يوميات #علوب ...57 .....عرس إيمان
لم يخرجها من الحاله الا تصريح من سنيه إنّو (إيمان ) بت جيرانا حيعرسوها في العيد ...!!
لعلكم تذكرو هذا المقطع قي عزومة رمضان قي بيتنا
...اها الليلة كان عرس (إيمان ) وحالة الطوارئ معلنه في الحلة من
امبارح ...!!! (دي إيمان القالت عليها (ملكه ) بركه العرسوها بي شناتا دي ) ..!! (الشنا شناة الطبع ياملكه..!! هسه انتي سماحتك نفعتك بي شنو مع (الدراب ) البترمي في ده ...) ....!!
المهم طبعا ( إيمان ) بت حلتنا واخوها ( أمجد ) ده صاحبنا شديد فمشينا عليهم من الصباح لو في حاجه نعملا معاهو ...!!! قالو العقد الساعه أربعة ونص في مسجد السيده سنهوري ..!! (انتو قصة السنهوري دي موضه ولاشنو ) ..!!مايعقدوا لينا في اي جامع قريب هنا ..!! نحنا ناقصين مشاوير
المهم درعنا جلاليبنا ومشينا علي العقد ....!!! وصلنا هناك ولحدي بعد الصلاة أهل العريس ماجو ..!! قعدنا حبه كده ولسه ماجو ...!!!! لحدي الساعه خمسه مافي زول ظهر ...!! الناس بدت تقلق ..!!! والموبايلات اشتغلت ...!!! دون اي تصريح رسمي مفيد ...!!!
اها وكت جات خمسه ونص كده ..!!! بدأ الهمس جَهْرًا...!!! ياخوانا في شنو ..!!؟ الحاصل شنو ....!!؟....!! ولا مجيب ...!!!
لكن ماهو ثابت ان هناك شي ما حدث ....!!!
وفضلنا وحاتكم منتظرين .....!!!
وسط هذه الأجواء جات عربتين كده فيهم جماعة قالو انو أبو العريس عيان شديد ....!! والقصة دي حتتأجل شويه بعد صلاة المغرب ...!!! تتأجل ..!!؟؟ (ده عقد ولا مباراة )
(غايتو يا إيمان اتاريها مالشنا براها....) ...!!
المهم الجو تنشن واتكهرب ...والنَّاس صنت ..!! وحسيت بي ( أمجد ) ذي مرتبك كده ومحرج ...!! اخدتو بالجنبه وطمنتو انو ياخ القصة دي عاديه والنَّاس ظروف ...!! (غايتو اتصبر شويه ..)
المشكلة هسه فينا نحنا ديل ...!!! ياربي تقعد نرابط في الجامع ده ..!! ولا نمشي ونجي ..!! ولا هو ذاتو في شنو...!!!؟
اتصلت بي مشاعر تديني شمار الحله ...!!! واريتني لو ما اتصلتا ....!!
يشهد الله بس وكالات الأنباء ..!! وكل وكاله عندها قراءة مختلفه
للحدث ...!!! ففي تصريحات لي فوزيه والرضيه قالو انو أم إيمان اتشاكلت مع أم العريس ..!! واتهمتا بأنهم (خمشو) من الشيله واتغاتتو في المهر ...!!! وتصاعدت الأزمة وخرجت عن السيطرة ..!!! (دي الروايه الاولي) ....!!! (ملكه ) قالت اصلا العريس كان داير أخت إيمان الصغيره ..!! قالو ليهو مخطوبه ..!!! واكتشف امبارح انها مامخطوبه ..!! فزعل ..وجلا الموضوع ......(وكدا) ....!!!ا يلا ناس صفا قالو اصلو إيمان دي من يوما شوم ...!!! اخر مره مشت معاهم حفله ..!! الصيوان وقع ...!!! والعروس (اتفنقلت ) والوصلة بتاعة شعرا وقعت .....!!! (وديل افادتم لايعتد بها كثيرا ...!! بكون في شوية (مغسه ) انو إيمان عرسوها وهن لِسَّه ...!!! واشك في رواية شعر العروس الاتملص ..!! بكون طويل وماعجبم ....
واخيراً ظهرت (رويترز ) شخصيا ..(المعلمة أمونه)....!!!!
...اصلها لا خجلت ولا اتضايرت ....قالت إيمان كتبت العريس واختلفت مع الفكي في القروش ...فقام الشيخ فكا العمل ...!!
