يوميات #علوب ...59......ورا ( البسمات ) كتمتا ( ضلوع ) ..!!!

مشينا لينا رحلة في العيد الفات ده ...!!! شلتنا زمان ايام الجامعة ..!!! ولينا زمن ما اتلاقينا (فيس تو فيس ) بس ياهو (الفيس ) نتقالد باللايكات ....!!! المهم كانت لمه لذيذه ...ودكريات حلوه ...ولقينا ليك واحدات عرسن وجن خامات عيالن..!!
..!!! قلنا خير وبركه ..!! لكن جزء كبير من الشباب لِسَّه طاير ....!!! اها جات من الضمن واحده كانت زميلتنا وفردتنا شديد اسمها (بسمات ) زوله لذيذه شديد ودي الوحيده الشباب زمن (الجاهليه ) والجامعه فشلو في تصنيفا سمحه ولا شينه ...!!! لانو روحا ذاتا مابتديك فرصة تصنف ....!!! حاجه كده عجيبه ....!!! بعدين عفويه جدا ... واصلو مابتتلفت ...!!! وماعندها حركات البنات ديك ..!! ( أنا لا اكذب ولكني أتجمل) بتقش اي حاجه ...!!! البت الوحيده الكانت بتمشي معانا (البوش ) والفتت تاكل لما (تتشرق ) وتبقي ماشه ...!! ولو مادفعت حق ( الشيرنق ) مابتاكل ....!!! نحنا كنّا سامنها (عباس ) اي والله عديييل كده ...!!! واصلو مابتعترض ..نلاقيها عااادي ....وين يا ( عبس ) والله بترد كأنو اسما ....!! اها (بسمات ) جات الرحلة ...!!! والله لما اتكيفنا ....!! كمان جات بي خطيبا ...!! نحن قلنا الليلك الا نشوف خطيب ( بسمات ) دي ..!! أكيد ده زول ( شفت ) الاكتشفا ده ....!! طلع ولد لطيف كده ومهذب النوع المسكين داك ..!!!
قلنا ليها ده جبتي من وين يابسمات ..!!! وغشيتي كيف ...!!؟ قالت والله هو الغشاني ....!!! ماتشوفو مسكين كده يحنن ..!!! قلنا ليها والله لو ما مسكين مابقع فيك ...!! أوعي بس تكوني غاشاهو وعاملا ليهو البت رقيقة وحساسة ....!!! اخدت ليها ضحكه من ضحكاتا الزمان ديك ...!! أي زول أتلفت ...!!! قالت الله يجازيكم انتو لي هسه في جنكم ده ....!! قلنا ليها والله لو ماقلتي لينا بنكلمو ...!!! وكانت المفاجآه انها طوالي نادتو ...!!! طلع اسمو ( معاذ ) انتو قايلين قالت لي شنو ....!!! تعال يا (معاذ ياابو عيونن لذاذ) ....!!! تعال نعرفك علي أصحابي ديل ...!!! نحن صبت فينا مطرا ....وزولك (ابو الما ) اصلو
ماكضب طوالي جا ...!!! قالت ليهو من قبيل (بزرزرو ) فيني قالو لي لقطتي الود (المز ) ده من وين ...!!! (هو ذاتو زول جنتل كده وقيافه ..) ..حتي ناس (وفا) قبيل قطعوا فيهم انا سامعن ...!!!! قالت صحي (الشينات ) حظهن عالي ..!!شوفي (بسمات) الجابتو ...!!! ( دورن الحاقدات ) ....!! اها (معاذ ) طوالي رجع ليها (الباص ) قال ليها وليه ماكلمتيهم ...!!!؟. قالت لي دايرا أكلمم قدامك عشان يصدقوني ...!!!! وأتلفتت علينا ....اها عاد النكلمكم ( معاذ ) ده صيدلي ...!! اصلي يوم واحد في حياتي ماشفتو ..!!!وجني وجن الصيدليات ...!!! مشيت اليوم داك الصيدلية اشتري لي دوا لي ود اختي الصغير..!! حرارتو مرتفعه ....!! اها قام هو سألني عمرو كم ...!! ومن متين الحرارة ..!!؟ والحنك ده ....!!! المهم شرحتا ليهو قام اداني الدوا ...!!! وشرح لي طريقة الاستعمال..!!! قال لي انت (أمو ) مش كده ....!!!؟قلتا ليهو هسي امانتن في ذمتك دي خلقه يعرسوها وتجيب ولد ...!!! عليك الله ادينا الدوا ماتقلب علينا المواجع ....!! والله معاذ القدامك ده ضحك لما عايز يقع ،...!!! قال لي ياخ بالغتي في زول بقول عن نفسو كده ...!!؟ قلتا ليهو ايوه انا دي ...!! عجبك ....!! والنزيدك من الشعر بيت ..!! أصحابي في الجامعه كانو بقولو لي (عباس ) ....صاح ياشباب ..!!؟ نحن بس نعاين ماقادرين نتكلم قدام ...(ابو الزوز) .....حالتي غمزتا ليها ماتحرجنا مع الراجل .....!!! طوالي قالت ليهو اها علوب غمز لي ما أكلمك .....!!! ومعاذ حسينا بيهو داير يطير من الفرح ...( له الحق وهي بكل هذه التلقائية والحضور ) قال ليها تمي ليهم القصة ...!! قالت اها قلتا ليهو ادينا الدوا ياخ جعانين
النمشي نحصل لينا عضه قبل ماتمغرب ...!!! والله ياحبايبي وماطالبني حليفه...!!! معاذ ده بس فاتح خشمو يعاين لي ...!!! وانا وحاتكم ولا شغاله بي الشغلا ..!!! قال لي ياخ انت ألذا زول اشوفو قريب ده ...!!! قلنا ليهو ولا أظن حتشوف ...!! ادينا الدوا خلينا النتخارج ....!!! قال لي بديك الدوا ...بس حلفتك بي الله تجي تاني ...!! قلتا لي عليك الله الحنك بتاع الدكاتره ده انا مابقسم معاي .....!!! انتا قايلني انا قريت صيدله ..!! كان دايرني هداااك بيت أبوي ...!! طبعا انا قلتها ساكت بي حركاتي الإنتو عارفناها ديك ..!!! تنقرو ماجا ...والله جا ذي الماحصلت حاجه .....!!! أسبوع كده (معاذ ) اتصل بي ...!! النصيحه انا اديتو التلفون وقسما بالله مالي اي حاجه بس عشان لو في حاجه في الدوا اختي تسألو ...!! معتصم صاحبنا قال ليها (اختتتتك ) برضو ...ونحن ضحكنا ...!! خبتت ليك معتصم بالشنطه في نص ضهرو ...!! وواصلت عادي ....!! اها ضرب لي قال لي انا معاذ ....!! والله نسيتو..!! قلتا ليهو معاذ منو ..!!؟؟ قال لي معاذ ياخ الصيدلي

