(يارب ...يارب)

ياالله يا حي يامعين
أجزينا اجر الصائمين

القائمين .. الزاكرين
الحامدين ..الشاكرين
واجعلنا يارب العباد
في زمرة المتوكلين

اكسينا بالرضا والامان
واحفظنا من فتن الزمان
واحفظ جميع المسلمين
ياباري يا حي يا معين

(💚تقبل الله منا ومنكم صالح الاعمال💚)..♤

مريح - فى هذا الفيس بوك الممتلئ بالصراخ و الاختلاف - ان يكتب شخص - و ببساطة - رمضان كريم .. فيرد عليه اخر : الله أكرم .. مريح .. ان تسرى ( الله اكرم ) فى دهاليز الروح المتعبة ..

كنت اكرر رمضان كريم بلا تفكير .. الله اكرم .. بلا تفكير .. لسنوات .. ثم انه فى يوم ما سألتى سيدة اجنبية عن معنى العبارة التى تسمعها عند المسلمين كلما جاء رمضان .. و لما شرحت لها كنت انا وهى نسمعها للمرة الاولى!! .. الله اكرم .. الله اكرم .. مريح هذا الاحساس .. و مطمئن ..

رمضان كريم ..
#محمد_بلال ..

من كتاب / الإسلام .. ما هو..؟..♤

#رمضانا_سوداني.. ™

رمضانا سوداني ..♤

#صدقات..♡♤

اللهم امييين ..♡♤

شرح عملي لقول المتنبي :
واذا لم يكن من الموت بدٌ ..... فمن العار أن تموت جباناً .. !!♤

دون كلام .. سيفهمك من عرف قلبك جيداً
فالعلاقات الثمينة .. تبدأ كبيرة ونقية وممتلئة بالحب ..♡♤

