أشياء بسيطة

.هذا الحُب يستحقُ نهايةً أفضل،، في الحقيقة لن ينتهي أبداً،،،لم يكن عادياً ولن يكون... إنه إلتقاء أرواحٍ مازالت تبحث عن بعضهااا حينما أوهمهما البشر أنهما أنفصلا للأبد.... أعلمُ جيداً لابد أن تلتقي الأرواح يوماً..
(مشهد أول)...
الله...الوطن...هوَ..
كان بسيطاً جداً..لم يكن بالشخص الملفت..ولم أكن إلا لأكون له..كان أصيلاً في كل شيء..ولم أكن إلا جزءً منه..يقدس العادات السمحه..يحترم القبيلة والأعراف..شهماً كما يليق بالرجل السوداني..وعلى كل هذه العتاقه..يملك عقلاً متفتحاً..متحضراً..تختلط في مفاهيمه السياسة والفن وحقوق المرأة والتمكين النسوي والعداله الاجتماعيه والتنميه الريفيه وال...يالله..كيف لهذا الرجل البسيط أن يضج عقله بكل هذه النضج والمنطق..كيف لهذه السطحية أن تخبيء كل هذا العمق..
كان لي كل شيء وانا كُنت له جميع الأهل !! علاقتناا صافية نقية على الفطرة لم يسبق له أن عَرِف فتاة سواي ولم أرى رجلٌ إلا هُوَ ،،، لم تُحاربنا العادات ولم نعاني بإسم التقاليد فقد بدا كلُ شيء مثالياً...
(مشهد ثاني)
واقول ياإنتي ياأغرق..
كأنها خُلِقت كما أُريد،، هي أجمل شيء في الوجود وشاطيء الأمان،،، هي طفلتي المُدللة وصغيرتي التي أخشى عليها من نسمات الهواء ،،، تعتريني رغبة دائمة أن أدسها من العالم وأجعلها لي وحدي ،، أخاف أن يمسها سوء ،،، يُقلقني أن تختلط بالبشر فيجرحهاا أحدهم،، هي رقيقة جداً ولاتستحق سوى الفرح،، أريد فقط أن نسير سوياً وأقضي معاها ماتبقى من العُمر وأن أبقى مُمسكاً بها إلى الأبد ولاأترك يدهاا مهما حدث،، وكيف لي أن اترك من أغلى من روحي علي ...
(مشهد تالت)
ماكلمتكن ماشفتن ود ناس فلان بريد ليك بت عمو من كانوا صغار،، وأبواتُن راجنهَم يكبروا شان يسوا ليهم العرس...
إحداهن :أجي َماقالوا داير بخليهاا تقرأ الجامعة في الخرطوم ،،، انا من يومي قلت ليكن البنية دي ماهينة بتااكل رأس الولد،، عاد انتن ماشفتنوا يركب الباص من هنا يمشي يجيب ليها الكُتب قال شان بتدور تقرأ... القُر اليُنفخااا،، كفاها القرتوا بعد دا تمسك بيتهاا وتقعد...
(مشهد رابع)
(هُوَ) انتي عارفة يعني شنو وطن؟(هِي) لا،، بس انت علمتني أي شي وريني معناه شنو
هو:(انتي الوطن وانتي كل شي وانا بدونك ولا شي) مهما حصل اتذكري كلامي دا،،، انا الكلام الكتير مابعرف لي لكن البزعلك ي بت بقتلووا والدايراهوو بجيبوا ليك وإن دورتي نجوم السما بجيبهاا ليك،،، في مناسبة الليام الجاية في الحلة ي بت انتي بتي عمي وانتي بتعرفيني دمي حار ومابدور اكورك فيك شان ماتزعلي،،،إلا أنا مابرضاك تنضمي مع أي زول وحات البيناا ماتخلي زول ينضم معاك وانا واثق فيك تب إلا مابثق في الناس ديل..
حااااضر،، انا ماشايفة زول قاعد غيرك،،، انا بس بشوفك انت وباقي المكان بكون فاااضي..
أنا عارفاك ي بت بس تنتهي الجامعة واعمل ليك اكبر عرس ماحصل ف البلد كلهاا...
لكن انا ما دايرة جامعة الناس كلها معترضة اني اقرأ،،، وانا خااايفة ماحصل مشيت بعيد من اهلي وانت ح تخليني امشي براي!!
والله ياستهم انا زاتي مامرتاح إلا أنا قاطع وعد على روحي أحقق ليك اي شي كنتي دايرة،، لمن يجي وقتهاا بنلقي حل لكن انتي كان مشيتي آي مكان برضك قاعدة..
.....
(هِي) من أين تأتي بالفصاحة كلها وانا يتوه على فمي التعبير؟؟ لم يكن ينمق الكلمات ولاينتقي التعابير هداياه كانت عادية جداً يقول الجميع انها لاترتقي لما أتطلع ولكني كنت أكتفي جداً بهاا ولم اريد المزيد، ،، لقد كان صادقاً صدقاً يجعل كلماته تستقر في قلبي بلا استئذان،، ، ارتجاله في الحديث بلغته السَمحة كان افضل من كل الروايات وأشعار الكُتااب،،، هداياه البسيطة الجميلة جداً لم يسبق أن اسعدني شيء كما كانت تسعدني...
لم نكن نشبه أحد في شي وإن كان حُبنا تقليدي لكنه كان بطريقتنا نحنا يشبهناا وحدنااا انا وهو ولا عزاء لأحد،،، كان يفهم كل شي وكنت أعلم مايريد لم نتشاجر يوماً ولم نختلف لقد كان واعياً وتربيت انا على يديه،، لقد حقق جميع ماكنت اتمناه ... ماالذي حدث!! أين هُو!! كيف يُهجر الوطن!! كيف تركتني!! لقد دفنتني وانا على قيد الحياة،،
ياالخليت ملامحك في حياتي💔..

بقلم:النونيه الخضراء
#آش

10.5K viewswafoya ❤️, 14:17