أتكل حيلك على ربنا..لو كِمل حيلك رحمة ربنا ما بتكمل..
#صباح_المواكب..
#مليونية17_يناير..
#الثورة_مستمرة..
💜⁦✌️⁩💜

السلام عليكم ورحمة الله وبركاته..
حوجة مستعجلة ل 3 بكت بامبرز مقاس كبير.
لخالة مُتعففة كبيرة في السن بتعيلها بتها ووضعهم صعب شديد الله المستعان..
بتحتاج 3 بامبرز في اليوم.. عايزين نوفر ليها 3 بكت بإذن الله..

سعر البكت = 5,250
إجمالي الحوجة 15,750

للمساهمة:
0965390066
0995916668
0129510123
بنكك:
2727533
خلود محمد يونس

فضلا إرسال الإشعار🌸

نهدي الحبيبة أغاني الجان وسقوط البرهان💛..
#ألف_رحمة_ونور

#مليونية17يناير
#لا_لحكم_العسكر

١٧ يناير ١٩٩٦ م فقدنا ضُلنا مصطفى سيد أحمد بعد معاناة من الغربة والبعد القسري عن أرض الوطن و سنوات من المرض الذي انهك جسده ، لم يغب فيها صوته عن البيوتات و الشوارع ولازال صوت عم عبد الرحيم وهو يهمهم يمثل ذلك الحزن النبيل في قلب الوطن..

يا ابو السيد كيفن بعد وقفت كلاك صوتك قدر يصنع خريف !!
مرسى وكمنجة وبرتكان
تبروقة ، مقعد للكسيح
يا زول ملاك
يا مشرع الحلم الفسيح..
الذكرى السادسة والعشرون لرحيل الفنان الإنسان مصطفى سيد أحمد.. 💔

#الف_رحمه_ونور 😭💛

#مليونية17يناير
#لا_لحكم_العسكر

هذا الصباح

♥️♥️♥️♥️

في بدايه الالفينات و الخرطوم لسه بي خيرها ، و ما نخر في عضمها السوس زي هسي ..

كل شي كان رايق اكتر ، ما عارفه هل دي حقيقه ولا خيالي بس راسم لي الفكره دي .

الخرطوم ياها ، بي شجرها و شوارعها و تقاطعاتا الما مفهومه ، الزحمه يمكن اقل ، بي بيوتا و عماراتا و دكاكينا الفاتحه لي اخر الليل ، الجوطه الفظيعه بالنهار و الليل الرايق نسبيا ...

حاجه واحده بتربطا كلها ..

صوت محمود !

محمود كان الصوت البتسمعه في كل مكان .. حرفيا في كل مكان ..

في الوقت داك و انا اصغر بي كتير ، كنت شايفاه مجرد زول بيغني يعني! ليييه الضجه دي !

بس فعلا كنت صغيره شديد ..

ما انتبهت و انا من رقشه لي حافله لي امجاد لي كفتيريا لي محل طرح في سوق مدني ، لي مطعم..

ما انتبهت انه بيتسرب في المسام ، بمشي مع الروح و بيسكنك !

لي درجه انك لما ذاكرتك تجيب صوره زقاقات السوق في مدني ، تلقائيا بتجيب ليك صوت محمود في الخلفيه ..

افتكر في زي كم الف رقشه مكتوب في ضهرها ، يا مدهشه !

ماف رقشه ما كان فيها صوره الحوت ( ساب البلد )

الشريط العجيب جدا !

كافتيريات السوق العربي و الدنيا سخانه و اتنين قاعدين في طربيزه مشمع و عرقانين و هي خجلانه و هو مرتبك و الحر سيد الموقف و مروحه بايخه شغاله بتزن ..

برضو صوت محمود هناك ..

يا روحي انصفني .. يا روحي

لأنه قاسي علي انا يا حبيب ظلمك ...

في مدني في السوق الكبير و محطه الامجاد ،، محاطين بي دكاكين و محلات من كل شكل و لون ، محلات عصير ، و بتاع عصير قصب تحديدا في الركن هناك ..

