مقال اليوم 205
♡إن ربي لطيف لما يشاء♡
#حلمك_ليس_له_تاريخ_إنتهاء_خذ_نفسا_عميقا_وحاول_مرة_أخرى
انا عاتكة. دكتورة في جامعة السودان للعلوم والتكنولوجيا.
بداية قصتي حكوها لي لأني كنت أصغر من اني استوعب او أتذكر.
وأنا عمري تسعة شهور بديت امشي لحدي عمر سنتين كنت كويسة...اخدت تطعيم شلل الأطفال لسبب ما فايرس التطعيم سبب لي شلل في الأول كنت ما بحرك غير رأسي لكن تدريجيا أتحسنت وبقى الضرر في النص السفلي...الرجلين
وعيت ع الدنيا وانا ع كرسي متحرك في البيت كان التعامل معاي عادي وكنت شليقة كمان...عادي علي غسيل عدة وعادي بنضف وأمسح وعادي ساعات بتمرد...
امي هي الدخلتني الروضة والمدرسة لكن قبل ما أتم 8 سنة...امي اتوفت 😢 وراح السند والأمان...
واصلت دراستي ومن نعم الله كنت متفوقة...ونفس التعامل الطبيعي كان في المدرسة ربنا حظاني بصحبات ذي النسمة...
امتحنت شهادة وكان نفسي ادخل صيدلة...لقيت في استمارة التسجيل مكتوب انه لو كنت تعاني من اي إعاقة فغير مسموح انك تدخل كلية علمية ! زعلت وشخبطت الإستمارة...اختي جابت استمارة تانية وقدمت لي تربية...دخلت تربية وانا مقهورة وشايفة انه دا ما مكاني...وعشان تكمل معاي ناس القسم في الكلية عاكسوني في التسجيل انه انا كيف ح اشتغل استاذة وانا ع كرسي...أربعة شهور ما دخلت محاضرة بسبب المعاكسات واخوي جاري مع ناس القسم لحدي ما يوم صادف استاذة بريطانية قالت ليه انا شايفاك كل يوم بتجي عندك مشكلة؟ شرح ليها ...قالت ليه انها ح تحلها وفعلا حلتها...الأجنبية حلت لي مشكلة في #بلادي_الفيها_ضائع _لي_زمن
استمرت المعاكسات كانت المحاضرات بتترفع فوق كورسات كاملة كنت بمتحنها من غير ما أحضر فيها ولا محاضرة...وبحمد الله وعونه كنت بجيب إمتياز...
اتخرجت ومفروض البتخرج بامتياز يتعين في الجامعة انا أسمي كانت بيتحذف من قائمة الناس الح تدخل معاينة...
واتعينوا الناس التقديرهم جيد جدا...
يئست من اني اشتغل...يوم ضربت لي صاحبتي #هبة قالت شافت إعلان في شريط في التلفزيون لمعاينات لمنحة ماجستير للناس الجابت امتياز. قلت ليها انا جامعتنا دي رامية طوبتها وعارفة العقليات الفيها...فضلت تقنع فيني لما قلت ليها ح امشي..بعد يومين ضربت تسألني عملتي شنو في المعاينة وأنا كنت نسيت الفكرة نهائي ذي اتمسحت من رأسي. قلت ليها والله نسيت. أصرت اني امشي بكرة اشوف يمكن تكون إتأجلت مشيت بس عشان ارضيها وانا ما عندي اي امل ولا رغبة. وسبحان الله لقيت انه عشان الناس كتيرة قسموهم ع يمومين. من الباب قابلني دكتور الله يرحمه ويجزيه الجنة قال لي أنت داخلة معاينة الماستر؟ قلت ليه ايوا. قال لي تعالي ادخلي اول واحدة عشان ما ناخرك (انا الكان أسمي بتشال من المعاينة ربنا سخر لي زول يدخلني اول واحدة سبحان الله ).
دخلت لجنة المعاينة تقريبا خمسة دكاترة سودانين ومعاهم دكتور امريكي. عاينت في الوجه اعرف ديل منو لانه تجاربي السابقة سيئة والحمد لله لقيتهم من خيرة الدكاترة في الجامعة وبالإضافة للامريكي اساسا من الأول وجوده ريحني نفسينا. الحمد لله المعاينة مرت بسلام والامتحان التحريري برضو. و قبلوني للماستر. دخلنا المعاينة والامتحان 150 تقريبا، قبلوا مننا 15.
الكورسات واستاف التدريس كان من جامعة بريتوريا حاجة فوق الخيال علم وأخلاق.
