ما في حتى رسالة واحدة
بيها اتصبر شوية ✨

سمراءُ صوت الطيبين الكَادحين الأنقياء..💙

لا إله إلا أنت سبحانك إني كنت من الظالمين💙..

دكان الحلة الفاتح جوة قلبي ..💙💙

ﺻﺒﺎﺡ ﺍﻟﺨﻴﺮ ﺭﻏﻢ ﺿﻐﻮﻁ ﺍﻟﻮﺍﻗﻊ..
ﺭﻏﻢ متتطلبات ﺍﻟﺤﻴﺎﺓ ﻭ ﻋﻨﺎﺩﻫﺎ..
ﺭﻏﻢ عنف ﺍﻷﻳﺎﻡ ﻭﺳﻄﻮﺗﻬﺎ..
ﺻﺒﺎﺡ ﺍﻟﺨﻴﺮ ﺭﻏﻢ ﻛُﻞ ﺷﺊ💙 ..

ونمشي في كل الدروب الواسعة ديك..💜

بريدك لو تميل ليا وبريدك لو معاندني 💛💛✨

حرية سلام وعدالة و #الثورة_خيار الشعب ✌🇸🇩

#الثورة_فكرة
المجد للشهداء في عليائهم 🌹

ما قبل العاصفة..

وفي البقاسي شقا المسافة وعايشة جواهو وبعاني..

يا صاحب دُغري مأصل..ميزانو بعدل الكيل..💜💜💜

الغَريبة الساعة جَنبك تبدو أقصر من دقيقة.. والدقيقة و إنت مافى مُرّة ما بنقدر نطِيقها..❤

مرّة طربان .. شلت صوتك شان أغنى

قلت آه ياليل .. وآه

إنتى أول .. وإنتى تانى .. وإنتى تالت وإنتى رابع

نافرة زى صيد الخلا

وصافية زى نبع المنابع

وقلتى لى غناى .. خلاص

حلوة عينيك زى صحابى

عنيدة كيف ... تشبه شريحتين من شبابى

#أريج

سماحة فال بساطة حال ..
جمال من عقلي مابنشال💙 ..

⛔⛔⛔⛔⛔⛔⛔⛔⛔⛔⛔
بت عندها حروق في يدها والدكتور عمل ليها حاجه غلط الجلد بقا ناشف والعصب مشدود اتحدد لها جلسات حقت حقن تلين الجلد الجلسه بي2500 الحمدلله فضل ليها جلستين وتنتهي والجلسات لو وقفت تأثير الجلسات الفاتت كلو حيضيع

للإستفسار:
0111156654
للمساهمة:
0922200410
0111156654
تحويل بنكي : بنك الخرطوم
حساب بإسم رغد فيصل فرع الثورة
1757487

#بخيرك_أسند_غيرك

ﺍﻻﺑﺘﺴﺎﻡ ﻭﺍﻹﻧﺴﺠﺎﻡ ﻭﺍﻟﺤﺴﻦ ﻟﻚ
ﻭﺍﻹﺷﺘﻴﺎﻕ ﻭﺍﻹﺣﺘﺮﺍﻕ ﻭﺍﻟﻮﺟﺪ ﻟﻲ
ﻋﺠﺒﺎ ﺗﻜﻮﻥ ﻗﺎﺳﻲ ﻭﻭﺩﻳﻊ
ﺷﻜﻠﻚ ﺑﺪﻳﻊ ﻏﻀﺒﻚ ﺟﻤﻴﻞ ﺯﻱ ﺑﺴﻤﺘﻚ..

و الشعب ماسك مدراتو و قاضب الجبين
و المدرة بتحدد مسار الاتجاه
و المد عنيف..
و تصادم الأمواج مخيف
لكننا بنقدر عليهو و نحنا قيف
حتماً حنبنيهو العزيز
حتماً حنبنيهو العزيز
و ننوم قفا 🇸🇩 ✨

يوميات #علوب .....ريدتنا ألحق حصلا ....

