ﺣﺘﺠﻲ ﺍﻟﺒﺤﺪﺙ ﺑﺮﻳﻘﻪ
ﺿﺠﺔ ﺍﻟﻀﻮ ﻓﻲ ﺍﻟﻤﻜﺎﻥ ..
ﺣﺘﺠﻲ ﺍﻟﻤﻦ ﺑﺪﺭﻱ ﺟﺎﺕ
ﻣﻦ .. ﻇﻼﻣﺎﺕ .. ﺍﻟﺴﻜﺎﺕ ..

ﺷﺄﻧﻨﺎ ﺍﻥ ﻧﺼﺪﻕ ﺍﻟﻘﻮﻡ ﺍﻟﻘﺘﺎﻝ ﻻ ﻫﻮﺍﺩﻩ ﻓﻈﻬﻮﺭ ﻓﻮﻕ ﺍﻋﻨﺎﻕ ﺍﻟﺮﺟﺎﻝ
ﺍﻭﺷﻬﺎﺩﻩ ﺫﺍﻙ ﺣﺴﺐ ﺍﻟﻤﺮﺀ ﻣﻦ ﺣﺴﻦ ﺍﻟﻤﺂﻝ ﻭﺍﻟﺴﻌﺎﺩﻩ ..

ﺗﻌﺮﻑ ﻏﻨﺎﻭﻱ ﺍﻟﺨﺴﺘﻜﺔ؟ ..
ﻟﻤﻦ ﺑﺘﺸﺮﺏ ﻣﻦ ﺳﺒﻴﻞ ﺍﻟﺪﻧﻴﺎ ﻛﺎﻥ ﺣﻠﻘﻚ ﻧِﺸِﻒ .. ﻣﺎﺗﻜﺘﺮﺙ ﻟﻠﻤﻮﻳﺔ ﻛﺎﻥ ﺳﺎﻟﺖ ﻣﻦ ﺍﻟﻘﺪﺓ ﺍﻟﺘﻲ ﻓﻲ ﺃﺳﻔﻞ ﺍﻟﺤﺎﺟﺎﺕ،
ﺷﺪﻳﺪ .. ﻟﻮ ﺑﻠّﺘﻚ ،، ﻗُﺸّﺎ ﻑ ﺣﻨﺎﻧﻚ ﻭﺃﻣﺸﻲ ﺳﺎﻱ .. ﺍﻟﺒﻨﻄﻠﻮﻥ ﺑﻨﺸﻒ ﺳﺮﻳﻊ .. ﻭﺍﻟﺒﻘﻌﺔ ﻓﻲ ﻧُﺺ ﺍﻟﻘﻤﻴﺺ ﺑﺘﺰﻳﻨﻮ ..
ﻭﺍﻟﺠﺰﻣﺔ ﺍﺻﻼً ﻟﻠﻤﺸﻲ .. ﻧﻀﻴﻔﺔ ﺍﻭ ﻭﺳﺨﺎﻧﺔ ﻣﺎﻓﺮﻗﺖ ﻛﺘﻴﺮ .. ﻭﻟﻮ ﺣﺎﻭﻟﻮ ﺍﻟﻨﺎﺱ ﻳﻨﻀﻤﻮ .. ﺃﻣﻠﺺ ﻫﺪﻭﻣﻚ ﻭﺇﻧﺒﺴﻂ .. ﻭﺍﻟﻜﻮﺯ
ﺇﺫﺍ ﻗﺮﺭ ﻏَﻄَﺲ .. ﺃﻭﻋﻚ ﺗﻤﺪ ﺇﻳﺪﻙ ﻋﺸﺎﻥ ﻣﺎﺗﻤﺮﻗﻮ .. ﺡ ﺗﺒﺸﺘﻦ ﺍﻟﻤﻮﻳﺔ ﺍﻟﺘﻲ ﻣﺎﺻﺪّﻗﺖ ﺭﺍﻗﺖ ﻭﻓﺘّﺶ ﻟﻠﺒﺪﻳﻞ .. ﻛﺒﺎﻳﺔ ﻓﻨﺠﺎﻥ
ﻣﺎﻣُﻬﻢ .. ﺇﻻ ﺍﻟﻌﻄﺶ ﻣﺎﺗﺠﺮﺑﻮ .. ﺃﻭ ﺟَﺮّﺑﻮ ﺇﻥ ﻛُﻨﺖَ ﺑﺘﺤﺐ ﺍﻟﺸﻘﻰ .. ﺃﻭ ﺟُﺮ ﺑﻮ ﺍﻟﻄﻴﻦ ﺍﻟﻤﺤﺎﻭﻃﻚ ﻓﻲ ﺍﻟﻄﺮﻳﻖ ﺧﻤﺴﻴﻦ
ﻋﺪﻳﻞ .. ﺇﻥ ﺍﻟﺠﻤﺎﻝ ﺯﻱ ﺃﻱ ﺣﺎﺟﺔ ﺑﺘﺘﺄﻛﻞ .. ﺍﻟﻨﺎﺱ ﺑِﻀﻮﻗﻮ ﻭﺑِﺤﻜﻤﻮ .. ﻟﻮ ﺍﻟﺒﻴﺎﺽ ﻛﺎﻥ ﺯﻱ ﺟﺪﺍﺩﺓ ﻣُﺤﻤﺮﺓ .. ﻳﺒﻘﻰ ﺍﻟﺴﻤﺎﺭ
ﺯﻱ ﺷﻴﺔ ﺣﺎﺭﺓ ﻋﻠﻲ ﺍﻟﺠﻤُﺮ .. ﺍﻟﻄﻮﻝ ﺇﺫﺍ ﻛﺎﻥ ﺯﻱ ﺷﻤﺎﺭ ﺃﻭ ﻛﺴﺒﺮﺓ .. ﻳﺒﻘﻮ ﺍﻟﻘُﺼﺎﺭ ﺍﻟﺸﻄﺔ ﺑﺎﻟﺪﻛﻮﺓ ﺍﻟﺘﻲ ﻣﺎﺑﺘﻨﻬﺒﺶ .. ﻃﻮﻝ
ﺍﻟﺸَﻌﺮ ﻟﻮ ﻛﺎﻥ ﻣﺨﻠﻞ ﺍﻭ ﻣِﻠِﺢ .. ﻗﺼﺮﻭ ﺑﻴﻜﻮﻥ ﺑﺲ ﺳﻠﻄﺔ ﺑﺲ .. ﻣﻦ ﻣﺎﺳﺒﻖ ﻗﺪ ﻳﺘﻀﺢ .. ﺍﻟﺪﻧﻴﺎ ﻣﻨﻴﻮ ﻛﺒﻴﺮ ﺷﺪﻳﺪ .. ﻓﻴﻬﻮ