خلصت الماستر و مفروض اتعين في الجامعة. اتعينت كل المجموعة ماعدا انا كالعادة. موظف في شؤون العاملين قال كيف ح تشتغل وهي ع كرسي. وتاني رجعنا للجري مافي زول عايز يديني مستند مكتوب بالكلام دا عشان ح يدينه وما عايزين يمشوا الإجراءات. لكن ذي كل مرة ربنا يسخر لي ناس بتفهم والحمد لله بعد تأخير أربعة شهور (كأني موعودة مع تأخير الأربعة شهور) اتعينت وبتخصص جديد فتح لي آفاق وفرص في يوم ما اتخيلت اني احصل عليها.
وبفضل الله بعدها عملت الدكتوراة في جامعة كيب بيننسولا في كيب تاون...
شهر أربعة الفات اترقيت لأستاذ مشارك وكدا بقيت اول أستاذ مشارك في تخصصي في الجامعة.
ومازلت شغالة في الكلية والحمد لله كل سنة بسافر اقدم ورقة علمية في مؤتمر برة السودان وعندي أوراق علمية منشورة في مجلات عالمية.
قبل شهر خلصت دبلوم عالي في تصميم وتطوير المناهج الذكية في الدول العربية، منحة من جامعة حمدان بن محمد في دبي، حصلت على امتياز ومعدلي كان 4/4 الحمد لله رب العالمين حمدا كثيرا طيبا مباركا فيه
وحاليا شغالة في مشروع ممول من هيئة البحث العلمى والابتكار فى وزارة التعليم العالى عن استخدام التكنولوجيا لتعليم الأطفال المعاقين حركيا...وأسأل الله انه يوفقني فيه عشان اقدر أغير حياة حتى لو طفل واحد لإنسان ناجح...
#عشان تتغلب على الظروف الغلط خليك انت صح لانه ح يجي وقت لا يصح إلا الصحيح... لازم تجتهد وتجتهد وتجتهد
ولسه ماشين في السكة نمد
ودائما اتذكروا انه الهيئة الخلقنا عليها ربنا هي احسن وضع ممكن نكون فيه لانه ( صُنْعَ اللَّهِ الَّذِي أَتْقَنَ كُلَّ شَيْءٍ ).
&
اقبل على النفس واستكمل فض
♡إن ربي لطيف لما يشاء♡
#حلمك_ليس_له_تاريخ_إنتهاء_خذ_نفسا_عميقا_وحاول_مرة_أخرى
انا عاتكة. دكتورة في جامعة السودان للعلوم والتكنولوجيا.
بداية قصتي حكوها لي لأني كنت أصغر من اني استوعب او أتذكر.
وأنا عمري تسعة شهور بديت امشي لحدي عمر سنتين كنت كويسة...اخدت تطعيم شلل الأطفال لسبب ما فايرس التطعيم سبب لي شلل في الأول كنت ما بحرك غير رأسي لكن تدريجيا أتحسنت وبقى الضرر في النص السفلي...الرجلين
وعيت ع الدنيا وانا ع كرسي متحرك في البيت كان التعامل معاي عادي وكنت شليقة كمان...عادي علي غسيل عدة وعادي بنضف وأمسح وعادي ساعات بتمرد...
امي هي الدخلتني الروضة والمدرسة لكن قبل ما أتم 8 سنة...امي اتوفت 😢 وراح السند والأمان...
واصلت دراستي ومن نعم الله كنت متفوقة...ونفس التعامل الطبيعي كان في المدرسة ربنا حظاني بصحبات ذي النسمة...
امتحنت شهادة وكان نفسي ادخل صيدلة...لقيت في استمارة التسجيل مكتوب انه لو كنت تعاني من اي إعاقة فغير مسموح انك تدخل كلية علمية ! زعلت وشخبطت الإستمارة...اختي جابت استمارة تانية وقدمت لي تربية...دخلت تربية وانا مقهورة وشايفة انه دا ما مكاني...وعشان تكمل معاي ناس القسم في الكلية عاكسوني في التسجيل انه انا كيف ح اشتغل استاذة وانا ع كرسي...أربعة شهور ما دخلت محاضرة بسبب المعاكسات واخوي جاري مع ناس القسم لحدي ما يوم صادف استاذة بريطانية قالت ليه انا شايفاك كل يوم بتجي عندك مشكلة؟ شرح ليها ...قالت ليه انها ح تحلها وفعلا حلتها...الأجنبية حلت لي مشكلة في #بلادي_الفيها_ضائع _لي_زمن
استمرت المعاكسات كانت المحاضرات بتترفع فوق كورسات كاملة كنت بمتحنها من غير ما أحضر فيها ولا محاضرة...وبحمد الله وعونه كنت بجيب إمتياز...
اتخرجت ومفروض البتخرج بامتياز يتعين في الجامعة انا أسمي كانت بيتحذف من قائمة الناس الح تدخل معاينة...
واتعينوا الناس التقديرهم جيد جدا...