(الله لاكسبك ياشيطون ...ولا غزا فيك بركة ..محنتي ابليس) ..!!
اها قلتا ليها اها وانتو قلتو شنو يامشاعر ..!!!؟ قالت لي والله نحن بس كاتلنا الشمار ..!! ومتابعين عن قرب ...(بتابعي انتي يالبيت الأبيض ) ....!!!
وهكذا تصدر عقد إيمان ( المينشيتات) في الحلة ...واصبح الخبر الاول ..!! وطغي حتي علي العيد ...!!!
ده كلام ده ...!!! اها في قعدتنا ديك جا (بوكس ) تاني مليان قالو خلاص نعقد ...!!! الراجل فعلا كلن تعبان شديد وهسه طلعوهو من العناية المكثفة .....!!! وتنفس أمجد الصعداء ....!!! وفعلا تم عقد قران (إيمان ) علي (مصباح ) ...(ده العريس ) ..!! قربتا تطفيها عامل راسك الكبير ده ...!!
اتصلتا علي مشاعر لقيت خبر( العقد) وصل للنسوان قبل مانحنا نبارك ..!! سامع ليك صوت الزغاريد في الموبايل ....!! بس نفسي اعرف الخبر ده وصل كيف ..!!!؟ لانو قطع شك الطريقة الوصل بيها دي أسرع من الواتس ...!!!
اها ياامونه ...عقدو ...!! موتي الليله ...!! عرفتي ليه عرسك أتأخر ....!!!!؟؟
الغريبه الناس دي كلها تتمني ليك الخير ..!! أول مالخير يجيك ..!! في ناس بنطو ...!! (جهجهتو باكات الخير يعلم الله ) ...
الليله كان يومك ياسنية (الناطق الرسمي باسم الحلة ) ..!! طلعت معيدا مع ولدا في جده ...!!! (كان حسمتي الفوضي والتصريحات المتضاربة دي ياخ ..!!!) و كان وريتينا ابو العريس مالو ..!!!؟ وراقد وين ..!!؟ ورقم غرفتو كم ...!!
الف مبروك يا إيمان ولادة متعثرة ...!!! لكن القون صحيح .... الله يسعدك ويهنيك ..
#اشياءبسيطة..
لم يخرجها من الحاله الا تصريح من سنيه إنّو (إيمان ) بت جيرانا حيعرسوها في العيد ...!!
لعلكم تذكرو هذا المقطع قي عزومة رمضان قي بيتنا
...اها الليلة كان عرس (إيمان ) وحالة الطوارئ معلنه في الحلة من
امبارح ...!!! (دي إيمان القالت عليها (ملكه ) بركه العرسوها بي شناتا دي ) ..!! (الشنا شناة الطبع ياملكه..!! هسه انتي سماحتك نفعتك بي شنو مع (الدراب ) البترمي في ده ...) ....!!
المهم طبعا ( إيمان ) بت حلتنا واخوها ( أمجد ) ده صاحبنا شديد فمشينا عليهم من الصباح لو في حاجه نعملا معاهو ...!!! قالو العقد الساعه أربعة ونص في مسجد السيده سنهوري ..!! (انتو قصة السنهوري دي موضه ولاشنو ) ..!!مايعقدوا لينا في اي جامع قريب هنا ..!! نحنا ناقصين مشاوير
المهم درعنا جلاليبنا ومشينا علي العقد ....!!! وصلنا هناك ولحدي بعد الصلاة أهل العريس ماجو ..!! قعدنا حبه كده ولسه ماجو ...!!!! لحدي الساعه خمسه مافي زول ظهر ...!! الناس بدت تقلق ..!!! والموبايلات اشتغلت ...!!! دون اي تصريح رسمي مفيد ...!!!
اها وكت جات خمسه ونص كده ..!!! بدأ الهمس جَهْرًا...!!! ياخوانا في شنو ..!!؟ الحاصل شنو ....!!؟....!! ولا مجيب ...!!!
لكن ماهو ثابت ان هناك شي ما حدث ....!!!
وفضلنا وحاتكم منتظرين .....!!!
وسط هذه الأجواء جات عربتين كده فيهم جماعة قالو انو أبو العريس عيان شديد ....!! والقصة دي حتتأجل شويه بعد صلاة المغرب ...!!! تتأجل ..!!؟؟ (ده عقد ولا مباراة )
(غايتو يا إيمان اتاريها مالشنا براها....) ...!!
