رحال علي كف القدر قام من سفر قاصد سفر
الرجعه للوطن انتحار✨

الرجعة للوطن انتصار والغربة كانت مرحلة ❤🌹🇸🇩

عم عبدالرحيم ما بيخبر زعل 💙...

#سمرية

أرحم يا سمير
قلبي المانساكا
أسمح لي بنظرة
لو بالطيف عساكا ❤ 🎶

-

الرفيق ..
معاهو الدنيا فرحة
مافي عتمة
ومافي ضيق

#كاتاليا

إسمك عزة؟
أيوة صحي..
شبه الكلمة السمو عليها بلدي..💙
وإنتي النور الشق طلوع الظلمة الفي دربي..
وإنتي الأمل البتبقى حقيقة..
ونحلم برضو او تصدى..
عين الظلمة الخانت بلدي..
إنتي أملنا وبرضو العز الصاين بلدي..

إنت وِين رسايلك وين كِتاباتك إلييا..!!

وليه م نضحك ونملا الدنيا فرح وسرور !
نشق صمت الاهات بالضحكة
نضوي الكون شمس وبدور ♡ ..

#أريج

ﻛــﺎﺗﻼﻧﻲ ﺑــﻲ ﺭﻣﺶ ﺍﻟﻌﻴــﻮﻥ
ﺳــﺎﻻﻫﻮ ﺯﻱ ﺳﻴﻒ ﺍﻟﻨﺼـﺮ..

يا حاجة أمنه اتصبري عارف الوجع في الجوف كبير وعارفك كمان ما بتقدري💙..

-

ماتسرح
خليك في دنياك ذاكر
باب الفرج من عندو يفتح
وتبقى في دنياك تفرح

#كاتاليا

لسة بيناتنا المسافة..
والعيون..
واللهفة والخوف والسكون..
ورنة الحزن البخافا..

يا ما شايلك فيني حايم
لا الليالي المخمليي
لا العمارات السوامق
لا الأسامي الاجنبيي
بتمحي من عيني ملامحك💕✨

مقال اليوم ١٩٤

سنه 1927 في طبيب اسمو الكسندر فلمينج ..
لقى في " عفن" في صحن الخبز الخلاهو الليله الفاتت في المطبخ .. ما شال الصحن وغسلو ..
لا .. قعد يفكر في علاقه العفن دا بقتل الجراثيم .. ومن هنا اكتشتف عقار البنسلين .. اول مضاد حيوي في التاريخ !
ودا العقار اللي غير مسار العلوم الطبيه كلها ..
وحصلت بسببو ثورة طبيه كبيرة ايام الحرب العالمية الثانية .. لانو اتعالجو بيهو الآلاف الجنود .. وبقى من الممكن علاج القونوريا في اربعه ساعات !

فلمينج اخد جائزة نوبل في الطب سنه 1945 لكن شغلو في مجال ابحاث الاحياء الدقيقه والمجهريات ومعرفتو التامه بسلوك البكتيريا ؛ خلتو عارف انو الاكتشاف بتاع البنسلين دا سلاح ذو حدين !
لانو البكتيريا عبارة جسم عندو القدرة على انو يتطور ويغير شكلو .. وكل ما زدت قدراتك الدفاعيه ضدها .. هي حاتزعل وتغضب وتزيد قدراتها الهجوميه ضدك !
وكان خايف من اليوم اللي حاتجي فيهو بكتيريا ما تستجيب لي المضادات الحيوية !

المضادات الحيويه اللي بنستعملها بتتخزن في ذاكرة الجسم حقنا .. عشان الخلايا الدفاعيه تكون مستعدة لي اي هجوم ..
البكتيريا ما بتسكت .. بتطور نفسها عشان تبقى اقوى من المضاد الحيوي وخلاياك الدفاعيه ..
نقوم نحن نطور مضاد حيوي اقوى ..
ونستعملو بي سبهلليه .. نزله برد .. ابلع.. وجع حلق ..ابلع.. التهاب عيون بسيط .. ابلع .. جرحه صغيرونه ..ابلع .. ابلع .. #ابلع
لسه ما بلعتا يا محترم.. ارح ابلع 😐😐

تقوم البكتيريا تطور نفسها زيادة ..
نقوم نحن نستعمل مضاد حيوي اقوى ..
تقوم البكتيريا تغير شكلها وتبقى اقوى .. وهكذا
#دخلت_نمله_واخذت_حبه_وخرجت !!