يئست من اني اشتغل...يوم ضربت لي صاحبتي #هبة قالت شافت إعلان في شريط في التلفزيون لمعاينات لمنحة ماجستير للناس الجابت امتياز. قلت ليها انا جامعتنا دي رامية طوبتها وعارفة العقليات الفيها...فضلت تقنع فيني لما قلت ليها ح امشي..بعد يومين ضربت تسألني عملتي شنو في المعاينة وأنا كنت نسيت الفكرة نهائي ذي اتمسحت من رأسي. قلت ليها والله نسيت. أصرت اني امشي بكرة اشوف يمكن تكون إتأجلت مشيت بس عشان ارضيها وانا ما عندي اي امل ولا رغبة. وسبحان الله لقيت انه عشان الناس كتيرة قسموهم ع يمومين. من الباب قابلني دكتور الله يرحمه ويجزيه الجنة قال لي أنت داخلة معاينة الماستر؟ قلت ليه ايوا. قال لي تعالي ادخلي اول واحدة عشان ما ناخرك (انا الكان أسمي بتشال من المعاينة ربنا سخر لي زول يدخلني اول واحدة سبحان الله ).
دخلت لجنة المعاينة تقريبا خمسة دكاترة سودانين ومعاهم دكتور امريكي. عاينت في الوجه اعرف ديل منو لانه تجاربي السابقة سيئة والحمد لله لقيتهم من خيرة الدكاترة في الجامعة وبالإضافة للامريكي اساسا من الأول وجوده ريحني نفسينا. الحمد لله المعاينة مرت بسلام والامتحان التحريري برضو. و قبلوني للماستر. دخلنا المعاينة والامتحان 150 تقريبا، قبلوا مننا 15.
الكورسات واستاف التدريس كان من جامعة بريتوريا حاجة فوق الخيال علم وأخلاق.
خلصت الماستر و مفروض اتعين في الجامعة. اتعينت كل المجموعة ماعدا انا كالعادة. موظف في شؤون العاملين قال كيف ح تشتغل وهي ع كرسي. وتاني رجعنا للجري مافي زول عايز يديني مستند مكتوب بالكلام دا عشان ح يدينه وما عايزين يمشوا الإجراءات. لكن ذي كل مرة ربنا يسخر لي ناس بتفهم والحمد لله بعد تأخير أربعة شهور (كأني موعودة مع تأخير الأربعة شهور) اتعينت وبتخصص جديد فتح لي آفاق وفرص في يوم ما اتخيلت اني احصل عليها.
وبفضل الله بعدها عملت الدكتوراة في جامعة كيب بيننسولا في كيب تاون...
شهر أربعة الفات اترقيت لأستاذ مشارك وكدا بقيت اول أستاذ مشارك في تخصصي في الجامعة.
ومازلت شغالة في الكلية والحمد لله كل سنة بسافر اقدم ورقة علمية في مؤتمر برة السودان وعندي أوراق علمية منشورة في مجلات عالمية.
قبل شهر خلصت دبلوم عالي في تصميم وتطوير المناهج الذكية في الدول العربية، منحة من جامعة حمدان بن محمد في دبي، حصلت على امتياز ومعدلي كان 4/4 الحمد لله رب العالمين حمدا كثيرا طيبا مباركا فيه
وحاليا شغالة في مشروع ممول من هيئة البحث العلمى والابتكار فى وزارة التعليم العالى عن استخدام التكنولوجيا لتعليم الأطفال المعاقين حركيا...وأسأل الله انه يوفقني فيه عشان اقدر أغير حياة حتى لو طفل واحد لإنسان ناجح...
#عشان تتغلب على الظروف الغلط خليك انت صح لانه ح يجي وقت لا يصح إلا الصحيح... لازم تجتهد وتجتهد وتجتهد
ولسه ماشين في السكة نمد
ودائما اتذكروا انه الهيئة الخلقنا عليها ربنا هي احسن وضع ممكن نكون فيه لانه ( صُنْعَ اللَّهِ الَّذِي أَتْقَنَ كُلَّ شَيْءٍ ).
&
اقبل على النفس واستكمل فض
❤1
أشياء بسيطة pinned «مقال اليوم 205 ♡إن ربي لطيف لما يشاء♡ #حلمك_ليس_له_تاريخ_إنتهاء_خذ_نفسا_عميقا_وحاول_مرة_أخرى انا عاتكة. دكتورة في جامعة السودان للعلوم والتكنولوجيا. بداية قصتي حكوها لي لأني كنت أصغر من اني استوعب او أتذكر. وأنا عمري تسعة شهور بديت امشي لحدي عمر سنتين…»
الصباحات لما تشرق ولمة الناس والحكاوي..
وصوت كبابي الشاي تكركب..
وضحكة من الجوف بتمرق..
في الدواخل جد بتفرق💙🌸..
وصوت كبابي الشاي تكركب..
وضحكة من الجوف بتمرق..
في الدواخل جد بتفرق💙🌸..