المهم الجو تنشن واتكهرب ...والنَّاس صنت ..!! وحسيت بي ( أمجد ) ذي مرتبك كده ومحرج ...!! اخدتو بالجنبه وطمنتو انو ياخ القصة دي عاديه والنَّاس ظروف ...!! (غايتو اتصبر شويه ..)
المشكلة هسه فينا نحنا ديل ...!!! ياربي تقعد نرابط في الجامع ده ..!! ولا نمشي ونجي ..!! ولا هو ذاتو في شنو...!!!؟
اتصلت بي مشاعر تديني شمار الحله ...!!! واريتني لو ما اتصلتا ....!!
يشهد الله بس وكالات الأنباء ..!! وكل وكاله عندها قراءة مختلفه
للحدث ...!!! ففي تصريحات لي فوزيه والرضيه قالو انو أم إيمان اتشاكلت مع أم العريس ..!! واتهمتا بأنهم (خمشو) من الشيله واتغاتتو في المهر ...!!! وتصاعدت الأزمة وخرجت عن السيطرة ..!!! (دي الروايه الاولي) ....!!! (ملكه ) قالت اصلا العريس كان داير أخت إيمان الصغيره ..!! قالو ليهو مخطوبه ..!!! واكتشف امبارح انها مامخطوبه ..!! فزعل ..وجلا الموضوع ......(وكدا) ....!!!ا يلا ناس صفا قالو اصلو إيمان دي من يوما شوم ...!!! اخر مره مشت معاهم حفله ..!! الصيوان وقع ...!!! والعروس (اتفنقلت ) والوصلة بتاعة شعرا وقعت .....!!! (وديل افادتم لايعتد بها كثيرا ...!! بكون في شوية (مغسه ) انو إيمان عرسوها وهن لِسَّه ...!!! واشك في رواية شعر العروس الاتملص ..!! بكون طويل وماعجبم ....
واخيراً ظهرت (رويترز ) شخصيا ..(المعلمة أمونه)....!!!!
...اصلها لا خجلت ولا اتضايرت ....قالت إيمان كتبت العريس واختلفت مع الفكي في القروش ...فقام الشيخ فكا العمل ...!!
(الله لاكسبك ياشيطون ...ولا غزا فيك بركة ..محنتي ابليس) ..!!
اها قلتا ليها اها وانتو قلتو شنو يامشاعر ..!!!؟ قالت لي والله نحن بس كاتلنا الشمار ..!! ومتابعين عن قرب ...(بتابعي انتي يالبيت الأبيض ) ....!!!
وهكذا تصدر عقد إيمان ( المينشيتات) في الحلة ...واصبح الخبر الاول ..!! وطغي حتي علي العيد ...!!!
ده كلام ده ...!!! اها في قعدتنا ديك جا (بوكس ) تاني مليان قالو خلاص نعقد ...!!! الراجل فعلا كلن تعبان شديد وهسه طلعوهو من العناية المكثفة .....!!! وتنفس أمجد الصعداء ....!!! وفعلا تم عقد قران (إيمان ) علي (مصباح ) ...(ده العريس ) ..!! قربتا تطفيها عامل راسك الكبير ده ...!!
اتصلتا علي مشاعر لقيت خبر( العقد) وصل للنسوان قبل مانحنا نبارك ..!! سامع ليك صوت الزغاريد في الموبايل ....!! بس نفسي اعرف الخبر ده وصل كيف ..!!!؟ لانو قطع شك الطريقة الوصل بيها دي أسرع من الواتس ...!!!
اها ياامونه ...عقدو ...!! موتي الليله ...!! عرفتي ليه عرسك أتأخر ....!!!!؟؟
الغريبه الناس دي كلها تتمني ليك الخير ..!! أول مالخير يجيك ..!! في ناس بنطو ...!! (جهجهتو باكات الخير يعلم الله ) ...
الليله كان يومك ياسنية (الناطق الرسمي باسم الحلة ) ..!! طلعت معيدا مع ولدا في جده ...!!! (كان حسمتي الفوضي والتصريحات المتضاربة دي ياخ ..!!!) و كان وريتينا ابو العريس مالو ..!!!؟ وراقد وين ..!!؟ ورقم غرفتو كم ...!!
الف مبروك يا إيمان ولادة متعثرة ...!!! لكن القون صحيح .... الله يسعدك ويهنيك ..