الجمعه الفاتت ..
في وحدة عمرها 49 سنه .. عايشه في ولايه بنسلفانيا / الولايات المتحدة الأمريكية ..
شعرت ب اعراض التهاب البول ..
مشت للدكتور .. عمل ليها مزرعه بكتيريا ..
لقو عندها نوع من انواع البكتيريا الجديدة المقاومه لكل انواع المضادات الحيوية المكتشفه حتى الآن !

الموضوع دا خطير .. وجادي جدا ..!
نحن داخلين في عصر ال Post antibiotic !
مرحبا بكم في عالم اللامضادات حيويه !

طيب نعمل شنو ؟

1/ ما تاخد مضاد حيوي من الصيدليه مباشرة بدون ما تستشير الطبيب .. ما توصف لي نفسك وتقول انا عارف نفسي ما بينفع معاي الا الاوقمنتين !
ما تنظر !
في حاجه اسمها التهاب فيروسي !
دا ما بستجيب لي اي مضاد حيوي .. في الحقيقه المضاد الحيوي ماليهو اي دخل ولا اي دور في علاج الالتهاب الفيروسي .. دا لازم ياخد دورة الحياة حقتو ويروح براهو ..
كل اللي بيعملو المضاد الحيوي في الحاله دي انك بتغذي البكتيريا بي معلومات سرية عن جسمك .. وتخليها عارفه كويس حا تبدا الهجوم من وين المرة الجايه ! وتزيد قوتها وتطور نفسها !
البتعمل فيهو دا اسمو تسريب اسرار عسكريه عن جسمك !

2/ لمن الدكتور يكتب ليك مضاد حيوي .. كمل الكورس كلو .. ما توقف العلاج اول ما تشم العافيه وتتحسن .. وما تزيد الجرعه بمزاجك وتقول حا ابلع كتير عشان ابقى كويس بسرعه ..
الجرعه ومدة العلاج ديل محددين بدقه عشان يتعاملوا مع المرض بصورة صحيحه..

#ما_تفتكس!

3/ ما تبلع مضاد حيوي مجدوع في التلاجه او تشيلو من كيس حبوبتك بتاع الدوا .. او يديك ليهو صاحبك في الشغل !
كتاب الفارماكولوجي " علم الادوية" فيهو قريب 40 chapter عن انواع المضادات الحيوية وأنواعها وكيفيه استعمالها حسب الحاله والعمر والوزن والامراض المصاحبه ودرجه الحساسيه ..
قريت الاربعين chapter ديل ؟
اكيد لا .. خلاص ما تألف عليك الله :-)

4/ ما تزعل من الدكتور لانو ابى يكتب ليك مضاد حيوي .. في التهابات ما عندها علاقه بالموضوع دا ..
في التهابات بتروح براها ..
دا بيحددو الدكتور ..
التهابات الجيوب الأنفية غالبا ما بتحتاج مضاد حيوي الا في حالات معينه .. التهابات الحلق والنزله ما بتحتاج مضاد حيوي .. الا في حالات معينه .. التهابات البول ما بيوصفو ليها مضاد حيوي الا بعد تتعمل مزرعه بكتيريا ..
لو الدكتور ما عمل ليك مزرعه بكتيريا ل التهاب البول يبقى زي كانو بيتحارب مع شيطان في الظلام !
We are fighting the devil in the dark 👹👹
والاسوأ .. انك حاترجع بعد اسبوع بنفس الالتهاب .. ولا حاينفع تعمل مزرعه ولا الدكتور حايعرف مفروض يديك شنو تاني !
و..
دي اسوأ كوابيس الاطباء على الاطلاق !

#اليوم_العالمي_للتوعيه_باستخدام_المضادات_الحيوية ..
#اشياءبسيطة..

ما في حتى رسالة واحدة
بيها اتصبر شوية ✨

سمراءُ صوت الطيبين الكَادحين الأنقياء..💙

لا إله إلا أنت سبحانك إني كنت من الظالمين💙..

دكان الحلة الفاتح جوة قلبي ..💙💙

ﺻﺒﺎﺡ ﺍﻟﺨﻴﺮ ﺭﻏﻢ ﺿﻐﻮﻁ ﺍﻟﻮﺍﻗﻊ..
ﺭﻏﻢ متتطلبات ﺍﻟﺤﻴﺎﺓ ﻭ ﻋﻨﺎﺩﻫﺎ..
ﺭﻏﻢ عنف ﺍﻷﻳﺎﻡ ﻭﺳﻄﻮﺗﻬﺎ..
ﺻﺒﺎﺡ ﺍﻟﺨﻴﺮ ﺭﻏﻢ ﻛُﻞ ﺷﺊ💙 ..

ونمشي في كل الدروب الواسعة ديك..💜