ﺍﻟﺠﻤﺎﻝ ﻣﺮﺻﻮﺹ ﻭﻗﺎﻋﺪ ﺟﻤﺐ ﺑﻌﺾ .. ﻭﻛﻞ ﺍﻟﺤﻨﻚ ﻣﺎﻓﻲ ﺍﻟﺒﻘﻮﻟﻮ ﺍﻟﻨﺎﺱ ﻋﻠﻴﻚ .. ﺇﻥ ﺍﻟﺤﻨﻚ ﻓﻲ ﻛﻴﻒ ﺑﺘﻄﺒﺦ ﺃﻛﻠﺘﻚ؟ ..
ﻭﺩﺭﺱ ﺍﻟﻄﺒﺎﺧﺔ ﺭﻗﻢ ﺻﻔﺮ .. ﺇﻧﻚ ﺗﺜﻖ ﻓﻲ ﻛﻮﻧﻚ ﺇﻧﺖ ﺧﻄﻴﺮ ﺷﺪﻳﺪ .. ﻣﺜﻼً ﺳﻤﺎﺣﺘﻚ ﻣﺎﻓﻲ ﺯﻳﻬﺎ ﻓﻲ ﺍﻟﻌﺼﻮﺭ ﺍﻟﻬﺴﻲ
ﺩﻱ .. ﺇﻧﻚ ﺗﺜﻖ ﺇﻧﻚ ﺇﺫﺍ ﺷﺎﻓﻚ ﺑﺸﺮ .. ﺡ ﺗﺠﻬﺠﻬﻮ ﺡ ﺗﺠﻬﺠﻬﻮ .. ﺇﻧﻚ ﺇﺫﺍ ﺍﻟﻨﺎﺱ ﻗﺎﻟﻮ ﻟﻴﻚ ﻣﺎﻓﻴﻚ ﻃﻌﻢ .. ﺡ ﺗﻌﺬﺭﻫﻢ ﺩﺍ
ﻷﻧﻮ ﻣﺎﻋﺮﻓﻮ ﺍﻟﻔﻬﻢ .. ﺇﻧﻚ ﺗﺜﻖ ﻓﻲ ﺃﻱ ﺣﺎﺟﺔ ﺑﺘﻌﻤﻠﻬﺎ .. ﺗﻠﺒﺲ ﻛﻤﺎ ﺑﻘﺮﺭ ﻣﺰﺍﺟﻚ ﻛﻴﻒ ﺗﻜﻮﻥ .. ﻭ ﺗﻜﻮﻥ ﻋﻴﻮﻧﻚ ﻫﻲ
ﺍﻟﺤﻜﻢ .. ﻭﺡ ﺗﺸﻴﻠﻮ ﻛﺎﺱ ﺩﻭﺭﻱ ﺍﻟﺴﻌﺎﺩﺓ ﺍﻟﻌﺎﻟﻤﻲ .. ﺗﻨﻀﻢ ﻛﻤﺎ ﻟﻮ ﻛﺎﻥ ﻟﺴﺎﻧﻚ ﻧﺺ ﻣﺘﺮ .. ﻟﻮ ﻗﻠﺖ ﺻﺎﺡ ﻗﺪ ﻛﺎﻥ ﺑﻬﺎ .. ﻟﻮ
ﻏﻠّﻄﻮﻙ ﺷِﻦ ﻋﺮﻓﻬﻢ .. ﻫﺬﻱ ﺍﻟﺤﻴﺎﺓ ﻣﺎﺑﺘﺤﺘﻤﻞ ﺇﻧﻚ ﺗﻘﺎﺿﻲ ﻋﺰﻳﺰ ﻋﻠﻴﻚ .. ﻓﺄﺣﻜﻢ ﺭﻭﻳﺤﺘﻚ ﺇﻻ ﺑﺲ ﻣﺎﺗﺤﺎﻛﻤﻬﺎ .. ﻭﻣﻤﻜﻦ ﺇﺫﺍ
ﺣﺎﻛﻤﺘﻬﺎ .. ﺗﺒﻠّﻮ ﺍﻟﻘﺮﺍﺭ ﻓﻲ ﻣﻮﻳﺔ ﺣﺎﺭﺓ ﻭﺗﺸﺮﺑﻮ .. ﺃﻭ ﺗﻜﺸﺤﻮ ﻫﺬﺍ ﺍﻟﻨﺪﻡ .. ﺇﻥ ﺍﻟﻨﺪﻡ ﻣﻌﻨﺎﻭ ﻧﺪﻡ .. ﺇﻥ ﺍﻟﻨﺪﻡ ﻟﻮ ﻛﺎﻥ ﺃﻛﻞ ..
ﺯﻱ ﻛﻮﻡ ﻗﻄﻦ ﻣﺎﻓﻴﻬﻮ ﻓﺎﻳﺪﺓ ﻭﻻﻃﻌﻢ .. ﺟﻠﻴﻬﻮ ﻳﺎﺥ .. ﺍﻟﻨﻮﻡ ﺟﻤﻴﻞ ﻟﻮ ﻛﺎﻥ ﺟﻤﻴﻞ .. ﻓﺄﻓﻀﻞ ﺇﺫﺍ ﻣﻤﻜﻦ ﺗﻤﻄّﻖ ﺷﺨﺮﺗﻮ .. ﺣﺘﻰ
ﺍﻟﺴﻬﺮ ﺯﻱ ﻭﻧﺴﺔ ﺟﻮﺓ ﺍﻟﺮﻭﺡ ﻣﻊ ﺍﻟﺰﻭﻝ ﺍﻟﺴﻤﺢ .. ﺳﺎﻫﺮ ﺇﺫﺍ ﺍﻟﺼﺤﻴﺎﻥ ﺳﻤﺢ .. ﻭﺃﺿﺤﻚ ﻋﻠﻲ ﺍﻟﺤﺎﺻﻞ ﺷﺪﻳﺪ .. ﺃﺑﻜﻲ ﺇﺫﺍ
ﺍﻟﺒﻜﺎ ﺑﺒﺴﻄﻚ .. ﺇﻥ ﺍﻟﻤﻬﻢ ﺃﻥ ﺗﻨﺒﺴﻂ .. ﺣﺘﻰ ﺗﻜﻮﻥ ﺍﻷﻛﻠﺔ ﺫﺍﺗﻬﺎ ﻣﺴﺒﻜﺔ .. ﻭﺣﺘﻰ ﺃﺟﺎﻭﺏ ﻟﻠﺴﺆﺍﻝ .. ﻓﻬﺬﻱ ﻏﻨﺎﻭﻱ ﺍﻟﺨﺴﺘﻜﺔ ..

