متعة الصمت
الحلقة 4
بقلم طارق اللبيب ..
بدل الولد يخجل من روحو ويسكت او يعتذر .. قال لي انتي قايلة انا خايف من امي .. ولا ابوي؟ اتلمي كدا ولا كدا .. انا والله ادخلك في مشكلة .لمن تعرفي حاجه ..
وطلع فات يطنطن .. واظنو هو طالع لاقى امه .. في الشارع قال ليها انا تاني مابجي البيت لو البت دي موجوده .. قالت ليهو مالا؟
قال ليها بتعمل في حركات ماكويسة وبتشاغل فيني ..
اهااا لمن جات امه انا طوالي حكيت ليها الحصل من ولدها ..
قلت ليها شوفتي ياخالتو مهند ولدك بشاغل فيني وبقول في كلام ما كويس ..
امسكيهو مني .. واتكلمي معاهو ..
اتخيلو قالت لي شنو؟ قالت لي ..
لالا يختي ما تلطخيها في ولدي .. يهودا لاقاني في الشارع وقال انتي البديتي ليهو ..
وهو لو ماشافك خفيفة ولفيفه . واديتيهو وش .. وقعدتي تضاحكي معاهو . وتشاغلي فيهو .. ماكان فكر فيك .. ماتعملي لي فيها بريئة ومافاهمة حاجة.. والله انتي كاتلة الجدادة وخامه بيضها ..