الحاجات دي كلها جنب المستشفى !

مستشفى الكلى و المستشفى العام ، و القمسيون الطبي و في النص كده في قسم شرطه !

قادر تتخيل كميه البشر الفي الحته دي ..

اها الشارع ده بي كل تفاصيله و تباينه و تباين الغلابه الفيه .. بيلقاك صوت محمود بالاحضان

زي البيودعك من محل و يدخلك لي محل ..

- زمني الخاين ما لقيتلو شعور ، ظلمك باين ، جافيت النوم .
- ابقي الصمود ما تبقي زيف ، ابقي احتمال نبض الحروف ما تبقي خوف !
- اتعلمنا من ريدا نحب الدنيا و نريدا

محمود شريك كل اللحظات ، كل الخيبات ، كل الافراح و الانتصارات ، شريك المحبه ، كلام الريده و جوابات الحب ، دموع الشوق و لهفه المحبين و لوعتم .. رفيق الامتحانات ، السهر ، الداخليات التعبانه ، كافتيريات السوق اللي شهدت على كتير ، محطات المواصلات ، ضل الشدر ، ستات الشاي و الفلس ، محفور في الوجدان و الاذهان ..

في صديق قال لي اكتبي لينا عن محمود ..

كان ردي طوالي ، انا ما بقدر !!!

محمود ما بقدر اكتب عنه ، محمود هو كتبني !

غريبه الدنيا جمعتنا و بيقولو عليها رواحه ..!

♥️♥️♥️

#سلمى_المصباح

في ذكرى وفاة الحوت .. لسة جوانا حي ما مات

#مليونية_17_يناير

لاحول ولا قوة الا بالله..انا لله وانا اليه راجعون..
الخالة اتوفت.. دعواتكم ليها بالرحمة والمغفرة..

‏تنسيقيات لجان مقاومة مدينة الخرطوم

الي الثوار والثائرات، نعلن التتريس والتصعيد الكامل لكل شوارع مدينة الخرطوم.

اللجنة الميدانية
١٧يناير ٢٠٢٢

‎#مليونية17يناير
‎#لاتفاوض_لاشراكة_لاشرعية ..

مجزرة تتلوها مجزرة.. أما شبعتم يا قتلة؟..

حسبي الله ونعم الوكيل..

#مليونية17يناير..
#مجزرة17يناير..
#الردة_مستحيلة..
#يسقط_حكم_العسكر..

تنسيقيات لجان مقاومة مدينة أمدرمان الكًبرى

بيان مهم!

للسودان مواقفنا
وللسودان عواطفنا
ولما تهب عواصفنا ما حيلة قوانينك.

آلة الإنقلاب العسكري، ترتكب مجزرة في أبناء هذا الشعب الكريم.
ستحسم هذه المعركة بالصبر والصدق، وستُشيع اللجنة الأمنية للسجون بحق سفكها لدماء السودانيين.

نُهيب بجميع أبناء أمدرمان في أمبدة،ودار السلام، وكرري ، وأمدرمان القديمة وجنوب أمدرمان للخروج وإغلاق الشوارع كلياً، حداد على الشهداء وغضبا من عسف السلطة.
لنعلن أمدرمان منطقة مقفولة.

مكتب الإعلام - تنسيقيات مدينة أمدرمان الكبرى
١٧ يناير ٢٠٢٢

#أمدرمان_منطقة_مقفولة
#مليونية17يناير
#مجزرة17يناير
#لاتفاوض_لاشراكة_لاشرعية ..

⭕ حوجة عاجل لكوادر طبية الان في مستشفي الجودة..

تلقى يا سفّاح جزاك يصرخ التار فينا لِسّه..

#مجزرة17يناير..
#الردة_مستحيلة..
#يسقط_حكم_العسكر..
#برهان_سفاح..

يتبعون ذات النهج ثم ينتظرون الحصول على نتائج مختلفة.
كوبر مصيرهم..
ثم المشانق ان شاء الله ..✌🏽
#مليونية17يناير
#الردة_مستحيلة ..