نظام الدين ..

الواسووق .. صورة من دنقلا .. قرية مراغة

ﻋﻨﺪﻧﺎ ﺯﻭﻝ ﻣﺘﻠﺤﻨﺎ ﺗﻠﺤﺔ ﻻﺻﻖ ﻓﻴﻨﺎ ﺍﻟﻴﻮﻡ ﻛﻠﻮ ﻭﻣﻦ # ﺑﻴﺘﻨﺎ ﻣﺎﺑﻄﻠﻊ
ﻓﻄﻮﺭ / ﻏﺪﺍ/ ﻋﺸﺎﺀ/ ﻗﻬﻮﺓ/ ﺷﺎﻱ/ ﻟﺒﻦ ﻣﺎﻓﻲ ﺷﺊ #ﻓﺎﻳﺘﻮ
ﻏﻠﺒﻨﺎ ﺍﻟﺒﻨﺴﻮﻱ # ﻣﻌﺎﻫﻮ
ﻧﺤﻤﺮ ﻟﻴﻬﻮ ﻳﻌﺎﻳﻦ ﻓﻲ ﺍﻟﺘﻠﻔﺰﻳﻮﻥ ﻧﻘﻔﻞ ﺍﻟﺘﻠﻔﺰﻳﻮﻥ ﻭﻧﺤﻤﺮ ﻟﻴﻬﻮ ﻳﻌﺎﻳﻦ ﻓﻲ ﺍﻟﻤﺮﻭﺣﺔ ﻧﻘﻔﻞ
ﺍﻟﻤﺮﻭﺣﺔ ﻭﻧﺤﻤﺮ ﻟﻴﻬﻮ ﻳﻄﻘﻄﻖ #ﺍﺻﺎﺑﻌﻴﻨﻮ .
ﻭﻣﺎﺩﺍﻳﺮﻳﻦ ﻧﻘﻮﻟﻬﺎ ﻟﻴﻬﻮ #ﻋﺪﻳﻴﻞ ﻋﺸﺎﻥ ﻣﺎﻧﺨﺴﺮﻭ ﻻﻧﻮ ﻣﺮﺍﺕ ﺑﺸﺘﻐﻞ ﻣﻌﺎﻧﺎ ﻓﻲ ﺍﻟﺒﻴﺖ ﻟﻮ
ﻓﻲ ﺣﻴﻄﺔ ﻭﺍﻗﻌﺔ ﻭﻻ ﺭﺍﻛﻮﺑﺔﺩﺍﻳﺮﺓ ﺷﻐﻞ
ﻭﻻ ﻋﺘﺎﻟﺔ ﺑﺸﺘﻐﻞ ﻣﻌﺎﻧﺎ ﻭﺩﺓ ﺣﻘﻮ ﻣﺎﻧﺎﻛﺮﻧﻮ # ﻟﻴﻬﻮ.
ﺍﻣﻲ ﻗﺎﻟﺖ ﺷﻮﻓﻮ ﻟﻴﻜﻢ ﺣﻞ ﻣﻊ # ﺍﻟﻮﻟﺪ ﺩﺓ
ﻳﺎ ﺗﺨﺎﺭﺟﻮﻫﻮ ﺑﺎﻟﺤﺴﻨﻲ ﻳﺎﻛﻤﺎﻥ ﺗﺘﺨﺎﺭﺟﻮ ﻛﻠﻜﻢ ﻣﻌﺎﻫﻮ
ﻭﻋﻘﺪﻧﺎ # ﺍﺟﺘﻤﺎﻉ ﺳﺮﻱ ﻃﺎﺭﺉ ﺑﻌﻨﻮﺍﻥ
‏(ﻛﻴﻒ ﻧﺘﺨﻠﺺ ﻣﻦ ﻣﻌﺎﻭﻳﺔ ‏)
ﻭﺍﻻﺟﺘﻤﺎﻉ ﺟﻤﻴﻞ ﻭﻫﺎﺩﺉ ﺍﻧﺎ ﺍﺑﻮﻱ ﻭﺍﺧﻮﺍﻧﻲ
ﻭﻣﻌﺎﻭﻳﺔ ﻓﻲ ﻧﺼﻨﺎ ﻳﺼﻔﻖ ﺳﺎﻱ #ﻣﺒﺴﻮﻁ ﺍﻻﺟﺘﻤﺎﻉ ﺑﻲ ﺍﺳﻤﻮ
ﻣﺶ ﻗﻠﺖ ﻟﻴﻜﻢ ﻻﺻﻖ ﻓﻴﻨﺎ
ﺍﺑﻮﻱ ﺍﻗﺘﺮﺡ ﺣﻞ ﻟﻜﻦ ﺣﻞ ﻗﺎﺳﻲ ﺷﺪﻳﺪ ﻋﻠﻲ
ﺍﻻﺳـﺮﺓ ﻭﺻﻌﺐ ﻭ ﺿﺎﻏﻂ
ﻭﺍﻛﺘﺮ ﺫﻭﻝ ﻣﺘﻜﻴﻒ ﻣﻦ ﺍﻻﻗﺘﺮﺍﺡ ﺩﺓ # ﺍﺑﻮﻱ ﻻﻧﻮ ﺍﻗﺘﺼﺎﺩﻱ # ﻣﻌﺎﻫﻮ ﺷﺪﻳﺪ
ﺍﻻﻗﺘﺮﺍﺡ ﺍﻧﻮ ﻣﺎﻧﺎﻛﻞ ﺣﺎﺟﺔ ﺗﺎﻧﻲ ﻏﻴﺮ # ﻋﺪﺱ
ﻭﺍﺗﻔﻘﻨﺎ ﻋﻠﻲ ﻛﺪﺓ ﻭﺣﻠﻔﻨﺎ ﻗﺴﻢ ﺍﻟﻄﺎﻋﺔ ﻭﺍﻟﻮﻻﺀ ﻛﻠﻨـﺎ ﻭﺍﻟﺨـﺎﻳﻦ ﺍﻟﻠﻪ ﻳﺨـﻮﻧﻮ
ﻭﻣﺎﻑ ﺫﻭﻝ ﻳﺎﻛﻞ ﺑـﺮﺓ.
ﻭﻓﻌﻶ ﺷﺮﻋـﻨﺎ ﻓﻲ #ﺍﻟﻤﻮﺿﻮﻉ ﻭﺑﻘﻲ ﺍﻟﺒﺮﻧﺎﻣﺞ ﻛﺎﻻﺗﻲ -:
ﻋﺪﺱ ﺍﺻﻔﺮ ﻓﻄﻮﺭ
ﻓﺘﺔ ﻋﺪﺱ ﻏﺪﺍ
ﻋﺪﺱ ﺑﺎﻟﺼﻠﺼﺔ ﺑﺎﻟﻘﺮﺍﺻﺔ ﻋﺸﺎﺀ