يوميات #علوب ..45 ..رمضان احلي في السودان

قبل سنوات خلت وكان الصيف غائظا (انت اللغه العربية دى شنو الليله ياعلوب....!!! بمناسبة رمضان ولا شنو ) ..المهم وقفت وين ...ايواااا كان الصيف غائظا (الله يغيظك هو متين ماكان غايظ ) المهم والدنيا رمضان ذي الوقت ده ..!!انا ومعاى صاحبى اسمو( عبد الكريم ) ايام الجامعة ديك .... اليوم كان سخن شديد ونحن الاتنين عطشانين وجعانين ومتسحرين بي (فول ) يعني عباره عن سحاحير ..!!! عزاؤنا الوحيد إنّو كنّا في ذلك اليوم معزومين فطور يفترض ان يكون (كارب ) لانو الداعينا ده ود معانا اهلو مروقين كده اسمو (قرشى ) ساكنين فى الثوره ...!!وكل مانتذكر الفطور ده نتصبر شويه ..!! لحدى ماجات الساعة خمسه كده طوالي تيممنا وجهة( الثوره) ...!!! الحاره الكم كده مابتذكر ....!! المهم مالقينا اى حاجه توصلنا ..الشوارع دى فضت التقول عارفننا ...المهم
ياعم ...ياخال ...وصلنا ام درمان ...ومن هناك حافله وبوكس ومشي بالرجلين حتى ظهرت اخيراً مشارف (بيت العزومه) تلوح في الأفق ....!!يعنى اليوم داك صيام وجهاد ...!!ماشين انا وعبد الكريم ...علي البيت ده ..قام عبد الكريم (ماتسمعو الاسم الرصين ده ) زول مستهبل ساكت ..!!ولو ماخجلان صيام ذاتو مابصوم ...!!! ) قال لى بس ان شاءالله الفطور ده مايكون فى الشارع ...الثورات دى كلها بتفطر بره..!! قلتا ليهو مالو ياخ لمة ...!! وناس ...و أجر ..!! قال لي لمة شنو ياخ جني وجن فطور (الشوارع ..!! ) لو قحيت ساي تلقي الطعمية كملت ...!!والعجب لو في منقة ..!! قلتا ليهو يازول استغفر ده رمضان انت بس جعان ...!! المهم سكت ..!!قربنا كده على البيت نلقى ليك البروش دي تتطاقش والجماعه مفرشين فى الشارع ...!! كريمو داير يطرشق من الزعل ..!! قال لي ماقلتا ليك اها شوف جنس الماساة دى ...(اها ده زول خلي ليهو صيام ) المهم وصلنا لاقانا قرشي سلم علينا ..!! اتفضلو شرفتو ...عبد الكريم قال ليهو ونتفضل على شنو...!! شابكنا عازمكم عازمكم.. وانت عازم الثوره كلها ...!! قرشى ضحك قال لينا لا صينيتكم مجيهة .....ماتخافوا
عبد الكريم تاني جاني في اضاني قال لي والله ياعلوب لو كمان في واحد نطا قال الصلاة قبل الفطور انا حاغادر المكان ده ....!!! بس ماتما كلامو قام ليك واحد من هناك ....وبي صوت كبير ....!! لابارك الله في طعام يسبق الصلاة ...!! لابارك الله في طعام يسبق الصلاة (مرتين ..!!السمع يكلم الماسمع )
طبعا الناس الذي ديل بعتمدو علي الصوت العالي واللغة العربية الفصحي دي ...ومعاها نطيط عيون لزوم الوعيد ...طوااالي ناس قريعتي راحت بتخيلو إنّو ده حديث ...لو ما آية ...!!! ( اها موضوع الصلاة ده موضوع حساس ..!! كلنا دون نقاش امتثلنا للدعوة ..!! ) الا عبد الكريم بعد تحانيس أجبرتو يصلي ..!!قال لي انتا الصلاة دي مش طمأنينة...!! قلتا ليهو بالحيل ...قال لي اها ياخ إنَّا ما مطمئن لو صليت قبل الفطور ....!!! صدقو ماقدرتا اجاوبو ..
المهم صلينا وجينا علي الفطور وفطرنا وحسيت بي عبد الكريم مبسوط كده ومرات يعاين لي ويضحك بدون سبب ...لما جينا راجعين قلتاليهو انت بتضحك مالك قال لي لما كنّا بنصلي
عاينتا انا بي تحت لقيت في (كلب ) جا بي ورآنا جازف اللحمة لقاها مغتغته غايتو لحس العصيدة ماقسمت معاهو وفات ..!!ماشايفني ماقربتا منها...!! قلتا ليهو وده شي بضحك.... قال لي أكلا الزول القال نصلي قبل الفطور ده ...!!! دعيت ليهو في الصلاة ...!! لقمتو اكبر من صوتو ده ...عارف نفسو بحصل ...!!! بالله ده كلام ده ...!!! الله كريم عليك ياعبد الكريم غايتو صيامك ده من المؤكد انه لم يغادر (الثورة) .....!!! اتذكرتا العزومه كانت في التامنه ...!! كانت لنا ايام ..

#اشياءبسيطة ..

ليالي كسلا.. ™

تقبل الله منا ومنكم الصيام ..❤️
الصورة لسينما كوليزيوم في السنة الأولى لافتتاحها. 1935..♤

ﺭﻳﺤﺔ ﺍﻟﺠﺒﻨﻪ ﻭﻛﻠﻤﺔ ﻳﻤﻪ
ﻧﻬﺮﺓ ﻳﺎﺑﺎ ﻗﺮﻳﺐ ﻟﻠﻤﻐﺮﺏ
ﺷﻴﻞ ﻣﻮﻳﺎﺗﻚ ﻭﺯﻳﺪ ﺍﻟﻬﻤﻪ
ﻟﻤﺎ ﻳﻔﻮﺡ ﻋﻄﺮ ﺍﻟﺤﻨﻴﻪ
ﺗﻈﻬﺮ ﻃﻴﺒﺔ ﻭﻋﻤﻖ ﺍﻟﻜﻠﻤﻪ
ﺑﺴﻤﻪ ﺑﺘﻄﻠﻊ ﻣﻦ ﻏﻴﺮ ﺍﺫﻧﻚ
ﻭﺍﻻﻓﺮﺍﺡ ﻓﻲ ﻗﻠﺒﻚ ﺟﻤﻪ..♤