بتاع دوا ود أختك نسي الصيدلة القراها كلها بقي تخصصوا دوا ود اختي ....!!! ماعلينا قلتا ليهو ايوااا .....!! اهلًا خير..!! قال لي انت مش قلتي لي هداااك بيت أبوي ..!! اها انا جاي أخطبك ...قربتا أقول لي النمرة غلط ...!! لانو دي المره الوحيده في حياتي الشعرتا فيها انو انا بت وبتتخطب وكده ..!! المهم باختصار اخدنا قعده كده وفعلا جا خطبني وعقدنا الشهر الجاي ..!! اها ان شاء الله بس اتفشيتو وعرفتو ...!!! ومعاذ يضحك ساااكت ...ويتابع بي إعجاب والله نحن قربنا نبشر ... ياها المحريه فيك يابسمه ..!!! ذات اللطف والعذوبة والصدق والبهاء ....وليك حق تتكسر ياعزوز ...!! نوع (عباس ) دي بتخلي ايامك باسطة....
اها بعد شويه قامو ضبحو خروف الرحلة ولما جات سيرة (الكمونيه ) وحيعملوها كيف ....الجكس ده كلو قعد يضاير ...كل واحده دخلت في شخصية (جنيفر لوبيز ) وواحدات نكرنها حطب ...!! والله الساعة ( بسمات ) وقفت كده علي حيلا ووقالت بسسس (الكمونيه ) دي قلتها وانا ستها ....!! نحنا طوالي صفقنا....!!! وقالت كده قعدت فيها ذي (الغسال ...!! ومعاذ ..حلاتو قعد جنبها يمسك ليها وهي تقطع ...لوحه بس .....!!!
أقعدن انتن اتضايرن وخشن في الشخصية ...!!لا تلمن في الكمونيه ..!! ولا عِش الزوجية ..
مبسوط منكم ياعزوز وبسمه ....بيت مال (وكوارع) ...وتغنيلو بت (عباس ) ياعينيا انا ...(وزوزو) اخد الكاس ياعينيا انا ...(عبس ) يا ..