ﺗﻼﺗﺔ ﻳﻮﻡ ﺷﻐﺎﻟﻴﻦ ﻛﺪﺓ ﺑﻌﺪ ﺷﻮﻳﺔ
ﻳﻨﺎﺩﻭ ﺍﻟﻨﺎﺱ # ﻟﻠﻮﺟﺒﺔ ﻳﻠﻘﻮ ﻓﻲ ﺫﻭﻝ ﻧﺎﻗـﺺ ﻭﻣﻌﺎﻭﻳﺔ ﻗﺎﺍﺍﻋﺪ .
ﺑﻌﺪ ﺧﻤﺴﺔ ﻳﻮﻡ ﺍﻻﻛﻞ ﺑﻘﻮ ﻳﺴـﻮﻫﻮ ﻟﻲ ﻣﻌﺎﻭﻳﺔ ﺑـﺮﺍﺍﻫـﻮ ﻭﻧﺤﻨﺎ ﻛﻠﻨﺎ ﻫﺎﺭﺑﻴﻦ
ﺍﻣﻲ ﺗﺠﻴﺐ ﺍﻟﻌﺪﺱ ﻭﻣﻌﺎﻭﻳﺔ ﻳﻔﺮﻡ ﻋﺪﺱ ﺑﻲ ﻛـﺴﺮﺓ ﻳﺎﻛـﻠﻮ ﻋـﺪﺱ ﺑﻲ ﻗﺮﺍﺻـﺔ ﻳﺎﻛﻠﻮ
ﻋﺪﺱ ﺑﻲ ﻗﺮﻗﻮﺵ ﻳﺎﻛﻠﻮ ﻋﺪﺱ ﺑﻲ ﻣﻌﻠﻘﺔ ﻳﺎﻛﻠﻮ ﻋﺪﺱ ﺑﻲ ﻋﺪﺱ ﻳﺎﻛﻠﻮ ﺷﻐﺎﻝ ﻓﺮﻡ
ﻃﺎﺣﻮﻧﺔ ﺑﺲ.
ﺍﻣﻲ ﺷﻜﺖ ﻓﻲ ﺍﻟﻤﻮﺿﻮﻉ ﻗﺎﻟﺖ ﺍﻣﻜﻦ ﺍﻟﻌﺪﺱ ﺣﻘﻬﺎ ﺳﻤﺢ.
ﺑﻘﺖ ﺗﺠﻴﺒﻮ ﺑﺪﻭﻥ ﻣﻠﺢ ﺑﺮﺿﻮ ﺍﻛﻠﻮ ﺑﻘﺖ ﻣﺎﺗﻌﻤﻞ ﻓﻴﻬﻮ ﺑﻬﺎﺭﺍﺕ ﺑﺮﺿﻮ ﺍﻛﻠﻮ ﺟﺎﺑﺘﻮ ﻟﻴﻬﻮ
ﺣﺐ ﻓﻲ ﺍﻟﺼﻨﻴﺔ ﺳﻔﺎﻫﻮ ﻟﻴﻬﺎ.
ﻭﺭﺍﻫﺎ ﻟﻴﻚ ﺍﻟﻄﻔﻲ ﺍﻟﻨﻮﺭ ﻣﻨﻮ
ﻣﻌﺎﻭﻳﺔ ﺩﺓ # ﺍﻛﻞ ﻛﺘﺮﺕ ﻋـﺪﺱ ﻓﻲ ﺍﻟﺪﻧﻴﺎ ﺩﻱ ﻟﻤﻦ ﻟﻮﻧﻮ ﺑﻘﻲ ﺍﺻﻔﺮ ﻻ ﺯﻫﺞ ﻭﻻ ﺍﺗﻀﺎﻳﻖ
ﻭﻻ ﺍﺗﺤﺴﺲ.
ﺑﻲ ﺻﺮﺍﺣﺔ ﺧﻔﺖ ﻋﻠﻴﻬﻮ ﻳﺠﻴﻬﻮ ﻓﻘﺮ ﺩﻡ ﻭﻻﺷﻠﻞ ﺭﻋﺎﺷﻲ ﻣﻬﻤﺎ ﻛﺎﻥ ﻫﻮ #ﺻﺤﺒﻲ.
ﻭﻫﻮ ﺷﻐﺎﻝ ﺗﺤﺪﻱ ﻣﻌﺎﻧﺎ ﻋﺪﻳﻴﻴﻴﻞ ﻭﺍﻟﻤﻮﺿﻮﻉ ﺍﺧﺪ ﺟﺎﻧﺐ # ﺷﺨﺼـﻲ
ﺑﻴﻨﻮ ﻭﺑﻴﻦ ﺍﻟﺤﺠﺔ ﻭﺍﻧﺤﻨﺎ ﻧﺘﻔﺮﺝ ﺍﻣﻲ ﺍﻱ ﻛﻤﻴﺔ ﻋﺪﺱ ﺗﺴﻮﻳﻬﺎ ﻫﻮ ﺑﻴﺎﻛﻠﻬﺎ ﻟـﻴﻬﺎ ﻛﺮﻫﺎ
ﻟﻴﻬﻮ
ﻭﻓﻌﻼ ﻛﺴﺐ # ﺍﻟﺘﺤﺪﻱ
ﺍﻣﻲ ﻟﻤﻦ ﻛﺮﻫﺖ ﺍﻟﻌﺪﺱ ﻭﻛﺮﻫﺖ ﻳﻮﻣﻮ
ﻭﺑﻘﺖ ﻟﻤﻦ ﺗﺸﻢ ﺭﻳﺤﺔ ﻋﺪﺱ ﺑﺘﺠﻴﻬﺎ ﺩﻭﺧﺔ ﻭﺑﺘﻘﻊ ﻓﻲ ﺍﻻﺭﺽ ﺍﻻ ﻧﺸﻤﻤﻬﺎ ﺭﻳﺤﺔ
ﻭﺍﻋﻠﻨﺖ ﺍﺳﺘﺴﻼﻣﻬﺎ ﺍﻟﺘﺎﻡ ﻟﻲ ﻣﻌﺎﻭﻳﺔ
ﺗﻢ # ﺗﻜﺮﻳﻢ ﻣﻌﺎﻭﻳﺔ ﻣﻦ ﻗﺒﻞ ﺍﻟﻮﺍﻟﺪ ﺑﻤﺒﻠﻎ ﻣﻠﻴﻮﻥ ﻭﻧﺺ ﻻﻧﻮ ﻭﻓﺮ ﻟﻴﻬﻮ ﻣﺎﻳﻘﺎﺭﺏ
ﺍﻟـ8 ﻣﻠﻴﻮﻥ ﻣﻨﺼﺮﻓﺎﺕ ﺍﻟﺒﻴـﺖ ﻓﻲ ﺳﺘﺔ #ﺷﻬﻮﺭ
ﻭﺗﻢ ﺗﺒﻨﻴﻬـﻮ ﻣﻦ ﻗﺒﻞ ﺍﻻﺳـﺮﺓ ﻭﻳﻌﺎﻣﻞ ﻣﻌﺎﻣﻠﺔ ﻓﺮﺩ ﻣﻦ ﺍﻓﺮﺍﺩ ﺍﻻﺳـﺮﺓ ..



