- دي شنو الكورة الشينة العندها حاجات بي الجنبة طالعة دي
= معاك كورونا يا ما مُثقف يا ضحية
- مكرونة شنو، بحب الرُز انا، بعدين المكرونة شكلها ما كدا قايلني بليد
= صحي بليد وهمك بطنك يا ابو كرش
- لا قصدك انا سمين صح؟
= اصلا سمين، لكن بتعرف كتاب قريب اصبر لي
- ههه آخر الزمن تهددني كورة دقيقة اشلتك يا شين
= عاين يا عوير عايز أقول ليك شئ اسمعني
- أنا عوير ؟ دقيقة ألبس بُوت وأجيك
= ياخ دا شنو الحيوان دا القايلني كورة دا الشعب السوداني دا كلو بحب الشلِّيت
- قصدك أنا ما بعرف العب كورة صح؟ اسأل مني ناس الفريق مسمني الطاحونة
= طاحونة تقع فيني أنا يا الله، أنا الجابني من الصينين شنو؟
- دقيقة دقيقة إنت made in China
= زول يفهم الزول دا انا فيروس ما كورة
- اممممممك فففف ففف يي. إيه
= ود الكلب ياداب خُفت اي فيروس فيروس بقتل كمان
- ديشاااااك يا، انا جبت البوت كنت ماش التمرين ما تفهم غلط
= تمرين السمك
- جادي أنا بعدين أنا ح البس كمامة وطالع
= أنت قايل الكمامة بتحلك مني؟
- كيف
= الكمامة دي لي الزول المريض بتخفف انتشار المرض من زول مصاب  لي زول  سليم، وله الطبيب البعالج
- دييييييم يااااا إنت جادي
= كل الجِداد
- طيب دقيقة قالوا لي بتخاف من السخانة وبتقتلك يا ود ميكي
= ود ميكي بوريك ليو، السخانة نعم بتقتلني لو كنت على السطح لكن بعد اخش جوة إلا تغني ظلموني
- دقيقة كيف كيف؟
= كدا، يعني انا عندي فترة بكون حي فيها في الأسطح ووو كدا لكن من ادخل الجسم دا تاني أنت ومانعتك
- أنا ومناعتي! شت يااااا الويكة دي معناتها ما تخليني اعيش دقيقة
= يا صحبي معلش حالتك تحنن هه
- يا زول عندنا قرض ومعاو كمون دا حبوبتي قالت لي بقتل اي شئ
= شوف يا بليد انت انا بهاجم الجهاز التنفسي وبخش الرئة يعني قرضك دا ما بلقى ليو طريقة يخش زاتو
- دييييم يااااا يعني شنو
= يعني قرضك دا بلو واشرب مويتو
- طيب أديك الزيت أنا ح اعقم البيت كلو واوريك الخساسة الما بتعرفها
= كظااب
- بتشوف براك اصبر لي يا شين
= اذا كان أسى أنت طالع وح تلاقي تجمعات ويمكن تجي وشايل في جسمك واحد قريبي ويوريك النجوم عز الضهر.
- اسمعي انا من البيت ما طالع وتاني بلتزم بي أي شئ
= كلام ساي كلكم مستهترين بي ونحن بعد ١٤ يوم بنبدأ نقتل فيكم لأنو فترة الحضانة بتكون انقضت
- عايز أقول ليك حاجة يا شين انت
= قول
- عاين وراك
= في شنو
- بخ بخ بخ هاك دا معقم يا شين يا حيوان عامل فيها بتخوفني فايروس بليد.

المهم إنتو عارفين وانا عارف الفيروس الفوق دا مات بس ألفي بيتكم مات، وهل انت في البيت وله لا، المهم عشان الفيروس دا ما يختنا في فتيل اتزرع في بيتكم
#سودان_بدون_ كورونا
#Amin_Abdulmajid,, ♡

بت النيل والشمس البدري
تكبري تقري وم تنقدري 💛💛

أنتِ التفرُّد بينهُن..
من قال إنكِ مثلهن؟😍🧡

تم القضاء على فيروس كورونا ..
والجميع في صحه وعافيه ..
اخرجوا من بيوتكم ..
وصلوا في المساجد ..
وأكلموا حياتكم الطبيعيه ..
اللهم هذا اليوم عاجلاً غير آجل💙..

ح نلتزم بالارشادات الصحية..
ح نلتزم بحظر التجوال..
عشان صحتنا..
#سودان_بدون_كورونا..
💜💜💜

‏أن تموت وأنتَ تجاهد نفسك لتستقيم ، خير لك من أن تموت مُستسلما لشيطانك و هواك..

جاهد ؛ لعلك تستقيم يوماً 💛💛

‏الصباحات البهيّة الشارقة من ضحكك نغم💙🌸..

‌‏ وزينةُ المرء بينَ النَّاسِ منطِقهُ
‏نصفُ الجمالِ بِلين القولِ معقودُ..

وسرحت يا مهون تهون..
يالله هووي تنجيني من ضيق الوسيعة وظلمها..

اناغم ليك مساء النور..
وكيفك إنت في غيابك..
أقول يمكن يزاورك طيف يخليك تطرا أحبابك ..
ندهتك وإنت ما حسيت أريتو الصابني ما صابك 💔

كان عُمري إتناشر سنة ..
شايل التقيلة مُبكّرة ..

.ﻳﺎ سكه لي بيتنا
ﻳﺎ عتمه ﻳﺎ ﻣﺸﻮﺍﺭ
ﻳﺎ ﺷﺎﺭﻉ ﺍلحِله
ﻣﺎﺿﺎﻋﺖ ﺍﻟﺬﻛﺮﻯ
ﻟﻠﻐﺎﺑﻮ ﻭ ﺍﻟﺤﻀﺮﻭ..

باب الرزق مفتوح ربك كريم رزاق💙..

.إنتي العليك الرَّك✨♥️..