سافر مسافات العدم
شق البيوتات والفريق
احزان ملامحك والندم
دمعة صباحك والفراق
شمعة مداخلك والالم
وعدك مطر
لا دق بابك بالفرح
لا هز عودك فى النسيم
لا اتكرف الامال سرح..♤

ديل اهلي ..♡♡♡♤

Hassad Baker:
عن الحاجات الكتيره الكنت حارم نفسك منها ساي... و خايف ما تعملها و حاسب حسابات كتيره في الفاضي... يلا شفت الحاجات دي؟ امشي اعملها واااحد واااحد /اكسر حواجزك و اتحدي نفسك وبطل خوف و بطل تفكير و عيش يومك بي يومه و اللحظه باللحظه...
و خليك متذكر انه #الله_في

#حصاد_ابوبكر 🌚☝️ ..

يوميات #علوب ..46 .....سوات ( العاصفة ) بي ساق الشتيلة الني ..!!

الليله بس شوفو لي طريقه ....لا لا لا دي مابقدر افوتا ....!! رمضان ملحوق ..!! فضلو فيهو كم وعشرين يوم لكن الطياره دي بتجي متين تاني ...!!؟يشهد الله مش كان لبستي عبايه كان لبستي شنو داك الليله نورتينا وكتحتينا وجهجهتي صيامنا ....!!! دي واحده ساكنا قريب مننا كده ناس بيتم ذاتم بتفرجو فيها .....!! من بنات الشهادة العربية ديل وارد المملكة جايه من (الهفوف ) (وانا أقول مالو قلبي هفا كدا ) ..!!! البت دي جابوها تقرا الجامعة هنا مع ناس خالتا ( شوف نحن كمان شهادة البحث جبناها .....!!(خالتا ذاتا مابتكون عارفاها من (الهفوف ) ...!!
الشاهد إنّو هذه البت موقفه الحلة دي بين يدي الله ،،،الجماعة سامنها ( عاصفة الحزم ) لانها جايه من السعوديه وكونها بتظهر مره كده كل شهر ولا شهرين ...!! تكتح الناس دي وتبقي مارقه ...!! ياخ مره عندهم عرس في صالة الغروب (اليوم داك أشرقت طبعا ) بتصدقو لقيت اولاد الحلة ديل كلهم بالصف دونما استثناء مشاركين..!! وزول كلم التاني مافي ...!! لاقاني جعفر قدام الباب قال لي (عاصفة ) برضو..!! قلتا ليه ايوه ..!!! وفقعناها ضحكة ودخلنا ...!!!
اها دي ياها البت دي ...!! ومن نفحات الشهر الكريم مرقتا العصر اجيب لي حاجات من الدكان بس القي ليك العاصفة شخصيا (هابا ) هناك ...!!! ملفلفه كلها بالعبايه لزوم
رمضان ...!! (العبايه يخلوها ليها ...) والعيون التي في طرفها حور ...!!! قالت لي عمك (يس ) بتاع الدكان عندك (كورنفليكس ) ...(يكون قايلو اسم دوا) ...!! زولك داير يقع من طولو ...شايفو نطط عيونو ..!! لاعرفتو منها ...!!ولا من الطلب ..!! لكن حكمة الله بتاعين الدكاكين ديل بعرفو اي حاجه..!! كان غلبم الاسم الصُّوره البره مابتغلبم (ربنا ده مابضيع زول ) المهم اصلو ماقال مافي ..!!دخل يعافر في بضاعتو دي يمين شمال وانا بس اها ..!!عيني دي مانزلت منها ...نسيت اسمي ذاتو ..!! خلي رمضان ..!! وهي ذاتا حست بي قعدت تتلفت ( حمامه بس ...) ..!!! وحمدت ربنا جاها تلفون يمرقا من جنس الحاله دي ...!!! ايوه ياخالتو ...أهو عمو بتاع الدكان بشوف لي فيهو ...!! الليله غايتو يا (يس ) تضبح بس ...!! مبروك الترقية من عمك لي عمو ...!!! وانا مندمج مع الصوت ...!!!لا لا مابقدر اشيلا براي ياخالتو انتي عارفه يعني شنو (كولا ) (فاميلي سايز ...) ...!!! (مسكينة ماشافت (كدوس ) ودجيرانا بشربا شراب ( الفاميلي سايز ) دي خلي يشيلا .....!! اقسم بالله انا طوالي قلتا بعد تنتهي أقول ليها افوووو انا قاعد اعمل شنو والله الليله لوري (كولا ) اشيلو....!!! اها قفلت الخط وقالت لي عمك مافي ولا شنو ....!!؟؟ وزولك اتجهجه وقعد ينبز في الجماعة كيييف ماجابو ليهو الطلبية بتاعة (الكورنفليكس) وانا متأكد إنّو اصلو ماطلبا...!!! (كورنفليكس ) لي منو يا يس ..!!؟ كدوس مثلا ) ..!!( الدنيا رمضان ياخ ) ..!! وهي قالت كده أدت ليك الطرحه دي لويه ...( لوتني في مصاريني ) واستعدلت للانطلاق ...!! قالت ليهو مامشكله بشوف مكان تاني ...!!! طوالي انا قلتا ليها اها والكولا ....!!! قالت لي نعم ..!!؟؟ اتذكرتا انها كانت بتتكلم مع خالتا ....!!! قلتا ليها لا انا مع سيد الدكان ....!! قالت لي اهااا انا أسفه ...،،ومشت خلت خشمي ده ملح ملح مع العطش الفيهو ...عمك يس جاب لي الصلصة
الطلبتها مداها لي داير يفلقني بيها ...!! قلتا لي مادايرا ...!!؟ اقعد تابع لي في الصلص ..!! وماجي ..!! ومربة سعيد ...!! هسه لوجبتا (الكورنفليكس ) ده ماكان عبرتا !!!؟ صحي غايتو مرمي الله مابترفع ... ..!! عمك (يس ) هين ....!!!! انا البرفع صيامي ده شنو الليله ......تكون ياربي العاصفة دي شالتو ...!! غايتو النمشي نشوف لينا (كورنفليكس) نتسحر بي ...!!والسويتيها رقدت يا ام عيون سوات العاصفة بي ساق الشتيلة الني ...!!! الله كريم علينا !!..