# ﺗﺨﺮﻳﻤﺔ ..

ﻗﺎﻟﻮ ﺍﻟﻮﺟﻊ ﺍﻟﺒﺘﻨﻮﻡ ﻭﺑﺘﺼﺤـﻲ ﺑﻴﻬﻮ ﺣﺎﻭﻝ ﺗﺘﻌﺎﻳﺶ # ﻣﻌﺎﻫﻮ ..



#ﺿﻴﺎﺀ_ﻣﺘﻮﻛﻞ ..

ماقريتو القصة الفوق دي ؟..راجيين شنو؟..😂 ..حتعجبكم حتعجبكم..

ﻭﺍﺩﻱ ﺍﻟﻔﺮﺡ ﺍﻣﺘﺪ ﻣﺴﺎحة
ﻧﺎﺩﻱ ﺍﻻﻣﻞ ﺍﻟﺠﻮﻩ ﻋﻴﻮﻧﺎ ﺷﻮﻕ ﺍﻟﺸﻮﻕ ﺍﺗﺠﺪﺩ ﺗﺎﻧﻲ ﺑﺎﻗﻲ ﺍﺣﻼﻣﻨﺎ
ﺟﺪﺍﺭ ﻣﻦ كونا ..

الاماني الفي سفر قبل الزمن كايسة المواني ..يوم تجيبني عليك بصدق انو مرة الحظ طراني ..

