الكَاتمها في جواي كتيير ..
مُتملّك الجوف و العصب ..

يوميات علوب

ورا ال ( بسمات ) كتمتا ( شموع ) ..!!

قبل أيام كان عرس ( بسمات ) ...!! ( بسمات النور)
زميلتنا كانت في الجامعة زولة فردة ولذيذة كده جنها ضحك وظريفة جنس ظرافة ...طيبة شديد وجدعة وكل حاجة ...!! ماعندها قشة مره عادي كانت بتضرب معانا الفتة ...!!
اتصلت بينا قالت عرسها قرب لازم نجيها عشان نساعدا...!! ومن اليوم داك نحنا في حالة تنسيق كامل معاها ودي أقل حاجه نقدما ليها الكنداكة دي ...!!

المهم هي ذاتا داخله في الموضوع وشغاله معانا كأنو ده عرس واحده تانيه ماعرسا ... !!!
أول حاجه كان شرطها الوحيد انو العرس مايكون في (صاله) ...!! قالت لازم يكون في نص حلتم دي ..!!! وهي جنها وجن أعراس (الصالات ) ...قالت دمها تقيل وبايخه وبتحس بيها كلها بتشبه بعض ..!!! وانو دي حفلة في تلاجه ...!!! تفتقد طعم المشاركة الحقيقية ....!!
قلنا ليها أبشري اصلا لينا زمن كايسين لينا عرس حلة ( بكسر الحاء ) ...!!
المهم يازول فعلا قضينا معاهم كل الحاجات والشباب والله ماقصرو وبسمه تستاهل ..!!! اصلا هي عندها اخو واحد اسمو (حافظ ) بنعرفو من ايام الجامعة كان بجي لي أختو دي ... ود ظريف جدا ولطيف..!! (الظاهر البيت كلو كده) ....!!!المهم يازول هم اصلا عاقدين ...!!! الصيوان عملناه في نص الفسحه القدام بيتم ...!! ماخلينا لمبه حايمه ..!!! 💡💡💡
وكان الطلب التاني من العروس انو يغني ليها ( البعيو ) ...قالت لانو ( أبوها ) بحبو ...!!! (ياسلام عليك يابسمه ياخ ...) ...
وفعلا كانت حفلة تشبها ...!!! أول حاجه الناس دي كلها مبسوطة والحله كلها حاضره ...والعروس جات من الساعه تمنيه قالت جنها وجن العروس البفوتا عرسا ...!!!
والله لمن ( معاذ ) وبسمات ديل جو داخلين بس هلال مريخ ...!!! معاذ دا العريس صيدلي 💊 كدا مشت تشتري منو دوا لي ودا اختها الصغير ....هو قايلو ولدا ....
قال ليها هو ولدك العيان ..؟؟ قالت ليهو كدي خلينا نعرس أول الولد ملحوق .....وتضحك ساااي 😂😂😂طوالي جا خطبا وهسا العرس ...قال دي الزيت الصادقة الضحاكة دي ...هو النوع الطيباااان داك ..
نرجع للحفلة الأصلية دي ....يازووول الناس دي فرحانه من قلبا ...!!! وهي كمان في الحله دي رقم مهم وكبير ما بتقصر مع اي الناس .....!!!
المهم قعدو ليك في (الكوشه) ....!! 💓👨‍❤️‍💋‍👨
مش العروس بتقعد مسكينه كده تحنن ...!! (بسمات ) دي تشيل وتقالد وترحب ...!! مشيت جنبها كده قلتا ليها انت يا( عبس ) ماتتقلي شويه ...!!! كنا في الجامعة سامنها ( عباس ) بتلبس ( كبك )
قالت لي ماتضحكني ...!! الناس دي كلها بتعاين لينا.... جات مره كبيره كده متكلنها تكيل ..!! تبارك ....!!! بسمات دي وقفت علي حيلا ...!!! قالت لي زح زح ياعلوب دي (الزينة ) عمتي ...!!! ياحليلا عيانه جات.... !!! فعلا قلدتا شديييد .. وباركت ليها ومشت ....!!!
قالت لي دي (الزينة ) الحنينه ياخ ....بريدا من جوووه قلبي ....!!! عليك الله ياعلوب حصلا (باستني ) شديد مايقوم المكياج ده يسمما شعرتا بيها ذي اللحستو كده ...!!! أنا داير أقع من الضحك 😂😂😂😂😂
حتي في مثل هذا اليوم بسمات لم تتخل عن شخصيتها وبريقها )
بالمناسبة طبعا بسمات مامشت ( محل تجميل والحتات دي ) صاحباتا هن الإستلمنها ...!!! قالت ديل ببشتنو العرايس ... وبلتخوهن ...!!! والعروس بتبقي ماياها ...!!!👗💍