#اشياءبسيطة..

#صباح_الخير_ﻳﺎﻭﻃﻦ.. ™

ﻧﺤﻦ ﺑﻨﺤﺐ ﺷﺎﻯ ﺍﻟﺼﺒﺎﺡ.. ™

ﻳﻼ ..ﻓﻰ ﺣﺎﺟﺎﺕ ﺑﺴﻴﻄﻪ..
ﺇﺳﺒﺮﻳﻦ ﻓﻰ ﺟﻴﺐ ﺷِﻨﻴﻄﻪ..
ﻭ ﻓُﺮﺷﻪ ﺳَﻜﻨﺖ ﺟُﻮﻩ ﺣِﻴﻄﻪ..
ﻭﺷﺎﻓﻌﻪ ﻻﻳﻮﻗﺔ ﻭﻋﺒﻴﻄﻪ.. ™

ﺍﻟﻤﻨﺎﻇﺮ ﻫﻲ ﺯﺍﺗﺎ..
ﺍﻟﺼﻮﺭ ﻧﻔﺲ ﺍﻟﻤﺸﺎﻫﺪ..
ﺍﻟﺸﻮﺍﺭﻉ ﻭﺍﻟﺒﻴﻮﺕ..
ﺍﻷﻣﺎﻛﻦ ﻭﺍﻟﻤﻘﺎﻋﺪ..
ﻭﺍﻟﺰﻣﺎﻥ ﺛﺎﺑﺖ ﻣﻜﺎﻧﻮ..
ﻭﺍﻟﺮﻗﻢ ﺍﻟﻠﺴﺔ ﻭﺍﺣﺪ.. ™

يشهد الخالق علينا
اني شايلك في جواي
انتي اكبر من رئاسة
وانتي اكبر من معارضة
انتي شعب بروح وفكرة
👁📖✋👬👭👨‍👨‍👧‍👦👩‍👩‍👧‍👧💪🇹🇷
©

#ﺍﻣﺜﺎﻝ_ﺳﻮﺩﺍﻧﻴﺔ..
16- ﺍﻟﺘﺴﻮﻱ ﺑﻲ ﺍﻳﺪﻙ ﺍﻏﻠﺐ ﺍﺟﺎﻭﻳﺪﻙ..

17- ﺍﻟﺒﺮﻗﺺ ﻣﺎ ﺑﻐﻄﻲ ﺩﻗﻨﻮ..

18- ﺍﻟﻌﻨﺪﻭ ﺿﻬﺮ ﻣﺎﺑﻨﺪﻕ ﻋﻠﻲ ﺑﻄﻨﻮ..

19- ﺍﻟﻜﻠﺐ ﺑﺮﻳﺪ ﺧﺎﻧﻘﻮ..