قلت ليها معليش ياخالتو .انتي مابتعرفيني . والله انا ابوي مربيني .. وماحصل يوم من الايام كسرت كلامو .. الحممممد لله لاخفيفة ولا تقيله .. وانتي شكرا ليك ماقصرتي معاي..مادام صدقتي ولدك وطلعتيني كذابة وبتاعة اولاد .. انا تاني ماعايزة اشتغل معاك ...
بصراحة انا كنت مفتكرة انها انسانة كويسة وممكن تحميني ..
وكان ممكن تعرف بالعقل هي عارفة ولدها صعلوق وبتاع لهو .. وعارفاني انا ماقدر الكلام الفارغ ده .. يعني مابتفكر .. ؟
لمن قلت ليها انا ماعايزة اشتغل معاك ..
قالت لي يلا طيري في ستين ..الله لا اعادك .. شفع اخر زمن .. ربنا يسترنا .. انا تاني ما وقفت اسمعها بتقول في شنو؟
طلعت منها ولا ادتني حقي اليوم داك .. مشيت حكيت لابوي الحصل..
قال لي خلاص تاني ماتمشي ليهم .. وابوي بقى يعاين لي مبسوط ..اني مابدس عليهو شي ..قال لي طيب ولاتزعجي نفسك بشي انتي ماغلطتي باي حاجة واتصرفتي صاح .. وماتشيلي هم .. ربنا بفتحها علينا من جيهة تانية
نصبر نشوف ربنا بقول شنو؟
وبقينا محتارين نعمل شنو تاني.. وناكل من وين؟
وابوي كل مرة يعاين لي انا هاااامة .. وسارحة .. لمن اتلفت عليهو القاهو بعاين لي ..
بس يبتسم معاي ويقول لي اصبري ربنا كريم. نحن متوكلين على الحي الدايم البرزق الطير ..
ويقعد يحكي لي في حاجات ..عشان يقيني في ربنا مايضعف ..
قال لي عارفة يامهج .. انتي عارفة الاسد .. رزقه بيفر منه . يسك الغزاله والغزاله تجري منو .. احتمال يحصلا واحتمال لا .
يسكت حمار الوحش.. احتمال يحصلو واحتمال لا . يسك بقر الوحش احتمال يحصلا واحتمال لا. وبرضو مابموت من الجوع..
يعني اتخيلي لو بقى الاكل بتاعنا بقوم جاري مننا .. ونحن لازم نسكو ونقبضو حتن ناكلو موش ح نتعب ؟
يلا مادام ربنا برزق الاسد والفهد والنمر .. نحن ربنا مابنسانا .. لكن الناس بس بتشفق .. هسي حصل نحن جوعنا؟
حصل يوم نحن رقدنا بدون عشا؟ قلت ليهو والله حقيقة يا ابوي ..
كل مرة ابوي كان بديني جرعة من الايمان بي ربنا يقويني ..
والحمد لله راس مالنا كان صلاتنا ..
بنصلي وبندعي ربنا ..
بعد المراة دي طردتني .. نحن عدينا ايام قاسية والله .. قاسية بالجد .. بس الحمد لله .. يعني اتدينت من بتاع الدكان لمن خجلت منو بقيت تاني مابقدر امشي اقول ليهو عايزة الحاجة الفلانية .. لانو علي قروش ماسددتها ..
فكرت اتصل على خالتي .. اتذكرت موقفها معاي ومع ابوي .. خليتها ..
فكرت في ستين فكرة والطريق مقفول قدامي .. وعامل العمر واني بت واقف قدامي زي الشبح .. ياريت لو كنت كبيرة شوية وكنت ولد والله ما اخلي ابوي يتضيم بالطريقة دي ..
اها يا المهم ربك رب الخير ..
بعد يومين كدا جاتني بت من بنات المدرسة وهي من جيرانا قالت لي
انتي الكنتي بتعملي فطور.. الطعمة والسلطة .لي خالتو فايزة صاح؟؟
قلت ليها ايوة .. قالت لي نحن بنعرف طعميتك ..
وبنفرز الطعمية بتاعتك من طعمية فايزة .. وحبينا طعم طعميتك شديد . وعرفنا انها طردتك .. ورجعت تعمل طعميها المسيخة وقوية دي ..وهسي البنات بقو مابشترو منها .. اعملي طعمية وجيبيها المدرسة والله تكسبي دهب ..
ياسلام والله البت دي ادتني فكرة رهيبة ياريتني اقدر .. الكلام ده كان بالمساء انا بالليل كلو بفكر وبخطط للموضوع ده ..
الصباح قلت لابوي اسمع يا ابوي انا ح أعمل طعمية وسلطة اسود ..واوديها المدرسة ابيع للبنات ..
قال لي يابتي الكلام ده كبير عليك .. الحكاية دي محتاجة لتكاليف .. بعدين انتي عارفة انو فايزة بتبيع في المدرسة ..
كدا بتضايقي المراة في شغلها .. وهي العلمتك الشغلة شوفي ليك فكرة تانيه .. قلت ليهو لا يا ابوي اي زول بي رزقه .. مافي زول بياكل رزق زول موش انت بتقول كدا برضو؟
قال لي بس انا خايف عليك من الناس ديل .. انا ماعندي غيرك يابتي ..قلت ليهو بمشي بس .. بصراحة انا كبرت قبل عمري .. وبقيت بفكر زي زول عمره 20 سنة والله .. وربنا مساعدني بحجمي .. يعني البشوفني بقول عمري 12 سنة .. اقل شي ..
والله لمن اتذكر

