﺷﺘﻜﻲ..
130- ﺗﻤﺮ ﺍﻟﻔﻜﻲ ﺷﺎﻳﻠﻮ وﻣﺸﺘﻬﻲ.. ™
126- ﺍﻟﺸﻴﻦ ﺿﺮﺱ ﻭﺭﺍﻧﻲ..
127- ﺍﻟﺤﺎﺭﻱ ﻣﺘﻌﺸﻲ..
128- ﺍﺧﺮ ﺍﻟﻌﻼﺝ ﺍﻟﻜﻲ.
129- ﺩﻗﺎﻧﻲ ﻭﺑﻜﻲ ﻭﺳﺒﻘﻨﻲ اﺷﺘﻜﻲ..
130- ﺗﻤﺮ ﺍﻟﻔﻜﻲ ﺷﺎﻳﻠﻮ وﻣﺸﺘﻬﻲ.. ™