20- ﻛﺮﺍﻉ ﺍﻟﺒﻘﺮ ﺟﻴﺎﺑﻪ.. ™

وأهو بحاول أعمل حاجة صالحة في حياتي
🙊
©

عندما تتألق السماء في
حضور المغيب.. ™

ﻳﻮﻡ ﻧﻜﻮﻥ ﻓﻲ ﺍﻟﺒﻴﺖ ﺑﺮﺍﻧﺎ ..
ﺍﻣﻲ ﺭﺍﺣﺖ ﻟﻲ ﻣﻜﺎﻧﺎ ..
ﺍﺧﺘﻲ ﺗﻐﻤﺮﻧﻲ ﺑﻲ ﺣﻨﺎﻧﺎ ..
ﻫﻲ ﺑﺘﻌﻮﺿﻨﻲ ﺍﻟﻜﺘﻴﻴﺮ .. 😍

مقال اليوم ٧٣

ﺍﻟﺴﻌـﺎﺩﻩ ﻻ ﺗﺤﺘﺎﺝ ﺍﻟﻲ ﺍﻟﻤﺎﻝ ..
ﻣﻦ ﺍﻛﺘﺮ ﺍﻟﺤﺎﺟﺎﺕ ﺍﻟﻌﻘﻠﻰ ﻣﺎ ﻛﺎﻥ ﻗﺎﺩﺭ ﻳﻬﻀﻤﺎ .. ﺍﻧﻮ ﻛﻴﻒ ﺍﻷﺏ ﺑﻴﺤﺐ
ﺍﻃﻔﺎﻟﻮ ﻛﻞ ﻫﺬﺍ ﺍﻟﺤﺐ ﺍﻟﺠﺎﺭﻑ .. ﺭﻏﻢ ﻛﻞ ﻣﺎ ﻳﺴﺒﺒﻮﻧﻪ ﻣﻦ ﻣﺘﺎﻋﺐ ..ﺷﻐﺐ
ﻭ ﺻﻴﺎﺡ .. ﻭ ﻛﺄﻧﻬﺎ ﻋﻼﻗﺔ ﻣﻦ ﺍﺗﺠﺎﻩ ﻭﺍﺣﺪ .. ﺍﻷﺏ ﻳﻌﻄﻰ .. ﻭ ﻳﻌﻄﻰ ..
ﻭ ﻳﻌﻄﻰ .. ﻭ ﺍﻟﻄﻔﻞ ﻳﺄﺧﺬ .. ﻭ ﻳﺄﺧﺬ .. ﻭ ﻳﺼﻴﺢ ! ﻓﻠﻤﺎﺫﺍ ﻛﻞ ﻫﺬﺍ ﺍﻟﺤﺐ
.. ﻭﻟﻤﺎﺫﺍ ﻳﻜﻮﻥ ﺟﺎﺭﻓﺎً .. ﻳﺒﺪﻭ ﺃﻥ ﻭﺭﺍﺀ ﺍﻟﻘﺼﺔ ﻗﺼﺔ !
ﻗﺒﻞ ﻗﻠﻴﻞ ﻻﺣﻈﺖ ﺍﻥ ﻗﻠﺒﻰ ﻣﺒﺘﺴﻢ ﺍﺑﺘﺴﺎﻣﺔ ﻛﺒﻴﺮﺓ .. ﺭﺟﻌﺖ ‏( ﺧﻠﻒ ‏)
ﺑﺬﺍﻛﺮﺗﻰ ﻟﻌﻠﻰ ﺃﺟﺪ ﺳﺒﺒﺎً ﻟﻤﺎ ﻳﺤﺪﺙ .. ﻓﻌﺮﻓﺖ ﺳﺒﺐ ﺍﻻﺑﺘﺴﺎﻡ .. ﻗﺒﻴﻞ