تصرفاتي في العمر داك .. والله بستغرب ..
ابوي قال لي طيب نرجع للسؤال الاول .. بتجيبي قروش المواد من وين؟ . قلت ليهو من عم حسين .. لانه قال لي لو احتجتي لاي حاجة تعالي لي . ده عمي حسين المبروك بتاع الفرن ..
ابوي قال امشي ربنا يوفقك انا اتوكلت علي الله .. ربنا مابضيعك .. عفوي ورضاي معاك يابتي ..
مشيت شلت قروش من عم حسين .. قلت ليهو بجيبها ليك بعد اسبوع .. قعد يضحك .. يعني كان قنعان من قروشو ..وعارفني مابجيبها بس اداني المبلغ الطلبتو منو..
وجيت اشتريت الحاجات زيت وكبكبي واسود ودكوة وشنو وشنو .. المهم .. عملت الطعمية وشلت عيش من الفرن ..اصلا العيش متبرع لينا بيهو الراجل المبروك ده .. بس اشتريت بقروشي زياده عشان الشغل ..
المهم عملت الطعمية وعلمت سلطة اسود انما ايه تاكل صوابعك وراها زي مابقولو المصريين .
وابوي يعاين لي مستعجب ومبسوط .. كنت فرحانة اني ح اقوم بعملي الخاص ..
وبررررضو انا عمري ما تم عشرة سنة ..
اول يوم مشيت المدرسة شايلة الطعمية في حلة ..وسلطة الاسود في حلة .. حلتين وسط كدا .. والحلة الواحدة مقفولة بغطايتها.. ومربوطة ب كيس ..والعيش في كيس .. وكلهم ختيتهم في قفة سعف .. كانت امي بتخت فيها اكياس البهارات زمان .. اليوم الاول ده شلت 25 عيشة بتذكرها تماما .. وكان عيش كبار وسمح .. من الفرن بتاع عمي حسين .. وعندي سكين جديدة وغطيت القفة بي كيس كبير واتنتحت وشلتها في راسي ومشيت ..
..
بس الزول البشوفني ماشة مابعرف انا شايلة شنو .. وصلت المدرسة .. وختيت قفتي ونفسي قايم وعرقانة وحالتي بالبلاء ..
ورصيت لي طوبات وقعدت في الضل بتاع المدرسة .. على يمين الباب .. وفوزية قاعدة بي غادي ابيت اسلم عليها بس جيت قعدت .. عشان ماتتكلم معاي ..
لمن جا وقت الفطور البنات جو طالعين ..اول ماشافوني جوني وكبسو فيني يشترو مني انا بس قاعدة فوق طوباتي.. البشوفني مابصدق اني انا ست الفطور بقول شافعة جاية مع امها وبس .. اها بقيت بحشي ليهم واديهم .. وفي بت قعدت تحشي معاي تساعد فيني .. والبنات مبسوطات يضحكن ويتونسن معاي ويشترن ..
في عشرة دقايق العندي كله خلص.. 25 سندويتش ..والبنات بقو يجو خمسة خمسة عايزين فطور مني ..وانا كملت ..
خلصت حاجاتي وقفتي بقت فاضية وانا فرحانة . اليوم انا كسباااااااانة .. ربح اكتر من النص عديت قروشي خمسة مرات ..
والمراة الاسمها فايزة .. تعاين لي صارة وشها وغضبانة غضب مافاضل ليها الا تجي تخنقني ..
وانا من جواي ميتة بالضحك ..وكل ما اتذكر كلمتها القالتها لي في بيتها ..بنغاظ من جواي ..
والناس الجو اشترو منها بالعدد .. بس البنات المالقن عندي فطور مشو ليها .. لكن بكرة انا بجيب فطور اكتر من حقها ..
اها مشيت البيت وفي البيت شغالة اعد في القروش وابوي يعاين لي ويضحك.. ويقول لي والله انتي احسن من الاولاد.. انا هسي كان جبت لي ولد ماكان اهتم بي كدا زيك .. وابوي كلامو صاح لاني شايفة اولاد الحلة العطالة.. باركين بالشوارع.. وهم كبار الواحد لو ضرب الحيطة يرميها ..وخير مثال لذلك مهند ود خالتو فائزة ..
قاعد في البيت زي العاطل.. والنهار كلو نايم.. ولم يصحى ياكل زي الخروف ويلبس ليهو شورط في الركبة ..ويلبس فنيلة وهمية كدا ..ويطلع لاصحابو .. وامه شغالة طعمية في المدرسة عليك الله ده زول ده؟ .. وابوه سواق في شركه وحالتهم تحنن .. انا لو كنت في محلو .. والله ما أخلي امي تشتغل طعمية ..
والغريبة في اولاد .
اخواتهم شغالات وهم بتصرفوا من مرتبات اخواتهم .. ويشتروا السجاير والصعوط .. وهم قاعدين عطاله ..
ماتقول لي مافي شغل.. والله الزول البفتش للشغل بلقاهو.. لكن في شباب الواحد بحب اللقمة تحيهو مدردمة.. وتخش ليهو في خشمو .. وفي اعمال بخجلو منها .. المفروض الزول مايخجل من شغل الحلال
المهم خلوني اواصل ليكم في الحصل ..
..
اها طبعا انا فرحانة عشان تاني يوم امشي المدرسة بي اكل كتير لكن ماكنت عارفة الراجيني والمراة الاسمها فائزة دي محضرالي شنو؟
هل بتفتكرو انها ح تخليني ؟؟؟
الى اللقاء..