الليله أول يوم أكتشف إنو نص أولاد حلتنا ديل مرقو بره السودان .....!! جيت ماشى كده شاقى الحلة عاينتا لقيت ليك حتة الدافوري دي فاااضية ....!! استغربتا ...!!؟؟؟
سألتا لى شافع صغير كده قلتا ليهو إنتا ناس الدافوري ديل وين ..!! قال لى سافرو كللللهم ....!!! ماركزتا مع الشافع ده كتير ..مشيت طوالي ...لكن يبدو إنو كان قاصد ...لأنو فعلا لاحظتا فى وجوه كتيره لى زمن ماشايفم .....!! ياربى الحاصل شنو ....!!؟
فعلا ( الود ) ده كلامو صاح الناس ديل مافيشين ...!!!؟؟؟؟ 😳
أتاري أنا كل يوم أشوف ليك صور في ( الفيس ) دا
لى جماعة فى المطار .....!!
( وتمشى وتجى بالسلامة...!! ) 🖐وربنا يوفقك ...!! ) ( ووداعا أبو الجوك ..!! ) 😥😭وتعليقات ذي دى ...!!

براى كده قعدتا اتذكر لماتنا الزمان ديك ...ودافوري العصرية المسخن ..ياخوانا إنتو البلد دي مالا ...!!! خالنها لي منو ...!!؟ وعشان شنو ...!!؟
دا غير فردنا وأصحابنا ياخ ....معقولة لكن ياناس هووووي انتو وين ...!!😱
اتذكرتا أصحابنا الفجأة اختفوا من قدامنا من غير ما نحس .....ياحليلكم .....

( العجب ) ...!!! أظرف زول فى حلتنا ...ماخالى زول مابعلق عليهو ..!! بس أديهو الضحك..!! يوم واحد ماشفتو صارى وشو ..!! يشاغل الكبير والصغير..!! والناس دى كلها بتحبو وتتجاوب معاهو ...!! ياحليلك ياخ ....
قالو فى ليبيا ....ليبية شنو كمان ياعجب ....!! مابتشبهك ياخ ولا أي حاجة ....!!! إنتا مالك ومال ( درنة ) نامت ( وسرت ) قامت ... !! وقنبلة انفجرت ....🔥 ومركب اتقدت ....!!
ماعارفين انك ( رجل رقيق ( رغم رجلينك المشققات ديل ) 😂😂
أي والله العجب كان اقرب للنسمة ...!!
تتذكر ( الفتة ) دي كنتا بتزبطا كيف ....!! طقة زي الطقة ياخ غايتو كنتا ( بتفتها ) بي طريقة بتعرفا براك ...شفتا كنا بنتختفا كيف في النهاية .....!!
من مشيت يالعجب بقت مسيخة ....!! والعيشة ذاتا بقت تتعزز ياعجب لما بقيفو ليها صف بتصدق
اتاري ( الكنتة ) كانت في يدك ما في ( الفتة ) ....
ليه ياعجبنا تفوت ياخ ...!!! ماعارف إنك شلتا معاك ضحكتنا ....!!! واشتقنا ليك شديد ....!! انشاءالله تكون بتهزر بس ولا سافرتا ولا حاجة ..بس لابد وعاملا لينا حركة من حركاتك ديك ......!!
لكن شكلك سافرت بالجد .....!! زعلتني شديد
لابد سنتين ..!!!؟
معقوله بس .....!!!
ليه كده تسافر ياعجب...!!
ياحليلك ...!!!
فرقتا معانا شديد ...بالجد مشتاقين يافرده ..!!
أعمل حسابك يا صاحبي ليبيا دا قالو بقت صعبة
الله يغتي عليك وتجينا سالم .....!!
العجب .....!! عليك الله ماتتحاوم براك ...
ياخ تعال ياخ ....تعال نشوف موضوع المدنية دا مع بعض ...!!