ﻭﺍﻧﺎ ﻻﻓﻰ ﻓﻰ ﺳﻮﻕ .. ﻭ ﺟﺪﺗﻬﺎ ﺗﺤﺎﻭﻝ ﻭ ﺑﺠﺪﻳﺔ ﺃﻥ ﺗﻠﺒﺲ ﺣﺬﺍﺋﻬﺎ ﺍﻟﺼﻐﻴﺮ
.. ﻃﻔﻠﺔ ﺗﺸﻊ ﺑﺮﺍﺀﺓ .. ﻳﺒﺪﻭ ﺍﻧﻬﺎ ﺳﻮﺩﺍﻧﻴﺔ .. ﻗﺮﺑﺖ ﻟﻴﻬﺎ ﻭ ﺳﺎﻋﺪﺗﻬﺎ ﺗﻠﺒﺲ
ﺍﻟﺤﺬﺍﺀ .. ﺻﺤﻴﺢ ﺍﻥ ﻻ ﺧﺒﺮﺓ ﻟﻰ ﻓﻰ ﺍﻟﻤﻮﺿﻮﻉ .. ﻟﻜﻦ ﻓﻰ ﺍﻟﻨﻬﺎﻳﺔ ﻛﺎﻥ
ﺍﻟﺤﺬﺍﺀ ﻳﺰﻳﻦ ﻗﺪﻣﻬﺎ ﺍﻻﻧﻴﻖ .. ﻭ ﺍﻧﺎ ﺍﻧﻄﻠﻘﺖ ﻭ ﺍﺑﺘﺴﺎﻣﺔ ﺗﺰﻳﻦ ﻗﻠﺒﻰ ..
ﻫﺎ ﺍﻧﺎ ﺫﺍ .. ﺃﺫﻥ ﺍﻟﻔﺠﺮ ﻭ ﺍﻧﺎ ﺍﺣﺎﻭﻝ ﻓﻬﻢ ﻣﺎ ﺣﺪﺙ .. ﻓﻘﻂ ﻷﻥ ﺻﻐﻴﺮﺓ
ﻣﻨﺤﺖ ﻏﺮﻳﺒﺎً ﻓﺮﺻﺔ ﺃﻥ ﻳﺴﺎﻋﺪﻫﺎ ﻓﻰ ﻟﺒﺲ ﺣﺬﺍﺀ .. ﻓﻤﻨﺤﺘﻪ ‏(ﺩﻭﻥ ﺃﻥ
ﺗﺨﻄﻂ ﻟﺬﻟﻚ ‏) ﻗﻨﻄﺎﺭ ﺳﻌﺎﺩﺓ ... ﻓﻜﻢ ﻗﻨﻄﺎﺭﺍ ﺳﻌﺎﺩﺓ ﻳﺎ ﺗﺮﻯ ﺗﻤﻨﺤﻪ
ﻟﻮﺍﻟﺪﻫﺎ !
ﺃﻇﻨﻨﻰ ﺍﻟﻴﻮﻡ ﻗﺪ ﻓﻬﻤﺖ ﺍﻟﺴﺮ ﻭ ﻋﺮﻓﺖ ﺍﻟﻘﺼﺔ ﺍﻟﻮﺭﺍﺀ ﺍﻟﻘﺼﺔ !
ﺷﻜﺮﺍً ﻟﻜﻞ ﺃﻃﻔﺎﻝ ﺍﻟﻌﺎﻟﻢ ‏( ﻷﻧﻜﻢ ﺭﺍﺋﻌﻮﻥ ‏) .. ﻋﺬﺭﺍً ﺃﻃﻔﺎﻝ ﺍﻟﻌﺎﻟﻢ ‏( ﻷﻧﻜﻢ
ﺗُﻘﺘﻠﻮﻥ ‏) ..
ﺃﻧﺘﻢ ﺗﻤﻨﺤﻮﻧﺎ ﻗﻨﺎﻃﺮ ﺍﻟﺴﻌﺎﺩﺓ ﺑﻼ ﻣﻘﺎﺑﻞ ‏(ﺗﻘﺮﻳﺒﺎً ‏) ! ﻓﻨﻈﺮﻳﺔ ‏( ﻫﺎﺕ ﻭ ﺧﺪ ‏)
ﺗﺘﻬﺪﻡ ﺗﻤﺎﻣﺎً ﺑﻘُﺒﻠﺔ ﻭﺍﺣﺪﺓ ﻣﻦ ﺻﻐﻴﺮﺓ ﻋﻠﻰ ﺧﺪ ﻭﺍﻟﺪﻫﺎ..