يا عصيراً من خليط الدهشة الأولى..

ツ
‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ


انِر قبرها يا الله تجاوز عنها ابدلها داراً خيراً من دارها واهلا خيراً من اهلها اللهم عوض شبابها الجنة واجمعنا بها ❤


@masaltmabda

وفي يوم الجمعه دي💚
ربنا يدينا لمن يرضينا ويفرج كربنا ويصلح أعمالنا ويفتح لينا دروب الخير وينور بصيرتنا ويهدي سريرتنا لا ينعوج دربنا لا ينكسر ضهرنا ويدينا النصيب الحلو من كل شي والعوض الجميل البليق بي مقامو وبي صبرنا حمدناهو ما جحدناهو💚🌸

فغداً ستنبتُ في جبين الأفق
نجمات جديدة..
وغداً ستورق في ليالي الحزن
أيام سعيدة..

فاروق جويدة

يا صحبة م قالت كفاي شالت معاي الهم لامن كمل💙

بيوتات الفرح فاتحات في باب الضي..💙

من الواسوق ابت تطلع
من الابرول ابت تطلع
من الاقلام ابت تطلع
من المدفع طلع خازوق
خوازيق البلد زادت💔

"لا تُقتل النساء من الغرباء، ولا من قُطاع الطرق، ولا من اللصوص.
إنهن يقتلن من أكثر الناس قربًا وفي أكثر الأماكن اطمئنان للإنسان، يقتلن في غرفهن ومنازلهن"......

وتظنُّ أنك حُرمت ، والحقُ أنك رُحمت."وذكر فإن الذكرى تنفع المؤمنين"💛🌻

- سُبحان الله💛 .
- الحمدلله 💛 .
- لا إله إلا الله💛 .
- اللهُ أكبر 💛.
- سُبحان الله و بحمدهِ💛 .
- سُبحان الله العظيم💛 .
- استغفر الله و أتوبُ إليهِ💛 .
- لا حول و لا قوة إلا بالله💛.
- اللهُم صل على نبينا محمد 💛.
- لا اله الا انتَ سبحانك💛.
اني كنت من الظالمينَ💛.
- حسبي الله لا اله الا هو عليه💛 .
توكلت وهو رب العرش العظيم💛 .
-اللهم ارزقني من حيث لااحتسب💛 .
-اللهم ثبت قلبي على دينك💛.
- يارب رضاك والجنه💛.
-اللهم احسن خاتمتي💛 .
-اللهم اجرني من عذاب النار💛 .
- اللهم قني عذابك يوم تبعث عبادك💛 .
- اللهم أحينا على رضاك وأمتنا على رضاك💛 .
-اللهم صل وسلم على نبينا محمد 💛..

يا ربي هل؟!؟ طاريني قلبو!؟
💜💜💜

اشواقي بتساااااابق خطاااااااااي 🍃

-

إذا أغلق الله عليك بابًا فإنه يغلقه بحكمته، وإذا منع الله عنك شيئًا تريده وتحبّه فتح لك برحمته وعدله أبوابًا أخرى هي أنفع لك!

‏"فسبحان الذي لا يخرج تقديره
‏عن حكمة أو رحمة أو عدل"

🌿

الصباحات البتشبه نور عيونك جد حنينة💙 ..

تصحي مع الفجُر يااا يمة..
💜💜💜

عزة نفسك في واطاتاك.....
جمب نخلاتك🌴 وبين والديك...

ربَّنا
لا تُؤاخِذنَا
إن نسِينَا
أو أخطأنَا
إن تُهنَا
أرشِدنَا إليك
إن غفِلنَا
أيقظنَا بنُورِك
إن كرِبنَا
أكفِنَا بِك
إن احتجنَا
لا تحوِّجنَا
لغَيرِك!
- آمين🌸