ﻟﻢ ﺍﻓﻬﻢ ﺍﻟﺤﺎﺻﻞ ﻋﻠﻲ ﻭﺟﻪ ﺍﻟﺨﺼﻮﺹ
ﻓﻘﻂ ﺍﻋﺘﺮﻓﺖ ﺑﺎﻧﻲ ﻣﻤﻜﻦ ﺍﻓﻘﺪﻙ
ﻭﺑﻜﻞ ﺫﻭﻕ ﻓﺎﻗﺪ ﺧﻄﻮﻁ ﺍﻟﺬﺍﻛﺮﺓ
ﻭﻣﻀﻴﺖ ﻋﻠﻲ ﺍﻟﻌﻘﺪ ﺍﻟﻤﻮﺷﺢ ﺑﺎﻟﻬﺘﺎﻓﺎﺕ ﺍﻟﻜﻀﺐ ..

مساحة للطرفة ..ف التسجيل التالي..

ﺣﺎﻓﻠﺔ ﻓﻰ ﺍﻟﻤﻜﺴﻴﻚ ﺍﻟﺠﺰﺀ ﺍﻷﻭﻝ ﻣﻨﻬﺎ ﻋﻠﻰ ﺷﻜﻞ ﺣﺎﻓﻠﺔ ﻣﺪﺭﺳﻴة
ﻭﺍﻟﺠﺰﺀ ﺍﻟﺜﺎﻧﻰ ﺣﺎﻓﻠﺔ ﻟﻨﻘﻞ ﺍﻟﻤﺴﺎﺟﻴﻦ ﻣﻜﺘﻮﺏ ﻋﻠﻴﻬﺎ ﻋﺒﺎﺭﺓ “ﻳﻨﺘﻬﻰ
ﺍﻟﻌﻨﻒ ﻋﻨﺪﻣﺎ ﻳﺒﺪﺃ ﺍﻟﺘﻌﻠﻴﻢ..