#ﻣﺤﻤﺪ_ﺑﻼﻝ..
#اشياءبسيطة..

يوما " ستحتاج أن تحطم حواجزك القديمة للتسع وتري
ستجد حينها أن العالم أكبر مما تتخيل
وأكبر من سجنك
©

ﺃﺧﺎﻑ ﻟﻮ ﺑﺮﺿﻲ ﻏﺒﺘﻪ ﻋﻠﻴﻚ
ﺗﻘﻮﻝ ﻧﺎﺳﻴﻚ ﻭﺟﺎﻓﻴﺘﻚ
ﺑﻬﻢ ﻟﻮ ﺻﺪﻓﺔ ﻻﻗﻴﺘك..❤️ ®

ﻳﺎ ﺍﺍﺍ ﻗﻠﺐ ﺩﻕ..
ﺍﻧﺎ ﺍﺻﻠﻲ ﻋﺎﺭﻓﻚ ﻣﺎﺑﺮﺍﻙ..
ﺷﻨﻮ ﻳﻌﻨﻲ ﻟﻮ ﻣﺎﺗﺖ ﺍﻣﻨﻴﺔ..
ﺍﻧﺎ ﻭﺍﻧﺖ ﺩﺍﻓﻨﻴﻦ ﺍﻣﻨﻴﺎﺕ !
ﻛﺎﻥ ﻳﺎﻣﺎ ﻋﺸﻨﺎﻫﻦ ﺳﻨﻴﻦ..
ﺍﻟﻠﻴﻠﺔ ﻛﻠﻬﺎ ﺫﻛﺮﻳﺎﺕ.. ™

ﻓﺘﺎﺡ ﻳﺎ ﻋﻠﻴﻢ ﺭﺯﺍﻕ ﻳﺎ ﻛﺮﻳﻢ..
#صباح_الخييير.. ™

السعاده لا تحتاج الي استحالات كبيرة..
#أشياء_بسيطه قادرة علي ان تهزنا في العمق.. ™

ﻣﺎ ﺗﺴﺘﺴﻠﻢ ﻷﺣﺰﺍﻧﻚ..
ﺍﺿﺤﻚ ﺳﺎﺍﺍﺍﻱ ﺍﻥ ﺷﺎﺀﺍﻟﻠﻪ ﻣﻀﺮﻩ .. ™

#ﺍﻣﺜﺎﻝ_ﺳﻮﺩﺍﻧﻴﺔ..
21- ﺍﻟﻘﺪﻡ ﻟﻴﻬﻮ ﺭﺍﻓﻊ..

22- ﺍﻟﺤﺴﻪ ﺍﻃﻮﻝ ﻣﻦ ﺍﻟﻌﻤﺮ..

23- ﺍﻟﻌﺸﺮ ﻗﺎﻡ ﻟﻴﻬﻮ ﺷﻮﻙ..

24- ﺍﻟﻤﺎ ﺑﻬﺪﻱ ﺍﻟﻜﺮﻳﻢ ﺗﻌﺒﺎﻥ..

25- ﺍﻟﻜﺎﺵ ﺑﻘﻠﻞ ﺍﻟﻨﻘﺎﺵ.. ™

ﻭﺑﺲ ﻋﺸﺎﻥ ﻓﻨﺠﺎﻥ ﻋﻴﻮﻧﻚ..
ﺍﺷﺮﺏ ﺍﻃﻌﻢ ﻗﻬﻮﺓ ﻣﺮﺓ ♡!.. ™