يوميات #علوب ....( كورونا ) في حلتنا
لون (المنقة )
غايتو اشوف ليك المحطات والتلفزيون والدنيا القي ليك العالم دا كلو واقف ( قنا ) بي سبب الكورونا دي
جاي هسا من السوق العربي .. الكورونا شخصيا خليتا متكلًا هناك فاتحًا خشما مستغربة وتبكي
ياخ دا كوكب تاني ....!!
ياخوانا ولا كأنو فى أي حاجه حاصلة...!!
يمين داخلين مارقين ..زي المافي حاجه ...!!
لا .....!!
والسلام والمطايبة والمقالدة ...
وبرررررد يا ...الحاصل شنو ..!!؟؟
جيت الحلة غايتو لقيت الناس منقسمين
ناس ( ود الحاجه ) قالو بعد الشافو في الدنيا دي تاني ما فارقة معاهم أي حاجه ...لا كرونه ولا ( مكرونة ) كلو واحد ....!! وما بهمهم ....!!
شغالين بس بس كي نظرية اصغر منك دوسو ....!!
هي لكن يا ود الحاجه هي كورونا دي تشوفا كيف ذاتو عشان تدوسا ...!!! انت قايلا جرادة .....🦗
دا كلام دا
جيت داخل لقيت النسوان مع الحاجه قربت اطردن
يازووول الجبنة مدورة والقرقرابة ....!! قاعدة فوزية وملكة وسنية ...!!
اتخيل فوزية قالت ليهن ....هو قالو ( كرونا ) دي وهمة ساكت عايزين يخوفو بيها الناس يدخلوهم البيوت ...!! الله يستر ما يقلبوها علينا تاني ....!!!
لتعقب سنيه بشيئ من الوعي
لا لا يافوزية قالو ليك المرض دا منتشر في العالم دا كلو ...لكن ما ظنيتو بجينا هنا في جنس ( الحراية ) 🔥دي ....!!
وأفتت ( ملكة ) ...!!
قالت ليهم عليكم الله ما تخربو لينا الونسة والجبنة بالكلام الكعب !!!....☕️☕️... وكدا ....
( هذه كانت آراء فريق البحث العلمي لمواجهة كورونا في الحلة ) ...!!💊
ناس مشاعر غايتو في شوية وعي ..!!
تشيل وتنضف في البيت وتغسل في يدينا ...!!🙌
لكن للأسف ماشين ليهم عرس ..!!!😳😳
( لأول مره استخدم القوة المفرطة ومنعتهم الذهاب ) 🚫
( أميره فلقصة ) مستفيدة من الحدث في الترويج
لأنواع المعقمات الجابوها ليهم من بره ...!!
ودارعين ( الكمامة ) قالت لي مشاعر....
قالو لي عيونك أحلى بالكمامة 😷😳
خلت ليك ( كورونا ) تتلفت ...
ودخلتا في اضافرينا
( أمونة ) قالت بلا حظر تجوال معاكم عشان مرطبين وماعندكم مشكله ناكل ليكم من وين نحن ...
منتصر قال ليها لكن يا ( أمونة ) ...
الناس بتاكل عشان تعيش ....!! ولاتموت عشان تاكل ....!!
استوقفني هذا الرد من المنتصر ....!!
منتصر دا عمرو خمسة وعشرين سنة أيام الثورة ديك بدير المظاهرات زي قائد الحامية ....✌️
....
غايتو الوحيدات الزيت في الحلة ناس ( أمنيات )
و( تقوى )
ديل عاملين ليها ملصقات وطالعين ليها دعاية
يشيلو ويلصقو في الدكاكين وحملات توعية ......!! معاهم ناس جعفر وأمهر والسر ومأمون والصادق ...وبنات صغار كدا ماعرفتهن
المهم ديل عاملين خلية أزمة عديل كدا...!!!
بس الأمل في ديل ....!! جزء كبير منهم شفتو أيام الثورة ديك ..!!نفس الزيت ...!!!✌️
نحن غايتو شغالين .....وكلمنا المقاومة في الحلة قلنا ليهم وجهو طاقاتكم كلها تجاه كورونا دا
هسا الصحة أهم حاجه .....الحل في ( البل )
و ( البل ) في ( العزل )
بالنسبة لعالم الفيروسات الظهر وقال العلاج المنقة ....🥭🥭🥭
غايتو هسا في كم دولة بتحاول تتصل بيهو ...قالو تلفونو مغلق ...لو في زول بعرفو عليكم اااخ خلي يفتح تلفونو ...!!
واهم حاجه يحدد لينا المنقة البلدي 🥭 ولا الهندية 💃ونشربا عصير 🍹و لا نكدها ...😈
المعلومات دي مهمة شديد ...
العالم كلو منتظر
وكما غنت البلابل ياشايل المنقة ...وكأنهن يتنبأن ليوم عظيم ....!!
غايتو كورونا كان بحس صراحه أفضل ما يجي
مع المنقة الساااقطة الراجياهو دي ....ونحن نتمنى ذلك ...!!
ربنا يحفظكم اجمعين....
الكورونا ان شاءالله لا تجينا لا تطرانا .....شاحدنو الكريم ومتيقنين هو معانا ...!!
بالنسبة للقشرة بتاعة المنقة مدغ ،،،،ولا عضغيض....!!! ولا نكبها ...🥭🥭
أسالو لينا عليكم الله ...
ولون المنقه يا الشايل المنقه ما عارف كيف نحنا بنشقي
ايوووووا بنشقى ...!!
#اشياءبسيطة ..