#اشياءبسيطة..
حين تغضب ↜ تناقش مع الورقة .. زُّج قهرك فيها إضغط عليها القلم بشده حتي تري سطح المكتب أسفلك ؛اخرج كل مابداخلك عليها علي شاكلة حروف ثم تنفس بعمق واخرج زفيراً من أعمـاقك كأنه " ريح صرصر" .. إقضِ علي الورقة بقبضة يدك .. اضغطها وحركها داخل راحت يدك حتي تتكور كـ سلحفاء تختبي داخل قوقعتها .. إلقها حيث أبعد سلة وانت جالس بـ مكانك ..
إسترخِ قليلاً .. صلِ ركعتين .. ثم إتفل عن يسارك ثلاثاً ونـم ..
قبل أن تنام ستشعر بالراحة .. سر الراحة يكمن ف آخر خطوة قمت بها " صلاة الركعتين"
ولكن لضعف ثقتنا بالله ؛ أخبرتكم عن خطة الورقة.
ⓜⓦⓓⓐ ..
#اشياءبسيطة..
إسترخِ قليلاً .. صلِ ركعتين .. ثم إتفل عن يسارك ثلاثاً ونـم ..
قبل أن تنام ستشعر بالراحة .. سر الراحة يكمن ف آخر خطوة قمت بها " صلاة الركعتين"
ولكن لضعف ثقتنا بالله ؛ أخبرتكم عن خطة الورقة.
ⓜⓦⓓⓐ ..
#اشياءبسيطة..
مقال اليوم ٧٢ ❤️
في حاجات كده صعب نديها اسم احاسيس غريبه لا تقدر تعترف بانها حب ولا هي صداقه وبس .
حاجه كدا ما مفهومه فيها كل الحاجات الحلوه وكمان بطعم خاص طعم تاني غير البتحسو مع زولك
مرات تحس انو الزول دا صحبك ومرات تحس بيه مخلوط مابين زولك وما بين كونوا صاحبك ومابتقدر تستغنى عنهم الاتنين مرات بتحس بحبيبك ياهو الزول دا زاتو ومرات تحس بالزول دا حبيبك
زول بحبك وبحب سعادتك وانت معاه ماعايز شي تاني مكتفي بس بوجودك معاه عايز يسمعك وبكون متكيف لما تلجأ ليو ومستعد يسمعك تحت كل الظروف إلا النادي ودي برضو بقولها كلام وشويه وبرجع اها مالك؟ ما بقدر يعمل حاجه وهو مشغول عليك
لما تكون متضايق بتكون امنيتو الوحيده يجي يخطفك ويطير بيك بعيد لكن عشان مستحيله بيقعد يونسك ويطلعك من الجو الانت فيو وقادر يعمل ليك كدا تحس انك اهبل وانت معاه من تعابير السعاده البتترسم على وشك والابتسامات البتتوزع مجان ومرات كده قبل تحكي ليو ضيقك بترتاح لمجرد كونوا هو جمبك
زول ساعي انو يوفق بينك وبين حبيبك لانو عارف سعادتك معاهو بيطلعك دايما غلطان قبال ما تكمل كلامك وعلى طول واقف مع زولك رغم انو مابعرفو كويس بس بطريقه ما بيقنعك تصالحوا بتغير عليه من زولتو البحبها جدا دي فطره ما خيانه ويعرفك عليها وتحبها وتتقبلها وتبقوا صحبات وتعرف برضو انو الزوله دي هي سعادتو وياداب تعرف كيف كان بيعامل زولك واحساسو وتبقى زيو ااي تحبو لدرجة تحب سعادتو وتتجرد من كل شي
الزول المهما غلطت ما بتخجل تحكي ليو لانك عارفو بيعذرك ويواسيك ويقيف جمبك مهما كانت بشاعة الحاجه العملتها وبدون يفكر مابشوفك غلطان وبيغفر ليك ولا بتنزل من نظرو ويظل يحترمك لأنو متأكد من الجواك
بتشتاق ليه لما يبعد وتسأل عليه وقبل تلومو بتطمن عليه لأنك متأكد من انو ما بينقطع الا ينعصر في حاجه .. عندو تصرفاتو المابتعجبك وتنقنق فيو وياجبل ما يهزك ريح ( ياخ كلمتك مية مره ما تقول لي برجع ليك وتخليني فاتحه خشمي منتظراك ..هو: اسف والله يا ريو معليش انشغلت وهسي مافي البيت برجع ليك بعدين .. انا : في سري منو البرجع لي بعدين م مشكله نشوف هو مقاطعا: يا بت انا: خلاص سمح في رعاية الله) وطبعا ما رجع 😂
زول كل المسميات بتجي عليه شايل من امك ومن ابوك واخوانك واخواتك وحبيبك واصحابك وكل اهلك
زول زي دا مهما مشى بعيد بيظل مدفون جواك ومهما مرت الأيام مابيتغير شي ورغم فقر التواصل بتتلاقو ارواح في السما وتتبادلوا الاشواق والحديث ..