ﻋﻨﺪﻱ ﺻﺤﺒﻲ ﻻﺩﺍﻋـﻲ #ﻟﺬﻛﺮ ﺍﺳﻤﻪ ﻛﻠﻜﻢ ﺑﺘﻌﺮﻓﻮﻫﻮ ﺑﺘﺎﻉ #ﺍﻟﻌﺪﺱ ﺩﺍﻙ ﻣﺎﺩﺍﻳﺮ ﺍﻛﺘﺐ ﺍﺳﻤﻮ ﻋﺸﺎﻥ ﻣﺎﻳﺰﻋﻞ ﻣﻨﻲ ﻻﻧﻮ ﺍﻣﺒﺎﺭﺡ ﺟﺎﻧﻲ ﻓﻲ ﺍﻟﺒﻴﺖ ﺩﺍﻗﻲ ﺟﺮﺱ ﻭ ﻗﺎﻝ ﻟﻲ ﺗﺎﻧﻲ ﻟﻮ ﻟﻘﻴﺘﻚ ﻛﺎﺗﺐ ﺍﺳﻢ ﻣﻌﺎﻭﻳﺔ ﺩﺓ ﻓﻲ ﺍﻟﻔﻴﺲ ﺑﺨﻨﻘﻚ #ﻗﻠﺘﺎ ﻟﻲ ﻣﺎﻟﻚ ﺯﻋﻼﻥ ﻣﺎﻛﻨﺖ #ﻣﺒﺴﻮﻁ ﻋﺸﺎﻥ ﺍﻟﺠﻜﺲ ﻛﻠﻮ ﺷﻐﺎﻝ ﻣﻌﺎﻭﻳﺔ ﻣﻌﺎﻭﻳﺔ
ﻫﺴﻲ ﻣﺎﻟﻚ ﺍﻧﻘﻠﺒﺘﺎ ﻋﻠﻲ ﻗﺎﻝ ﻟﻲ ﺍﻟﻨﺎﺱ ﻛﻠﻬﻢ ﺑﻘﻮ ﻳﻘﻮﻟﻮ ﻟﻲ ﻣﻌﺎﻭﻳﺔ ﻋﺪﺱ ﻣﻌﺎﻭﻳﺔ ﻋﺪﺱ ﺣﺘﻲ ﺍﻣﻲ .
ﻭﻗﺮﺭﺗﺎ ﺗﺎﻧﻲ ﻣﺎ ﺍﺣﻴﺐ ﺳﻴﺮﺗﻮ ﻛﺪﺓ #ﻣﺒﺴﻮﻁ ﻳﺎﻣﻌﺎﻭﻳـﺔ ..
ﺍﻟﻤﻬﻢ ﺻﺤﺒﻲ #ﻋﺎﻃﻞ ﻣﻦ ﺳﻨﺔ 1996
ﻋﺎﺵ ﻋﻄﺎﻟﺔ ﻣﺰﻟﺔ ﻣﻦ ﺧﻮﺭ ﻟﻲ ﺧﻮﺭ ﻭﻣﻦ ﺿﻞ ﺑﻘﺎﻟﺔ ﻟﻲ ﺿﻞ ﺟﺰﺍﺭﺓ ﻭﺑﺎﻟﻠﻴﻞ ﻓﻲ ﺍﻟﻨﺎﺩﻱ
ﻭﻣﺎﺧﻠﻲ ﺻﻴﻮﺍﻥ ﺑﻜﻲ ﻭﻻ ﺻﻴﻮﺍﻥ ﻋﺮﺱ
ﺍﻱ ﺳﻤﺎﻳﺔ ﺣﻀﺮﻫﺎ ﻣﻮﺍﻟﻴﺪ ﺍﻟﺘﺴﻌﻴﻨﺎﺕ ﻭﺍﻻﻟﻔﻴﻨﺎﺕ ﻭﻻﻓﻲ ﺑﻲ ﺷﻬﺎﺩﺍﺗﻮ ﺩﻱ ﻣﺆﺳﺴﺔ ﻣﺆﺳﺴﺔ ﻭﻣﺎﻳﺴﻤﻊ ﻟﻴﻬﻮ ﺑﻲ ﺗﻌﻴﻨﺎﺕ ﺟﺪﻳﺪﺓ
ﺍﻻ ﻭﺷﺎﻝ ﺷﻬﺎﺩﺗﻮ ﻭﺟﺮﻱ ﻋﻠﻴﻬﺎ ﻟﻤﻦ ﺑﻘﻲ ﺷﻜﻠﻮ ﻣﺤﻔﻮﻅ ﻓﻲ ﺍﻟﻤﻜﺎﺗﺐ ﻭﺍﻟﻤﻮﻇﻔﻴﻦ ﺑﺘﺨﻠﻌﻮ ﻭﻳﻘﻮﻟﻮ ﻟﻴﻬﻮ ‏( ﺍﻧﺖ ﻟﺴﺔ ﻣﺎ ﺍﺗﻌﻴﻨﺘﺎ ‏)
ﻭﺍﻟﺰﻭﻝ ﺩﺓ ﻋﻨﺪﻭ ﻛﺘﺮﺕ #ﺷﻬﺎﺩﺍﺕ
ﻛﻤﻞ ﺍﻱ ﻗﺮﺍﻳﺔ ﺑﻘﺮﻭﻫﺎ ﺍﻟﺒﺸﺮﻳﺔ ﻓﻲ ﻛﻮﻛﺐ ﺍﻻﺭﺽ ﻭﺑﺮﺿﻮ ﻣﺎﻻﻗﻲ ﺷﻐﻞ ﻭﻗﺮﻭﺵ ﻣﻮﺻﻼﺗﻮ ﺍﻟﻜﻤﻠﻬﺎ ﻓﻲ ﺍﻟﻤﻌﺎﻳﻨﺎﺕ ﺩﻱ ﻟﻮﻛﺎﻥ ﻟﻤﺎﻫﺎ ﻛﺎﻥ ﺟﺎﺑﺖ ﻟﻴﻬﻮ ﻛﺮﻳﺰ..
ﺑﻌﺪ ﺍﻟﻤﻌﺎﻧﺎﺓ ﺩﻱ ﺭﺑﻨﺎ ﺍﻛﺮﻣﻮ ﻭﺟﺎﻫﻮ ﻋﻘﺪ ﻋﻤﻞ ﻟﻠﺴﻌﻮﺩﻳﺔ ﻟﻜﻦ ﻗﺮﻭﺷﻮ ﻧﺎﻗﺼﺔ 7 ﻣﻠﻴﻮﻥ
ﺑﺎﻋﻮ ﻟﻴﻬﻮ ﺍﻟﺘﻠﻔﺰﻳﻮﻥ ﻭﺍﻟﺘﻼﺟﺔ ﻭﻟﺴﺔ ﻧﺎﻗﺼﺔ ﺳﺘﺔ ﻣﻠﻴﻮﻥ ‏( ﺍﻟﺘﻠﻔﺰﻳﻮﻥ ﻣﻦ ﺫﻣﻦ ﺟﻜﺴﺎ
ﺑﻠﻌﺐ ﻛﻮﺭﺓ ﻟﺤﺪﻱ ﺍﺭﺑﻌﺔ ﺑﺮﺷﻠﻮﻧﺔ ﻓﻲ ﺍﻟﺮﻳﺎﻝ ﺣﻀﺮﻫﺎ ‏) ﻃﻠﻌﻨﺎ ﻟﻴﻬﻮ ﺗﺒﺮﻋﺎﺕ ﻓﻲ ﺍﻟﺴﻮﻕ ﻭﺍﻱ ﺯﻭﻝ ﻧﻘﻮﻝ ﻟﻴﻬﻮ ﻣﻌﺎﻭﻳﺔ ﻗﺮﻭﺷﻮ ﻧﺎﻗﺼﺔ ﺣﻘﺖ