ياسلااام دكتور كمال ....!! أظرف دكتور فى السودان ..!! لو فى زول ساكت جاتو حمي ينادووهو ...وطوالي يجي ومبسوووط ( الحاجات ) الكبار ديل فى الحلة كان ماشافن ( كمال ) أصلو مابقولن بقينا كويسات .....!! وشفع الحلة ديل كلهم ( طعمم ) ( كمال ) ....!!
بشوووش ولطيييف وودناس ..وشاطر جنس شطارة ....!!
مشيت وين يادكتور خليتنا ...!!؟
إنتا ماعارف نص بنات حلتنا ديل ( مكسرات ) فيك ودايرنك عريس ....!! ياخ نحنا الأولاد مكسرين فى أدبك وأخلاقك وظرفك ....!!
( خليك منهن ..!! )
ليه مشيت ياخ ....!!؟
السعودية أحسن مننا فى شنو يادكتور ...!!
قالو فى حته اسمها ..( القنفذه ..) هنااك فى الحدود مع اليمن ...!! ويارمال حلتنا زولا كان باانسك ياحليلو ...!!
حاجه ريا دى مامنتظراك تديها الدوا ...!! حلفت قالت بتجيبو ليها لاقرش لاتعريفه .....و أي دوا تانى بعدك مانفعا ... !!! مشيت وين خليتنا يادكتور..!! مالسه بدرى .....!!
طبعا ضحكتني ( إعتدال ) بت عمك الصادق قالت لي أبوي كان ساااكت جاهو صداع ....بقول أضربو لي (كمال ) ...نقول ليهو كمال دا في السعودية يا أبوي ...يقول لينا كمان بقيتن ما بتسمعن الكلام ...!!! أضربن بس ....!!
ما بتتخيل يا كمال عملتا فيني شنو لما ( إعتدال ) قالت لي قدام إصرار ( أبوها ) بضربو ليك خجلانين ...وقالت لي كيف إنتا بتخجلم لما تقول ليهم تاني لو أخرتو تلفون حاج الصادق دا
بحملكم مسؤولية صحتو ....،!!!
بربك قل لي ( من أي الكواكب فد أتيت )
.قالت لي ( أبوي ) بعد المكالمة وتطميناتك لمن ترد فيهو الروح .....!!! ( العلاج إحساس ما دوا ووجع راس )
وعمك الصادق عارف بعمل في شنو ....!! وبتكلم مع منو
لما حكت لي العبرة سدت حلقي ...😥😭 تجينا بالسلامة يادكتور .....!!! البلد دايراك

أووووو أبو اليا .....ياسر الطويل ..عمود الكهربا ..أطول زول فى الحلة ..وأعلى زول فى الأخلاق .....!!
( أوروبا ) مره واحده كده ياياسر ....كبرتا اللفة يا أبو اليا ....!! أوروبا دى دايرا ليها زول ( بااارد) ذى جوها ده ....!! و إنتا ماكده ياخ .....!! مش إنتا البتلقاك أول واحد فى ا

لفرح والشين ولا واحد تانى .....!! إنتا ياياسر مش ياكا الشايل هم الحلة دى .....!! من جمعية لي جمعية ومن لجنة لي لجنة
حصل يوم قصرتا فى حقها .....مما شفناك وعرفناك إنتا البتودى العيان بى عربتك ...!! و إنتا ذاتك البتقيف فى الأعراس من الصباح وتدق الصيوان وتشوف الحال ... تحلف تقول أخو العريس ....ونت ود الجيران ...!!
لى درجة إنك بتجى بداية الحفلة تبارك وتمشى تنوم من التعب ..!!
ليه ياياسر ياخ ....!!! ليه تمشى تخلينا .. ..!؟؟ في زول زعلك ...!!!!؟ صدق الحفلة من غيرك باااايخة ....!! والله جد .....!! شفتا البنات بشاغلوك كيف لمن تجي ماري ...!! قالو ياسر بطمن ...!! وانت ولا جايب خبر تربط في الأنوار والقميص مكرفس ومغبر ...بس كلامن صحي ...!! اتخيل برضو بتكون منور ....!!!!
قلتا ليك يا ياسر ...!!! ؟؟
ماجاى قريب ..!!!!؟؟؟ ..
وحشتنا الإبتسامة ..!!
.........
لا حولااااا ( علاء ) ...!!! ؟؟
حتى إنتا ياود قلبا .....!! شنو ياعلاء ...!! ما إنتا أكتر زول فينا بحب السودان ده ..!! وقلتا أنا كان طلعتا منو بموت ...حتي لو شنو داك ...!! ( شنو داك ) جات ولا شنو !!؟؟؟
كدا تمرقا فى كندا ...!! ماحرام عليك .....!! بالغتا والله ...ياخ إنتا أكتر واحد فينا بكره البرد ...!! تجيبا ( كندا ) عديل كدا
إن شاءالله بس لابس كويس ومتغطي من البرد دا يا أبو اللول ..!! فاقدنك ياخ ...!! وفاقدين ضحكتك وحركاتك دي ....!!!
منو البغلغل لينا الجماعة ديك تانى ويحميهم النوم غيرك ....لما المعلم ده يجيب قونو ....!! منو البمرقنا واحد واحد للدافوري ومنو تانى البجيب لينا الباسطة ...!! عمرك مابتحب تاكل حاجه براك ..الا تضوقنا ...!!