#اشياءبسيطة ..

ﺇﺫﻫﺐ ﺣﻴﺚ ﻳﺮﺗﺎﺡ ﻗﻠﺒﻚ
ﺇﺫﻫﺐ ﺣﻴﺚ ﺗﺮﻏﺐ ﺃﻧﺖ
ﺣﻴﺚ ﺗﺸﻌﺮ ﺑﺎﻷﻣﺎﻥ ﻭﺍﻻﻃﻤﺌﻨﺎﻥ
ﻻ ﺗﺄﺧﺬ ﺍﺗﺠﺎﻩ ﻻ ﻳﻌﺠﺒﻚ
ﻓﻘﻂ ﻷﻥ ﺍﻵﺧﺮﻳﻦ ﻗﺪ ﺃﺧﺬﻭﻩ
#ﺃﻧﻴﺲ_ﻣﻨﺼﻮﺭ.. ™

ﻭﺗﻀﻮﻯ ﻭﺍﻟﻠﻴﻞ ﻳﻨﻬﺰﻡ..
ﻭﻛﺘﻴﻦ ﻳﺒﺎﻟﻎ ﻭﻳﺒﺘﺴﻢ..
ﺍﻟﺪﻧﻴﺎ ﻳﺎﻧﺎﺱ ﺗﻨﻘﺴﻢ..
ﺍﻟﻔﺮﺣﻪ ﺗﻤﻼﻫﺎ..
ﻭﺗﺰﻏﺮﺩ ﻓﻴﻬﺎ..
ﻭﺍﻟﺸﻮﻕ ﻳﺮﺗﺴﻢ.. ™