ومهما تبعد ياعيوني
ديمه في الوجدان مكانك ♡
#ريان_حسن ..
#اشياءبسيطة..
في حاجات كده صعب نديها اسم احاسيس غريبه لا تقدر تعترف بانها حب ولا هي صداقه وبس .
حاجه كدا ما مفهومه فيها كل الحاجات الحلوه وكمان بطعم خاص طعم تاني غير البتحسو مع زولك
مرات تحس انو الزول دا صحبك ومرات تحس بيه مخلوط مابين زولك وما بين كونوا صاحبك ومابتقدر تستغنى عنهم الاتنين مرات بتحس بحبيبك ياهو الزول دا زاتو ومرات تحس بالزول دا حبيبك
زول بحبك وبحب سعادتك وانت معاه ماعايز شي تاني مكتفي بس بوجودك معاه عايز يسمعك وبكون متكيف لما تلجأ ليو ومستعد يسمعك تحت كل الظروف إلا النادي ودي برضو بقولها كلام وشويه وبرجع اها مالك؟ ما بقدر يعمل حاجه وهو مشغول عليك
لما تكون متضايق بتكون امنيتو الوحيده يجي يخطفك ويطير بيك بعيد لكن عشان مستحيله بيقعد يونسك ويطلعك من الجو الانت فيو وقادر يعمل ليك كدا تحس انك اهبل وانت معاه من تعابير السعاده البتترسم على وشك والابتسامات البتتوزع مجان ومرات كده قبل تحكي ليو ضيقك بترتاح لمجرد كونوا هو جمبك
زول ساعي انو يوفق بينك وبين حبيبك لانو عارف سعادتك معاهو بيطلعك دايما غلطان قبال ما تكمل كلامك وعلى طول واقف مع زولك رغم انو مابعرفو كويس بس بطريقه ما بيقنعك تصالحوا بتغير عليه من زولتو البحبها جدا دي فطره ما خيانه ويعرفك عليها وتحبها وتتقبلها وتبقوا صحبات وتعرف برضو انو الزوله دي هي سعادتو وياداب تعرف كيف كان بيعامل زولك واحساسو وتبقى زيو ااي تحبو لدرجة تحب سعادتو وتتجرد من كل شي
الزول المهما غلطت ما بتخجل تحكي ليو لانك عارفو بيعذرك ويواسيك ويقيف جمبك مهما كانت بشاعة الحاجه العملتها وبدون يفكر مابشوفك غلطان وبيغفر ليك ولا بتنزل من نظرو ويظل يحترمك لأنو متأكد من الجواك
بتشتاق ليه لما يبعد وتسأل عليه وقبل تلومو بتطمن عليه لأنك متأكد من انو ما بينقطع الا ينعصر في حاجه .. عندو تصرفاتو المابتعجبك وتنقنق فيو وياجبل ما يهزك ريح ( ياخ كلمتك مية مره ما تقول لي برجع ليك وتخليني فاتحه خشمي منتظراك ..هو: اسف والله يا ريو معليش انشغلت وهسي مافي البيت برجع ليك بعدين .. انا : في سري منو البرجع لي بعدين م مشكله نشوف هو مقاطعا: يا بت انا: خلاص سمح في رعاية الله) وطبعا ما رجع 😂
زول كل المسميات بتجي عليه شايل من امك ومن ابوك واخوانك واخواتك وحبيبك واصحابك وكل اهلك
زول زي دا مهما مشى بعيد بيظل مدفون جواك ومهما مرت الأيام مابيتغير شي ورغم فقر التواصل بتتلاقو ارواح في السما وتتبادلوا الاشواق والحديث ..
ومهما تبعد ياعيوني
ديمه في الوجدان مكانك ♡
#ريان_حسن ..
#اشياءبسيطة..