اها وقالت كده الحفلة دي دورت ( والبعيو ) ده حسا إنو في بيتو .....!! وغني كما يغني من قبل ...!!!🎼
بعد شويه جا خاشي ( أوباما ) أنا لما شفتو ذاتي اتحيرتا لانو فعلا يشبه (أوباما ) الأصلي بتاع امريكا ....!!!
المهم الزول ده الظاهر من أعمدة الحله دي ...!!! أول حاجه لابس ليهو لبسه كده قاطعا من راسو ده ...!!! الحاجه التانيه ماشغال بي اي زول ....!! بس يوزع في الإبتسامات ويرد في التحايا ..!!! 👍🖐
وشكلو أشهر زول في الحله ...!!! والله الشفع ديل لما شافوهو ...خلو اي حاجه ..!! بقو بس مركزين معاهو ...!!! دايرين يطيرو من الفرح ..!!! وقاطرنو ليك ..!!
( أحسدك يارجل وانت تملك كل هذه المقدّره علي إسعاد الآخرين ) ....!!! 😍
اها العروس ذاتا اتشابت ..قالت لي ياعلوب بارك لي ...(أوباما ) جا عرسي ....!!! يبدو انوٌ الرجل علي ظرفه هذا فهو ضنين في حضور المناسبات..!!!
...!!! أول حاجه عندو رقصه مشهورة جدا هنا ...!!! والله الساعه العمل منها مقطع وهو داخل ..قسما بالله الناس دي كوركت كأنو جا قون ...!!! 😱😱
وقال كده مشي علي العرسان يبارك....!!! 🕺
والله ( بسمات ) وقفت علي حيلا وحيتو ....!! واكرمها برقصة في المنصة ......وهي تبشر ...!! والضحكات تتعالي ..!!!
والبعيو نزل من المسرح كمل الرصه ...( إنه الفرح عندما يحلق ) ..!!!
وهاهي روحك الجميلة يابسمات ترفرف فوق المكان ...!!!
قالت لي امشي ياعلوب (كرا ) لي ( معاذ ) ده جيبو يسلم علي (أوباما) ده ...ومعاذ في دايره اخري في العرس مع أصحابو الصيادلة ديل (خ

اتنو قرض) .....!!!