ﺍﻟﻌﻘﺪ ﺍﺗﺒﺮﻉ ﻟﻴﻨﺎ ﺍﻟﻤﻬﻢ ﺍﻟﻘﺮﻭﺵ ﺗﻤﺖ
ﻭﻋﻤﻠﻨﺎ ﻟﻴﻬﻮ #ﺣﻔﻠﺔ ﻭﺩﺍﻉ ﻋﺠﻴﺒﺔ ﻛﺮﻛﺪﻱ ﺑﺎﻟﺠﺮﺍﺩﻝ ﺍﻟﻜﺒﺎﺭ ﻣﻮﻳﺘﻮ ﺳﺨﻨﺔ ﻟﻤﻦ ﻋﺎﻣﻞ ﺭﻗﻮﺓ ﻭﺑﻠﺢ ﻣﻦ ﺳﻨﺔ ﺣﺒﻮﺑﺘﻲ ﺣﻴﺔ ﻭﺣﻼﻭﺓ ﺗﻮﻓﻲ ﻧﺎﺷﻔﺔ ﻭﻓﻮﻝ ﻭﺗﺴﺎﻟﻲ ﻭﻓﻨﻜﻮﺵ ‏(ﺍﻣﻜﺎﻧﻴﺎﺗﻨﺎ ﻛﺪﺓ‏) ﺍﻟﻨﻔﺮ ﻛﻠﻬﺎ ﺩﺍﻓﻊ ﻟﻴﻬﻮ ﺗﻼﺗﺔ ﺟﻨﻴﻪ
ﻭﺑﻌﺪ ﺩﺓ ﺍﻟﻨﺎﺱ ﺍﺗﺨﺎﺗﻔﻮ ﻓﻲ ﺍﻟﺒﻠﺢ ﻭﺍﻟﻔﻨﻜﻮﺵ
ﻭﻣﺴﺠﻠﻨﺎ ﻓﻮﻭﻭﻕ ﻭﻋﺠﺎﺝ ﺍﻟﺮﺟﻠﻴﻦ ﻟﻤﻦ ﺣﺠﺐ ﺍﻟﺮﻭﺅﻳﺔ ﺗﺮﻗﺺ ﻣﻊ ﻧﺎﺱ ﺍﺳﺎﻣﺔ ﻛﻤﺎﻝ
ﺗﻠﻘﻲ ﻟﻤﻦ ﺍﻟﻐﻨﻴﺔ ﺗﻘﻴﻒ ﻭﺍﻟﻐﺒﺎﺭ ﻳﻬﺪﻱ ﺗﻠﻘﻲ ﻧﻔﺴﻚ ﻣﻊ ﻧﺎﺱ ﺑﺘﻮﻝ
ﻭﻭﺩﻋﻨﺎﻫﻮ ﺟﻨﺲ ﻭﺩﺍﺍﺍﺍﻉ ﺑﻜﻲ ﻭﺩﻣﻮﻉ ﻭﻣﺨﺎﺧﻴﺖ ﻣﺎ ﺗﺪﻳﻚ ﺍﻟﺪﺭﺏ ﻭﺻﻞ ﺍﻟﺴﻌﻮﺩﻳﺔ ﺑﺎﻟﺴﻼﻣﺔ ﻋﻤﺮ ﻭﺍﺗﺼﻮﺭ ‏(ﻣﻊ ﺍﻟﻜﻌﺒﺔ‏)
ﺍﻟﺼﻮﺭﺓ ﺍﻟﻜﻠﻜﻢ ﻋﺎﺭﻓﻨﻬﺎ ﺩﻳﻚ ﻭﻧﺰﻟﻬﺎ ﻟﻴﻨﺎ ﻓﻲ ﺍﻟﻔﻴﺲ ﻧﺰﻝ ﺍﻟﺸﻐﻞ ﺟﺎﺀ ﻟﻠﻜﻔﻴﻞ ﻋﺸﺎﻥ ﻳﻮﺭﻳﻬﺎ ﻣﺤﻞ ﺍﻟﺸﻐﻞ ﺍﻟﻜﻔﻴﻞ ﺩﻗﺔ ﺟﺮﺱ ﻭﻗﺎﻝ ﻣﺎﻋﺎﻳﺰﻭ
ﺍﻟﺠﻤﺎﻋﺔ ﻗﺎﻟﻮﺍ ﻟﻴﻬﻮ ﻛﺪﻱ ﺷﻮﻑ ﺷﻐﻠﻮ ﻛﺎﻥ ﻣﺎﻧﻔﻊ ﻗﻮﻝ ﺍﻟﺪﺍﻳﺮﻭ
ﺍﻟﻜﻔﻴﻞ ‏(ﻭﺍﻟﻠﻪ ﻣﺎ ﺍﺑﻐﺎﻩ‏)
ﺍﻟﺠﻤﺎﻋﺔ ﻗﺪﺭ ﻣﺎ ﺍﻗﻨﻌﻮ ﺍﻟﻜﻔﻴﻞ ﻳﺨﻠﻲ ﻳﺸﺘﻐﻞ ﺭﻓﺾ ﻭﻣﺎﺳﻚ ﻓﻲ ﻛﻠﻤﺔ ﻭﺍﺍﺍﺣﺪﺓ
‏( ﻭﺍﻟﻠﻪ ﻣﺎ ﺍﺑﻐﺎﻩ ‏)
ﻭﺣﻜﻮ ﻟﻴﻬﻮ ﻇﺮﻭﻓﻮ ﻭﻇﺮﻭﻑ ﺍﻫﻠﻮ ﺑﺮﺿﻮ
‏( ﻭﺍﻟﻠﻪ ﻣﺎ ﺍﺑﻐﺎﻩ ‏)
ﻳﺎﺯﻭﻝ ﺻﻠﻲ ﻋﻠﻲ ﺍﻟﻨﺒﻲ ﻭﺍﻟﺰﻭﻝ ﺩﺓ ﺑﺎﺍﺍﺍﺍﻉ ﺍﻏﺮﺍﺿﻮ ﺍﻟﺴﻌﻮﺩﻱ ﻛﻠﻤﺘﻮ ﻭﺍﺍﺍﺍﺍﺣﺪﺓ
‏( ﻭﺍﻟﻠﻪ ﻣﺎ ﺍﺑﻐﺎﻩ ‏)
ﻗﺎﻟﻮ ﻟﻲ ﻭﻗﺖ ﻣﺎﺩﺍﻳﺮﻭ ﺍﺩﻳﻨﺎ ﻓﺮﺻﺔ ﻧﺤﻮﻝ ﻛﻔﺎﻟﺘﻮ ﻟﻲ ﺫﻭﻝ ﺗﺎﻧﻲ
ﻗﺎﻝ ﻟﻴﻬﻢ ﻭﺍﻟﻠﻪ ﻓﻲ ﺍﻟﻤﻤﻠﻜﺔ ﻣﺎ ﺍﺑﻐﺎﻩ
ﻭﺩﻕ ﻟﻴﻬﻮ ﺧﺮﻭﺝ ﺑﻼ ﻋﻮﺩﺓ
ﻭﺟﺎﺀ ﺭﺍﺟﻊ ﺍﻟﺴﻮﺩﺍﻥ ﺑﻌﺪ 12 ﻳﻮﻡ
ﻭﻭﺍﺻﻞ ﻋﻄﺎﻟﺘﻮ ﺑﺨﻄﻲ ﺛﺎﺑﺘﺔ
#ﺿﻴﺎﺀ_ﻣﺘﻮﻛﻞ ..