عفوا سماح ...
اديني مقشاشه النزح نقش ألمي
والله بت الخال انا مستحي وخجلان
اخجل علي دمي ..
خاليك هناك في الليل وانا جوه متلمي
نايم سعيد دفيان متعشي بي سمي
مدفوقه انت هناك ...ماقادره تتجمي
وحات عيونك ديل
الشافو سهر الليل
وضاقو مر الويل
انا مستحي وخجلان وجوه في ضفوري
وانت في الاحزان غرقانه بت عمي
بسأل ورا الحيطان
بسأل وجد خجلان ..
مااشتروها القفه ولا حتي مقشاشه ..!!؟؟
لا لقمه تكفي الجوع سخينه رشاشا..!!؟؟
وانا لِسَّه جوه البيت قاعد ذي الباشا
أعد في أحلامي ...ومتابع الشاشه
وانت تحت النور..، مهدودة محتاسه
بين الحشر والضو قابضاك كماشه
لاعارفه وين تمسي لا انت وين ماشا
واخجلتي وذلي واحسرتي واسفاي
والله بت العم
انا او لوبكيت بالدم
او قلتا فيك غناي
مابسامح الروح
الخلتك وتروح
نايمه في الشارع ومفرشا الواطا
في دنيا مابترحم سواطا جواطا
يانورا ضو الليل وانت الشمس ذاتا
وريني اقدر كيف أحمل تعب سهرك
انا جوه تحت النور غرقانه في أسرك
مهدودة الاوصال ممدود حبل صبرك
مشدوهة الاحوال وراضيه بي قدرك
ماعارفه طيرك وين سيستريح ويرك
ياسواد وشي .....وياجلااال قدرك
انا مستحي وخجلان
انت اعلي وفوق وانا اصلو ماقدرك
لو كنتا قدرك صاح ..ماكنت نايمه هناك
لو جد بعرف الصاح ....كنتا هسا معاك
أبيع انا القفه
وتنومي في الغرفه
بس بايته في اللفه..!!
واتغابي فيك عرفه...!!؟؟
كيفن بسامح الروح الخلتك وتروح
بردانه في الشارع وروحي تتدفا ..!!
واخجلتي وذلي واحسرتي واسفاي
اديني مقشاشه النزح نقش ألمي
والله بت الخال انا مستحي وخجلان
اخجل علي دمي !!..
#الطيب_عبد_الماجد ..
اديني مقشاشه النزح نقش ألمي
والله بت الخال انا مستحي وخجلان
اخجل علي دمي ..
خاليك هناك في الليل وانا جوه متلمي
نايم سعيد دفيان متعشي بي سمي
مدفوقه انت هناك ...ماقادره تتجمي
وحات عيونك ديل
الشافو سهر الليل
وضاقو مر الويل
انا مستحي وخجلان وجوه في ضفوري
وانت في الاحزان غرقانه بت عمي
بسأل ورا الحيطان
بسأل وجد خجلان ..
مااشتروها القفه ولا حتي مقشاشه ..!!؟؟
لا لقمه تكفي الجوع سخينه رشاشا..!!؟؟
وانا لِسَّه جوه البيت قاعد ذي الباشا
أعد في أحلامي ...ومتابع الشاشه
وانت تحت النور..، مهدودة محتاسه
بين الحشر والضو قابضاك كماشه
لاعارفه وين تمسي لا انت وين ماشا
واخجلتي وذلي واحسرتي واسفاي
والله بت العم
انا او لوبكيت بالدم
او قلتا فيك غناي
مابسامح الروح
الخلتك وتروح
نايمه في الشارع ومفرشا الواطا
في دنيا مابترحم سواطا جواطا
يانورا ضو الليل وانت الشمس ذاتا
وريني اقدر كيف أحمل تعب سهرك
انا جوه تحت النور غرقانه في أسرك
مهدودة الاوصال ممدود حبل صبرك
مشدوهة الاحوال وراضيه بي قدرك
ماعارفه طيرك وين سيستريح ويرك
ياسواد وشي .....وياجلااال قدرك
انا مستحي وخجلان
انت اعلي وفوق وانا اصلو ماقدرك
لو كنتا قدرك صاح ..ماكنت نايمه هناك
لو جد بعرف الصاح ....كنتا هسا معاك
أبيع انا القفه
وتنومي في الغرفه
بس بايته في اللفه..!!
واتغابي فيك عرفه...!!؟؟
كيفن بسامح الروح الخلتك وتروح
بردانه في الشارع وروحي تتدفا ..!!
واخجلتي وذلي واحسرتي واسفاي
اديني مقشاشه النزح نقش ألمي
والله بت الخال انا مستحي وخجلان
اخجل علي دمي !!..
#الطيب_عبد_الماجد ..