ودوائر اخري فيها أعمام بسمات واهلها يعرضو ساااي ...!! 👋👋
وبنات الحله في النص ...!! وكل الدوائر مشغوله حاليا ...!!! 💃
وزخات الفرح تهطل بكثافة ....!! تكاد ان يظهر لها شكل ولون ...!! 🌈وما أجملها ليله..!!!
وعمك النور أبو (بسمات ) يوزع في الإبتسامات كما الحلوي ...!!! وعلي الجميع ...!!
جا بارك لي (بسمات ) قلدتو مادايرا تفكو ..!! ولأول مره أري دموعها ....! 😭 وهو يتمني لها كل الخير ...!!! همس في إذنها ..(تاني البعصر لي رجليني منو يابسمات ،..) وبكت هي من جديد ..😭😭
وساقتو ليك علي البعيو تبشر معاهو ..!!! والله عمك لما عمتو وقعت ...!!! وأخوات ( بسمات ) يكفن في الناس ويعشو فيهم ....!!! بسمات قالت لي اهم حاجه (ابراهيم ) اتعشي ..!!!؟؟
(ابراهيم )ده دفعتنا برضو ...!!! طوالي كان لاعب ضاغط مع (بسمات ) دي أيام الجامعة ...قلتا ليها إتعشى ومرتين كمان ...!!بس جا ماري بي جنبنا (بسمه ) قالت لي الظاهر ليك يومين ما اكلتا قالو صحنين ..!! (يضحك ساكت ....) 😂😂
شعرت الليلة بانه عرس الجميع ...!!! ومن لم يجد مساحة في الداخل اعتلي (الحيطان ) القريبة من الصيوان ...وقد تبعثر (الطوب ) من علي سدتها ...!! ولم يعيروه اهتماما..!!! فهنا (نفاجات ) الفرح والتواصل الحميم لاتعترف بالجدران العازلة
والكل يبارك للكل ...!!! والبعيو المنتشي ...ختم بست الودع لي كشكشي .... !!!وهو يصيح
اللييييل الللليل الليييل ست الودع ...أرمي الودع لي كشكشي شوفيهو لي كان فيهو شي ...! شوفيهو لي ماتختشي ... أي شيييي...!!!🎼

خذلتك (بسمات ) الليلة يالبعيو فهنا يوجد ......كل شي .....!!!🌹😍
#اشياءبسيطة..

وانا يا اخوي ساند الحيل عليك ..
يا رب لا اشوف فيك سوء ولا يوم احزن عليك💙...

صباح الترابلة.. وصباح المزارع..
صباح القناعة..وغِنانا وعدمنا..
💜💜💜

‏للعيون الحابسة دمعة وقاعدة تبكي
للقلوب الما بتشكي للمساكين والحيارى
الله قاعد 💛💛💛

تعالي معاي نشيل كتف الغُنا الميل ونتخيل!💙

https://youtu.be/C5Y6yoFCoLg


أموناي صغيرة دابها ✨❤️

وطن التعدد والتنوع والتقدم والسلام
حيث الفضا الواسع حمام ❤🕊 ..

كنيسة مارجرجس _ مدينة شندي

#أريج

همس الخطابات.. والمسافات ..والحكاوي..
بيني بينك الف ميل من الخطاوي..

#HIBA_IHAB

اولاد الحلة .. وبنوتا
في ضل النيمة المحتوتة
والحلة الوطن الجوانى
ماقايل لو لحظة أفوتا..

الفرن الفاتح في السهلة
والترزي الكاتلاه المهلة
وياداب نتعلم فى العجلة
والحلة المطامنة #بيوتا

اكشاك السوق الوسطانى
والناس الكادحة وبتعاني
يادابك تشرب في التاني
والجبنة قصادك مختوتة..

و أصلي لمن أدور أجيك .. لا بتعجِزني المسافة..
لا بقيف بيناتَنا عارض .. لا الظروف تَمسك في إيدي ..

جالوصنا نجيرو لعيدنا
وبيوتنا تزغرد بجديدنا
ونطرز بالفرحة نشيدنا
دي الحلة الجواي منحوتة..

الصورة المرقت أحساسي
#والنسمة تطايب أنفاسى
قدام البيت جبنا كراسي
والقمرة تعاين مبهوتة

ويوم داك داقين الصيوان
في الناصية قصاد الدكان
عازمنا الصاحب عثمان
ما الليلة سماية البنوتة
#خالد_شقوري...

كل امالي انا .. السلام يغشاها
يطلع من هنا
والحمام يتشابا ❤🕊

بريدك كان تميل ليا وبريدك لو معاندني💙..

ﺣﻠﻴﻮﺓ ﻳﺎ ﺑﺴﺎﻣﺔ
ﺍﻟﻔﺎﻳﺢ ﻧﺴﺎﻣﺎ
ﺍﻟﺮﻳﺪﺓ ﻓﻲ ﻗﻮﻟﺒﻨﺎ
ﻭﺍﻟﻠﻪ ﻋﻼﻣﺎ ..