لون (المنقة )
غايتو اشوف ليك المحطات والتلفزيون والدنيا القي ليك العالم دا كلو واقف ( قنا ) بي سبب الكورونا دي
جاي هسا من السوق العربي .. الكورونا شخصيا خليتا متكلًا هناك فاتحًا خشما مستغربة وتبكي
ياخ دا كوكب تاني ....!!
ياخوانا ولا كأنو فى أي حاجه حاصلة...!!
يمين داخلين مارقين ..زي المافي حاجه ...!!
لا .....!!
والسلام والمطايبة والمقالدة ...
وبرررررد يا ...الحاصل شنو ..!!؟؟
جيت الحلة غايتو لقيت الناس منقسمين
ناس ( ود الحاجه ) قالو بعد الشافو في الدنيا دي تاني ما فارقة معاهم أي حاجه ...لا كرونه ولا ( مكرونة ) كلو واحد ....!! وما بهمهم ....!!
شغالين بس بس كي نظرية اصغر منك دوسو ....!!
هي لكن يا ود الحاجه هي كورونا دي تشوفا كيف ذاتو عشان تدوسا ...!!! انت قايلا جرادة .....🦗
دا كلام دا
جيت داخل لقيت النسوان مع الحاجه قربت اطردن
يازووول الجبنة مدورة والقرقرابة ....!! قاعدة فوزية وملكة وسنية ...!!
اتخيل فوزية قالت ليهن ....هو قالو ( كرونا ) دي وهمة ساكت عايزين يخوفو بيها الناس يدخلوهم البيوت ...!! الله يستر ما يقلبوها علينا تاني ....!!!
لتعقب سنيه بشيئ من الوعي
لا لا يافوزية قالو ليك المرض دا منتشر في العالم دا كلو ...لكن ما ظنيتو بجينا هنا في جنس ( الحراية ) 🔥دي ....!!
وأفتت ( ملكة ) ...!!
قالت ليهم عليكم الله ما تخربو لينا الونسة والجبنة بالكلام الكعب !!!....☕️☕️... وكدا ....
( هذه كانت آراء فريق البحث العلمي لمواجهة كورونا في الحلة ) ...!!💊
ناس مشاعر غايتو في شوية وعي ..!!
تشيل وتنضف في البيت وتغسل في يدينا ...!!🙌
لكن للأسف ماشين ليهم عرس ..!!!😳😳
( لأول مره استخدم القوة المفرطة ومنعتهم الذهاب ) 🚫
( أميره فلقصة ) مستفيدة من الحدث في الترويج
لأنواع المعقمات الجابوها ليهم من بره ...!!
ودارعين ( الكمامة ) قالت لي مشاعر....
قالو لي عيونك أحلى بالكمامة 😷😳
خلت ليك ( كورونا ) تتلفت ...
ودخلتا في اضافرينا
( أمونة ) قالت بلا حظر تجوال معاكم عشان مرطبين وماعندكم مشكله ناكل ليكم من وين نحن ...
منتصر قال ليها لكن يا ( أمونة ) ...
الناس بتاكل عشان تعيش ....!! ولاتموت عشان تاكل ....!!
استوقفني هذا الرد من المنتصر ....!!
منتصر دا عمرو خمسة وعشرين سنة أيام الثورة ديك بدير المظاهرات زي قائد الحامية ....✌️
....
غايتو الوحيدات الزيت في الحلة ناس ( أمنيات )
و( تقوى )
ديل عاملين ليها ملصقات وطالعين ليها دعاية
يشيلو ويلصقو في الدكاكين وحملات توعية ......!! معاهم ناس جعفر وأمهر والسر ومأمون والصادق ...وبنات صغار كدا ماعرفتهن
المهم ديل عاملين خلية أزمة عديل كدا...!!!
بس الأمل في ديل ....!! جزء كبير منهم شفتو أيام الثورة ديك ..!!نفس الزيت ...!!!✌️
نحن غايتو شغالين .....وكلمنا المقاومة في الحلة قلنا ليهم وجهو طاقاتكم كلها تجاه كورونا دا
هسا الصحة أهم حاجه .....الحل في ( البل )
و ( البل ) في ( العزل )
بالنسبة لعالم الفيروسات الظهر وقال العلاج المنقة ....🥭🥭🥭
غايتو هسا في كم دولة بتحاول تتصل بيهو ...قالو تلفونو مغلق ...لو في زول بعرفو عليكم اااخ خلي يفتح تلفونو ...!!
واهم حاجه يحدد لينا المنقة البلدي 🥭 ولا الهندية 💃ونشربا عصير 🍹و لا نكدها ...😈
المعلومات دي مهمة شديد ...
العالم كلو منتظر
وكما غنت البلابل ياشايل المنقة ...وكأنهن يتنبأن ليوم عظيم ....!!
غايتو كورونا كان بحس صراحه أفضل ما يجي
مع المنقة الساااقطة الراجياهو دي ....ونحن نتمنى ذلك ...!!
ربنا يحفظكم اجمعين....
الكورونا ان شاءالله لا تجينا لا تطرانا .....شاحدنو الكريم ومتيقنين هو معانا ...!!
بالنسبة للقشرة بتاعة المنقة مدغ ،،،،ولا عضغيض....!!! ولا نكبها ...🥭🥭
أسالو لينا عليكم الله ...
ولون المنقه يا الشايل المنقه ما عارف كيف نحنا بنشقي
ايوووووا بنشقى ...!!
#اشياءبسيطة ..
أشياء بسيطة pinned «يوميات #علوب ....( كورونا ) في حلتنا لون (المنقة ) غايتو اشوف ليك المحطات والتلفزيون والدنيا القي ليك العالم دا كلو واقف ( قنا ) بي سبب الكورونا دي جاي هسا من السوق العربي .. الكورونا شخصيا خليتا متكلًا هناك فاتحًا خشما مستغربة وتبكي ياخ دا…»