( عمار ) قال لي لما يجي حجر طاشي من بره ( وفننن ) يدق في الحوش ...بعرف (علاء ) جاب الباسطة ...بجي جاري جري ...!!!
تضوق السمح ياعلاء ....!!!
شايفك ياشفت في المظاهرات عندكم في ( تورونتو ) أيام الكتمة ديك ياراكز غايتو لو كنت حضرتها هنا كان جننتهم جن ...بس الشباب قامو بالواجب وأبوبكر زي ماعارف استشهد ربنا يرحمو كنت بتحبو شديد ....!!😭😭
كل ماتحصل حاجه بنشيل صورتو وندفر لي قدام
شهدائنا ما ماتو ...!! الله يرحمو ....

علاء نسيت أقول ليك ( اسماعيل ) جا جنبك في أمريكا... برسل ليك تلفونو أتواصل معاهو باخ تتقلو بعض شوية .....!!
فاقدنكم شديد والله ووحشتونا جدا ربنا يحفظكم كلكم ويغتي عليكم واحد واحد وين ماكنتو ويرد غربتكم دى إن شاء الله يارب ....وتجونا تاني وتنورونا.... ونشوفكم طيبين.. وسالمين.... وغانمين .....
مقدرين الحال الطلعكم ...بس هسا في تغيير حصل
وشايفين وقفتكم تعالو ياخ عشان نبني هنا كمان
لكن والله لسه الحالة صعبه شديد ..،...مواصلات موت بس ....والرغيفة لسة مرات بتتعزز ...والبصلة عامله ليها توم وشمار ما سائلة في التفاح ...🍎 الظاهر فهمت المدنية دي غلط 😂
والله البلد مولعة نار عديل كدا والناس تعبانة شديد وتتجاري...!! والدوا غالي ...يقول ليك الدولار زاد ....ورجع تاني ....!!💰
ود الحاجه ) قال لب غايتو ياعلوب نحن بس لينا الله ...نسمع ليك الدولار زاد والدولار نقص .....مشتهين يوم يقولو لينا الدولار ( كبس ) دايرين ساااكت نشوفو بي عينا دي للدنيا والزمان لمسة بس إن شاءالله 😂😂
لكن طبعا كلكم والما شاف سمع بالإعتصام والجمال والحلا الكانت الفيهو دي ...أها النطمنكم الروح الكانت هناك دي لسه قاعدة ودخلت وما بتمرق تاني ....وياهم ديل نحن بس كنا محتاجين نفضة والنفضة حصلت
وطعم الحرية دا أحلى منو مافي ....وترا عشمانين في باكر ...وباكر أحلى وباكر أنصر وعشمنا في الله كبير
وأكبر وواثقين إنو ما بخذلنا .....
ويا رمال حلتنا زولا كان بااانسك يا حليلو ....فات رحل من بلدو رووح والله روح فاتلو لى دار ماها هيلو .....!!
نتلاقي فى ساعة خير ....والوطن بألف خير

والريدة بين الناس صلة ...!!🌹
#اشياءبسيطة..

‏و إنتي مَعايا لا بندم و لا بقضي العُمر تبرِيح..♡